প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা, মীওইবা, শা-ঙা, পাম্বী অমদি অকোয়বগী ফীভমগা মরী লৈনবা সেক্তরশিং পুনশিল্লগা অপুনবা ওইনা লায়না লাকশিন্নবা অমদি লাইচৎকীদমক শেম শানবা লৈরিবা মল্তি-মিনিস্তরিএল অমদি মল্তি-সেক্তরেল নেস্নেল ৱন হেল্থ মিসনগী মিসন দাইরেক্তর ওইনসু থৌ পুগদবা নেস্নেল ইন্সতিত্যুৎ ওফ ৱন হেল্থকী দাইরেক্তরগী ফম অমা সাইন্তিস্ত ঐচ (পে লেবেল ১৫ দা) কী থাক্তা হাপ্নবা ৱাফম অয়াবা পীখ্রে।

ওইরক্কতবা শেল-থুমগী ফীভম:

নেস্নেল ইন্সতিত্যুৎ ওফ ৱন হেল্থকী দাইরেক্তরগী ফম অমা সাইন্তিস্ত ‘ঐচ’ কী থাক্তা পে লেবেল ১৫ দা (লুপা ১,৮২,০০০ – লুপা ২,২৪,১০০) হাপ্পনা চহিদা চাউরাক্না লুপা লাখ ৩৫.৫৯ লোম চৎপা হেনগৎহনগনি।

থবক পায়খৎনবা লাল্লোং অমদি পান্দমশিং:

নেস্নেল ইন্সতিত্যুৎ ওফ ৱন হেল্থ, নাগপুরগী দাইরেক্তর অসিনা মীওইবা, শা-ঙা, পাম্বী অমদি অকোয়বগী ফীভমগা মরী লৈনবা সেক্তরশিং পুনশিল্লগা অপুনবা ওইনা লায়না লাকশিন্নবা অমদি লাইচৎকীদমক শেম শানবা লৈরিবা মল্তি-মিনিস্তরিএল অমদি মল্তি-সেক্তরেল নেস্নেল ৱন হেল্থ মিসনগী মিসন দাইরেক্তর ওইনসু থৌ পুগনি। নেস্নেল ৱন হেল্থ মিসনগী ইন্তিগ্রেতেদ দিজীজ কন্ত্রোল অমদি পেন্দেমিক প্রিপ্যার্দনেসকী লমদা রিছর্চ অমদি দিভেলপমেন্ত মপাঙ্গল কনখৎহন্নবা প্রোগ্রাম অমা ০১.০১.২০২৪ দা অয়াবা পীখ্রবনি। থবক পীবা য়াবগী মতিং য়াওনা মরুওইবা ইথিলশিং: নেস্নেল ৱন হেল্থ মিসন অসিনা ৱন হেল্থ এপ্রোচ শীজিন্নদুনা ইন্তিগ্রেতেদ দিজীজ কন্ত্রোল অমদি পেন্দেমিক প্রিপ্যার্দনেস ফংবদা ভারত্তা মতেং ওইগনি। মসিনা মীওইবা, শা-ঙা, পাম্বী অমদি অকোয়বগী ফীভমগা মরী লৈনবা হকশেলগী খুদোংচাদবশিং অমত্তা ওইনা লাকশিন্নবা অমদি তুং কোইগদবা মওংদা খুৎশম্ননা চৎমিন্নদুনা তোঙান তোঙানব মন্ত্রালয়/দিপার্তমেন্তশিংগী হৌজিক লৈরিবা অমদি থৌরাং তৌরিবা প্রোগ্রামশিং শীজিন্নগনি।

বেকগ্রাউন্দ:

হৌখিবা দেকেদ খরসিদা, নিপাহ, H5N1 এভিয়ন ইনফ্লুএঞ্জা, SARS-CoV-2 অসিনচিংবা লৌনগনবা লায়না কয়া শন্দোরকপনা মালেমগী ওইনা মীপাইনবা থাক্কী মীয়ামগী হকশেলগী ইমর্জেন্সী ওইহল্লকখি। মসিগী মথক্তা, শা-শন্দা ফুত এন্দ মাউথ দিজীজ, লম্পী স্কিন দিজীজ, ওক্তা অফ্রিকান স্বাইন ফিভর অসিনচিংবা শা-ঙাগী লায়না শন্দোরকপনা লৌমীশিংগী শেন্মিৎলোন অমদি লৈবাক অসিগী ফুদ সিক্যুরিতীদা শোকহল্লি। হায়রিবা লায়নাশিং অসিনা লমলক্কী শা-উচেকশিংবুসু শোকহল্লি অমদি মখোয় য়োকখৎপগী থবক্তা অকায়বা পীরি।

মীওইবা, শা-উচেক, অমদি মখোয়না লৈরিবা, পাম্বী য়াওনা অকোয়বগী ফীভমদা মায়োক্নরিবা শিংনবশিংগী অরুবা ৱাফম অমদি অমগা অমগা মরী লৈনবা অসিনা ‘হেল্থ এন্দ ৱেলনেস ফোর ওল’ গী পান্দম ফংনবা হোৎনবদা মপুং ফাবা অমদি পুম্নমক পুনশিল্লবা ‘ৱন হেল্থ’ তা য়ুম্ফম ওইবা লম্বী অমদা চঙবা মথৌ তাহল্লি। মসি য়েংলগা, “নেস্নেল ৱন হেল্থ মিসন” হায়বা ইন্তিগ্রেতেদ ফ্রেমৱর্ক অমা লৈঙাক্কী দিপার্তমেন্ত ১৩ খুৎশম্নদুনা শেম্লে। মসিদা দিপার্তমেন্তশিং অসিনা পুন্না চৎমিন্নদুনা লায়না লাইচৎ ঙল্লিঙৈদ খঙদোক্নবা সেক্তর শিন-থুংনা পুনশিল্লবা অমদি মপুং ফাবা R&D পায়খৎপা, ভেক্সিন, থেরাপ্যুতিক্স, দাইগ্নোস্তিক্স, মোনোক্লোনেল অমদি অতৈ জিনোমিক খুৎলায়নচিংবা মেদিকেল কাউন্তর মীজরশিং খোঙলৈ থুনা পায়খৎপা য়াননবা ‘ৱন হেল্থ’ কী লম্বীদা চঙশিনবা অমদি পান্দম নাইবা R&D গী লম্বী য়াত্থোকপা অসিনচিংবা মরুওইবা থবক থৌরমশিং সেক্তর শিন থুংনা পায়খৎকনি।

*****