প্রধান মন্ত্রী শ্রী নরেন্দ্র মোদীনা ঙরাং নই দিল্লীগী লোক কল্যান মার্গ 7তা ICC ৱুমেন্স ৱার্ল্দ কপ 2025 চেম্পিয়নশিংগা ৱারী শাখ্রে। ভারতকী তীম্না নবেম্বর 2, 2025 নোংমাইজিং নুমিত্তা ফাইনেলদা সাউথ আফ্রিকাগী মায়োক্তা মায় পাকখি। প্রধান মন্ত্রীনা হায়খি মদুদি ঙসি অসি য়াম্না মরু ওইবা নুমিৎ অমনি, মরমদি দেব দীপাৱলী অমসুং গুরুপুরব অনিমক পাংথোক্লি। মহাক্না তিল্লিবা মীপুম খুদিংমক্তা য়াইফ-পাউজেল পীখি।

প্রধান মন্ত্রীবু থাগৎপা ফোংদোক্লদুনা, তীম অসিগী কোচ, শ্রী অমোল মজুমদারনা হায়খি মদুদি মহাক্কা উন্নবা অসি ইকায় খুম্নবা অমসুং খুদোংচাবা অমনি। মহাক্না লৈবাক অসিগী মচানুপীশিংনা লুচিংবা কেম্পেন অমা ওইনা শান্নরোইশিংগী কন্না হোৎনরিবা অদু পনখি। মহাক্না হৌখিবা চহি অনি অসিদা মখোয়না উৎখিবা অখন্নবা থৌনা অদু থাগৎখি। মহাক্না হায়খি মদুদি নুপীমচাশিং অসি প্রেক্তিস সেসন খুদিংমক য়াম্না কন্না অমসুং থৌনা লৈনা শান্নখি অমসুং মখোয়গী কন্না হোৎনবা অদুগী মহৈ ফংখি।

কেপ্তেন হরমনপ্রীত কৌরনা 2017তা ত্রোফী অমত্তা ফংদনা প্রধান মন্ত্রীগা উনখিবা অদু নীংশিংখি। মহাক্না চহি কয়াগী মমাংদগী হোৎনদুনা লাকপদগী ফংখিবা ত্রোফি অদু হৌজিক প্রজেন্ত তৌবদা চাউথোকচবা ফোংদোকখি। মহাক্না হায়খি মদুদি প্রধান মন্ত্রীনা মখোয়গী নুংঙাইবা অদু শরুক অনি হেনগৎহনখ্রে অমসুং মসি চাউথোকচনিংঙাই ওইবা ৱাফম অমনি। মহাক্না মখা তাখি মদুদি মখোয়গী পান্দমদি তুংলমচৎতা মহাক্কা উনবা অমসুং মহাক্কা লোয়ননা তীম ফোতোগ্রাফী লেপ্তনা লৌবনি।

শ্রী মোদীনা মখোয়গী এচিবমেন্ত অদু শকখঙলদুনা হায় মখোয়না তশেংনা অচৌবা থবক অমা পাংথোকখ্রে হায়না মহাক্না ফোংদোকখি। মহাক্না হায়খি মদুদি ভারত্তা ক্রিকেৎ অসি স্পোর্তস খক্তা নত্তে, মসি মীওইবগী পুন্সিগী শরুক অমা ওইরে। মহাক্না হায়খি মদুদি ক্রিকেৎ নীংথিনা শান্নবা মতমদা লৈবাক অসিনা নুংঙাইবা ফাওই অমসুং খজিক্তং শোয়বা ওইরবসু মদুনা লৈবাক পুম্বদা নুংঙাইতবা ফাওহল্লি। মহাক্না তীম অসিনা মথং-মথং মেৎচ অহুম মায়থীবা নংলবা মতুংদা মতৌ করম্না ত্রোলিং থেংনবগে হায়বদু ফোংদোকখি।

হরমনপ্রীত কৌরনা অমুক হন্না হায়খি মদুদি 2017দা মখোয়না ফাইনেলদা মায়থীবা নংলবা মতুংদা প্রধান মন্ত্রীগা উনখি, অদুবু মহাক্না মখোয়বু মথংগী খুদোংচাবা লাকপদা মখোয়গী খ্বাইদগী বেস্ত অদু তৌনবা পুক্নিং থৌগৎখি। মহাক্না অরোইবদা ত্রোফি অসি ফংবদা অমসুং মহাক্কা অমুক হন্না ৱারী শানবগী খুদোংচাবা ফংবদা নুংঙাইবা ফোংদোকখি।

প্রধান মন্ত্রীনা স্মৃতি মন্ধনানা মহাক্কী ৱাখল্লোনশিং শেয়র তৌনবা কৌখি। 2017তা তীম অসিনা ত্রোফি অমত্তা য়ুমদা পুরকপা ঙমখিদে অদুবু মহাক্না প্রধান মন্ত্রীদা এক্সপেক্তেসনশিং অসি দীল তৌনবগী মতাংদা ৱাহং অমা হংখিবা অদু নীংশিংখি। মহাক্না হায়খি মদুদি মহাক্কী পাউখুম অদু মহাক্কা লোয়ননা লৈখি অমসুং মথংগী চহি তরুক্তগী তরেৎ ফাওবদা, ৱার্ল্দ কপতা কয়ারক মায়থীবা নংখ্রবসু, তীম অদুদা য়াম্না মতেং পাংখি। মহাক্না হায়খি মদুদি ভারতনা অহানবা ৱুমেন্স ৱার্ল্দ কপকী য়ুম্ফম ওইগদৌরিবা অসি মাংজৌননা লেপখিবগুম তৌরি। মহাক্না মখা তাখি মদুদি প্রধান মন্ত্রী অসি মতম পুম্নমক্তা পুক্নিং থৌগৎপা অমা ওইদুনা লাক্লি, মরুওইনা নুপীশিংনা হীরম খুদিংমক্তা উবা ফংলিবা অসিনা – ISROগী লোঞ্চতগী হৌরগা অতোপ্পা নেস্নেল এচিবমেন্তশিং ফাওবা - মখোয়না হেন্না ফবা থবক তৌনবা অমসুং অতোপ্পা নুপীমচাশিংবু পুক্নিং থৌগৎনবা মখোয়দা পুক্নিং থৌগৎলি অমসুং শক্তি পীরি। শ্রী মোদীনা হায়খি মদুদি লৈবাক পুম্নমক্না য়েংলি অমসুং চাউথোকচবা ফাওই, অমসুং মহাক্না তশেংনা মখোয়গী এক্সপরিয়েন্সশিং খঙবা পাম্মি। কেম্পেন অসিগী খ্বাইদগী ফবা শরুক অমা ওইরিবা অসি, শান্নরোই খুদিংমক য়ুমদা হল্লকপা অমসুং মখোয়গী ৱারী শেয়র তৌহনখিবা অসিনি হায়না শ্রীমতী মন্দনা হায়খি। প্রধান মন্ত্রীনা মমাংদা পীরম্বা প্রধান মন্ত্রীগী পাউতাকশিং অদু মহাক্কী ৱাখলদা মতম পুম্নমক্তা লৈখি হায়না মহাক্না অমুক হন্না ফোংদোকখি, অমসুং মহাক্কী তপ্পা অমসুং পুক্নিং চিংশিন্নিংঙাই ওইবা মওং-মতৌ অদুনা ইথিলগী হৌরকফম অমা ওইখি।

জেমীমা রোদ্রিগসনা তীম অসিগী খোঙচৎ অদুগী মতাংদা পনখি। মহাক্না হায়খি মদুদি মখোয়না মেৎচ অহুমদা মায়থীবা নংবা মতমদা, তীম অমগী মশক অসি মখোয়না কয়ারক হন্না মায়পাকপগে হায়বদুগী মতুং ইন্না মশক তাকপা নত্তে, অদুবু মখোয়না মতৌ করম্না মায়থিবা নংলবা মতুংদা খুমাং চাউশিনবগে হায়বা অদুনা তাকই। মহাক্না হায়খি মদুদি তীম অসিনা মদু খ্বাইদগী ফজনা পাংথোকখি, মসিনা মরম ওইদুনা চেম্পিয়ন তীম অমা ওইখি। মহাক্না মখা তানা তীম অসিগী মনুংদা লৈরিবা য়ুনিতী অসি হেন্না ময়েক শেংনা ফোংদোকখি অমসুং মসিবু মহাক্না উখিবা খ্বাইদগী ফজবা অমনি হায়খি। মহাক্না হায়খি মদুদি শান্নরোই অমা হেক্তনা ফজনা শান্নবা মতমদা, মখোয় মশামক্না রন স্কোর তৌখিবগুম নৎত্রগা ৱিকেৎ লৌখিবগুম্না মীপুম খুদিংমক্না কুমহৈ পাংথোকখি। চপ মান্ননা, কনাগুম্বা অমনা শীবা মতমদা, মহাক্কী তীমমেত অমনা মহাক্কী লেংজুমদা থাদুনা হায়রম্মি, "অদোম ৱাখল ৱাগনু, মথংগী মেৎতা অদোম্না মসি পাংথোকপা ঙমগনি।" তেংবাং পীনবগী অমসুং পুন্না চৎমিন্নবগী ৱাখল্লোন অসিনা তশেংনা তীম অসিবু মশক তাকই হায়না মহাক্না মখা তাখি।

স্নেহ রানানা জেমিমা রদ্রিগসনা হায়রিবা অদু শৌগৎলদুনা মহাক্না হায়খি মদুদি মায়পাকপা মতমদা মীপুম খুদিংমক্না অমত্তা ওইনা লেপমিন্নবা মথৌ তাই, অদুবু মায়থিবা নংবা মতমদা পুন্না লেপমিন্নবনা হেন্না মরু ওই। মহাক্না হায়খি মদুদি তীম অমা ওইনা অমসুং য়ুনিৎ অমা ওইনা, ওইনীংবা ওইজরবসু মখোয়না অমগা অমগা পুন্না চৎমিন্নগনি অমসুং মতম পুম্নমক্তা অমনা অমবু শৌগৎকনি হায়না মখোয়না ৱারেপ লৌখি। মসিনা মখোয়গী তীমগী খ্বাইদগী ফবা মগুন অমনি হায়না মহাক্না ফোংদোকখি।

হরমনপ্রীত কৌরনা মীপুম খুদিংমকপু হরাওনা লৈনবা মতম পুম্নমক্তা পুক্নিং থৌগৎখি হায়না ক্রান্তি গৌদনা মখা তাখি। মহাক্না হায়খি মদুদি করিগুম্বা কনাগুম্বা অমনা খরা খজিক্তং নরবস ওইরবদি, তীম অসিগী থৌওংদি নোংক্না-নোংক্না লৈদুনা অমনা অমগী মীনোক্তগী নুংঙাইবা পোক্নবা অমসুং কনফিদেন্তস লৈবদা মতেং পাংগনি। প্রধান মন্ত্রীনা তীম অদুদা মীপুম খুদিংমকপু নোকহন্দুনা লৈবা ঙম্বা মীওই অমা য়াওব্রা হায়না হংখি, মদুদা ক্রান্তিনা জেমিমাহ রোদ্রিগসনা থৌদাং অদু লৌখি হায়না পাউখুম পীখি। জেমিমাহনা হায়খি মদুদি হারলিন কৌর দেওলসু তীম অসিবু পুনশিনবদা মরু ওইবা থৌদাং অমা লৌখি।

হারলিন কৌর দেওলনা হায়খি মদুদি মহাক্না থাজৈ মদুদি তীম খুদিংমক্তা এতমোস্ফিয়র অদু নুংঙাইনা থম্লিবা মীওই অমা লৈগদবনি। মহাক্না হায়খি মদুদি করিগুম্বা মহাক্না কনাগুম্বা অমবু মথন্তা লৈবা উবা মতমদা নৎত্রগা মহাক্না ফ্রী তাইম খরা লৈ হায়না খল্লকপা মতমদা, মহাক্না অতৈগা খরা খজিক্তং ৱারী শাননবা হোৎনৈ। মহাক্না হায়খি মদুদি মহাক্কী অকোইবদা লৈবা মীওইশিংনা নুংঙাইবা উবদা মহাক্না নুংঙাইবা পোকই।

প্রধান মন্ত্রী শ্রী নরেন্দ্র মোদীনা তীম অসিনা লাক্লবা মতুংদা করিগুম্বা খরা তৌখ্রবরা হায়না হংখি। হরলিন কৌর দেওলনা অতোপ্পশিংনা মহাকপু কা হেন্না ৱা ঙাংবগীদমক খঙহল্লকখি অমসুং তুমিন্না লৈনবা হায়খি হায়না ফংগী ওইনা হায়খি। মতুংদা মহাক্না প্রধান মন্ত্রীদা মহাক্কী স্কিনকেয়র রুতিনগী মতাংদা হংখি অমসুং মহাক্না মশক থোক্না মঙাল থোকই হায়না হায়খি। প্রধান মন্ত্রীনা হীরম অদুদা য়াম্না পুকচেল শেংনা পাউখুম পীরদুনা হায়, হীরম অসিদা মহাক্না মীৎয়েং কয়া চংদে। শান্নরোই অমনা হায়খি মদুদি ভারত মচা করোর কয়াগী নুংশিবা অসিনা মহাকপু থোইদোক হেন্দোক্না নুংঙাইহল্লি। প্রধান মন্ত্রীনা হায়খি মদুদি খুন্নাইদগী অসিগুম্বা নুংশিবা অসি তশেংনা অচৌবা পাঙ্গল অমনি। মহাক্না হায়খি মদুদি মহাক্না সরকারগী মকোক থোংবা ওইনা য়াওনা সরকারদা চহি 25 মপুং ফারক্লে অমসুং অসিগুম্বা মতম শাংনা থবক তৌখ্রবা মতুংদা অসিগুম্বা মখলগী য়াইফ-পাউজেলশিং ফংজবা অসি তুং কোইগদবা ইথিল অমা পীরি।

কোচনা হংলকপা ৱাহং মখল কয়া অমসুং তীমদা লৈরিবা তোঙান তোঙানবা মীওইশিংগী মতাংদা ৱাফম থমখি। মহাক্না হায়খি মদুদি মহাক্না চহি অনিগী ওইনা মখোয়গী হেদ কোচ ওইরি। মহাক্না ইংলেন্দগী জুনগী থৌদোক অমা শন্দোক্না তাকখি, মফম অদুদা মখোয়না নিংথৌ চার্লসকা উনখি। প্রোতোকোলগী অথিংবাশিংগী মতুং ইন্না, মীওই 20 খক্তমক য়াওবা য়াখি, মরম অদুনা সপোর্ত পর্সনেলনা শরুক য়াবা ফংখিদে। শান্নরোই পুম্নমক অমসুং হৈ-শিংলবা কোচ অহুমসু শরুক য়াখি। প্রোতোকোলনা মীওই 20 খক্তমক চঙবা য়াহল্লিবা অসিদা মহাক্না সপোর্ত স্তাফকীদমক য়াম্না নুংঙাইতবা ফোংদোকখি। মদুগী পাউখুম ওইনা, সপোর্ত স্তাফ অদুনা মখোয়না ফোতো অদু মথৌ তাদে হায়খি। মখোয়না নবেম্বর 4 নৎত্রগা 5দা প্রধান মন্ত্রী মোদীগা লোয়ননা ফোতো অমা পামখি। ঙসিদি, অপাম্বা অদু মপুং ফানা ফংলে।

হরমনপ্রীত কৌরনা হায়খি মদুদি করিগুম্বা মতমদা মখোয়দা মায়োক্নরিবা খুদোংচাদবশিং অসি মখোয় খক্তদা থোক্লকপগুম্না ফাওই, অদুবু মখোয়বু ৱাখল অমসুং হকচাংদগী হেন্না মপাঙ্গল কনখৎহন্নবা খুদোংচাদবশিং অদু থেংনখিবনি হায়না ফাওখি। প্রধান মন্ত্রী শ্রী নরেন্দ্র মোদীনা হরমনপ্রীতপু মসি শেয়র তৌবদা মহাক্কী ৱাখলদা করি ফাওখি হায়না হংখি। মসি য়াম্না পুক্নিং থৌগৎনিংঙাইনি হায়না মহাক্না ফোংদোকখি। শান্নরোই অদুনা হায়খি মদুদি মতম অমদদি মখোয়না ত্রোফি অদু থাংগৎলগনি হায়বগী থাজবা লৈ অমসুং অখন্নবা ৱাখল্লোন অদুদি তীম অদুদা অহানবা নুমিৎ অদুদগী লৈরকখি। প্রধান মন্ত্রীনা মখোয়না মায়োক্নরিবা শীংনবশিং অদু খঙখি অমসুং অৱাবা কয়া মায়োক্নরবসু অতোপ্পশিংদা থাজবা পীনবগী মখোয়গী থৌনা অমসুং হৈ-শিংববু থাগৎপা ফোংদোকখি। হারমনপ্রীতনা তীমগী মেম্বর পুম্নমকপু থাগৎপা ফোংদোকখি। মহাক্না মখোয়গী মশাদা থাজবা অমসুং তোর্নামেন্ত খুদিংমক্তা লেপ্পা লৈতনা ফগৎলকপা অদু পনখি। মহাক্না হায়খি মদুদি হৌখিবা চহি অনি অসিদা, মখোয়না ৱাখলগী মপাঙ্গল কনখৎনবা কন্না হোৎনখি, মমাংদা থোকখিবা অদু হোংদোকপা য়ারোই হায়না য়াখি। প্রধান মন্ত্রীনা হায়খি মদুদি খোঙচৎ অসিনা মখোয়বু হৌজিক্কী মতমদা হিংবা তম্বিখি। মহাক্না য়াখি অমসুং মসিনা মরম ওইদুনা মহাক্না মহাক্কী তীমগী মেম্বরশিংবু পুক্নিং থৌগৎনবা মহাক্না করি অহেনবা থবকশিং তৌবগে হায়না হংখিবগী মরম অদুনি হায়না মহাক্না হায়খি। প্রধান মন্ত্রী অমসুং মখোয়গী কোচশিংগী লমজিং-লমতাক্না মখোয়বু অচুম্বা লম্বীদা পুখৎলে হায়না মহাক্না মখা তানা ফোংদোকখি।

প্রধান মন্ত্রীনা দিপ্তী শর্মাবু মহাক্কী দিপুতি সুপরিন্তেন্দেন্ত ওফ পুলিস (DSP)গী থৌদাং অদুগী মতাংদা হংখি অমসুং মহাক্না পুম্নমকপু কন্ত্রোল তৌরম্বা ওইগনি হায়না ফাগী তৌখি। মহাক্না হায়খি মদুদি মখোয়না মহাক্কা উননবা ঙাইদুনা লৈরম্মি অমসুং মখোয়না মীকুপ অদু এনজোই তৌখি। মহাক্না 2017দা প্রধান মন্ত্রীনা মহাক্কী মফমদা হায়খিবা অদু নিংশিংখি মদুদি অশেংবা শান্নরোইদি অশোইবদগী খোংজেল য়াংনা চংশিনবা অমসুং মাংজিল থানা চংশিনবা ঙম্বা মীওইনি। মহাক্না হায়খি মদুদি শ্রী মোদীগী ৱাহৈশিংনা মহাকপু মতম পুম্নমক্তা পুক্নিং থৌগৎলি অমসুং মহাক্না মহাক্কী স্পীচশিং চাং নাইনা তাখি। মহাক্না মখা তাখি মদুদি, মহাক্কী পুক্নিং ফাথনা অমসুং তপ্না সিচুএসনশিং হেন্দল তৌবা, খোন কনখৎপা তৌদবা অসিনা মহাক্কী গেমদা মহাকপু পর্সনেল ওইনা মতেং পাংখি।

শ্রী মোদীনা দিপ্তীদা মহাক্কী হনুমান জী তেতুগী মরমদা অমসুং মসিনা মহাকপু করম্না মতেং পাংবগে হায়বগী মতাংদা হংখি। মহাক্না হংখি মদুদি মহাক্না মশামক্তগী হেন্না হনুমানজীদা থাজবা থম্মি, অমসুং মহাক্না খুদোংচাদবশিং থেংনরকপা মতমদা, মহাক্কী মিংদা খুরুমজবনা মখোয়বু মায়োক্ননবা শক্তি পী। প্রধান মন্ত্রীনা হায়খি মদুদি মহাক্না মহাক্কী ইন্সতাগ্রাম একাউন্ততা "জয় শ্রী রাম" হায়নসু ইখি। থাজবনা পুন্সিদা মরুওইবা থৌদাং অমা লৌই, মসিনা হেন্না ৱাংবা শক্তি অমদা ইশানা ইশাবু সরেন্দর তৌবা ঙমহল্লি হায়না মহাক্না ফোংদোকখি। মতুংদা মহাক্না শান্নবুংদা মহাক্কী থৌনা লৈবগী মওং অমসুং মহাক্কী দোমিনেন্সকী ৱাখল্লোন অদু অচুম্বরা হায়না হংখি। মহাক্না হায়খি মদুদি মসি তশেংনা অদুগুম্বা নত্তে, অদুবু মহাক্না য়াখি মদুদি মহাক্কী থ্রোংশিংগা মরী লৈনবা অকিবা খরা লৈরম্মি, অমসুং মহাক্কী তীমমেতশিংনা পাখৎকনি হায়না ফাগী তৌখি। প্রধা মন্ত্রীনা মহাক্কী তেতুগী মরমদা পর্নেল ওইনা হংলকপা অমসুং মহাক্কী ইনস্তাগ্রাম তেগলাইন খঙপদা মহাক্না থাগৎপা ফোংদোকখি।

প্রধান মন্ত্রীনা হরমনপ্রীত কৌরবু মহাক্না মায় পাক্লবা মতুংদা মহাক্কী পোকেৎতা থমখিবা বোল অদুগী মরমদা হংখি। মসি থৌরাং তৌরবা জেস্তর অমা নৎত্রগা কনাগুম্বা অমনা লমজিংবরা হায়না মহাক্না হংখি। হরমানপ্রীতনা হায়খি মদুদি মসি ঈশ্বরনা থৌরাং তৌবনি, মরমদি মহাক্না অরোইবা বোল অমসুং কেচ অদু মহাক্কী মফমদা লাক্কনি হায়না খল্লমদে, অদুবু মদু পাংথোকপা মতমদা, চহি কয়াগী কন্না হোৎনখিবা অমসুং ঙাইদুনা লৈখিবা অদুগী মপুং ফারকপগুম তৌখি, অমসুং মহাক্না মদু থম্নবা ৱারেপ লৌখি। মহাক্না বোল অদু হৌজিক ফাওবা মহাক্কী বেগতা য়াওরি হায়না মখা তাখি।

প্রধান মন্ত্রীনা শাফালি ভর্মাগী মফমদা রেস্তলরশিং পুথোকপদা মমিং চৎপা মফম রোহতাকতগী লাকপনি হায়না পল্লদুনা মহাক্না মহাক করম্না ক্রিকেৎতা য়াওরকখিবগে হায়না হংখি। শফালিনা হায়খি মদুদি রোহতাক্তা রেস্তলিং অমসুং কাবাদি অসি য়াম্না মরু ওই, অদুবু মহাক্কী মপাবুংনা মহাক্কী ক্রিকেৎ খোঙচৎতা মরু ওইবা থৌদাং লৌখি। প্রধান মন্ত্রীনা মহাকপু ত্রেদিস্নেল অখাদা স্পোর্তশিং শান্নরম্বা য়াওব্রা হায়না হংখি অমসুং মহাক্না মদু তৌখিদে হায়না কনফর্ম তৌখি। মহাক্না হায়খি মদুদি মহাক্কী মপাবুংনা ক্রিকেতর অমা ওইনবা হোৎনরম্মি অদুবু মহাক্কী মঙলান অদু মপুং ফাহনবা ঙমখিদে, মরম অদুনা মহাক্না মহাক্কী অপাম্বা অদু মহাক্কী মচাশিংদা পীখি। মহাক অমসুং মহাক্কী মবুং অনীমক্কা মেৎচশিং য়েংমিন্নখি, মসিনা মহাকপু ক্রিকেৎকী লমদা য়াম্না পুক্নিং চিংশিনখি অমসুং মহাকপু ক্রিকেৎকী শান্নরোই অমা ওইহনখি।

প্রধান মন্ত্রী শ্রী নরেন্দ্র মোদীনা কেচ অমা তৌদ্রিঙৈগী মমাংদা মহাক্না নোকখিবা অদু নীংশিংখি অমসুং মরম অদুগী মতাংদা হংখি। মহাক্না বোল অদু মহাক্কী মফমদা লাক্নবা ৱাখলনা কৌবনি অমসুং মদু পাংথোকপা মতমদা, মহাক্না নোক্তবা ঙমখিদে হায়না মহাক্না হায়খি। প্রধান মন্ত্রীনা হায়খি মদুদি বোল অসি অতোপ্পা মফম চৎলোই হায়না মহাক্না থাজবা য়াম্না লৈবগুম তৌখি। মহাক্না হায়খি মদুদি করিগুম্বা মদু অতোপ্পা মফম অমদা চৎলম্বা তারবদি, মহাক্না মদুগীদমক্তা তান্নরমগনি।

মতম অদুদা মহাক্কী ইমোসনশিং অদু শন্দোক্না তাক্নবা হায়রকপা মতমদা, জেমিমাহ রোদ্রিগসনা হায়খি মদুদি সেমি-ফাইনেলগী মতমদা ওইখি, অমসুং তীম অসি ওস্ত্রেলিয়ানা তোইনা মায়থীবা পীখি। মহাক্কী মীৎয়েং অসি মেৎচ অদুদা মায় পাকপা অমসুং অরোইবা ফাওবা শান্নবা অদুখক্তনি। মহাক্না মরুওইনা ফোংদোকখি মদুদি তীম অসিনা শান্নবুংদা অহোংবা পুরক্নবগীদমক মখোয়না মতম শাংনা পার্তনরশিপ অমা মথৌ তাই হায়না লেপ্পা লৈতনা হায়দুনা লাক্লি, অমসুং মসিগী থাজবা অসিনা অপুনবা তীমগী হোৎনবা অমা ঙমহনখি। মহাক্না সেঞ্চুরি অমা স্কোর তৌরবসু, মহাক্না হরমনপ্রীত কৌর, দীপ্তি, রিচা, অমসুং অমঞ্জোৎনা কন্ত্রিব্যুত তৌবদগী মখোয়গী ইম্পেক্তিব ওইবা ইনিংশিং অদুনা মায় পাকপা ঙমহনখি হায়খি। মহাক্না হায়খি মদুদি মীপুম খুদিংমক্না তীম অসিনা মসি তৌবা ঙমগনি হায়না থাজখি অমসুং মখোয়না তৌখি।

জেমিমাহনা মখা তাখি মদুদি প্রধান মন্ত্রীনা ৱার্ল্দ কপ মায় পাকপগী মখোয়গী এক্সপরিয়েন্স, মেৎচ অহুমদা মায়থীবা পীরবা মতুংদা মখোয়না করম্না অমুক হন্না ফগৎলকখিবগে হায়বদু খঙবা পাম্মি।

ক্রান্তি গৌদনা হায়খি মদুদি ৱার্ল্দ কপ অসি মায় পাকপা অসি মহাক মশামক্কী ওইনা অমসুং মহাক্কী খুঙ্গংগী মীয়ামগীদমক চাউথোকচনীংঙাই ওই। মহাক্না হায়খি মদুদি মহাক্না বোল্লিং তৌরকপা মতমদা, হরমনপ্রীত কৌরনা মহাকপু অহানবা ৱিকেৎ লৌগদৌরিবা মহাকনি হায়না হায়নৈ, মসিনা মহাকপু দেলিভর তৌনবা পুক্নিং থৌগৎলি। ক্রান্তিনা মহাক্কী অহল ওইরবা মপাগী ক্রিকেৎপু নুংশিবা অমসুং প্রধান মন্ত্রীবু ইকায় খুম্নবা অদুগী মতাংদসু ঙাংখি। মখোয়গী মপাগী থবক মাংখিবনা মরম ওইরগা মহাক্কী মনাওনুপা একাদেমী অমদা য়াওবা ঙমখিদে, অদুবু মহাক্না শান্নবা লেপখিদে। মহাকপু পুক্নিং থৌগৎলদুনা, মহাক্না তেনিস বোলশিং শীজিন্নদুনা নুপামচাশিংগা শান্নবা হৌখি। মহাক্কী ক্রিকেৎকী খোঙচৎ অসি লোকেল লেদার বোল তর্নামেন্ত - MLA ত্রোফিদা হৌখি। মফম অদুদা মহাকপু অনাবা তীমমেতকী মহুৎ শিন্দুনা শান্ননবা হায়খি। মহাক্কী মশম শাংজরবসু, মহাকপু তীম অসিদা য়াওনবা কৌখি, অমসুং মহাক্কী অহানবা মেৎচতা, মহাক্না ৱিকেৎ অনি লৌখি অমসুং রন 25 লৌখি, অমসুং প্লেয়র ওফ দি মেৎচ এৱার্দ ফংখি। মসিনা মহাক্কী ক্রিকেৎ কেরিয়রগী হৌরকফম ওইখি।

প্রধান মন্ত্রী মোদীনা ফোংদোকখি মদুদি শেফালি ভর্মানা হৌখিবা গেম অনিদা শান্নবগী খুদোংচাবা ফংখি। শফালিনা হায়খি মদুদি মহাক মাংজৌননা দোমেস্তিক ক্রিকেৎ শান্নরম্মি। মহাক্না প্রতীকাদা থোকখিবা অদু নুংঙাইতবা অমনি অমসুং মসি শান্নরোই অমত্তনা অতোপ্পা শান্নরোই অমদা থোকপা পাম্বা নত্তে হায়না য়াখি। অদুম ওইনমক, মহাকপু কৌরকপা মতমদা, মহাক্না থাজবা উৎখি, অমসুং তীম পুম্নমক্না মঙোন্দা থাজবা থমখি। মহাক্না তীম অদুবু মায় পাকহনবদা মতেং পাংনবা লেপ্পা লৈতনা হোৎনখি।

প্রতিকা রাৱালনা হায়খি মদুদি মহাক্কী অশোকপগী মতুংদা, তীমদা লৈরিবা মীওই কয়ানা প্রতিকাগীদমক ৱার্ল্দ কপ লৌনবা মখোয়গী অপাম্বা ফোংদোকখি। মহাক্না স্ক্বাদতা ওফিসিএল ওইনা য়াওখিদে অমসুং 16শুবা শান্নরোই ওইরম্লবসু, মহাকপু হ্বীলচিয়র অমদা স্তেজতা পুখৎখি অমসুং মপুং ফানা ইকায় খুম্নবা উৎখি। মহাক্না তীম অসি ইমুং অমা ওইনা শন্দোক্না তাকখি, মফম অসিদা শান্নরোই খুদিংমক চপ মান্ননা লোইনৈ, অমসুং অসিগুম্বা য়ুনিৎ অমনা পুন্না শান্নবা মতমদা, মখোয়বু মায়থীবা পীবা য়াম্না অরুবা ওইরকই। মহাক্না হায়খি মদুদি তীম অসিনা ফাইনেলদা মায় পাকপা অসি তশেংনা ইকায় খুম্নৈ। প্রধান মন্ত্রীনা য়াখি অমসুং মরুওইনা ফোংদোকখি মদুদি তীম স্পিরিত অসি ফিল্দতা নত্তনা মসিগী মপান্দাসু য়াম্না মরু ওই। মহাক্না হায়খি মদুদি পুন্না মতম কায়থোকপনা মরী অমা শেমগৎলি, অমসুং অমনা অমগী অশোনবশিং অমসুং মপাঙ্গল লৈবা মফমশিং খঙবনা অমনা অমবু ঙাক-শেনবদা অমসুং মতেং পাংনবদা মতেং পাংই।

শ্রী মোদীনা মখা তারদুনা হায়খি মদুদি অখন্নবা কেৎচ অমা য়াম্না মমিং চৎখ্রে। অমঞ্জোৎ কৌরনা হায়খি মদুদি মহাক্না মমাংদা ব্লাইন্দর কয়া অমা শিজিন্নখ্রবসু, অমত্তনা অসিগুম্বা মমিং অমা ফংখিদে, অমসুং ফমব্লিং তৌরবা মতুংদা ফাওবসু নুংঙাইবা ফাওই। প্রধান মন্ত্রীনা হায়খি মদুদি কেৎচ অসি তর্নিং পোইন্ত অমা ওইখি, অমসুং মসিগী মতুংদা, মহাক্না ত্রোফি অদু উবা হৌরমগনি। অমঞ্জোৎনা হায়খি মদুদি মহাক্না তশেংনা ত্রোফি অদু উখি, অমসুং নুংঙাইবা ফোংদোক্নবা মঙোন্দা মশিং য়াম্লবা মীয়াম্না চোংশিল্লকপা অদু য়াম্না নুংঙাইখি।

প্রধান মন্ত্রীনা সুর্য়কুমার য়াদবনা মমাংদা অসিগুম্বা কেৎচ অমা লৌখিবা অদু পনখি। মহাক্না শান্নরোই অমদগী কেৎচ অমা রি-ত্বিত তৌখিবা অদু নীংশিংখি।

হরলিন কৌর দেওলনা ইংলেন্দদগী মখোয়না মতম শাংনা অসিগুম্বা কেৎচশিং অসি প্রেক্তিস তৌদুনা লাকখিবা অদুগী মতাংদা নীংশিংলকখি। মহাক্না ফিল্দিং তৌরিঙৈদা কেৎচ অমা মাংখিবা অদু নিংশিংখি, মদুগী মতুংদা হরমনপ্রীত কৌরনা মহাকপু চৈখি, অফবা ফিল্দরশিংনা অসিগুম্বা কেৎচশিং অসি মাংহন্দনবা হায়খি। মহাক্কী মতুংদা লৈরম্বা জেমীমাহনা মহাকপু থাজবা পীখি অমসুং মহাক্না কেৎচ তৌবা ঙমগনি হায়খি। মতুংদা মহাক্না মথংগী ওভর অনিগী মনুংদা অফবা কেৎচ অমা লৌগনি হায়না ৱাশকখি, অমসুং মদুগী মতুংদা, বোল অদু লাকখি অমসুং মহাক্না মহাক্কী ৱাশক অদু মপুং ফাহনখি। শ্রী মোদীনা চেলেঞ্জ অসিনা মথৌ তৌখি হায়না ফাগী ওইনা ফোংদোকখি।

প্রধান মন্ত্রীনা হায়খি মদুদি রিচা গোশনা মহাক্না শান্নরিবা মফম খুদিংমক্তা মায় পাকপা উরি। মহাক্না থাজবা লৈতে হায়না পাউখুম পীখি, অদুবু রিচানা অনদর-19, সেনিয়র লেভেল, অমসুং WPLগী তোর্নামেন্তশিংদা ত্রোফি কয়া ফংখি অমসুং অশাংবা সিক্স কয়া য়ৈখি। মহাক্না মখা তারদুনা হায়খি মদুদি মহাক্কী বেতিং তৌরিঙৈদা, মরু ওইনা সিক্স য়ৈবা মতমদা, মহাক্না হারমনপ্রীত কৌর অমসুং স্মৃতি মন্দনাগুম্বা তীমমেতশিংগী থাজবা অদু ফাওখি। তীম পুম্নমক্না রনশিং মথৌ তাবা অদুবু বোলশিং য়াম্না লৈতবা অৱাংবা প্রেসরগী ফিভমশিংদা মহাক্কী তৌবা ঙম্বদা থাজবা থমখি। মসিগী থাজবা অসিনা মঙোন্দা কনফিদেন্স অদু পীরম্মি অমসুং মসি মহাক্না মেৎচ খুদিংগী মহাক্কী বোদী লেংগ্বেজতা উবা ফংখি।

অতোপ্পা শান্নরোই, রাধা য়াদবনা নীংশিংখি মদুদি মেৎচ অহুমদা মায়থীবা নংলবসু, খ্বাইদগী ফবা শরুকদি মায়থীবা অদুদা অমত্তা ওইনা লৈখিবা অসিনি। মীপুম খুদিংমক্না অমনা অমবু শৌগৎখি অমসুং জেন্যুন অমসুং অশেংবা সপ্পোর্তকা লোয়ননা ময়েক শেংনা পাউ ফাওনখি। মহাক্না থাজখি মদুদি অপুনবা স্পিরিৎ অসিনা মরম ওইদুনা মখোয়না ত্রোফি অসি ফংখিবনি। প্রধান মন্ত্রী শ্রী নরেন্দ্র মোদীনা হায়খি মদুদি মখোয়না কন্না হোৎনবনা মখোয়গী মায় পাকপা ফংহনখি। মহাক্না অসিগুম্বা পার্ফোমেন্স অমা পাংথোক্নবগীদমক্তা মহাক মশামকপু মতৌ করম্না শেম-শাখি হায়না হংখি। শান্নরোই অসিনা হায়খি মদুদি তীম অসিনা মতম শাংনা ক্বালিতী ক্রিকেৎ শান্নদুনা লাক্লি অমসুং ফিৎনেস, ফিল্দিং, নৎত্রগা স্কিলগী মতাংদা ওইরকপা ফিভম খুদিংমক্কীদমক শেম-শাদুনা লৈরি। মহাক্না মরুওইনা ফোংদোকখি মদুদি পুন্না লৈমিন্নবনা থবকশিংবু লাইথোকহল্লি, অদুগা ইথন্তা থবক তৌবা হায়বসিদি য়াম্না অরুবা ওইগনি। মহাক্না অহানবা মনা ফংখিবা অদু মহাক্কী মপাবুংবু মতেং পাংনবা শীজিন্নখি হায়না প্রধান মন্ত্রীনা হায়খি। মহাক্না মহাক্কী ইমুং-মনুংনা অৱাবা কয়া মায়োক্নখি, অদুবু মহাক্কী মপা অমসুং মমানা অৱাবা অদুনা মহাক্কী খোঙচৎতা অকায়বা পীখিদে হায়খি।

স্নেহ রানানা চহি কয়াগী কন্না হোৎনবগী মতাংদা ঙাংখি অমসুং মহাক্না মতৌ করম্না অখন্নবা বেত্তরশিং থেংননবা মখোয়গী বোল্লিং কোচ, অভিশকর সালভিগা লোয়ননা স্ত্এতেজিশিং চাং নাইনা খন্ন-নৈনরম্মি হায়বদু শন্দোক্না তাকখি। হায়রিবা থৌরাংশিং অসি কেপ্তেন, ভাইস কেপ্তেন, অমসুং হেদ কোচগা লোয়ননা কোওর্দিনেৎ তৌখি, অমসুং মদুগী মতুংদা ফিল্দদা অমুক হন্না তৌখি। মেৎচ খুদিংমক থৌরাং তৌখিবা মওংদা ওইখিদে, অদুম ওইনমক মখোয়না মথংগী খুদোংচাবা অদুদা হেন্না ফগৎনবা পুক্নিং থৌগৎখি।

উমা চেত্রীনা প্রধান মন্ত্রীগী মমাংদা ৱা ঙাংবদা থোইদোক হেন্দোক্না নুংঙাইতবা ফাওখি। মহাক্না মহাক্কী ৱাখলদা লাকপা করিগুম্বা অমা হেক্তা হায়নবা মহাকপু পুক্নিং থৌগৎখি। মহাক্না মখা তারদুনা মহাক্কী অহানবা মেৎচ অসি ৱার্ল্দ কপকী মতমদা ওইখি, অমসুং মহাক্কী দিব্যু  খুদিংমক্কী মতৌগুম্না, নোংসু তাখি। মহাক্না ৱিকেৎ খক্তমক ঙাকখি, অদুবু য়াম্না নুংঙাইখি মরমদি ৱার্ল্দ কপ অমদা ভারতকীদমক অহানবা ওইনা শান্নবা অসি য়াম্না চাউবা তাঞ্জা অমনি। মহাক্না লৈবাক অসিগীদমক শান্নবদা পুক্নিং থৌগৎখি অমসুং ভারতপু মায় পাকহনবদা মতেং পাংনবা মহাক্কী খ্বাইদগী ফজবা অদু পীনবা ৱারেপ লৌখি। তীম পুম্নমক্না মহাকপু থাজবা থম্বা অমসুং লমজিং-লমতাক পীদুনা অমসুং পুক্নিং থৌগৎতুনা লেপ্পা লৈতনা মতেং পাংবীবগীদমক মহাক্না থাগৎপা ফোংদোকখি। কোচ অসিনা হায়খি মদুদি মহাক ভারতকীদমক শান্নখিবা অৱাং নোংপোক্কী অহানবা নুপীমচানি। প্রধান মন্ত্রী শ্রী নরেন্দ্র মোদীনা মহাক্না অসামদগী লাকপনি হায়বা খঙখি।

রেনুকা সিংহ থাকুরগা ৱারী শানবদা, প্রধান মন্ত্রীনা মহাকপু মফম অদুদা লাকপদা ৱাহোং উখিব্রা হায়না হংখি। শান্নরোই অদুনা মহাক্না অতোপ্পা ৱাহোং অমা উরে হায়না পাউখুম পীখি অমসুং মহাক্না য়েকপা ঙম্বা পোৎশক অদু ৱাহোংনি, মদু মহাক্না য়েকখি অমসুং থমখি। মহাক্না হায়খি মদুদি মহাক্না অতোপ্পা করিগুম্বা অমত্তা য়েকপা ঙম্লোই অমসুং মথংদা উচেক অমা য়েক্নবা হোৎনবদা থোইদোক্না পুক্নিং থৌগৎখিদে। প্রধান মন্ত্রীনা মহাক্কী মমানা য়াম্না ইকায় খুম্নবা উৎখি। মহাক্না মহাক্কী মচানুপীবু সিঙ্গল পরেন্ত অমা ওইনা য়োকখি অমসুং অরুবা পুন্সি অমদা মাংজিল থাবদা মতেং পাংবদা মহাক্কী অচৌবা থৌদাং অদু শকখঙখি। মহাক্না শান্নরোই অদুদা মহাক্কী মমানা মহাক্কী য়াইফ পাউজেল পীবীনবা হায়খি।

প্রধান মন্ত্রীগা ৱারী শানবদা, অরুন্ধতী রেদ্দিনা মহাক্কী মমানা প্রধান মন্ত্রীদা মহাক্কী হিরো হায়না মিংথোনদুনা পাউজেল অমা থাগৎপা ফোংদোকখি। মহাক্না হায়খি মদুদি মহাক্কী মমানা মহাক্কী হেরোগা করম্বা মতমদা উনগদগে হায়না হংদুনা মরি নৎত্রগা মঙা ফাওবা ফোন তৌরকখি।

প্রধান মন্ত্রীনা শান্নরোইশিংদা মখোয়না শান্নফমদা মায় পাক্লবা মতুংদা লৈবাক অসিনা মখোয়দগী করি আশা তৌরিবগে হায়না হংখি। স্মৃতিনা হায়খি মদুদি ৱার্ল্দ কপ অমগীদমক মখোয়না শেম-শারিবা মতম খুদিংদা, মখোয়না থাজৈ মদুদি মসিদা মায় পাকপা অসিনা নুপীগী ক্রিকেৎতা নত্তনা ভারতকী নুপীগী শান্ন-খোৎনবদসু অচৌবা শাফু অমা পীগনি। মহাক্না হায়খি মদুদি মসিনা রিভোলুসন অমা হৌরগনি, অমসুং অহোংবা অদু পুরক্নবা তীমদা কেপাসিতী লৈ।

প্রধান মন্ত্রীনা হায়খি মদুদি মখোয়গী মাইপাকপগী মতুং ইন্না মখোয়দা অচৌবা পুক্নিং থৌগৎপগী শক্তি লৈ। মহাক্না হায়খি মদুদি য়ুমদা হল্লক্লবা মতুংদা, মখোয়না তমখিবা স্কুলশিং অদুদা চৎতুনা মহৈরোয়শিংগা ৱারী শানবদা নুমিৎ অমা কাইথোক্কদবনি। মহাক্না হায়খি অঙাংশিংনা ৱাহং কয়া হংগনি অমসুং মখোয়শিং অদু পুন্সি চুপ্পগী ওইনা নীংশিংগনি, অমসুং এক্সপরিয়েন্স অসিনা শান্নরোইশিংবুসু পুক্নিং থৌগৎকনি। শ্রী মোদীনা স্কুল অহুম খনগৎনবা অমসুং চহি খুদিংগী স্কুল অমা চৎনবা ৱাফম থমখি। মসিনা শান্নরোইশিং অমসুং মহৈরোইশিংবু পুক্নিং থৌগৎকনি হায়না মহাক্না মখা তাখি।

প্রধান মন্ত্রীনা ফিৎ ইন্দিয়া মুভমেন্ততা মরুওইনা ওবিসিতী থেংনবদা তেংবাং পীনবগী মরুওইবা অদু পনখি। থাও চাবা মতমদা চাদা 10গী চাংদা থাও শিজিন্নবা হন্থহন্নবা মহাক্না খঙহনখি। মহাক্না হায়খি মদুদি প্লেয়রশিংদগী অসিগুম্বা পাউজেলশিং অসি পীবনা অচৌবা ইথিল অমা পীগনি। মহাক্না মখোয়বু ফিৎ ইন্দিয়াগীদমক্তা, মরু ওইনা নুপীমচাশিংগীদমক্তা এদভোকেৎ তৌনবা অমসুং এক্তিব ওইনা শরুক য়ানবা পুক্নিং থৌগৎখি।

শ্রী মোদীনা মখোয়গা ৱারী শানবগী খুদোংচাবা ফংবদা নুংঙাইবা ফোংদোকখি। মহাক্না মমাংদা শান্নরোই খরগা উনখিবা অদুগা, মখোয় অয়াম্বনা মহাক্কা অহানবা ওইনা উনখি হায়না মহাক্না পনখি। মহাক্না মখোয়গা উননবা মতম পুম্নমক্তা ঙাইদুনা লৈরি অমসুং মখোয়দা হকচাং ফনা লৈনবা য়াইফ-পাউজেল পীখি।

স্মৃতী মন্ধনা হায়খি মদুদি মখোয়না মহাক্কী ৱাহৈশিং অদু তশেংনা নীংশিংগনি অমসুং খুদোংচাবা ফংলবা মতমদা পাউজেল অসি পীগনি। মহাক্না মখা তাখি মদুদি তীম পুম্নমক অসিগুম্বা পাউশিং অসিবু শৌগৎনবা মতম পুম্নমক্তা শেম-শারি অমসুং কৌবা মতমদা লাক্কনি।

প্রধান মন্ত্রীনা লোইশিনবদা হায়খি মদুদি পুন্না হোৎনমিন্নদুনা ঐখোয়না লৈবাক অসিবু মাংলোমদা পুখৎকদবনি। মহাক্না ময়াম পুম্নমক্তা য়াইফ-পাউজেল পীখি।

Every Indian feels immense pride in Team India’s World Cup victory. It was a delight interacting with the women’s cricket team. Do watch! https://t.co/PkkfKFBNbb

— Narendra Modi (@narendramodi) November 6, 2025

***