প্রধানমন্ত্রী শ্রী নরেন্দ্র মোদীনা ঙসি কেন্দ্র অমসুং রাজ্য সরকারশিং য়াওরদুনা নিংথিনা লৈবাক ঙাকপা  অমসুং মতম চানা থবক পাংথোক্নবগীদমক্তা আই.সি.তি.-বেজ মল্তি-মোদেল প্লেৎফোর্ম প্রগতী মীফমদা ময়ায় তাংবল লৌখ্রে। মীফম মসিগী মতমদা  প্রধানমন্ত্রীনা তোঙান-তোঙানবা রাজ্যশিং অমসুং কেন্দ্রদা লৈঙাক পায়রিবা লমশিংদা ত্রান্সপোর্ত, ইলেক্ত্রিসিতী অমসুং ৱাতর রিসোর্সেসগী সেক্তরশিংদা লুপা করোর 62,000 দগী হেন্না চংগদবা মেগা ইনফ্রাস্ত্রকচর মেগা ইনফ্রাস্ত্রকচর প্রোজেক্ত অহুম রিভিয়ু তৌখ্রে রিভিয়ু তৌখ্রে। প্রোজেক্তশিং অসিগী স্ত্রেতিজিক ওইবা মরুওইবদা লুম্না লৌরদুনা থবক পাংথোকপদা অপনবশিং লৈহন্দনবা অমসুং মখোয়শিং অধু মতম চানা লোইশিন্নবগীদমক্তা কন্না হোৎননবা খংহনখ্রে। প্রোজেক্ত থেংথবদা ফংবা শাফুগী মতাংদা হায়রদুনা প্রধানমন্ত্রীনা অমুক্কা হন্না নিংশিংলদুনা অসিগুম্বা মখলগী অপনবশিং অসিনা শেল চংবা হেনগৎহনবদা নত্তনা প্রজাশিংগী মথৌ তাবা সর্ভিসশিং অমসুং মরুওইবা ইনফ্রাস্ত্রকচরশু ফংদনা লৈরগনি হায়খি। মহা্না মরি লৈনবা হীরমশিংদা মঙম শান্নবা অমসুং একাউন্তেবিলিতীদা হান্না মীৎয়েং থম্নবা তকশিনখি।
মহাক্না ৱাফম অসিদা লুম্না লৌদুনা সোসিও-ইকোনোমিক আউতকমশিং মতম চানা দেলিভরি তৌবগী রিজল্তশিং অদু হেনগৎহন্নবা মরু ওই হায়না হায়খি।  রিএল স্তেত রিগুলেতরী ওথোরিতী (রেরা) গা মরি লৈনবা মীয়ামগী ৱাকৎশিং রিভিয়ু তৌবা মতমদা প্রধানমন্ত্রী য়ুম লৈগদবশিংগীদমক্তা ৱায়েল পথাপ অমসুং মওং চুম্না তৌনবগীদমক্তা ৱাকৎ লৈহন্দনবা লোইশিন্ননবা ক্বালিতী লৈনা অমসুং মতম চানা তৌবদা হেন্না ফগৎহনবগী মথৌ তাইখি। রাজ্য সরকারশিংদগী ইলিজিবল ওইরবা রিএল স্তেত প্রোজেক্তশিং অসি রেরা প্রোবিজনগী মখাদা তঙাইফদনা রেজিস্ত্রেসন তৌনবসু হায়খি।  
প্রধানমন্ত্রীনা ৱাফম অসিদা লুম্না লৌখি মদুদি হাউসিং মার্কেত্তা থাজবা লৈহন্নবগীদমক্তা রেরা প্রোবিজনশিং অসি হকচিন্না ঙাকপা মরু ওই।  প্রধানমন্ত্রীনা ভারতকী সেমিকন্দক্তর ইকোসিস্তেমগা মরি লৈনবা খ্বাইদগী ফবা প্রেক্তিসশিং য়েংশিনখি। মহাক্না লুম্না লৌরদুনা মতৌ অসিগুম্বা থৌরাং অসিনা অতোপ্পশিংগী গাইদিং মোদেল ওইনা থবক তৌবা ঙম্মি অমসুং রাজ্যশিং অমদি কেন্দ্র পানবা লমশিংদা চাওনা এদোপ তৌনবা ইথীল পীবা য়াই, মসিদগী নেস্নেল সেমিকন্দক্তর মিশন অসি হেন্না চাওখৎলক্কনি।

হৌজিক চত্থরিবা প্রগতি মীফমশিং অসিফাওবদা চাওরাক্না লুপা করোর  20.64 রোমগী প্রোজেক্তশিং 373 রিভিয়ু তৌখ্রে।

***