ওক্তোবর ২৬, ২০২৫ দা ২২ শুবা অসিয়ান-ইন্দিয়া সম্মিৎ পাংথোকখ্রে। মীফম অসি ভর্চুএল ওইনা প্রধান মন্ত্রী শ্রী নরেন্দ্র মোদী শরুক য়াখ্রে। প্রধান মন্ত্রী অমসুং অসিয়ান লুচিংবশিংনা অসিয়ান-ইন্দিয়াগী মরীশিং ফগৎলকপা পুন্না হন্না য়েংশিনখ্রে অমসুং কমপ্রেহেন্সিপ ষ্ট্রাতেজিক পার্তনরশিপ ফগৎহন্নবা থবকশিং খন্নখ্রে। ইন্দিয়া- অসিয়ান মীফমদা প্রধান মন্ত্রীনা শরুক য়াবা হন্দক্কী অসিনা ১২ শুবনি।

মহাক্কী ৱারোলদা, অসিয়ানগী ১১ শুবা মেম্বর ওইরকপদা প্রধান মন্ত্রীনা তিমোর ইষ্ট তরাম্না ওকখি, অসিয়ানগী মপুংফাবা মেম্বর অমা ওইনা লৈবাক অসিনা অহানবা ওইনা অসিয়ান-ইন্দিয়া মীফমদা দেলিগেসন তরাম্না ওকখি অমসুং লৈবাক অসিগী চাউখৎ-থৌরাংদা ভারতনা মখা তানা মতেং পাংগনি হায়বগী থাজবা ফোঙদোকখি।

অসিয়ানগী অপুনবা, অসিয়ান্না ময়াইদা লৈবা অমসুং ইন্দো-পেসিফিক্ত অসিয়ানগী মীৎয়েংদা ভারতনা শৌগৎপা অমুক হন্না ফোঙদোকখি অমসুং অসিয়ান কম্মুনিতি ভিজন ২০২৫ চৎনবদা প্রধান মন্ত্রীনা অসিয়ান থাগৎপা ফোঙদোকখি।

ঐখোয়গী মরীশিংনা ঐখোয়গী মীয়াম কান্নবশিং ফংনবা অমসুং লৈবাকশিং মতেং পাংনবা হেনগৎহন্নবা শেন-থুমগী খুদোংচাবশিং মপুংফানা লৌনবা অসিয়ান-ইন্দিয়ান এফ.তি.এ হন্না য়েংশিন্নবা প্রধান মন্ত্রীনা তকশিনখ্রে।

প্রধান মন্ত্রীনা হায়খি মালেমগী শান্তি অমসুং সেকুরিতিদা তেরোরিজমনা অচৌবা শিংনবা অমা ওইরে অমসুং তেরোরিজম থেংননবা পুন্না হোৎনবা দরকার ওইরে।

“ইনক্লুসিবিতি অমসুং ষ্টেনেবিলিতি” থিমদা মালেসিয়ানা চিয়ার্মেন ওইরিবা অসি শৌগৎলদুনা, প্রধান মন্ত্রীনা লাউথোকখ্রে:

* অসিয়ান-ইন্দিয়া কমপ্রেহন্সিপ ষ্ট্রাতেজিক পার্তনরশিপ (২০২৬-২০৩০) চৎন্নবা অসিয়ান-ইন্দিয়া এক্সন প্লান পায়খৎপদা শৌগৎলে।

* ঐখোয়না অসিয়ান-ইন্দিয়া এয়র ওফ তুরিজম পাংথোকপগা লোয়নন, তুরিজমগী মতেং পাংনবা হেনগৎহন্নবা ষ্টেনেবল তুরিজমগী মতাংদা অসিয়ান-ইন্দিয়া জোইন্ত লিদরস ষ্টেৎমেন্ত চৎনরে

* ব্লু ইকোনোমিদা মতেং পাংনবা হেনগৎহন্নবা চহি ২০২৬ অসি “অসিয়ান-ইন্দিয়া এয়র ওফ মেরিতাইম কোওপরেসন” হায়না লাউথোক্লে

* অফবা মেরিতাইমগী ফিবম অমা শেমগৎনবা অনিশুবা অসিয়ান-ইন্দিয়া দিফেন্স মিনিষ্টরস মীতিং অমসুং অনিশুবা অসিয়ান-ইন্দিয়া মেরিতাইম এক্সরসাইজ পাংথোক্নবা খন্নরে

* ভারত মখা তানা য়ুম্লোন্নবা লৈবাকশিং অৱাবা তারকপদা অহানবা মতেং পাংবা ওইগনি অমসুং অৱা-অনাগী শেম-শানবা অমসুং ঐচ.এ.দি.আরগী মতেং পাংনবা হেনগৎহনগনি

* অসিয়ান পৱার গ্রিদকী থবক মতেং পাংনবা রিন্যুএবল ইনর্জিদগী শীনফমদা লৈবা মীওই ৪০০ ত্রেনিং পীগনি

* তিমোর ইষ্টতা ক্বুইক ইম্পেক্ত প্রোজেক্তশিং পায়খৎলে

* নালান্দ য়ুনিভর্সিতিদা সাউথ এসিয়ান ষ্টদিজগী সেন্তর অমা লিংখৎলগনি

* লাইরিক-লাইশু, ইনর্জি, সাইন্স অমসুং তেক্নোলোজি, ফিনতেক অমসুং নাৎ ঙাক-শেনবগী লমদা হৌজিক মতেং পাংনবরিবা অসি শৌগৎলি অমসুং ইনফ্রাষ্ট্রকচর, সেমিকন্দক্তর, অনৌবা তেক্নোলোজিশিং,  রিয়ার আর্থ অমসুং ক্রিতিকেল মিনরেলশিংদা মতেং পাংনবা হেনগৎহনবা দরকার ওইরে

* গুজরাতকী লোলথালদা ইষ্ট এসিয়ান সম্মিৎ মেরিতাইম হেরিতেচ ফেষ্টিবেল অমসুং মেরিতাইম সেকুরিতি কোওপরেসনগী কনফরেন্স অমা পাংথোকপা

ভর্চুএল ওইনা ২২ শুবা অসিয়ান-ইন্দিয়া মীফম পাংথোকপগীদমক প্রধান মন্ত্রী মোদীনা প্রধান মন্ত্রী অনৱার ইব্রাহিম থাগৎপা ফোঙদোকখ্রে। মপুংফানা লৈবাক অসিগী কন্ত্রি কোওর্দিনেতর ওইবগীদমক প্রধান মন্ত্রীনা ফিলিপিন্সকী রাষ্ট্রপতি মার্কোস জুনিয়র থাগৎপা ফোঙদোকখ্রে। মতম শাংনা ভারতনা অসিয়ান শৌগৎপা অমসুং লৈবাক অসিগী এক্ত ইষ্ট পোলিসিগী খুৎথাংদা লমদম অসিগী মখা তানা থবক তৌমিন্নবদা অসিয়ানগী লুচিংবশিংনা থাগৎপা ফোঙদোকখ্রে।

***