প্রধানমন্ত্রীগী লোইশঙ
প্রধান মন্ত্রীনা ৱর্ল্দ পেরা-এথেলেতিক্স চেম্পিয়নশিপ 2025 তা ইন্দয়ন কন্তিজ্ঞেন্তকী পুৱারী ওইরবা পর্ফোর্মেন্সতা থাগৎপা ফোংদোকখ্রে
प्रविष्टि तिथि:
06 OCT 2025 4:28PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ন্যু দিল্লীদা পাংথোকখিবা ৱর্ল্দ পেরা-এথেলেতিক্স চেম্পিয়নশিপ 2025 তা ইন্দয়ন কন্তিজ্ঞেন্তকী পুৱারী ওইরবা পর্ফোর্মেন্সতা থাগৎপা ফোংদোকখ্রে। ভারতনা পেরা স্পোর্তসকী খোংচৎ অসিদা সনাগী তকমান 6 য়াওনা পুন্না তকমান 22 লৌদুনা থৌরম অসিদা হৌজিক ফাওবদা খ্বায়দগী য়াম্না তকমান ফংবা ওইদুনা লৈবাক অসিগী মায় পাকপগী নিংশিং উরোং খিনবা ঙমখ্রে।
শ্রী মোদীনা ভারতনা থৌবু ওইদুনা মালেমগী ওইবা লেমজনিংঙাই ওইরবা থৌরম অসি ইহান হান্না পাংথোকপখিবা অসিদা চাউথোকচবসু ফোংদোকখি।
X তা থাগৎলকখিবা পোস্ত অমদা শ্রী মোদীনা হায়খি:
"ঐখোয়গী পেরা এথেলেতশিংগী পুৱারী ওইরবা পর্ফোর্মেন্স অমা!
হন্দক্কী চহীগী ৱর্ল্দ পেরা-এথেলেৎ চেম্পিয়নশিপ অসি য়াম্না অখন্নবা ওই। ভারতকী কন্তিজ্ঞেন্ত অসিনা হৌজিক ফাওবগী ওইনা খ্বায়দগী ফজবা পর্ফোর্মেন্স তৌদুনা সনাগী তকমান 6 য়াওনা পুন্না তকমান 22 লৌবা ঙমখ্রে। ঐখোয়গী এথেলেৎ পুম্নমক্কী মফমদা থাগৎপা ফোংদোকচরি। মখোয়গী মায় পাকপসিনা মীওই কয়াগী পুক্নিং থৌগৎলগনি। ঐখোয়গী কন্তিজ্ঞেন্ত অসিগী মেম্বর খুদিংমক্কীদমক্তা চাওথোকচরি অমসুং মখোয়গী তুংলমচত্তা খ্বায়দগী অফবতা ওইরসনু হায়না য়াইফ-থৌজাল পীজরি।
ন্যু দিল্লীনা থৌবু ওইদুনা তুর্নামেন্ত পাংথোক্লিবা অসি ভারতকী ওইনা তশেংনা ইকাই খুম্ননিংঙাইনি। তুর্নামেন্ত অসিগী শরুক ওইখিবা লৈবাক 100 মুক্তগী এথেলেৎশিং অমদি সপোর্ত স্তাফশিংগী মফমদা থাগৎপা ফোংদোকচরি। "
***
(रिलीज़ आईडी: 2175638)
आगंतुक पटल : 45
इस विज्ञप्ति को इन भाषाओं में पढ़ें:
Malayalam
,
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada