তথ্য আৰু সম্প্ৰচাৰ মন্ত্ৰালয়ে ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ (আইএফএফআই), গোৱা ২০২৫ত ৱেভেক্সৰ দ্বাৰা চালিত ৱেভছ বজাৰৰ একচেটিয়া ষ্টাৰ্টআপ শ্ব’কেছ জ’ন ৱেভএক্স বুথৰ বাবে বুথ বুকিং মুকলি কৰাৰ কথা ঘোষণা কৰিছে।

এই পদক্ষেপৰ লক্ষ্য হৈছে এভিজিচি-এক্সআৰ (এনিমেচন, ভিজুৱেল ইফেক্টছ, গেমিং, কমিক্স, আৰু এক্সটেণ্ডেড ৰিয়েলিটি) আৰু মনোৰঞ্জন খণ্ডৰ উদীয়মান ষ্টাৰ্টআপসমূহৰ বাবে বিশ্ব উদ্যোগৰ নেতা, বিনিয়োগকাৰী, আৰু প্ৰডাকচন ষ্টুডিঅ’ৰ সৈতে সংযোগ স্থাপনৰ বাবে এক মঞ্চ প্ৰদান কৰা।

২০২৫ চনৰ ২০ তাৰিখৰ পৰা ২৪ নৱেম্বৰলৈ নিৰ্ধাৰিত ৱেভছ বজাৰখন ফিল্ম বজাৰৰ কাষত স্থিত হ’ব, যিটো আইএফএফআইৰ প্ৰধান নেটৱৰ্কিং হাব যি সমগ্ৰ বিশ্বৰ চলচ্চিত্ৰ নিৰ্মাতা, প্ৰযোজক, আৰু সংবাদ মাধ্যমৰ পেছাদাৰীসকলৰ গতিশীল অংশগ্ৰহণৰ বাবে পৰিচিত।

প্ৰতিটো বুথ নামমাত্ৰ ৩০,০০০ টকা (শ্বেয়াৰিং ভিত্তিত) উপলব্ধ হ’ব। অংশগ্ৰহণকাৰী ষ্টাৰ্টআপসমূহে তলত দিয়া সুবিধাসমূহ লাভ কৰিব:

• ২খন প্ৰতিনিধি পাছ
• দুপৰীয়াৰ আহাৰ আৰু হাই টি
• সন্ধিয়াৰ নেটৱৰ্কিংৰ সুযোগ
• গ্ল'বেল ফিল্ম, মিডিয়া আৰু টেক পেছাদাৰীসকলৰ মাজত প্ৰত্যক্ষ দৃশ্যমানতা

আগ্ৰহী ষ্টাৰ্টআপে wavex.wavesbazaar.com-ত পঞ্জীয়ন কৰিব পাৰে। প্ৰশ্নসমূহ wavex-mib[at]gov[dot]in লৈ পঠিয়াব পাৰে। সীমিত ষ্টল উপলব্ধ, আৰু আবণ্টন প্ৰথমে অহা প্ৰথমে পোৱাৰ ভিত্তিত হ’ব।

আইএফএফআই, গোৱাৰ বিষয়ে

১৯৫২ চনত প্ৰতিষ্ঠা হোৱা ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ (আইএফএফআই) এছিয়াৰ অন্যতম উল্লেখযোগ্য চলচ্চিত্ৰ মহোৎসৱ, যিয়ে বিশ্ব চিনেমাৰ উৎকৃষ্টতাক উদযাপন কৰে আৰু চলচ্চিত্ৰ নিৰ্মাতা, শিল্পী, আৰু চিনেমা অনুৰাগীসকলৰ মিলনস্থলী হিচাপে কাম কৰে। বছৰি গোৱাত অনুষ্ঠিত হোৱা আইএফএফআইয়ে সমগ্ৰ বিশ্বব্যাপী চলচ্চিত্ৰ ভ্ৰাতৃত্ববোধৰ অংশগ্ৰহণ আকৰ্ষণ কৰে আৰু সৃষ্টিশীল সহযোগিতা আৰু সুযোগৰ বাবে অনুঘটক হিচাপে কাম কৰে। ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱৰ ৫৬ সংখ্যক সংস্কৰণ ২০২৫ চনৰ ২০ৰ পৰা ২৮ নৱেম্বৰলৈ গোৱাৰ পানাজীত অনুষ্ঠিত হ’ব।

ৱেভেক্সৰ বিষয়ে

ৱেভেএক্স হৈছে ভাৰত চৰকাৰৰ তথ্য আৰু সম্প্ৰচাৰ মন্ত্ৰালয়ৰ ৰাষ্ট্ৰীয় ষ্টাৰ্টআপ এক্সিলেটৰ আৰু ইনকিউবেচন পদক্ষেপ, যিয়ে এভিজিচি-এক্সআৰ আৰু মিডিয়া-টেক পৰিৱেশ তন্ত্ৰত উদ্ভাৱন আৰু উদ্যোগীকৰণক প্ৰতিপালন কৰাৰ বাবে উৎসৰ্গিত। অগ্ৰণী শৈক্ষিক, উদ্যোগ, আৰু ইনকিউবেচন নেটৱৰ্কৰ সৈতে সহযোগিতাৰ জৰিয়তে, ৱেভেক্সে সৃষ্টিকৰ্তা আৰু ষ্টাৰ্টআপসমূহক তেওঁলোকৰ উদ্যোগসমূহ বৃদ্ধি কৰিবলৈ সৱল কৰে, ভাৰতৰ ক্ৰমবৰ্ধমান সৃষ্টিশীল অৰ্থনীতিত অৰিহণা যোগায়।

******

Dharmendra Tewari/ Navin Sreejith/AA