માહિતી અને પ્રસારણ મંત્રાલયે ગોવા 2025માં યોજાનારા ઇન્ટરનેશનલ ફિલ્મ ફેસ્ટિવલ ઓફ ઇન્ડિયા (IFFI) ખાતે વેવ્ઝ બજારમાં વેવ્ઝ દ્વારા સંચાલિત એક્સક્લુઝિવ સ્ટાર્ટઅપ શોકેસ ઝોન, વેવેક્સ બૂથ માટે બૂથ બુકિંગ શરૂ કરવાની જાહેરાત કરી છે.

આ પહેલનો ઉદ્દેશ્ય AVGC-XR (એનિમેશન, વિઝ્યુઅલ ઇફેક્ટ્સ, ગેમિંગ, કોમિક્સ અને એક્સટેન્ડેડ રિયાલિટી) અને મનોરંજન ક્ષેત્રોમાં ઉભરતા સ્ટાર્ટઅપ્સને વૈશ્વિક ઉદ્યોગના આગેવનો, રોકાણકારો અને પ્રોડક્શન સ્ટુડિયો સાથે જોડાવા માટે એક પ્લેટફોર્મ પૂરું પાડવાનો છે.

20 થી 24 નવેમ્બર 2025 દરમિયાન, WAVES બજાર, ફિલ્મ બજારની નજીક સ્થિત હશે, જે IFFIનું મુખ્ય નેટવર્કિંગ હબ છે અને વિશ્વભરના ફિલ્મ દિગ્દર્શકો, નિર્માતાઓ અને મીડિયા વ્યાવસાયિકોની ગતિશીલ ભાગીદારી માટે જાણીતું છે.

પ્રત્યેક બૂથ રૂપિયા 30,000 પ્રતિ સ્ટોલના (શેરિંગ ધોરણે) નજીવા ભાવે ઉપલબ્ધ રહેશે. ભાગ લેનારા સ્ટાર્ટઅપ્સને નીચેની સુવિધાઓ પ્રાપ્ત થશે:

• 2 ડેલિગેટ પાસ
• લંચ અને હાઇ ટી
• સાંજે નેટવર્કિંગની તક
• વૈશ્વિક ફિલ્મ, મીડિયા અને ટેક પ્રોફેશનલ્સમાં સીધી દૃશ્યતા

રસ ધરાવતા સ્ટાર્ટઅપ્સ અહીં- wavex.wavesbazaar.com પર નોંધણી કરાવી શકે છે. પ્રશ્ન wavex - mib [ at] gov [dot]in પર મોકલી શકાય છે. મર્યાદિત સ્ટોલ ઉપલબ્ધ છે અને ફાળવણી પહેલા આવો, પહેલા મેળવોના આધારે થશે.

IFFI, ગોવા વિશે

1952માં સ્થપાયેલ, ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI) એશિયાના સૌથી પ્રતિષ્ઠિત ફિલ્મ ફેસ્ટિવલોમાંનો એક છે, જે વિશ્વ સિનેમામાં શ્રેષ્ઠતાની ઉજવણી કરે છે અને ફિલ્મ નિર્માતાઓ, કલાકારો અને સિનેમા પ્રેમીઓ માટે એક મિલન સ્થળ તરીકે સેવા આપે છે. ગોવામાં દર વર્ષે યોજાતો IFFI વૈશ્વિક ફિલ્મ સમુદાયની ભાગીદારીને આકર્ષે છે અને સર્જનાત્મક સહયોગ અને તકો માટે ઉત્પ્રેરક તરીકે સેવા આપે છે. ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI)ની 56મી આવૃત્તિ 20 થી 28 નવેમ્બર, 2025 દરમિયાન ગોવાના પણજીમાં યોજાશે.

WaveX વિશે

WaveX એ ભારત સરકારના માહિતી અને પ્રસારણ મંત્રાલયની એક રાષ્ટ્રીય સ્ટાર્ટઅપ એક્સિલરેટર અને ઇન્ક્યુબેશન પહેલ છે, જે AVGC-XR અને મીડિયા-ટેક ઇકોસિસ્ટમમાં નવીનતા અને ઉદ્યોગસાહસિકતાને પ્રોત્સાહન આપવા માટે સમર્પિત છે. અગ્રણી શૈક્ષણિક, ઉદ્યોગ અને ઇન્ક્યુબેશન નેટવર્ક્સ સાથે સહયોગ દ્વારા, વેવએક્સ સર્જકો અને સ્ટાર્ટઅપ્સને તેમના સાહસોને સ્કેલ કરવા સક્ષમ બનાવે છે, જે ભારતના વધતા સર્જનાત્મક અર્થતંત્રમાં યોગદાન આપે છે.

IJ/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com