প্রধানমন্ত্রীগী লোইশঙ
প্রধান মন্ত্রীনা ত্রিনিদেদ এন্দ তোবেগোগী প্রাইম মিনিস্তরগা ওফিসিএল ওইনা ৱারী শানখ্রে
प्रविष्टि तिथि:
04 JUL 2025 11:51PM by PIB Imphal
প্রধান মন্ত্রী শ্রী নরেন্দ্র মোদীগা ঙসি পোর্ত ওফ স্পেন্দা লৈবা রেদ হাউসতা রিপব্লিক ওফ ত্রিনিদেদ এন্দ তোবেগো (T&T) গী প্রাইম মিনিস্তর ঐচ.ই. মিস্ত্রেস কমলা পর্সাদ-বিসেসরগা ঙসি উনখ্রে। মহাক্না প্রাইম মিনিস্তর কমলা পর্সাদ-বিসেসরগী মফমদা হন্দক্কী মীখলদা মায় পাক্লবা মতুংদা অনিশুবা ওইনা ওফিস পায়রকপদা হরাওবা ফোঙদোকখ্রে। মহাক্না প্রাইম মিনিস্তরবু তরাম তরাম্না ওকপিবগীদমক থাগৎপা ফোঙদোকখি।
লুচিংবা অনিনা লৌউ-শিংউ, হেল্থকেয়র অমদি ফার্মাসিউতিকেল, দিজিতেল ত্রান্সফোর্মেসন, UPI, কেপাসিতী বিল্দিং, কলচর, স্পোর্তস অমদি মীগা মীগগী মরক্তা লৈনরিবা য়াওনা তেংবাংনবগী লমশিংগী মরমদা খন্নখি। প্রাইম মিনিস্তর বিসেসরনা প্রধান মন্ত্রীগী মশক নাইরবা ত্রিনিদেদ এন্দ তোবেগোগী খোঙচৎনা লৈবাক অনিগী লৈনরিবা অচেৎপা মরীদা অনৌবা ময়োল চোংহল্লগনি হায়খি।
লুচিংবা অনিনা নাকল অনিগী ইন্তরেস্ততা লৈবা রিজনেল অমদি গ্লোবেলগী ৱাফমশিংগী মতাঙদা ৱাখল্লোন ফোঙদোক্নখি। মখোয়না ক্লাইমেত চেঞ্জ, দিজাস্তর মেনেজমেন্ত, অমদি সাইবর সিক্যুরিতীগুম্বা মতমসিগী ওইবা শিংনবশিংগী মতাঙদা তেংবাংনবা হেনগৎহন্নবা ৱাফম থম্নখি। প্রধান মন্ত্রীনা T&T না পহলগাম তেরর এতেক্ত মতুংদা ভারতকী মীয়ামদা পাংখিবা মতেংগীদমক থাগৎপা ফোঙদোকখি। লুচিংবা অনিনা তেরোরিজম মখল খুদিংমক থেংনমিন্ননবা ৱাফম য়ানখি। মখোয়না গ্লোবেল সাউথগী লৈবাকশিংগী মরক্তা তেংবাংনবা হেনগৎহন্নবা অমদি ইন্দিয়া-CARICOM পার্ত্নরসিপ চেৎশিলহন্নবা পুন্না থবক তৌমিন্ননবসু য়ানখি।
ৱারী শানরবা মতুংদা, ফার্মাকোপিয়া, ক্বিক ইম্পেক্ত প্রোজেক্ত, কলচর, স্পোর্তস, দিপ্লোমেতিক ত্রেনিং অমদি ICCR চেয়র ফোর হিন্দী এন্দ ইন্দিয়ন স্তদিজকী লমদা MOU তরুক খুৎয়েক পীনখি। T&T দা লৈবা ভারতকী মীওইশিংগী চারোল শুরোল তরুক্তা OCI কার্দ পীননবা ৱাফম য়াওনা নাকল অনিগী মরী চেৎশিলহন্নবা তোঙান তোঙানবা ৱাফমশিংসু লাউথোকখি।
প্রধান মন্ত্রীনা প্রাইম মিনিস্তর কমলা পর্সাদ-বিসেসরবু ভারত্তা লাক্নবা ৱাফম থমখি, অমদি মহাক্নসু য়াখি। প্রধান মন্ত্রীগী শিংথানিংঙাই ওইরবা ত্রিনিদেদ এন্দ তোবেগো খোঙচৎনা লৈবাক অনিগী মরক্তা লৈনরিবা মরীদা অখন্নবা ইনোৎ অমা হাপ্লে।
***
(रिलीज़ आईडी: 2183347)
आगंतुक पटल : 11
इस विज्ञप्ति को इन भाषाओं में पढ़ें:
Odia
,
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam