وزارت اطلاعات و نشریات نے بھارت کے بین الاقوامی فلم فیسٹیول (آئی ایف ایف آئی) گوا 2025 میں ویوز ایکس کے ذریعے چلنے والے ویوز بازار میں خصوصی اسٹارٹ اپ شوکیس زون ویو ایکس بوتھ کے لیے بوتھ بکنگ کھولنے کا اعلان کیا ہے ۔

اس پہل کا مقصد اے وی جی سی-ایکس آر (اینیمیشن ، ویژول ایفیکٹس ، گیمنگ ، کامکس اور ایکسٹینڈڈ ریئلٹی) اور تفریحی شعبوں میں ابھرتے ہوئے اسٹارٹ اپس کو عالمی صنعت کے رہنماؤں ، سرمایہ کاروں اور پروڈکشن اسٹوڈیوز سے جڑنے کے لیے ایک پلیٹ فارم فراہم کرنا ہے ۔

ویوز بازار، جو 20-24 نومبر 2025 تک منعقد ہونے والا ہے، فلم بازار سے متصل واقع ہوگا۔ فلم بازارآئی ایف ایف آئی  کا بنیادی نیٹ ورکنگ مرکز ہے اور دنیا بھر کے فلم سازوں، پروڈیوسروں اور میڈیا کے پیشہ ور افراد کی فعال شرکت کے لیے جانا جاتا ہے۔

ہر بوتھ30,000  روپئےفی اسٹال(شیئرنگ کی بنیاد پر)  کی معمولی قیمت پر دستیاب ہوگا ۔اس میں حصہ لینے والے اسٹارٹ اپس کو درج ذیل فوائد حاصل ہوں گے:

• 2 ڈیلیگیٹ پاسز
• لنچ اور ہائی ٹی
• شام کے نیٹ ورکنگ کا موقع
• عالمی فلم، میڈیا اور ٹیک پروفیشنلز کے درمیان براہ راست  رسائی

دلچسپی رکھنے والے اسٹارٹ اپ wavex.wavesbazaar.com پر رجسٹر ہوسکتے ہیں۔ سوالات wavex-mib[at]gov[dot]in پر بھیجے جا سکتے ہیں۔ محدود اسٹالز دستیاب ہیں جو  پہلے آئیے  اورپہلے پائیے کی بنیاد پر  دستیاب ہوں گے۔

آئی ایف ایف آئی گوا کے بارے میں

1952 میں قائم کیا گیا انٹرنیشنل فلم فیسٹیول آف انڈیا (آئی ایف ایف آئی) ایشیا کے سب سے اہم فلمی میلوں میں سے ایک ہےجو عالمی سنیما میں عمدگی کا جشن مناتا ہے اور فلم سازوں، فنکاروں اور سنیما سے محبت کرنے والوں کے لیے ملاقات کی جگہ کے طور پر کام کرتا ہے۔ گوا میں ہر سال منعقد ہونے والاآئی ایف ایف آئی  عالمی فلمی برادری کی شرکت کو راغب کرتا ہے اور تخلیقی تعاون اور مواقع کے لیے ایک متحرک کرنے والے کے طور پر کام کرتا ہے۔ انٹرنیشنل فلم فیسٹیول آف انڈیا (آئی ایف ایف آئی) کا 56 واں ایڈیشن 20 سے 28 نومبر 2025 تک پنجی گوا میں منعقد ہوگا۔

ویوایکس کے بارے میں

ویو ایکس ایک قومی اسٹارٹ اپ ایکسلریٹر اور انکیوبیشن وزارت اطلاعات و نشریات، حکومت ہندکی پہل ہے جو اے وی جی سی-ایکس آر اور میڈیا-ٹیک ایکو سسٹم میں اختراعات اور انٹرپرینیورشپ کو فروغ دینے کے لیے وقف ہے۔ معروف تعلیمی، صنعتی اور انکیوبیشن نیٹ ورکس کے ساتھ تعاون کے ذریعے ویو ایکس تخلیق کاروں اور اسٹارٹ اپس کو اپنے وینچرز کو بڑھانے اور ہندوستان کی بڑھتی ہوئی تخلیقی معیشت میں حصہ ڈالنے کے لیے بااختیار بناتا ہے۔

*****

(ش ح ۔‎م ح۔ت ع(

U. NO.846