প্রধানমন্ত্রীগী লোইশঙ
প্রধান মন্ত্রীনা দাদী রতন মোহিনী লৈখিদবদা অৱাবা ফোংদোকখ্রে
মহাক অসি মঙাল, লৌশিংগী মঙাল অমসুং মীনুংশিগী শক্তম অমা ওইনা নিংশিংনহৌরগনিঃ পি.এম.
प्रविष्टि तिथि:
08 APR 2025 5:04PM by PIB Imphal
প্রধান মন্ত্রী শ্রী নরেন্দ্র মোদীনা ব্রহ্ম কুমারীশিংগী শক্নাইরবা স্পিরিচুএল ওইবা লুচিংবী দাদী রতন মোহিনীজীনা লৈখিদবদা অৱাবা ফোংদোকখ্রে। শ্রী মোদীনা হায়খি মদুদি মহাক অসি মঙাল, লৌশিংগী মঙাল অমসুং মীনুংশিগী শক্তম অমা ওইনা নিংশিংনহৌরগনি।
মহাক্না ব্রহ্ম কুমারীশিংগী মালেমগী থাক্তা হৌবা ইহৌদা লুচিংখিবা অদুবু থাগৎপা ফোংদোকখি। মহাক্কা হকথেংননা ৱারী-ৱাতাই শান্নখিবশিং অদু নিংশিংলদুনা প্রধান মন্ত্রীনা হায়খি মদুদি মহাক্কী পুন্সি অমসুং তাকপিরম্বশিং অদুনা শান্তি পামজবশিংদা মঙাল পীনবিদুনা অমসুং খুন্নাই অসি হেন্না নিংথিজবা ওইরসনু। .
প্রধান মন্ত্রীনা X তা থাগৎলকপা পোস্ত অমদা;
“দাদী রতন মোহিনীজী অসি পন্দোন য়ৌনা স্পিরিচুএল লৈবা মীশক অমা ওইরম্মী। মহাক অসি মঙাল, লৌশিংগী মঙাল অমসুং মীনুংশিগী শক্তম অমা ওইনা নিংশিংনহৌরগনি। মহাক্কী পুন্সিগী খোংচৎ অসিদা লাক্কদৌরিবা মতমদা মীওই কয়া অমদা নুং য়ৌনা থাজবা, অচম্বা অমসুং ৱাশক চেৎনা থৌগল তৌবদা ইনোৎ হাপ্তুনা লৈহৌরগনি। মহাক্না মালেমগী থাক্তা হৌবা ইহৌদা ব্রহ্মকুমারীশিংবু লুচিংখিবা অদু অদুক্কী মতিক থাগৎনিংঙাইনি।মাহাক্কী মীওইবগী ওইবা মীনুংশিং, খাংবা কনবা, তরু-তরুবা ৱাখল-লৌশিং অমসুং থৌজালহৈবা মতৌ অসি মতম পুম্বদা লেঙদনা লৈহৌরগনি। মহাক্কী পুন্সি অমসুং তাকপিরম্বশিং অদুনা শান্তি পামজবশিংদা মঙাল পীনবিদুনা অমসুং খুন্নাই অসি হেন্না নিংথিজবা ওইরসনু। .মহাক্কা ৱারী-ৱাতাই শান্নখিবশিং অদু কৈদৌনুংদসু কাওবা লৈররোই। ঐহাক্কী থম্মোয়দা মহাক্না পামজরম্বশিং অমসুং ব্রহ্ম কুমারীশিংগী মালেমগী থাক্তা হৌখিবা ইহৌ অদু ঙসি ৱারবা পুংফম অসিদা নিংশিংলি। ওম শান্তি”
***
(रिलीज़ आईडी: 2175886)
आगंतुक पटल : 11
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam