প্রধান মন্ত্রী, শ্রী নরেন্দ্র মোদীনা ঙসি তামিল নাদুগী মদুরাইদা "ক্রিএতিং দি ফিউচর -  দিজিতেল মোবিলিতী ফোর ওতোমোতিব এম.এস.এম.ই. ওন্ত্রপ্রিনরস" প্রোগ্রামদা শরুক য়াখি অমসুং ওতোমোতিব সেক্তরদা থবক তৌরিবা মাইক্রো, স্মোল অমসুং মেদিয়ম ইন্তর্প্রাইজ (এম.এস.এম.ই.) ওন্ত্রপ্রিনর লিশিং কয়াদা ৱা ঙাংখি। প্রধান মন্ত্রীনা গান্ধীগ্রামদা ত্রেন তৌরবা নুপী ওন্ত্রপ্রিনরশিং অমসুং মহৈরোইশিংগা ৱারী শানখি।

থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি তেক্নোলোজী অমসুং ইন্নোবেসন সেক্তরগী মীওইশিংগী মরক্তা লৈমিন্নবা অসি নুংঙাইবা অমনি। তেক্নোলোজীগী মতাংদা, মরু ওইনা ওতোমোতিভ সেক্তরদা, তামিল নাদুনা মালেমগী থাক্তা মাগী থৌনা অদু উৎলি হায়না মহাক্না ফোংদোকখি। থৌরম অসিগী থিম "ক্রিএতিং দি ফিউচর -  দিজিতেল মোবিলিতী ফোর ওতোমোতিব এম.এস.এম.ই. ওন্ত্রপ্রিনরস"দা মহাক্না নুংঙাইবা ফোংদোকখি অমসুং এম.এস.এম.ই. পুম্নমক অমসুং এস্পিরেস্নেল য়ুথপু প্লেৎফোর্ম অমদা পুন্সিন্নবগীদমক তি.ভি.এস. কম্পেনীবু থাগৎপা ফোংদোকখি। প্রধান মন্ত্রীনা ভিক্সিত ভারতকী চাউখৎ থৌরাংগা লোয়ননা ওতোমোবাইল ইন্দস্ত্রীগীসু মথৌ তাবা খোংজেল ফংলগনি হায়না থাজবা থমখি।

প্রধান মন্ত্রীনা হায়খি মদুদি লৈবাক অসিগী জি.দি.পি.গী চাদা ৭দি ওতোমোবাইল ইন্দস্ত্রীদগী লাক্লি। মসিনা লৈবাক অসিগী ওতোনোমীগী মরুওইবা শরুক অমা ওইহল্লি। প্রধান মন্ত্রীনা মেনুফেকচরিং অমসুং ইনোবেসন প্রমোৎ তৌবদা ওটোমোবাইল ইন্দস্ত্রীগী থৌদাং অদুসু শকখঙখি।

ভারতকীদমক্তা ওতোমোবাইল ইন্দস্ত্রীগী কন্ত্রিব্যুসন অসি ওতোমোবাইল ইন্দস্ত্রীদা এম.এস.এম.ই.শিংগী কন্ত্রিব্যুসনগা মান্নৈ হায়না পল্লদুনা প্রধান মন্ত্রীনা হায়খি মদুদি চহি খুদিংগী ভারততা কার লাখ ৪৫, চাকা অনিগী গাড়ী কোতি ২, কম্মর্সিএল ভেহিকল লাখ ১০ অমসুং চাকা অহুমগী গাড়ী লাখ ৮.৫ হেন্না পুথোকই। পেসেঞ্জর ভেহিকল খুদিংমক্তা তোঙান তোঙানবা ওতোমোতিভ পার্ত ৩০০০-৪০০০ শীজিন্নরি অমসুং অসিগুম্বা পার্ত লাখ কয়ানা নুমিৎ খুদিংগী মেন্যুফেকচরিং প্রোসেসতা শীজিন্নরি হায়নসু মহাক্না খঙহনখি। ভারতকী এম.এস.এম.ই.শিং অসিনা মসিগী পার্তশিং অসি পুথোকপগী থৌদাং লৌরি।" হায়না প্রধান মন্ত্রীনা হায়খি। ভারতকী তায়র I অমসুং IIগী শহর অয়াম্বদা মখোয়না লৈরিবা অসি মহাক্না পনখি। মালেমগী কার কয়াদা ভারতকী এম.এস.এম.ই.শিংনা পুথোকপা কম্পোনেন্তশিং শীজিন্নরি।" হায়না প্রধান মন্ত্রীনা হায়খি।

ঙসি ঐখোয়গী এম.এস.এম.ই.শিংনা মালেমগী সপ্লাই চেনগী মপাঙ্গল লৈবা শরুক অমা ওইনবগী অচৌবা খুদোংচাবা অমা লৈরে হায়না প্রধান মন্ত্রীনা হায়খি। মহাক্না ক্বালিতী অমসুং দুরএবিলিতীদা থবক তৌবগী তঙাইফদবা অদুদা অকনবা ৱাফম থমখি।

প্রধান মন্ত্রীনা লাইচৎ অসিগী মনুংদা ভারতকী এম.এস.এম.ই.শিংগী ওইথোকপা য়াবশিং অদু খঙখি। লৈবাক অসিনা এম.এস.এম.ই.গী তুংলমচৎপু লৈবাক অসিগী এম.এস.এম.ই. ওইনা উরি।" এম.এস.এম.ই.গীদমক সরকারনা লৌখৎলিবা মল্তি-প্রোজেক্তকী খোঙথাংশিং অদু শন্দোক্না তাক্লদুনা প্রধান মন্ত্রীনা পি.এম. মুদ্রা য়োজনা অমসুং পি.এম. বিশ্বকর্মা য়োজনাগী মতাংদা পনখি। মসিগী মথক্তা, এম.এস.এম.ই. ক্রেদিৎ গেরেন্তী স্কিমনা লাইচৎ মনুংদা এম.এস.এম.ই.দা থবক লাখ কয়া কনবা ঙমখি।

সেক্তর খুদিংমক্তা এম.এস.এম.ই.শিংগীদমক্তা ঙসি অৱাংবা মমলদা লোন অমসুং ৱার্কিং কেপিতেলগী খুদোংচাবশিং ফংহল্লে হায়না প্রধান মন্ত্রী মোদীনা ফোংদোকখি। সরকারনা লৈবাক অসিগী অপীকপা ইন্তর্প্রাইজশিংবু হেন্না মপাঙ্গল কনখৎহন্নবা হোৎনবদা মিৎয়েং থম্লিবা অসিসু মপাঙ্গল কনখৎহন্নবগী মরম অমা ওইরি হায়না মহাক্না ফোংদোকখি। ঙসিগী সরকারনা এম.এস.এম.ই.শিংগী অনৌবা তেক্নোলোজী অমসুং স্কিলশিংগী মথৌ তাবশিং অদু য়েংশিল্লি।" হায়না প্রধান মন্ত্রীনা হায়খি। মহাক্না লৈবাক অসিদা চৎথরিবা স্কিল দিবেলপমেন্ত প্রোগ্রামশিং অদু পনখি। তুংলমচৎ শেমগৎপদা স্কিল দিবেলপমেন্তকী থৌদাং অদু পল্লদুনা, প্রধান মন্ত্রীনা স্কিল দিবেলপমেন্তদা অখন্নবা মিৎয়েং থম্লিবা অদু পনখি। মহাক্না মখা তানা হায়খি মদুদি মহাক্না লৈঙাক পায়রকপদগী অনৌবা মন্ত্রালয় অমা শেমখ্রে। মহাক্না মখা তাখি, "এদভান্স স্কিল য়ুনিভর্সিতীশিং অসি ভারতকীদমক মতম অসিগী তঙাইফদবা অমনি।"

প্রধান মন্ত্রীনা ই.ভি.শিংগী হেনগৎলক্লিবা দিমান্দ অদুগা চুনবা মওংদা মখোয়গী কেপাসিতি হেনগৎহন্নবা ইন্ত্রপ্রিনরশিংদা হায়খি। প্রধান মন্ত্রী মোদীনা ঙরাং হৌদোকখিবা পি.এম. সুর্যগর য়োজনাগী মতাংদা পনখি। মসিনা কান্নবা ফংলবা মীওইশিংদা লেম্না ইলেক্ত্রিসিতী অমসুং অহেনবা শেন্থোক ফংহল্লগনি। ইহান হান্না ইমুং করোর ১গী পান্দম থমদুনা প্রধান মন্ত্রীনা হায়খি মদুদি ই.ভি.গী গাড়ীশিংদা য়ুমশিংদা চার্জিং স্তেসনশিং হেন্না ফংহনগনি।

প্রধান মন্ত্রীনা ওতো অমসুং ওতো কম্পোনেন্তশিংগীদমক লুপা করোর ২৬,০০০গী পি.এল.আই. স্কিমগী মতাংদসু পনখি। মসিনা মেনুফেকচরিংগা লোয়ননা হায়দ্রোজেন ভেহিকলশিং প্রমোৎ তৌরি। মসিগী খুত্থাঙদা এদভান্স ওতোমোতিভ তেক্নোলোজী ১০০ হেন্না প্রমোৎ তৌরি। লৈবাক অসিদা অনৌবা তেক্নোলোজীশিং শেমগৎলকপা মতমদা, তেক্নোলোজীশিং অসিদা মালেমগী ইনবেস্তমেন্তসু ভারত্তা লাক্কনি।" হায়না প্রধান মন্ত্রীনা হায়খি।

খুদোংচাবশিংগা লোয়ননা শিংনবশিং লৈ হায়বা খঙলদুনা, প্রধান মন্ত্রীনা দিজিতেলাইজেসন, ইলেক্ত্রিফিকেসন, অতোপ্পা ফ্যুএল ভেহিকলশিং অমসুং কৈথেলগী দিমান্দ হোংলকপা অসি মরুওইবা ৱাফমশিংনি হায়না পনখি। অসিগুম্বা খুদোংচাবশিং অসিদা ওন্থোক্নবা অচুম্বা স্ত্রাতেজীগা লোইননা থবক তৌবগী তঙাইফদবা অদু মহাক্না ফোংদোকখি।

প্রধান মন্ত্রীনা এম.এস.এম.ই.শিংগী দিফিনিসন শেমদোকপা, এম.এস.এম.ই.শিং চাউখৎহন্নবা লম্বী য়াৎপা অসিনচিংবা এম.এস.এম.ই.শিংগী ফোর্মেলাইজেসনগী মায়কৈদা পায়খৎলিবা খোংথাংশিং অদুসু পনখি।

ঙসি ভারত সরকারনা ইন্দস্ত্রী খুদিংমক্কী নাকলদা লেপ্লি হায়না পি.এম. মোদীনা হায়খি। মহাক্না হায়খি মদুদি মমাংদা, ইন্দস্ত্রী অমা নৎত্রগা মীওই অমা ওইরবসু, খ্বাইদগী পীকপা ৱাফমশিংগীদমক্তা লৈঙাক্কী ওফিসশিংদা চৎপা মথৌ তাই। অদুবু ঙসিগী সরকারনা সেক্তর খুদিংমক্তা থেংনরিবা ইসু পুম্নমক থেংনরি। মহাক্না হৌখিবা চহি খরা অসিদা কমপ্লাইন্স ৪০,০০০ হেন্না মুত্থৎখিবগী অমসুং বিজিনেসকা মরী লৈনবা অপীকপা অশোয়বা কয়া অমা দি-ক্রিমিনেলাইজ তৌখিবগী ৱাফম থমখি।

অনৌবা লোজিস্তিক্স পোলিসী ওইগেরা নত্রগা জি.এস.তি. ওইগেরা, মখোয় পুম্নমক অসিনা ওতোমোবাইল সেক্তরগী অপীকপা ইন্দস্ত্রীশিংদা মতেং পাংলি।" মহাক্না হায়খি মদুদি সরকারনা পি.এম. গতিশক্তি নেস্নেল মাস্তর প্লান শেমদুনা ভারত্তা ইনফ্রাস্ত্রকচর দিবেলপমেন্তকী লমজিং-লমতাক পীরি। মসিগী মখাদা, মল্তি-মোদেল কনেক্তিবিতীদা অচৌবা শক্তি পীরদুনা লেয়র লিশিং অমগা মঙা হেন্না দেতা প্রোসেসিং তৌদুনা তুংলমচৎকী ইনফ্রাস্ত্রকচর শেমগৎলি। মহাক্না ইন্দস্ত্রী খুদিংমক্কীদমক সপোর্ত মেকানিজমশিং শেমগৎপদা অকনবা ৱাফম থমখি অমসুং ওতোমোবাইল এম.এস.এম.ই. সেক্তরগী স্তেকহোল্দরশিংদা সপোর্ত মেকানিজম অসিগী খুদোংচাবা লৌনবা তকশিনখি।  “ইন্নোবেসন অমসুং কম্পিতিতিবনেস মাংলোমদা পুখৎপা। সরকারনা মপুং ফানা অদোমগা লোয়ননা লৈরি। ঐহাক্না থাজৈ মদুদি TVSনা হোৎনরিবা অসিনা অদোমবু মসিগী মাইকৈ অসিদা মতেং পাংগনি।"

প্রধান মন্ত্রী মোদীনা সরকারগী স্ক্রেপিং পোলিসীগী মতাংদসু পনখি অমসুং অরিবা ভেহিকল পুম্নমক অনৌবা মোদর্নাইজেদশিংগা মহুৎ শিনবা পাম্মি হায়না ফোংদোকখি অমসুং স্তেকহোল্দরশিংবু খ্বাইদগী হেন্না কান্নবা লৌনবা তকশিনখি। মহাক্না শিপমেকিংগী অনৌবা অমসুং থৌরাং তৌরবা পাম্বৈশিং অমসুং মসিগী শরুকশিং রিসাইকল তৌনবগী কৈথেল পুথোকপগী ৱাফমসু ফোংদোকখি। প্রধান মন্ত্রীনা মহাক্কী ৱারোল লোইশিল্লদুনা দ্রাইভরশিংনা থেংনরিবা খুদোংচাদবশিং অদুসু পনখি। মহাক্না হায়ৱেদা দ্রাইভরশিংগীদমক ফেসিলিতীশিংগীদমক সেন্তর ১০০০ শেমগৎপগী ৱাফম থমখি। প্রধান মন্ত্রীনা মহাক্কী য়াইফ পাউজেল পীখি অমসুং লৈবাক অসিবু অনৌবা অৱাংবা থাক্তা পুখৎনবা মখোয়গী থৌরাংশিংদা সরকারনা মতেং পাংলি হায়না ফোংদোকখি।

কেন্দ্রগী রাজ্য মন্ত্রী, দোক্তর এল মুরুগান অমসুং তি.ভি.এস. সপ্লাই চেন সোলুসনস লিমিতেদকী চেয়রমেন, শ্রী আর দিনেশসু থৌরম অদুদা শরুক য়াখি।

বেকগ্রাউন্দ

মদুরাইদা প্রধান মন্ত্রীনা "ক্রিএতিং দি ফিউচর -  দিজিতেল মোবিলিতী ফোর ওতোমোতিব এম.এস.এম.ই. ওন্ত্রপ্রিনরস" প্রোগ্রামদা শরুক য়াখি অমসুং ওতোমোতিব সেক্তরদা থবক তৌরিবা মাইক্রো, স্মোল অমসুং মেদিয়ম ইন্তর্প্রাইজ (এম.এস.এম.ই.) ওন্ত্রপ্রিনর লিশিং কয়াদা ৱা ঙাংখি। প্রধান মন্ত্রীনা ভারতকী ওতোমোতিব ইন্দস্ত্রীদা এম.এস.এম.ই.শিংবু মতেং পাংনবা অমসুং চাউখৎহন্নবা শেম-শারবা মরুওইবা খোংথাং অনিসু হৌদোকখি। খোংথাংশিং অসিদা TVS ওপন মোবিলিতী প্লেৎফোর্ম অমসুং TVS মোবিলিতী-CII সেন্তর ওফ এক্সিলেন্স য়াওরি। মসিগী খোংথাংশিং অসি লৈবাক অসিদা এম.এস.এম.ই.শিং চাউখৎহনবদা মতেং পাংনবা অমসুং মখোয়বু ওপরেসনশিং ফোর্মেলাইজ তৌনবা, গ্লোবেল ভেল্যু চেনগা পুনশিন্নবা অমসুং মশা-মরোমদোম লেপচবা ঙমহনবদা মতেং পাংনবা প্রধান মন্ত্রীগী মিৎয়েং অদু মংফাওনহন্নবা খোংথাং অমনি।

***