মন্ত্রীমন্দল
মন্ত্রীমন্দলনা দোমেস্তিক LPGদা মাংখিবা শেনফমগীদমক পব্লিক সেক্তর ওইল মার্কেতিং কম্পেনীশিংদা লুপা করোর ৩০,০০০গী কম্পেন্সেসন পীনবা অয়াবা পীখ্রে
Posted On:
08 AUG 2025 4:02PM by PIB Imphal
প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা দোমেস্তিক LPG য়োনবদা মাংখিবা শেনফমগীদমক পব্লিক সেক্তর ওইল মার্কেতিং কম্পেনী অহুম (IOCL, BPCL & HPCL)দা লুপা করোর ৩০,০০০গী কম্পেন্সেসন পীনবা অয়াবা পীখ্রে। OMCশিংগী মনুংদা কম্পেন্সেসন য়েন্থোকপা অসি পেত্রোলিয়ম অমসুং নেচরেল গ্যাস মন্ত্রালয়না পাংথোক্কনি। কম্পেন্সেসন অদু শরুক তরানিথোই থোক্না পীগনি।
দোমেস্তিক LPG সিলিন্দরশিং অসি পব্লিক সেক্তরগী ওইল মার্কেতিং কম্পেনীশিং মীং ওইনা পল্লবদা IOCL, BPCL, HPCLনা রিগুলেৎ তৌরবা মমলদা কঞ্জ্যুমরশিংদা সপ্লাই তৌই।
LPGগী ইন্তর্নেস্নেল প্রাইস অসি ২০২৪-২৫দা অৱাংবা থাক্তা লৈখি অমসুং হৌজিকসু অৱাংবা থাক্তা লৈরি। অদুম ওইনমক, কঞ্জ্যুমরশিংবু ইন্তর্নেস্নেল LPGগী মমলদা লাক্লিবা অহোংবা অসি মায়োক্নহন্দনবা, এনগৎলক্লিবা মমল অসি দোমেস্তিক LPGগী কঞ্জ্যুমরশিংদা য়ৌহনখিদে, মসিনা মরম ওইরগা OMC অহুম অসিগী ওইনা য়াম্না চাউনা অমাংবা থোকহনখি। মাংখিবা কয়া লৈরবসু পব্লিক সেক্তর ওইল মার্কেতিং কম্পেনীশিংনা লৈবাক অসিদা দোমেস্তিক LPG সপ্লাই লেপ্তনা ফংহনখি।
কম্পেন্সেসন অসিনা OMCশিংদা মখোয়গী মরুওইবা মথৌ তাবশিং খুদম ওইনা ক্রুদ অমসুং LPG প্রোক্যোরমেন্তশিং, শেন্দোল শিংদোকপা অমসুং মখোয়গী কেপিতেল এক্সপেন্দিচর লেপহনদবা, মসিনা মরম ওইরগা লৈবাক শিনবা থুংনা য়ুমথোংশিংদা LPG সিলিন্দর লেপ্তনা ফংহনগনি।
মসিগী খোঙথাং অসিনা PSU OMCশিং অসিগী শেল-থুমগী ফিভম ফনা লৈহন্দুনা মালেমগী ইনর্জীগী মার্কেতশিংদা থোকপা অহোংবশিংদগী কঞ্জ্যুমরশিংবু ঙাকথোক্নবা লৌরিবা সরকারগী অচেৎপা ফিরেপ অদু উৎলি। মসিনা পি.এম. উজ্জ্বলা য়োজনাগুম্বা মরুওইবা স্কীমশিংগী মখাদা লৈরিবশিং য়াওনা দোমেস্তিক LPGগী কঞ্জুমর পুম্নমক্তা ক্লীন কুকিং ফ্যুএল পাক শন্না ফংহন্নবগী পান্দম অদু অমুক হন্না ফোংদোক্লি।
***
(Release ID: 2188298)
Visitor Counter : 7
Read this release in:
English
,
Urdu
,
हिन्दी
,
Nepali
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam