হোম এফিয়র্স অমসুং কোওপরেসন মিনিস্তর, শ্রী অমিত শাহ, কেন্দ্রগী মন্ত্রীমন্দলদা ঐহাক্কী মরূপশিং, অর্জুন মুন্দা অমসুং শ্রী পিয়ুশ গোয়লজী, নেস্নেল কোওপরেতিব কমিতীশিংগী ওফিসিএলশিং, অতৈ মকোক থোংবা মীওইশিং, নুপীমচাশিং অমসুং নুপাশিং!

ঙসি 'ভারত মন্দপম'না 'ভিক্সিৎ ভারত'কী অমৃত যাত্রাদা অতোপ্পা মশক থোকপা মাইপাকপগী খুদম অমা ওইরক্লি। ঙসিদি, লৈবাক অসিনা লৌখিবা 'সাহকার সে সমৃদ্ধি' (মীয়ামগী মতেংদগী চাউখৎপা) গী ৱারেপ অদু মংফাওনহন্নবগী মায়কৈদা ঐখোয়না মাংলোমদা চংশিল্লি। লৌউ-শিংউ অমসুং লৌউ-শিংউবগী য়ুম্ফম মপাঙ্গল কনখৎহনবদা কোওপরেসনগী অচৌবা থৌদাং লৈ। মসিবু ৱাখলদা থমদুনা, ঐখোয়না তোঙানবা কোওপরেসন মিনিস্ত্রী অমা লিংখৎলে। অমসুং ঙসিদি হায়রিবা প্রোগ্রাম অসি চপ মান্নবা ৱাখল্লোনগা লোয়ননা পাংথোক্লি। ঙসি, ঐখোয়না ঐখোয়গী লৌমীশিংগীদমক মালেমগী খ্বাইদগী চাউবা স্তোরেজ স্কিম... স্তোরেজিং স্কিম হৌদোক্লে। স্কিম অসিগী মখাদা লৈবাক অসিগী মফম খুদিংমক্তা গুদহাউস অমসুং গুদাউন লিশিং কয়া শারগনি। ঙসি, পি.এ.সি.এস. (প্রাইমরী এগ্রিকলচরেল ক্রেদিৎ সোসাইতী) ১৮,০০০গী কম্প্যুতরাইজেসনগী মরুওইবা থবক অমসু লোইশিনখ্রে। হায়রিবা প্রোজেক্তশিং অসিনা লৈবাক অসিদা লৌউ-শিংউগী ইনফ্রাস্ত্রকচরদা অনৌবা ইনোৎ অমা পীরগনি। মসিনা লৌউ-শিংউবু মোদর্ন তেক্নোলোজীগা শম্নহল্লগনি। মরুওইবা অমসুং য়াম্না চাউবা থৌরাংশিং অসিগীদমক্তা ঐনা অদোম পুম্নমকপু থাগৎচরি অমসুং অদোম পুম্নমকপু য়াইফ-পাউজেল পীজরি।

মরুপশিং,

কোওপরেতিবশিং অসি ভারতকী অরিবা ৱাখল্লোন অমনি। ঐখোয়গী লাইরিকশিংদা মসিসু হায়রি  “অল্পানম অপি বস্তুনম, সহ্নহতিঃ কার্য় সাধীকা” ।। মসিনা হায়বদি, অপীকপা থবকশিং অমসুং অকক্নবা রিসোর্সশিং পুন্সিনবা মতমদা, মখোয়না অচৌবা মাইপাকপশিং পুরকই। মশাগী ওইবা কোওপরেতিব সিস্তেম অসিনা অরিবা ভারতকী খুঙ্গংগী শেন্মিৎলোনদা মখা তানা থবক তৌরি। কোওপরেতিবশিং অসি ঐখোয়গী মশা-মরোমদোম লেপচবা খুন্নাইগী য়ুম্ফম ওইখি। কোওপরেতিব হায়বসি সিস্তেম অমা খক্তা নত্তে, মসি ৱাখল্লোন অমনি, মসি স্পিরিৎ অমনি। কোওপরেতিবশিংগী স্পিরিৎনা ইন্সতিত্যুসন অমসুং রিসোর্সশিংগী ঙমখৈদগী হেন্দোক্তুনা অঙকপা মহৈশিং ফংহল্লি। কোওপরেতিবশিংনা হিংনবগী লম্বীগা মরী লৈনবা অচম্বা থৌরাং অমবু মশক থোকপা ইন্দস্ত্রীএল কেপাসিতী অমদা ওন্থোকপা ঙম্মী। মসিনা শেন্মিৎলোনবু, মরু ওইনা লৈবাক অসিগী খুঙ্গং অমসুং লৌউ-শিংউগী শেন্মিৎলোনবু অমুক হন্না হিংগৎহন্নবগী থাজবা য়াবা লম্বী অমনি। তোঙানবা মন্ত্রালয় অমগী খুত্থাংদা, লৈবাক অসিগী ওইথোকপা য়াবশিং অসি পুন্সিন্নবা অমসুং লৌউ-শিংউগী সেক্তরগী শন্দোরকপা মপাঙ্গল অদু শীজিন্ননবা ঐখোয়না হোৎনরি। ফার্মর প্রদ্যুসর ওর্গনাইজেসন (এফ.পি.ও.) গী য়াম্না মরু ওইবা খুদম অমা ঐখোয়গী মাংদা লৈরি। এফ.পি.ও.শিংগী খুত্থাংদা, খুঙ্গংশিংদা লৈরিবা অপীকপা লৌমীশিংসু ঙসি ইন্ত্রপ্রিনরশিং ওইরক্লি, মখোয়গী পোত্থোকশিং মপান লৈবাকশিংদা থাদোক্লি। ঐখোয়না লৈবাক অসিদা এফ.পি.ও. ১০,০০০ শেম্নবা পান্দম থম্লি। তোঙানবা কোওপরেসন মিনিস্ত্রী অমা লৈবগী মহৈ ওইনা, লৈবাক অসিদা এফ.পি.ও. ৮০০০ শেমখ্রে অমসুং মখোয় অসি মথৌ তৌরি। এফ.পি.ও.শিংগী মায় পাকপগী ৱারীশিং অসি লৈবাক অসিগী মনুংদা খক্তা নত্তনা মপান্দসু খন্ন-নৈনরি। মসিগা মান্ননা, অতোপ্পা নুংঙাইবা অহোংবা অমনা কোওপরেতিবশিংগী কান্নবশিং অসি হৌজিক শা-ষন য়োকপা অমসুং ঙা ফাবশিংদা ফংহল্লে। ঙসিদি, কোওপরেতিব য়ুনিৎ ২৫,০০০ হেনবনা ফিশ ফার্মিংদা থবক তৌরি। লাক্কদৌরিবা চহি মঙা অসিদা কোওপরেতিব সোসাইতী লাখ অনি শেম্নবা সরকারনা পান্দম থম্লি, অমসুং মসিগী মশিং য়াম্না ফিসরিস সেক্তরদা ওইগনি হায়না পানরি।

মরুপশিং,

গুজরাতকী মুখ্য মন্ত্রী ওইনা, ঐহাক্না কোওপরেতিবশিংগী শক্তি অসি ইশানা থেংনখি। গুজরাতকী অমুলগী মায় পাকপগী ৱারী অসি ঙসি মালেম পুম্বদা খঙনরে। মালেমগী কৈথেলশিংদা লিজৎ পাপরগী মমায় অসি ঐখোয় পুম্নমক্না খঙই। হায়রিবা খোঙজংশিং অসি মরু ওইনা ঐখোয়গী লৈবাক অসিগী নুপীশিংনা লুচিংদুনা লাক্লি। ঙসিদি, নুপীশিং অসি মিল্লিয়ন কয়া অমা এক্তিব ওইনা শরুক য়াদুনা শঙ্গোম পুথোকপা অমসুং লৌউ-শিংউগী সেক্তরশিংদা কোওপরেতিবশিংদা য়াওরি। নুপীশিংগী তৌবা ঙম্বশিংবু মশক খঙদুনা সরকারনা কোওপরেতিবকা মরী লৈনবা পোলিসীশিংদা মখোয়দা অখন্নবা মীৎয়েং থম্লি। ইকুই কুইদ্রিঙৈদা, মল্তি-স্তেত কোওপরেতিব সোসাইতী এক্ততা এমেন্দমেন্তশিং তৌখিবা অদু অদোম্না খঙলবা য়াই। মসিগী মখাদা, হৌজিক্তি মল্তি-স্তেৎ কোওপরেতিব সোসাইতীশিংগী বোর্দতা নুপী দিরেক্তরশিং লৈবা অসি তঙাইফদে। করিগুম্বা নারী শক্তি বন্দন আদিনিয়ম অসি পার্লিয়ামেন্ততা পাস তৌরবদি, লৈবাক অসিদা য়াম্না কুপ্না য়েংশিনগনি। অদুম ওইনমক, ঐখোয়না মল্তি-স্তেৎ কোওপরেতিব সোসাইতীশিংগী মতাংদা অসিগুম্বা শক্তি লৈবা অমসুং মরু ওইবা আইন অমা শেম্লে, অদুবু মীওই খরখক্তনা মসিগী মতাংদা খন্ন-নৈনরি।

মরুপশিং,

কোওপরেতিবশিংনা লৌমীশিংগী পার্সনেল প্রোব্লেমশিং অসি কোলেক্তিব ফোর্স শীজিন্নদুনা কোকহল্লি, অমসুং স্তোরেজ অসি মসিগী মরুওইবা খুদম অমনি। মমাংদা, লৌমীশিংনা স্তোরেজগা মরী লৈনবা ইনফ্রাস্ত্রকচর লৈতবনা মরম ওইদুনা চাউনা মাংখি। মমাংগী সরকারশিংনা অসিগুম্বা তঙাইফদবা অসিদা কনাগুম্বা অমত্তনা মীৎয়েং চংখিদে। অদুম ওইনমক, ঙসিদি, হায়রিবা প্রোব্লেম অসি কোওপরেতিব সোসাইতীশিংগী খুত্থাংদা থেংনরি। মসি মশামক্কী ওইনা য়াম্না মরু ওইবা চাউখৎলোন অমনি। মালেমগী খ্বাইদগী চাউবা স্তোরেজ প্লান অসিগী মখাদা লাক্কদৌরিবা চহি ৫দা স্তোরেজ কেপাসিতি তন মেত্রিক লাখ ৭০০ শেমগৎলগনি। কেম্পেন অসিনা লুপা কোতি লাখ ১.২৫ হেন্না চাদিং তৌগনি। মসিগী থৌরাং অসি লোইরবা মতুংদা, ঐখোয়গী লৌমীশিংনা মখোয়গী মথৌ তাবশিংগী মতুং ইন্না মখোয়গী মহৈ-মরোংশিংবু স্তোরেজ তৌবা ঙম্লগনি। মখোয়না বেঙ্কতগী লোন লৌবদা হেন্না লায়গনি। অমসুং মখোয়না মখোয়গী পোত্থোকশিং য়োন্নবগী মতম অদু ফরে হায়না খল্লকপা মতমদা, মখোয়না মখোয়গী পোত্থোকশিং অদু অচুম্বা মতম অদুদা কৈথেলদা পুদুনা য়োন্থোকপা ঙমগনি।

মরুপশিং,

লৌউ-শিংউগী পথাপশিং মোদর্নাইজ তৌবা অসি 'বিকসিত ভারত'কী চাউখৎ-থৌরাংগীদমক্তা চপ মান্ননা মরু ওই। লৌউ-শিংউগী সেক্তরদা অনৌবা থৌরাংশিং শেমগৎপগা লোয়ননা ঐখোয়না পি.এ.সি.এস.গুম্বা কোওপরেতিব ইন্সতিত্যুসনশিংবু অনৌবা থৌদাংশিং লৌনবা শেমগৎলি। সোসাইতীশিং অসিনা হৌজিক প্রধান মন্ত্রী জন ঔশধী কেন্দ্রশিং ওইনা থবক তৌরি। মখোয়না প্রধান মন্ত্রী কিসান সমৃদ্ধি কেন্দ্র লিশিং কয়াসু চলাইরি। ঐখোয়না কোওপরেতিব সোসাইতীশিংবু পেট্রোল অমসুং দিজলগী রিতেল আউৎলেৎশিংদা ওন্থোকখ্রে। কোওপরেতিব সোসাইতী কয়ানা হৌজিকসু এল.পি.জি. সিলিন্দরশিং য়েন্থোক্লি। পি.এ.সি.এস.না খুঙ্গং কয়াদা “পানি সমিতী” (ৱাতর কমিতী) গী থৌদাংসু লৌরি। অতোপ্পা ৱাহৈদা হায়রবদা, পি.এ.সি.এস. অমসুং ক্রেদিৎ সোসাইতীশিংগী কান্নবা হেনগৎলক্লি, অমসুং মখোয়গী ইনকমগী পাম্বৈসু হেনগৎলক্লি। মসিগী মথক্তা, কোওপরেতিব সোসাইতীশিংনা খুঙ্গংশিংদা কম্মন সর্বিস সেন্তরশিং ওইনা সরকারগী ফেসিলিতী চা কয়া ফংহল্লি। খুঙ্গংগী লমদমশিং অসি কম্প্যুতরগী খুত্থাংদা তেক্নোলোজী অমসুং দিজিতেল ইন্দিয়াগী খুদোংচাবশিংগা মরী লৈনহল্লগনি। মসিনা খুঙ্গংগী লমদমশিংদা লৈরিবা নহাশিংদা থবক ফংহন্নবা অনৌবা খুদোংচাবশিং ফংহল্লগনি।

মরুপশিং,

বিক্সিত ভারতকী মঙলান অসি মপুং ফাহন্নবগীদমক কোওপরেতিব ওর্গনাইজেসনশিংগী থৌদাং অসি য়াম্না মরু ওই। ঐনা অদোমগী থৌদাং অমসুং কোওপরেতিব ইন্সতিত্যুসনশিংগী থৌদাং অদু য়াম্না ফজনা খঙই। মরম অদুনা, ঐহাক্না অদোম পুম্নমক্তগী হেন্না ৱাংবা আশা তৌজরি। পুম্নমকসিগী মতুং ইন্না, থবক পায়খৎলিবশিংদগী আশা তৌই; থবক পায়খৎলক্তবশিংদগীদি, মখোয়দগী কনানা আশা তৌগনি? 'আত্মানির্ভর ভারত' (আত্মানির্ভর ভারত) শেমগৎপদা অদোম্না হেন্না থৌনা লৈনা অমসুং ময়েক শেংনা শরুক য়াবা হেনগৎলক্লিবমখৈ, ঐখোয়না ঐখোয়গী পান্দমশিং অদু হেন্না থুনা ফংলগনি। 'আত্মানির্ভর ভারত' য়াওদনা, 'ভিক্সিৎ ভারত' অমা শেম্বা ঙম্লোই। অদোমগী তৌবা ঙম্বশিং অমসুং অদোমগী ওর্গনাইজেসন কেপাসিতী য়েংলগা, ঐহাক্কী ৱাখলদা খোংথাং কয়া অমা লাক্লি। ঐহাক্না মখোয় পুম্নমকপু অমুক্তা অদোমদা পুথোকপা ঙম্লোই, অদুবু ঐহাক্না করিগুম্বা খরা খংহন্নীংই। খুদম ওইনা, ঐহাক্না ঐখোয়গী কোওপরেতিবশিংনা ঐখোয়না মপান্দগী পুশিল্লক্লিবা পোৎলমশিংগী লিস্ত অমা শেম্নবা ৱাফম থম্লি। হৌজিক ঐখোয়না হায়রিবা পোৎলমশিং অসি ইম্পোর্ত তৌররোই। মসিগী মতাংদা কোওপরেতিব সেক্তরনা করি তৌবা য়াবগে? মসিগীদমক্তা ঐখোয়না লৈবাক অসিদা সপোর্ত সিস্তেম অমা শেম্বা মথৌ তাই। কোওপরেতিব ইন্সতিত্যুসনশিংনা মসিগী থৌদাং অসি লায়না লৌবা য়াই। হৌজিক, খুদম ওইনা, ঐখোয়না লৌউ-শিংউবদা য়ুম্ফম ওইবা লৈবাক অমনি হায়না পল্লবসু, অচুম্বা ৱাফমদি ঐখোয়না হৌখিবা চহি ৭৫ অসিদা মান্নবা ঈশৈ শক্লি। অদুম ওইনমক, ঐখোয়না চহি খুদিংগী দোল্লর বিল্লিয়ন কয়াগী মমল ওইগদবা চানবা থাও পুশিল্লকপা অসিসু নুংঙাইতবা ৱাফম অমনি। মতৌ করম্না ঐখোয়না চানবা থাওদা মশা-মশানা থাজবা থম্বা ঙমগনি? হায়রিবা লৈহাও অসিদা হৌরকপা সেসাম, মসিদগী লৌথোকপা থাও অসিনা ঐখোয়গী নাগরিকশিংগী পুন্সিদা হেন্না ফগৎহনবা ঙম্মী। অমসুং করিগুম্বা কোওপরেতিব সেক্তরগী ঐহাক্কী মরূপশিংনা মসিগীদমক্তা পুন্না থবক তৌদ্রবদি, মদুদি কনানা তৌগনি? ঐনা অচুম্বা ৱা ঙাংলি নৎত্রগা ঙাংদ্রে? অদোম্না মসি পাংথোক্কনি, নৎত্রা? য়েংউ, ঐখোয়না শিজিন্নরিবা থাও অসিসু মপান্দগী লাকই, অমসুং ইনর্জীগীদমক্তা, ভেহিকলশিং, ত্রেক্তরশিং, পেট্রোল, দিজল, হায়রিবা ফ্যুলশিং অসিসু পুশিল্লকই, অমসুং ঐখোয়না ইম্পোর্ত বিল অসিসু হন্থহনগদবনি। মসিগীদমক্তা, ঐখোয়না হৌজিক ইথানোলদা চাউনা খুমাং চাউশিল্লি। হৌখিবা চহি 10 অসিদা, ইথানোল পুথোকপা অমসুং পুনশিন্নবগী চাং অসি শরুক কয়া হেনগৎলক্লি। ঙসিদি, থবক অসি অয়াম্বনা সুগর মিলশিংনা পায়খৎলি, অমসুং সরকারগী কম্পেনীশিংনা মখোয়দগী ইথানোল লৈ। কোওপরেতিব সোসাইতীশিংনা মসিদা শরুক য়ারোইদ্রা? মখোয়না শরুক য়াবা হেনগৎলক্লিবমখৈ, মসিগী পাক চাউবা অসিসু হেনগৎলক্লগনি। মনা-মশিং পুশিল্লকপা হন্থহনবগী মতাংদা, ঐখোয়না লৌউ-শিংউদা য়ুম্ফম ওইবা লৈবাক অমা ওইরবসু, মপান্দগী মনা-মশিং পুশিল্লি। মনা-মশিং পুশিল্লকপা হন্থহন্নবগী মতাংদসু কোওপরেতিব সেক্তরগী মীওইশিংনা মরু ওইবা থবক অমা পাংথোকপা ঙম্মী, মরু ওইবা থৌদাং অমা লৌবা ঙম্মী। ঐখোয়না পুথোক-পুশিন তৌরিবা মেনুফেকচরিংগা মরী লৈনবা অপীকপা পোৎলম কয়া অমসু লৈরি, অদুবু কোওপরেতিবশিংগী মতেংগা লোয়ননা ঐখোয়না মখোয়শিং অসি দোমেস্তিক ওইনা পুথোকপা ঙম্মী।

মরুপশিং,

ঙসিদি, ঐখোয়না ওর্গানিক ফার্মিংদসু অহেনবা মিৎয়েং থম্লি। মসিদসু কোওপরেতিবশিংনা মরু ওইবা থৌদাং অমা লৌবা য়াই। কোওপরেতিবশিংনা ফুদ সপ্লাইয়রবু ইনর্জী সপ্লাইয়র অমসুং ফর্তিলাইজর সপ্লাইয়র ওইহনবদা মরু ওইবা থৌদাং অমা লৌবা য়াই। কোওপরেতিবশিংনা মসিদা য়াওরবদি, মহৈশিং অসি থুনা ফংগনি। হৌজিক, য়ুমথক্তা সোলর পেনেলশিং নত্ত্রগা ফার্মগী য়ুম্থক্তা অপীকপা সোলর পেনেলশিং ইনস্তোল তৌবগী মতাংদা, করিগুম্বা লৌমী 50-60 পুনশিন্দুনা কোওপরেতিব ওর্গনাইজেসন অমা শেম্লবদি, শঙ অদুগী য়ুমথক্তা সোলর পেনেলশিং ইনস্তোল তৌগনি, অমসুং ইলেক্ত্রিসিতী পুথোক্কনি, লৌমীশিং অমসুং সরকার অনিমক্তা ইলেক্ত্রিসিতী য়োল্লগনি। কোওপরেতিব ওর্গনাইজেসন অমনা মসিবু লায়না থেংনবা ঙম্মি। ঙসিদি, ঐখোয়না উবা ফংলি মদুদি অচৌবা মল্তিনেস্নেল কম্পেনীশিংনা গোবর্ধন য়োজনাদা পুক্নিং চিংশিল্লি। মসিনা ইনর্জীগী মরুওইবা সোর্স অমা ওইগদৌরি। কোওপরেতিবশিংনা হীরম অসিদা করিগীদমক মাংজিল থারিবা ওইগদৌরিবনো? কোওপরেতিব ওর্গনাইজেসনশিংনা মখোয়গী থৌদাংবু পাকথোক চাউথোকহন্নবা খনবা য়াই। মসি ৱেস্তপু রিচদতা ওন্থোকপা, মহীগী মহিদগী বাইওগ্যাস শেম্বা, ওর্গানিক ফর্টিলাইজর পুথোকপা অসিনচিংবশিং ওইরবসু। মসিনা লৈবাক অসিগী ফর্তিলাইজরগা মরী লৈনবা ইম্পোর্ত বিলসু হন্থহল্লগনি। ঐখোয়গী লৌমীশিং অমসুং অপীকপা ইন্ত্রপ্রিনরশিংগী পোত্থোকশিংগী মালেমগী ব্রান্দিং তৌবদা অদোম্না মাংলোমদা চংশিনগদবনি। হৌজিক, গুজরাতপু য়েংসি। মমাংদা, গুজরাত্তা তোঙান তোঙানবা মমিংশিংদা দুকান কয়া অমা লৈরম্মি। হৌজিক ফাওবদা দাইরী কয়া লৈরি, অদুবু অমুল অসি ব্রান্দ অমা ওইরে। ঙসিদি, মসিগী খোঞ্জেল অসি মালেম শীনবা থুংনা শন্দোক্লি। ঐখোয়না ঐখোয়গী তোঙান তোঙানবা পোৎলমশিংগীদমক অপুনবা ব্রান্দ অমা শেম্বা য়াই। ঐখোয়গী পান্দমদি ঐখোয়গী মিল্লেৎশিং, হায়বদি, "শ্রী আন্না"বু ব্রেন্দ অমা ওইহনবা ওইগদবনি। করিগীদমক মালেমগী মফম খুদিংমক্তা দাইনিং তেবল খুদিংদা ভারত ব্রেন্দগী মিল্লেৎশিং লৈরোইদৌরিবনো? কোওপরেতিবশিংনা মসিগী মতাংদা মপুংফাবা এক্সন প্লান অমা পুথোক্কদবনি।

মরুপশিং,

কোওপরেতিবশিংনা খুঙ্গংশিংগী শেন্থোক হেনগৎহনবদা চাউনা তেংবাংবা য়াই। ঐখোয়না দাইরী সেক্তরদা মশক থোকপা অহোংবা অমা উবা ফংলি। ঐহাক হৌখিবা নুমিৎ অহুম অসিদা কোওপরেতিব সেক্তর প্রোগ্রামশিংদা য়াওখি। অহানবদা, ঐহাক অহমদাবাদতা অমুলনা মহাক্কী চহি ৫০ মপুং ফারকপদা লৈখি। অদুগা ঙরাং, ঐহাক বনারসতা বনারস দাইরী শঙ্গাবা মফমদা লৈখি। বনারাসিগী এক্সপরিয়েন্সনা উৎলি মদুদি দাইরী কোওপরেতিবশিং লাকপগা লোয়ননা নুপী দাইরী ফার্মরশিংগী ইনকম য়াম্না থুনা হেনগৎলক্লি। কোওপরেতিবশিংনা অতোপ্পা লম অমদা চঙশিল্লক্লি। ঐহাক্না গুজরাতকী কোওপরেতিব সেক্তরগী মীয়াম্বু খোইহীগী মালেম অসিদা চংনবা হায়জখি। ঐখোয়না অঙৌবা রিভোলুসন অমা পাংথোকখ্রে; হৌজিক ঐখোয়না অথুম্বগী রিভোলুসন অমা পাংথোক্কনি। অমসুং ঐখোয়গী মীয়াম্না খোইহী সেক্তরদা মাংলোমদা চংশিনগদবনি। হানি সেক্তরদগী লৌমীশিংনা কয়া য়াম্না কান্নবা ফংলি হায়বদুসু অদোম্না খঙগনি। হৌখিবা চহি ১০দা, মীনুংশি পুথোকপা অসি মেত্রিক তন ৭৫,০০০দগী হৌজিক্তি মেত্রিক তন লাখ ১.৫দা হেনগৎলে। হৱাই মেত্রিক তন ২৮দগী মেত্রিক তন ৮০দা এক্সপোর্ত তৌবগী চাংসু হেনগৎলক্লি। মসিদা, নাফেদ অমসুং ত্রাইফেদকা লোয়ননা, রাজ্যশিংগী কোওপরেতিব ওর্গনাইজেসনশিংসু মরু ওইবা থৌদাং অমা লৌরি। ঐখোয়না মসিগী স্কোপ অসিবু মখা তানা পাকথোক চাউথোকহনগদবনি।

মরুপশিং,

গুজরাত্তা ঐখোয়না উখি মদুদি শঙ্গোম য়োনবদগী ফংলকপা শেল অদু শঙ্গোম য়োনবীশিংগী বেঙ্ক একাউন্তশিংদা হকথেংননা চংলকপা হৌরকপা মতমদা মসিনা আর্থ লৈবা খুন্নাইগী অহোংবা অমা পুরকখি। হৌজিক ঐখোয়গী কোওপরেতিব সোসাইতীশিং, ঐখোয়গী পি.এ.সি.এস.শিং অসি কম্প্যুতরাইজ তৌখ্রে। মরম অদুনা, হৌজিক্তি থবক অমা পাংথোকপদা, শেল পীবদা, দিজিতেল ওইহনগদবনি। মরু ওইনা কোওপরেতিব বেঙ্কশিংনা দিজিতেল তেক্নোলোজী শিজিন্ননবা থুনা থবক পায়খৎকদবনি। অতোপ্পা হীরম অমা হায়রগদি সোইল হেল্থ কার্দনি। ঐখোয়না সোইল হেল্থ চেক-অপকীদমক্তা লৈহাও চাংয়েং তৌনবা চাউরবা প্রোগ্রাম অমা শেম্লে। ঐহাক্না কোওপরেতিব ওর্গনাইজেসনশিং, পি.এ.সি.এস.শিংদা মখোয়গী লমশিংদা অপীকপা লৈহাউ তেস্তিং লেবোরেতরীশিং লিংখৎনবা হায়জরি। মখোয়না লৌমীশিংবু মখোয়গী লমগী হকশেল, লৈহাওগী হকশেল লেপ্তনা য়েংশিন্দুনা মহৌশাগা মান্নহন্নবা পুক্নিং থৌগৎকদবনি। মখোয়না লৈহাউ চাংয়েং তৌবগী নেৎৱার্ক অমা শেমগদবনি।

মরুপশিং,

কোওপরেতিবশিংদা নহাশিং অমসুং নুপীশিংগী শরুক য়াবা হেনগৎহনবা অসি ঐখোয়না হোৎনরিবশিং অসিবু হেন্না চেৎশিলহনবা মথৌ তাবা অতোপ্পা লম অমনি। কোওপরেতিব সেক্তরদা য়াওরিবা লৌমীশিংনা মসিগী মতাংদা মতেং পাংবা য়াই। মসিগা লোইননা, ঐখোয়না মখোয়দা হায়জবা য়াই মদুদি মখোয়গী কোওপরেতিব ওর্গনাইজেসন্না পীরিবা দিভিদেন্দ অমসুং অতোপ্পা কান্নবশিং অসিদা হৌজিক্তি মখোয়গী কোওপরেতিব ওর্গনাইজেসননা পীরিবা সোইল তেস্তিং য়াওরগনি। মখোয়গী মহৈ-মরোংদা মিৎয়েং চংনবা মখোয়বু লৈহাউ চাংয়েং তৌবদা ফংলকপা এক্সপরিয়েন্সতা য়ুম্ফম ওইদুনা তাকপীগদবনি।

মরুপশিং,

মসিনা কোওপরেতিবশিংদা অনৌবা পুক্নিং থৌগৎকনি, অনৌবা ইনর্জী অমা থোরক্কনি। কোওপরেতিবশিংদা স্কিল দিবেলপমেন্ত, ত্রেনিং অমসুং এৱারনেস হেনগৎহনবগীসু য়াম্না মথৌ তাই। কয়া অমা হোংখ্রে, অমসুং পুম্নমক অসি পেপরদা তৌগদবনি। ৱা ঙাংদুনা অয়াবা পীরম্বা মতমশিং অদু লোইখ্রে। মরম অদুনা, ত্রেনিং অসি য়াম্না মরু ওই, অমসুং মসিগী মতাংদা হোৎনগদবনি। পি.এ.সি.এস. অমসুং কোওপরেতিব সোসাইতীশিংনা অমগা অমগা তম্নবা মথৌ তাই। কোওপরেতিব ইন্সতিত্যুসন কয়া অমনা অনৌবা থবক কয়া পায়খৎলি। মখোয়না ইনিসিয়েতিব কয়া অমা লৌই। লৈবাক অসিগী মফম কয়াদা মসি খঙদে। ঐখোয়না খ্বাইদগী ফবা থৌওংশিং শেয়র তৌনবা কম্মন পোর্তেল অমা শেম্বা ঙমগদ্রা? মী খুদিংমক্না মখোয়গী অনৌবা এক্সপরিয়েন্সশিং, অনৌবা মেথদশিং মসিদা অপলোদ তৌবা য়াই। মতৌ করম্না খ্বাইদগী ফবা থবকশিং অসিবু মখা তানা শৌগৎকদগে? ওনলাইন ত্রেনিংগী থৌরাং লৈগদবনি অমসুং মসিগীদমক মোদ্যুল খর শেমগদবনি। এস্পিরেস্নেল দিস্ত্রিক্ত প্রোগ্রাম, এস্পিরেস্নেল দিস্ত্রিক্তশিংগী কেম্পেন অসিদা অখন্নবা মগুন অমা লৈ হায়বা অদোম্না খঙই। নোংমদা রেঙ্কিং অসি শরুক য়াম্বা অমসুং শরুক য়ামদবা ওইনা চাং নাইনা হোংলক্লিবা হকচাং ফবা কম্পিতিসনগী সিস্তেম অমা লৈ। ওফিসর খুদিংমক্না মখোয়গী দিস্ত্রিক্ত অসি মাংলোমদা চংশিনগদবনি হায়না খল্লি। কোওপরেতিব সেক্তরদা ঐখোয়না তোঙান তোঙানবা ভর্টিকেলশিং শেম্বা ঙমগদ্রা? কোওপরেতিবকী মখল খুদিংগী ভরতিকেল অমা, কোওপরেতিবকী অতোপ্পা মখল অমগীদমক অতোপ্পা ভরতিকেল অমা, অমসুং মদুগী মনুংদা নুংতি নুমিৎ খুদিংগী হকচাং ফবা কম্পিতিসন লৈহনগদবা মওংদা মেনেজমেন্ত সিস্তেম অমা শেম্বা। কোওপরেতিব ওর্গনাইজেসনশিংদা কম্পিতিসন লৈহনগদবনি অমসুং খ্বাইদগী ফবা থবকশিং পাংথোক্লিবশিংদা মনা পীগদবনি। অসিগুম্বা কোওপরেতিব ইন্সতিত্যুসনশিং অসিদগী অনৌবা খরা থোক্লকপা তাই - সরকার অমসুং কোওপরেতিব ইন্সতিত্যুসনশিংনা পুন্না অনৌবা মওং অমা পীবা ঙম্বা অচৌবা ইহৌ অমা।

মরুপশিং,

কোওপরেতিব ইন্সতিত্যুসনশিংগী মতাংদা হংনীংঙাই ওইবা ৱাহং অমা হেক হেক থোক্লিবা অসিদি মখোয়গী মীখলদা ত্রান্সপরেন্সী লৈবসিনি। কোওপরেতিব ইলেক্সনশিংদা ত্রান্সপরেন্সী পুরকপা অসি য়াম্না মরু ওই। মসিনা মীয়ামগী থাজবা হেনগৎহল্লগনি অমসুং মীওই কয়া অমা কোওপরেতিবশিংদা য়াওরগনি।

মরুপশিং,

কোওপরেতিব সোসাইতীশিংবু চাউখৎপগী য়ুম্ফম ওইহন্নবা, ঐখোয়গী সরকারনা মখোয়না থেংনরিবা শিংনবশিংসু হন্থহল্লি। কম্পেনীশিংনা সেস হন্থরবসু কোওপরেতিব সোসাইতীশিংনা সেস হেন্না পীবগী মথৌ তাবা অদু অদোম্না নীংশিংবা য়াই। লুপা কোতি অমদগী কোতি ১০ ফাওবগী মনুংদা লৈবা কোওপরেতিব সোসাইতীশিংগী সেস রেৎ অসি ১২%দগী ৭%দা হন্থহনখ্রে। মসিনা সোসাইতীশিং অসিগী মথৌ তৌনবা ফন্দশিং হেনগৎহল্লে, মসিনা মখোয়বু কম্পেনীশিংগুম্না খুমাং চাউশিলহন্নবা লম্বী য়াৎলি। কোওপরেতিব সোসাইতীশিং অমসুং কম্পেনীশিংগী মরক্তা অতোপ্পা তেক্সশিংগী মতাংদসু খেন্নবা লৈরম্মি। ঐখোয়না সোসাইতীশিংগীদমক মিনিমম অল্তর্নেতিব তেক্স অসি ১৮% দগী ১৫%দা হন্থহন্দুনা কোর্পোরেৎ ৱার্ল্দগা মান্নহল্লে। অতোপ্পা ৱাফম অমনা, কোওপরেতিব সোসাইতীশিংনা লুপা করোর অমদগী হেনবা শেল লৌথোকপদা টি.দি.এস. চঙবা, মসি ঐখোয়না শেন থাদোকপগী লিমিৎ অসি চহিদা লুপা করোর অহুমদা হেনগৎহনখ্রে। মসিগী কান্নবা অসি হৌজিক্তি মেম্বরশিংগী য়াইফনবগীদমক শিজিন্নগনি। কোওপরেতিবকী মায়কৈদা ঐখোয়না পুন্না হোৎনবনা লৈবাক অসিগী অপুনবা মপাঙ্গলনা চাউখৎপগী ওইথোকপা য়াবা পুম্নমক ফংহনগনি হায়না ঐহাক্না থাজবা থম্লি।

য়াইফ-পাউজেল অসিগা লোইননা, ঐহাক্না অদোম পুম্নমকপু থাগৎচরি। অমিতভাইনা হায়খিবগুম্না, ঙসি তোঙান তোঙানবা সেন্তরশিংদা মীওই লাখ কয়ানা পুনখ্রে। ঙসি য়াম্না মরু ওইবা থৌরাং অসিদা পুক্নিং থৌগৎপীবা অমসুং থৱায় য়াওনা শরুক য়াবীবগীদমক ঐনা মখোয়বুসু থাগৎচরি অমসুং য়াইফ-পাউজেল পীজরি। "ভিক্সিৎ ভারত"কী পান্দম ফংনবগীদমক তপ্ন-তপ্না, খোংজেল খুদিংদা, মতেং পাংনবগী অশেংবা ৱাখল্লোনগা লোইননা ঐখোয় পুন্না চৎমিন্নসি। ঐখোয় অমত্তা ওইনা মাইকৈ অমদা চৎমিন্নসি, অমসুং ঐখোয়না মখা তানা মহৈ শোইদনা ফংগনি। অদোমবু য়াম্না থাগৎচরি।

দিস্ক্লেমরঃ মসি প্রধান মন্ত্রীগী ৱারোল অদুগী চাউরাকপা ৱাহন্থোক্নি। অশেংবা ৱারোল অসি হিন্দীদা পীখি।

***