ଉପସ୍ଥାପକ:         ନମସ୍କାର, ମହାଶୟ। ପ୍ରଥମେ, ଆମେ ଆମର ତୀରନ୍ଦାଜ ଶୀତଲ ଦେବୀଙ୍କ ସହ କଥା ହେବୁ। ଶୀତଲ ଦେବୀ, ଦୟାକରି କଥା ହୁଅନ୍ତୁ।

ପ୍ରଧାନମନ୍ତ୍ରୀ:        ନମସ୍କାର, ଶୀତଲ।

ଶୀତଲ:              ନମସ୍କାର, ମହାଶୟ। ଜୟ ମାତା ଦୀ ।

ପ୍ରଧାନମନ୍ତ୍ରୀ:        ଜୟ ମାତା ଦୀ।

ଶୀତଲ:              ମୁଁ ଶୀତଲ।

ପ୍ରଧାନମନ୍ତ୍ରୀ:        ଶୀତଲ, ତୁମେ ଭାରତୀୟ ଦଳର ସବୁଠାରୁ ଯୁବ ଖେଳାଳିଏବଂ ଏହା ତୁମର ପ୍ରଥମପାରାଅଲିମ୍ପିକ୍ସ ହେବ। ତୁମର ମନରେ ନିଶ୍ଚୟ ବହୁତ କିଛି ଭାବନା ରହିଥିବ। ତୁମର ମନରେ କଣ ଅଛି ତାହା ତୁମେ ବାଣ୍ଟିପାରିବ କି? ତୁମେ କ’ଣ କୌଣସି ଚାପ ଅନୁଭବ କରୁଛ କି?

ଶୀତଲ:              ନା, ମହାଶୟ, ମୁଁ ଚାପଗ୍ରସ୍ତ ନୁହେଁ। ମୁଁ ବହୁତ ଖୁସି ଯେ, ଏତେ କମ୍ ବୟସରେ ଏବଂ ଏତେ କମ୍ ସମୟ ମଧ୍ୟରେ, ମୁଁପାରାଅଲିମ୍ପିକ୍ସରେ ଖେଳିବାକୁ ଯାଉଛି। ଏହା ପ୍ରକୃତରେ ବହୁତ ଆନନ୍ଦର କଥା, ମହାଶୟ, ଏତେ କମ୍ ବୟସରେଓ ଏତେ କମ୍ ସମୟ ମଧ୍ୟରେ, ମୁଁ ପାରାଅଲିମ୍ପିକ୍ସରେ ପ୍ରତିଯୋଗିତା କରୁଛି। ମୁଁ ଏହା ମଧ୍ୟ କହିବାକୁ ଚାହେଁ ଯେ,ଚୟନ କମିଟି ମୋତେ ସହଯୋଗ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଛି। ସେମାନଙ୍କର ସମର୍ଥନ, ଅନ୍ୟମାନଙ୍କ ପରି,ଅବିଶ୍ୱସନୀୟ। ଏହିପରି ଭାବରେ ମୁଁ ଏଠାରେ ପହଞ୍ଚିଛି, ମହାଶୟ।

ପ୍ରଧାନମନ୍ତ୍ରୀ:        ଠିକ୍ ଅଛି, ଶୀତଲ। ପ୍ୟାରିସ୍ ପାରାଲିମ୍ପିକ୍ସ ପାଇଁ ତୁମର ଲକ୍ଷ୍ୟ କ’ଣଏବଂ ତୁମେ ଏଥି ପାଇଁ କିପରି ପ୍ରସ୍ତୁତି କରିଛ?

ଶୀତଲ:              ହଁ, ମହାଶୟ। ମୋର ପ୍ରସ୍ତୁତି ବହୁତ ଭଲ ଚାଲିଛିଏବଂ ମୋର ପ୍ରଶିକ୍ଷଣ କାର୍ଯ୍ୟ ମଧ୍ୟ ବହୁତ ଭଲ ଚାଲିଛି, ମହାଶୟ। ମୋର ଲକ୍ଷ୍ୟ ହେଉଛିଏଠାରେ ଭାରତୀୟ ପତାକା ଉଡ଼ାଇ ଆମର ସଂଗୀତ ବାଜିବା। ଏହା ମୋର ଉଦ୍ଦ୍ୟେଶ୍ୟ, ମହାଶୟ। ଏହା ବ୍ୟତୀତ, ମୋରଆଉ ଅନ୍ୟ କିଛି ଇଚ୍ଛା ନାହିଁ।

ପ୍ରଧାନମନ୍ତ୍ରୀ:        ଶୀତଲ, ଯେପରି ମୁଁ ପୂର୍ବରୁ କହିଥିଲି, ତୁମେ ଏହି ଦଳରେ ସବୁଠାରୁ କନିଷ୍ଠ। ତୁମକୁ ମୋର ପରାମର୍ଶ ହେଉଛିଏତେ ବଡ଼ ଇଭେଣ୍ଟର ଚାପ ଗ୍ରହଣ କର ନାହିଁ। ଜିତିବା କିମ୍ବା ହାରିବା ବିଷୟରେ ଚିନ୍ତା ନକରି ତୁମର ସର୍ବୋତ୍ତମ ଦକ୍ଷତା ପ୍ରଦର୍ଶନ କର।ସମଗ୍ର ଦେଶଏବଂ ମୁଁ, ତୁମ ସହିତ ଅଛି। ତୁମ ଉପରେ ସର୍ବଦା ମାତା ବୈଷ୍ଣୋ ଦେବୀଙ୍କ ଆଶୀର୍ବାଦ ରହିଛି। ତେଣୁ, ମୋ ପକ୍ଷରୁ ସମସ୍ତଙ୍କୁଶୁଭକାମନା।

ଶୀତଲ:              ଧନ୍ୟବାଦ, ମହାଶୟ। ଦେବୀ ମାତା ମୋତେ ପ୍ରକୃତରେ ଆଶୀର୍ବାଦ କରିଛନ୍ତି, ଯାହା ଫଳରେ ମୁଁ ଏତେ କମ୍ ସମୟ ମଧ୍ୟରେ ଏଠାରେ ପହଞ୍ଚିପାରିଛି। ମହାଶୟ, ମାତା ରାଣୀଙ୍କଠାରୁ ମୁଁ ବହୁତ ଆଶୀର୍ବାଦ ପାଇଛି।ମହାଶୟ, ସମସ୍ତ ଭାରତୀୟଙ୍କ ପ୍ରାର୍ଥନା ଯୋଗୁଁ ମୁଁ ଏତେ ଶୀଘ୍ର ଏଠାରେ ପହଞ୍ଚିପାରିଛି। ମୋ ଉପରେ ଆପଣଙ୍କର ମଧ୍ୟ ଆଶୀର୍ବାଦ ଅଛି, ମହାଶୟ। ଧନ୍ୟବାଦ, ମହାଶୟ।

ପ୍ରଧାନମନ୍ତ୍ରୀ:        ଶୁଭକାମନା।

ଉପସ୍ଥାପକ:         ଶ୍ରୀମତୀ ଅବନୀ ଲେଖାରା।

ପ୍ରଧାନମନ୍ତ୍ରୀ:        ନମସ୍କାର, ଅବନୀ।

ଅବନୀ ଲେଖାରା: ନମସ୍କାର, ମହାଶୟ!

ପ୍ରଧାନମନ୍ତ୍ରୀ:        ଅବନୀ, ଆପଣ ଗତ ପାରାଅଲିମ୍ପିକ୍ସରେ ଅନ୍ୟ ଏକ ପଦକ ସହିତ ଏକ ସ୍ୱର୍ଣ୍ଣ ପଦକ ଜିତିଥିଲେ, ଯାହା ସମଗ୍ର ଦେଶକୁ ଗର୍ବିତ କରିଥିଲା। ଏଥର ଆପଣଙ୍କର ଲକ୍ଷ୍ୟ କ'ଣ?

ଅବନୀ ଲେଖାରା: ମହାଶୟ, ଗତ ଥର ମୋର ପ୍ରଥମ ପାରାଅଲିମ୍ପିକ୍ସ ଥିଲାଏବଂ ମୁଁ ଅଭିଜ୍ଞତା ହାସଲ କରିବା ପାଇଁ ଚାରୋଟି ଇଭେଣ୍ଟରେ ଅଂଶଗ୍ରହଣ କରିଥିଲି। ଏଥର, ଏହି ଅଲିମ୍ପିକ୍ସ ପର୍ଯ୍ୟାୟରେ ମୁଁ କ୍ରୀଡା ଏବଂ କୌଶଳ ଉଭୟରେ ବହୁତ ଅଧିକ ପରିପକ୍ୱତା ହାସଲ କରିଛି। ମୁଁ ଏଥର ମଧ୍ୟ ଅଂଶଗ୍ରହଣ କରୁଥିବା ଇଭେଣ୍ଟଗୁଡ଼ିକରେ ମୋର ସର୍ବୋତ୍ତମ ଦକ୍ଷତା ପ୍ରଦର୍ଶନ କରିବାକୁ ଲକ୍ଷ୍ୟ ରଖିଛି। ସାରା ଭାରତରୁ ମୋତେ ମିଳିଥିବା ସମର୍ଥନ ଏବଂ ସ୍ନେହ, ବିଶେଷକରି ଗତ ପାରାଅଲିମ୍ପିକ୍ସ ପରେ, ଆପଣଙ୍କର ସମର୍ଥନ ମଧ୍ୟ, ମହାଶୟ, ମୋ ପାଇଁ ବହୁତ ପ୍ରେରଣାଦାୟକ ହୋଇଛି। ଏଥିଯୋଗୁଁ ସେଠାରେ ଯାଇ ମୋର ସର୍ବୋତ୍ତମ ପ୍ରଦର୍ଶନ କରିବା ତଥା ଦାୟିତ୍ୱର ସହିତ ଖଳିବାକୁ ମୋତେ ପ୍ରେରଣା ଯୋଗାଇଛି।

ପ୍ରଧାନମନ୍ତ୍ରୀ:        ଅବନୀ, ଟୋକିଓରେ ବିଜୟ ପରେ ଆପଣଙ୍କ ଜୀବନରେ କିପରି ପରିବର୍ତ୍ତନ ହେଲା? ଆପଣ ପରବର୍ତ୍ତୀ ପ୍ରତିଯୋଗିତା ପାଇଁ ନିଜକୁ କିପରି ନିରନ୍ତର ପ୍ରସ୍ତୁତ ରଖିଥିଲେ?

ଅବନୀ ଲେଖାରା: ମହାଶୟ, ଗତ ଥର ଅଂଶଗ୍ରହଣ କରିବା ସମୟରେ, ମୁଁ ଏହା କରିପାରିବି କି ନାହିଁ ସେ ବିଷୟରେ ମୋ ମନରେ ଏକ ପ୍ରଶ୍ନବାଚୀ ଥିଲା। କିନ୍ତୁ ଦୁଇଟି ପଦକ ଜିତିବା ପରେ, ସେହି ପ୍ରତିବନ୍ଧକ ଉଭେଇଗଲାଏବଂ ମୁଁ ଅନୁଭବ କଲି ଯେ, ଯଦି ମୁଁ ଏହା ଥରେ କରିପାରିବି, ତେବେ ମୁଁ କଠିନ ପରିଶ୍ରମ ସହିତ ପୁନର୍ବାର ମଧ୍ୟ କରିପାରିବି। ଯେତେବେଳେ ମୁଁ ଭାରତ ପାଇଁ ଅଂଶଗ୍ରହଣ କରେ, ବିଶେଷକରି ହ୍ୱିଲଚେୟାରରେଏବଂ ଦେଶକୁ ପ୍ରତିନିଧିତ୍ୱ କରେ, ଏହା ଏତେ ଭଲ ଲାଗେ ଯେ, ମୁଁ ସବୁବେଳେ ଏହା ପୁନଃ କରିବାକୁ ଇଚ୍ଛା ପ୍ରକାଶ କରେ।

ପ୍ରଧାନମନ୍ତ୍ରୀ:        ଅବନୀ, ତୁମେ ନିଜ ଉପରେ ବହୁତ ଆଶା ରଖିଛଏବଂ ଦେଶ ମଧ୍ୟ ତୁମ ଉପରେ ବହୁତ ଆଶା ରଖିଛି। କିନ୍ତୁ ମୁଁ କେବଳ ଏତିକି କହିବି, ଏହି ଆଶାଗୁଡ଼ିକୁ ବୋଝ ହେବାକୁ ଦିଅ ନାହିଁ। ଏହି ଆଶାଗୁଡ଼ିକୁ ତୁମର ଶକ୍ତି ହେବାକୁ ଦିଅ। ତୁମକୁ ଶୁଭକାମନା।

ଅବନୀ ଲେଖାରା: ଧନ୍ୟବାଦ, ମହାଶୟ!

ଉପସ୍ଥାପକ:         ଶ୍ରୀଯୁକ୍ତ ମାରିୟାପ୍ପାନ ଥାଙ୍ଗାଭେଲୁ।

ମାରିଆପ୍ପାନ ଥାଙ୍ଗାଭେଲୁ: ଭାନାକ୍କମ୍, ମହାଶୟ।

ପ୍ରଧାନମନ୍ତ୍ରୀ:        ମାରିୟାପ୍ପାନ ଜୀ, ଭାନାକ୍କମ୍। ମାରିୟାପ୍ପାନ, ତୁମେ ଟୋକିଓପାରାଅଲିମ୍ପିକ୍ସରେ ଏକ ରୌପ୍ୟ ପଦକ ଜିତିଛ। ଏଥର, ତୁମେ ସେହି ରୌପ୍ୟକୁ ସୁନାରେ ପରିଣତ କରିବାକୁ ଲକ୍ଷ୍ୟ ରଖିଛ। ତୁମେ ତୁମର ପୂର୍ବ ଅଭିଜ୍ଞତାରୁ କ’ଣ ଶିଖିଛ?

ମାରିଆପ୍ପାନ:        ମହାଶୟ, ମୁଁ ଜର୍ମାନୀରେ ତାଲିମ ନେଉଛି। ତାଲିମ ଭଲ ଚାଲିଛି। ଗତ ଥର, ଏକ ଛୋଟଭୁଲ ହୋଇଥିଲାଯାହା ଫଳରେ ମୁଁ ରୌପ୍ୟ ପାଇଲି। ଏଥର, ମୁଁ ୧୦୦ ପ୍ରତିଶତ ସୁନା ଆଣିବି।

ପ୍ରଧାନମନ୍ତ୍ରୀ:        ନିଶ୍ଚିତ?

ମାରିଆପ୍ପାନ:        ନିଶ୍ଚିତ, ମହାଶୟ, ୧୦୦ ପ୍ରତିଶତ।

ପ୍ରଧାନମନ୍ତ୍ରୀ:        ମାରିୟାପ୍ପନ, ଆପଣ ଜଣେ ଖେଳାଳି ଏବଂ ଜଣେ ପ୍ରଶିକ୍ଷକ। ଯେତେବେଳେ ଆପଣ ୨୦୧୬ ଏବଂ ବର୍ତ୍ତମାନ ପାରା-ଆଥଲେଟଙ୍କ ସଂଖ୍ୟାକୁ ଦେଖନ୍ତି, ସେତେବେଳେ ଏଥିରେ ଏକ ଗୁରୁତ୍ୱପୂର୍ଣ୍ଣ ବୃଦ୍ଧି ଘଟିଥିବା  ଏହି ପରିବର୍ତ୍ତନକୁ ଆପଣ କିପରି ଦେଖନ୍ତି?

ମାରିୟାପ୍ପନ:        ମହାଶୟ, ମୁଁ ୨୦୧୬ ରେ ପ୍ରଥମ ଥର ପାଇଁ ପାରାଅଲିମ୍ପିକ୍ସରେ ପ୍ରବେଶ କରିଥିଲି। ମୁଁ ଟିକେ ଭୟଭୀତ ହୋଇଥିଲି, ଭାବିଥିଲି ଯେ, ମୁଁସ୍ୱର୍ଣ୍ଣ ଜିତିପାରିବି ନାହିଁ, କିନ୍ତୁ ମୁଁ ଜିତିଥିଲି। ସ୍ୱର୍ଣ୍ଣ ଜିତିବା ପରେ, ସମଗ୍ର କର୍ମଚାରୀ ଏବଂ ପାରାଅଲିମ୍ପିକ୍ ସମ୍ପ୍ରଦାୟମୋତେ ସମର୍ଥନ କରିଥିଲେ। ମୁଁ ପାଇଥିବା ସମର୍ଥନ ଦେଖି, ଆହୁରି ଅନେକ ଲୋକ କ୍ରୀଡାରେ ସାମିଲ ହୋଇଥିଲେ। ଏବେ, ଆମେଭାରତ ପାଇଁ ୧୦୦ ପଦକ ପାଇଁ ଲକ୍ଷ୍ୟ ରଖିବା ଉଚିତ। ଏଥର, ଏହା ନିଶ୍ଚିତ ଘଟିବ, ମହାଶୟ।

ପ୍ରଧାନମନ୍ତ୍ରୀ:        ମାରିୟାପ୍ପନ, ଆମେ ଆମର ଖେଳାଳିମାନଙ୍କୁ କୌଣସି ଅଭାବ ନହେବା ପାଇଁ ଯଥାସମ୍ଭବ ଚେଷ୍ଟା କରୁଛୁ। ଆପଣକେବଳ ଆପଣଙ୍କ ପ୍ରଦର୍ଶନ ଉପରେ ଧ୍ୟାନ ଦେବା ଉଚିତ। ଦେଶ ଆପଣଙ୍କ ସହିତ ଅଛି। ଆପଣଙ୍କୁ ଶୁଭକାମନା।

ମାରିୟାପ୍ପନ:        ଧନ୍ୟବାଦ, ମହାଶୟ।

ଉପସ୍ଥାପକ:         ଶ୍ରୀଯୁକ୍ତ ସୁମିତ ଆଣ୍ଟିଲ।

ପ୍ରଧାନମନ୍ତ୍ରୀ:        ନମସ୍କାର, ସୁମିତ।

ସୁମିତ ଅଣ୍ଟିଲ:      ନମସ୍କାର, ମହାଶୟ। ଧନ୍ୟବାଦ, ମହାଶୟ।

ପ୍ରଧାନମନ୍ତ୍ରୀ:        ସୁମିତ, ତୁମେ ଏସୀୟ ପାରା ଗେମ୍ସ ଏବଂ ଟୋକିଓ ପାରାଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତି ଗୋଟିଏ ପରେ ଗୋଟିଏ ବିଶ୍ୱ ରେକର୍ଡ ସ୍ଥାପନ କରିଛ। ତୁମେ ନିଜ ରେକର୍ଡ ଭାଙ୍ଗିବା ପାଇଁ ପ୍ରେରଣା କେଉଁଠାରୁ ପାଇଲ?

ସୁମିତ ଆଣ୍ଟିଲ୍:      ମହାଶୟ, ମୁଁ ଅନୁଭବ କରୁଛି ଯେ, ଭାରତରେ ପ୍ରେରଣାର କୌଣସି ଅଭାବ ନାହିଁ। ଆମର ପିସିଆଇସଭାପତି ଦେବେନ୍ଦ୍ର ଝାଝରିଆ, ନୀରଜ ଚୋପ୍ରା ଏବଂ ଅନେକ ଖେଳାଳିଙ୍କ ପରି କିମ୍ବଦନ୍ତୀ ଅଛନ୍ତି ଯେଉଁମାନେ ମୋ ପୂର୍ବରୁଦେଶ ପାଇଁ ଗୌରବ ଆଣିଛନ୍ତି। ମୁଁ ସେମାନଙ୍କଠାରୁ ପ୍ରେରଣା ପାଏ, ମହାଶୟ। କିନ୍ତୁ ପ୍ରେରଣା ଅପେକ୍ଷା ଅଧିକ, ଏହା ଆତ୍ମ-ଶୃଙ୍ଖଳା ଏବଂ ଆତ୍ମ-ପ୍ରେରଣା ଯାହା ବିଶ୍ୱ ରେକର୍ଡ ଭାଙ୍ଗିବାରେ ଏକ ବଡ଼ ଭୂମିକା ଗ୍ରହଣ କରିଛି, ମହାଶୟ।

ପ୍ରଧାନମନ୍ତ୍ରୀ:        ସୁମିତ, ଆପଣ ଦେଖନ୍ତୁ, ସୋନିପତର ଭୂମି ବହୁତ ସ୍ୱତନ୍ତ୍ର। ଆପଣଙ୍କ ପରି ଅନେକ ବିଶ୍ୱ ରେକର୍ଡଧାରୀ ଏବଂଖେଳାଳି ସେଠାରୁ ବାହାରିଛନ୍ତି। ହରିୟାଣାର କ୍ରୀଡ଼ା ସଂସ୍କୃତି ଆପଣଙ୍କୁ କେତେ ସାହାଯ୍ୟ କରିଛି?

ସୁମିତ ଆଣ୍ଟିଲ୍:      ନିଶ୍ଚିତ ଭାବରେ, ମହାଶୟ। ଏଠାରେ ଲୋକମାନେ ଯେଉଁଭଳି ସମର୍ଥନ କରନ୍ତି ଏବଂ ସରକାର ଏହାକୁ ଯେଉଁଭଳି ସମର୍ଥନ ଦିଅନ୍ତି ତାହାର ଏକ ବଡ଼ ପ୍ରଭାବ ପଡ଼ିଥାଏ। ସେଥିପାଇଁ ହରିୟାଣାର ଏତେ ଖେଳାଳି ଅନ୍ତର୍ଜାତୀୟ ସ୍ତରରେ ଦେଶକୁ ପ୍ରତିନିଧିତ୍ୱ କରନ୍ତିଏବଂ ଦେଶ ପାଇର୍ ଗୌରବ ଆଣନ୍ତି। ସରକାରଙ୍କ ସମର୍ଥନ ମଧ୍ୟ ଗୁରୁତ୍ୱପୂର୍ଣ୍ଣ ହୋଇଛି, ମହାଶୟ, ଏବଂ, ମୁଁ ଭାବୁଛି ଏଠାରେ ସୃଷ୍ଟି ହୋଇଥିବାକ୍ରୀଡ଼ା ସଂସ୍କୃତି ବହୁତ ଲାଭଦାୟକ ହୋଇଛି, ମହାଶୟ।

ପ୍ରଧାନମନ୍ତ୍ରୀ:        ସୁମିତ, ତୁମେ ଜଣେ ବିଶ୍ୱ ବିଜେତା। ତା'ଠାରୁ ମଧ୍ୟ ଅଧିକ, ତୁମେ ସମଗ୍ର ଦେଶ ପାଇଁ ପ୍ରେରଣା। ମୋର ଶୁଭକାମନା ସର୍ବଦା ତୁମ ସହିତ ରହିବ। ତୁମର ଉତ୍କୃଷ୍ଟ ପ୍ରଦର୍ଶନ ଜାରି ରଖ। ସମଗ୍ର ଦେଶ ତୁମ ସହିତ ଠିଆ ହୋଇଛି। ଅନେକ ଅନେକ ଶୁଭକାମନା!

ସୁମିତ ଆଣ୍ଟିଲ:      ମହାଶୟ, ଆପଣଙ୍କୁ ବହୁତ ବହୁତ ଧନ୍ୟବାଦ।

ଉପସ୍ଥାପିକା:        ଶ୍ରୀମତୀ ଅରୁଣା ତନୱାର।

ଅରୁଣା ତନୱାର:   ନମସ୍କାର, ମହାଶୟ! ମୁଁ ଆପଣଙ୍କୁ ରକ୍ଷା ବନ୍ଧନର ବହୁତ ବହୁତ ଶୁଭକାମନା ଜଣାଉଛି!

ପ୍ରଧାନମନ୍ତ୍ରୀ:        ଅରୁଣା ଜୀ, ଆପଣଙ୍କୁ ମଧ୍ୟ ମୋର ଶୁଭକାମନା!

ଅରୁଣା ତନୱାର:   ଧନ୍ୟବାଦ, ମହାଶୟ!

ପ୍ରଧାନମନ୍ତ୍ରୀ:        ଅରୁଣା, ମୁଁ ଶୁଣିଛି ଯେ, ତୁମର ବାପା ତୁମର ସଫଳତାରେ ଏକ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଆପଣ ଆମକୁ ତାଙ୍କ ସମର୍ଥନ ଏବଂ ତୁମର ଯାତ୍ରା ବିଷୟରେ କହିପାରିବେ କି?

ଅରୁଣା ତନୱର:    ମହାଶୟ, ପରିବାରର ସମର୍ଥନ ବିନା ଆମେ ଏକ ସାଧାରଣ ଟୁର୍ଣ୍ଣାମେଣ୍ଟ ମଧ୍ୟ ଖେଳିପାରିବୁ ନାହିଁ। ମୁଁ ଦ୍ୱିତୀୟ ଥର ପାଇଁ ପାରାଅଲିମ୍ପିକ୍ସରେ ଅଂଶଗ୍ରହଣ କରିବାକୁ ଯାଉଛି। ମୋ ବାପା ସବୁବେଳେ ବହୁତ ସମର୍ଥନ କରିଆସିଛନ୍ତି, ଯେପରି ମୋ ମାଆ, ମହାଶୟ, କାରଣ ଯେତେବେଳେ ସାମାଜିକ ଚାପ ଥାଏ, ଲୋକମାନେ ଜଣେ 'ଦିବ୍ୟାଙ୍ଗ' (ଅକ୍ଷମ ବ୍ୟକ୍ତି)କୁ - ଜଣେ ବ୍ୟକ୍ତି ଭାବରେ ଦେଖନ୍ତି ଯିଏ କିଛି ହାସଲ କରିପାରିବେ ନାହିଁ। କିନ୍ତୁ ମୋ ବାପାମା ମୋ ଭିତରେ ବିଶ୍ୱାସ ସୃଷ୍ଟି କରାଇଥିଲେ ଯେ, ମୁଁ ବହୁତ କିଛି ହାସଲ କରିପାରିବି। ଆଜି,ମହାଶୟ, ମୋତେ ମୋ ଘରେ ମୋ ଭାଇମାନଙ୍କଠାରୁ କମ୍ ବିବେଚନା କରାଯାଏ ନାହିଁ। ମୋ ମାଆ କୁହନ୍ତି ଯେ, ଆମେ ତିନି ଭାଇ। ତେଣୁ, ମୋର ପରିବାର ସର୍ବଦା ମୋତେ ସମର୍ଥନ କରିଛି, ମହାଶୟ।

ପ୍ରଧାନମନ୍ତ୍ରୀ:        ଅରୁଣା, ଗତ ପାରାଅଲିମ୍ପିକ୍ସ ସମୟରେ ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍ ପୂର୍ବରୁ ତୁମେ ଆହତ ହୋଇଥିଲ।ତୁମେ ନିଜକୁ କିପରି ଉତ୍ସାହିତ ରଖିଲ ଏବଂ ସେହି ପଶ୍ଚାତ୍ତାପକୁ କିପରି ଦୂର କଲ?

ଅରୁଣା ତନୱର:    ମହାଶୟ, ଯେତେବେଳେ ଆମେ ଏକ ପ୍ରମୁଖ ଟୁର୍ଣ୍ଣାମେଣ୍ଟ ଏବଂ ଦେଶକୁ ପ୍ରତିନିଧିତ୍ୱ କରୁ, ବିଶେଷକରି ସେହି ଖେଳରେ ଏକମାତ୍ର ଭାବରେ... ମୁଁ ପାରାଅଲିମ୍ପିକ୍ସରେ ଟାଏକୋଣ୍ଡୋର ପ୍ରତିନିଧିତ୍ୱ କରିଥିଲି, ଆଘାତ ଦ୍ୱାରା ପଛକୁ ହଟିବା କଷ୍ଟକର ଥିଲା।କିନ୍ତୁ ଏକ ଆଘାତ ତୁମର ଖେଳକୁ ଅଟକାଇ ପାରିବ ନାହିଁ କାରଣ ମୋର ଲକ୍ଷ୍ୟ ବହୁତ ବଡ଼। ଆଘାତ ବିନା, କ୍ରୀଡାରେ କୌଣସି ମଜା ନାହିଁ। ଆଘାତ ଜଣେ ଖେଳାଳିଙ୍କ ପାଇଁ ଏକ ଅଳଙ୍କାର ସଦୃଶ। ତେଣୁ, ଫେରିବା ବହୁତ କଷ୍ଟକର ନଥିଲା, ସାର୍। ମୁଁ କେବଳଦୃଢ଼ ରହିଲି। ମୋର ପ୍ରଶିକ୍ଷକ, ବିଶେଷକରି ସନ୍ଧ୍ୟା ଭାରତୀ ମ୍ୟାଡମ୍, ଏବଂ ମୋର ପିତାମାତା ମୋତେ କହିଥିଲେ ଯେ, ଗୋଟିଏପାରାଲିମ୍ପିକ୍ସ ତୁମର ଭବିଷ୍ୟତ ନିର୍ଣ୍ଣୟ କରେ ନାହିଁ; ଖେଳିବା ପାଇଁ ଆହୁରି ଅନେକ ସମ୍ଭାବନା ଅଛି।

ପ୍ରଧାନମନ୍ତ୍ରୀ:        ଅରୁଣା, ଆଘାତକୁ ଏକ ଅଳଙ୍କାର ଭାବରେ ଦେଖିବା ବିଷୟରେ ତୁମର ଦୃଷ୍ଟିକୋଣ ପ୍ରକୃତରେ ପ୍ରେରଣାଦାୟକ। କିନ୍ତୁ ମୁଁ ଆଶା କରୁଛି ଯେ, ତୁମକୁ ଆଉ ଥରେ ଏପରି ଅଳଙ୍କାର ପିନ୍ଧିବାକୁ ପଡ଼ିବ ନାହିଁ। ଅରୁଣା, ତୁମେ ଜଣେ ଯୋଦ୍ଧା - ତୁମର ଖେଳ ଓ ଜୀବନ ଉଭୟରେ। ତୁମେ କେବଳ ଦେଶ ପାଇଁ ପଦକ ଜିତି ନାହଁ ବରଂ ଲକ୍ଷ ଲକ୍ଷ ଝିଅଙ୍କୁ ମଧ୍ୟ ପ୍ରେରଣା ଦେଇଛ। ଜଣେ ଯୋଦ୍ଧାଙ୍କ ମାନସିକତା ନେଇ ପ୍ୟାରିସ୍ ଯାଅ ଏବଂ ଏକ ଉତ୍କୃଷ୍ଟ ପ୍ରଦର୍ଶନ କର। ସମଗ୍ର ଦେଶର ଶୁଭକାମନା ତୁମ ସହିତ ରହିଛି।

ଅରୁଣା ତନୱର:    ଆପଣଙ୍କୁ ବହୁତ ଧନ୍ୟବାଦ, ମହାଶୟ।

ପ୍ରଧାନମନ୍ତ୍ରୀ:        ଏବେ, ମୁଁ ନିଜକୁ କିଛି ପ୍ରଶ୍ନ ପଚାରିବାକୁ ଚାହୁଁଛିଏବଂ ତୁମ ମଧ୍ୟରୁ ଯେକେହି ଉତ୍ତର ଦେଇପାରିବେ,ବିଶେଷକରି ଯେଉଁମାନେ ଏପର୍ଯ୍ୟନ୍ତ କଥା ହୋଇନାହାଁନ୍ତି। ତୁମମାନଙ୍କ ମଧ୍ୟରୁ ଅନେକ ତୁମର ପ୍ରଥମ ପାରାଅଲିମ୍ପିକ୍ସ ପାଇଁ ପ୍ୟାରିସ୍ ଯାଉଛନ୍ତି। କ’ଣ କେହି ମୋତେ କହିପାରିବେ ଯେ, ପ୍ରଥମ ଥର ପାଇଁ ଏହିପରି ଏକ ବିଶ୍ୱସ୍ତରୀୟ ଇଭେଣ୍ଟରେ ତୁମର ଦେଶକୁ ପ୍ରତିନିଧିତ୍ୱ କରିବା କିପରି ଅନୁଭବ ହୁଏ? ଯେଉଁମାନେଏପର୍ଯ୍ୟନ୍ତ କଥା ହୋଇନାହାଁନ୍ତି, ଦୟାକରି କୁହନ୍ତୁ।

ଅଶୋକ ମାଲିକ:   ମହାଶୟ, ମୋର ନାମ ଅଶୋକ! ମୁଁ ପ୍ରଥମ ଥର ପାଇଁ ଯାଉଛି, ମହାଶୟ! ଏହା ପ୍ରତ୍ୟେକ ଖେଳାଳିଙ୍କ ସ୍ୱପ୍ନ...

ପ୍ରଧାନମନ୍ତ୍ରୀ:        ଆପଣଙ୍କ ନାମ କ'ଣ?

ଅଶୋକ ମଲିକ:    ଅଶୋକ ମଲିକ, ମହାଶୟ!

ପ୍ରଧାନମନ୍ତ୍ରୀ:        ଅଶୋକ ମହାଶୟ, ହଁ, ଦୟାକରି ଆଗକୁ ବଢ଼ନ୍ତୁ!

ଅଶୋକ ମଲିକ:    ମହାଶୟ, ଅଲିମ୍ପିକ୍ସରେ ଖେଳିବା ପ୍ରତ୍ୟେକ ଖେଳାଳିଙ୍କ ସ୍ୱପ୍ନ, ଏବଂ ମୋର ସ୍ୱପ୍ନ ସାକାର ହେବାକୁ ଯାଉଛିସାର୍‌। ମୁଁ ପାରାଲିମ୍ପିକ୍ସ ପାଇଁ ପ୍ୟାରିସ ଯାଉଛି ମୋ ଦେଶକୁ ପ୍ରତିନିଧିତ୍ୱ କରିବା ପାଇଁ, ମହାଶୟ। ମୁଁ ସେଠାରେ ମୋର ସର୍ବୋତ୍ତମ ଦକ୍ଷତା ପ୍ରଦର୍ଶନ ପାଇଁ ଚେଷ୍ଟା କରିବି, ମହାଶୟ,ଏବଂ ଯଦି ସମ୍ଭବ ହୁଏ, ମୁଁ ଦେଶ ପାଇଁ ଏକ ପଦକ ଫେରାଇ ଆଣିବି, ମହାଶୟ।

ପ୍ରଧାନମନ୍ତ୍ରୀ:        ଅଶୋକ, ଆପଣ କେଉଁଠାରୁ?

ଅଶୋକ ମଲିକ:    ହରିୟାଣାରୁ, ମହାଶୟ, ସୋନିପତ!

ପ୍ରଧାନମନ୍ତ୍ରୀ:        ସୋନିପତରୁ, ଆପଣ ମଧ୍ୟ ସୋନିପତରୁ!

ଅଶୋକ ମଲିକ:    ହଁ, ମହାଶୟ!

ପ୍ରଧାନମନ୍ତ୍ରୀ:        ଆପଣଙ୍କ ମଧ୍ୟରୁ କେତେ ଜଣ ଆପଣଙ୍କର ଦ୍ୱିତୀୟ କିମ୍ବା ତୃତୀୟ ପାରାଲିମ୍ପିକ୍ସରେ ଯାଉଛନ୍ତି କିମ୍ବା ଅଧିକ? ଆପଣଙ୍କ ପ୍ରଥମ ପାରାଲିମ୍ପିକ୍ସ ତୁଳନାରେ ଏହା ଏବେ କେତେ ଭିନ୍ନ ଲାଗୁଛି? କିଏ ଉତ୍ତର ଦେବାକୁ ଚାହେଁ?

ଅମିତ ସାରୋହା:   ମହାଶୟ, ନମସ୍କାର!

ପ୍ରଧାନମନ୍ତ୍ରୀ:        ନମସ୍କାର ମହାଶୟ!

ଅମିତ ସାରୋହା:   ମହାଶୟ, ମୁଁ ଅମିତ ସାରୋହା, ଏବଂ ଏହା ମୋର ଚତୁର୍ଥ ପାରାଅଲିମ୍ପିକ୍ସ ହେବ। ମୁଁ ଚତୁର୍ଥ ଥର ପାଇଁ ପାରାଅଲିମ୍ପିକ୍ସକୁ ଯାଉଥିବା ଦଳର ସବୁଠାରୁ ବରିଷ୍ଠଆଥଲେଟ୍। ମହାଶୟ, ମୁଁ ଦେଖିଥିବା ସବୁଠାରୁ ବଡ଼ ପରିବର୍ତ୍ତନ ହେଉଛିଯେତେବେଳେ ଆମେ ୨୦୧୨ ରେ ଯାଇଥିଲୁ, ଆମେ କେବଳ ଗୋଟିଏ ପଦକ ଜିତିଥିଲୁ। ତା’ପରେ, ମୁଁ ଆଉ ଦୁଇଟି ଅଲିମ୍ପିକ୍ସରେ ଅଂଶଗ୍ରହଣ କରିଥିଲି, ଏବଂ ଆମରଦଳର ପ୍ରଦର୍ଶନରେ ଉନ୍ନତି ଘଟିଲା। ବର୍ତ୍ତମାନ ୮୪ ଜଣ ଖେଳାଳି ଯାଉଛନ୍ତି, ମହାଶୟ। SAI (ଭାରତୀୟ କ୍ରୀଡ଼ା ପ୍ରାଧିକରଣ)ଏଥିରେ ଏକ ବଡ଼ ଭୂମିକା ଗ୍ରହଣ କରିଛି। ଆମ ଦଳକୁ ମିଳୁଥିବା ସମର୍ଥନ, ବିଶେଷକରି ଆର୍ଥିକ, ବହୁ ପରିମାଣରେ ବୃଦ୍ଧି ପାଇଛିମହାଶୟ। ୨୦୧୫ ରେ TOPS (ଟାର୍ଗେଟ୍ ଅଲିମ୍ପିକ୍ ପୋଡିୟମ୍ ସ୍କିମ୍) ପ୍ରଚଳନ ହେବା ପରଠାରୁ, ଆମେଏତେ ସମର୍ଥନ ପାଇଛୁ ଯେ, ଏବେ ଆମେ ବିଦେଶର ଯେକୌଣସି ସ୍ଥାନକୁ ଯାତ୍ରା ତଥା ତାଲିମ ଦେଇପାରିବା। ଆମର ବ୍ୟକ୍ତିଗତପ୍ରଶିକ୍ଷକ, ବ୍ୟକ୍ତିଗତ ଫିଜିଓ ଏବଂ ବ୍ୟକ୍ତିଗତ ସହାୟକ କର୍ମଚାରୀ ମଧ୍ୟ ଅଛନ୍ତି। ଆମର ଆବଶ୍ୟକତା ଯାହା ବି ଥାଉ, ସେଗୁଡ଼ିକ ପୂରଣ କରାଯାଉଛି, ଏବଂ ସେଥିପାଇଁ ଆମେ ଏତେ ଭଲ ପ୍ରଦର୍ଶନ କରୁଛୁ। ଏଥର, ଆମେ ପୂର୍ବ ଅପେକ୍ଷା ଅଧିକ ପଦକ ଜିତିବାକୁ ଆଶା କରୁଛୁ, ମହାଶୟ।

ପ୍ରଧାନମନ୍ତ୍ରୀ:        ମୁଁ ଏହି ଗୋଷ୍ଠୀରେ ଅନେକ ଯୁବକଙ୍କୁ ଦେଖୁଛି ଯେଉଁମାନେ ଏବେ ବି ସ୍କୁଲ କିମ୍ବା କଲେଜରେ ପଢ଼ୁଛନ୍ତି। ଆପଣ କିପରିକ୍ରୀଡା ସହିତ ଆପଣଙ୍କର ପାଠପଢ଼ା ପରିଚାଳନା କରନ୍ତି?

ରୁଦ୍ରାଂଶ ଖଣ୍ଡେଲୱାଲ: ମୋର ନାମ ରୁଦ୍ରାଂଶ ଖଣ୍ଡେଲୱାଲ। ମୁଁ ରାଜସ୍ଥାନର ଭରତପୁରରୁ ଆସିଛିଓ ଏହିବର୍ଷ ମୁଁ ମୋର ଦ୍ୱାଦଶ ବୋର୍ଡ ପରୀକ୍ଷା ଦେଇଥିଲି ଏବଂ ବହୁତ ଭଲ ନମ୍ବର ରଖି ପାସ୍ କରିଥିଲି - ମୁଁ ୮୩% ସ୍କୋର କରିଥିଲି। ସେତେବେଳେ,ନୂଆଦିଲ୍ଲୀରେ ମଧ୍ୟ ବିଶ୍ୱକପ୍ ଚାଲୁଥିଲା, ତେଣୁ ମୁଁ ଉଭୟ ଜିନିଷକୁ ଏକକାଳୀନ ପରିଚାଳନା କରୁଥିଲି। ମୁଁ ବିଶ୍ୱାସ କରେ ଯେ,ଶିକ୍ଷା ଏବଂ କ୍ରୀଡ଼ା ଉଭୟ ଜୀବନରେ ବହୁତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ, କାରଣ କ୍ରୀଡ଼ା ଚରିତ୍ର ବିକାଶରେ ସାହାଯ୍ୟ କରେଏବଂ ଆପଣଙ୍କୁ ପ୍ରତିଦିନ ଉନ୍ନତି କରିବାକୁ ପ୍ରେରଣା ଦିଏ।ଶିକ୍ଷା ଆପଣଙ୍କୁ ଜୀବନ ବଞ୍ଚିବା ତଥା ଆପଣଙ୍କ ଅଧିକାରକୁ ବୁଝିବା ଶିଖାଏ।ତେଣୁ, ମୁଁ ଭାବୁନାହିଁ ଯେ, ଉଭୟକୁ ପରିଚାଳନା କରିବା ବହୁତ କଷ୍ଟକର, ଏବଂ ଉଭୟ ବହୁତ ଗୁରୁତ୍ୱପୂର୍ଣ୍ଣ।

ପ୍ରଧାନମନ୍ତ୍ରୀ:        ପାରା-ଆଥଲେଟମାନଙ୍କ ପରାମର୍ଶ ଆଧାରରେ, ଆମେ ଡିସେମ୍ବର ୨୦୨୩ ରେ ପ୍ରଥମ ଥର ପାଇଁ ଖେଲୋ ଇଣ୍ଡିଆ ପାରା ଗେମ୍ସ ଆୟୋଜନ କରିଥିଲୁ। କେହି ମୋତେ କହିପାରିବେ କି ଏପରି ଏକ କାର୍ଯ୍ୟକ୍ରମ କ୍ରୀଡା ଇକୋସିଷ୍ଟମରେ କିପରି ସାହାଯ୍ୟ କରେ?

ଭାବିନା:             ନମସ୍କାର, ମହାଶୟ!

ପ୍ରଧାନମନ୍ତ୍ରୀ:        ନମସ୍କାର!

ଭାବିନା:             ଭାବିନା, ମହାଶୟ।

ପ୍ରଧାନମନ୍ତ୍ରୀ:        ହଁ,ଭାବିନା, ଆପଣ କିପରି ଅଛନ୍ତି?

ଭାବିନା:             ମୁଁ ଭଲ ଅଛି, ମହାଶୟ। ଆପଣ କିପରି ଅଛନ୍ତି?

ପ୍ରଧାନମନ୍ତ୍ରୀ:        ହଁ,   ଭାବିନା, ଦୟାକରି ଆଗକୁ କୁହନ୍ତୁ!

ଭାବିନା:             ମହାଶୟ, ଖେଲୋ ଇଣ୍ଡିଆ ଅଭିଯାନ ଗତ କିଛି ବର୍ଷ ଧରି ଭାରତରେ କ୍ରୀଡାର ବିକାଶରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି, ଯାହା ତୃଣମୂଳ ସ୍ତରରୁ ଅନେକ ପ୍ରତିଭାଙ୍କୁ ସାମ୍ନାକୁ ଆଣିଛି। ପାରାକ୍ରୀଡାକୁ ଖେଲୋ ଇଣ୍ଡିଆରେ ଅନ୍ତର୍ଭୁକ୍ତ କରାଯିବା ପରଠାରୁ, ପାରା-କ୍ରୀଡାବିତମାନେ ଏକ ଭଲ ପ୍ଲାଟଫର୍ମ ଏବଂ ନୂତନଦିଗଦର୍ଶନ ପାଇଛନ୍ତି। ମୁଁ ସର୍ବୋତ୍ତମ ଉଦାହରଣ ଦେଇପାରିବି ଯେ, ଖେଲୋ ଇଣ୍ଡିଆର ୧୬ ଜଣ ଖେଳାଳି ପ୍ୟାରିସ୍ପାରାଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛନ୍ତି।

ପ୍ରଧାନମନ୍ତ୍ରୀ:        ବାଃ! ଆଘାତର ମୁକାବିଲା କରିବା ଖେଳାଳିମାନଙ୍କ ପାଇଁ ଏକ ପ୍ରମୁଖ ଚ୍ୟାଲେଞ୍ଜ। ପାରା-କ୍ରୀଡାବିତମାନେପାରାଲିମ୍ପିକ୍ସ ପାଇଁ ପ୍ରସ୍ତୁତି ସମୟରେ କିପରି ଆଘାତର ମୁକାବିଲା କରନ୍ତି ଏବଂ ପ୍ରେରଣାଦାୟକ ରୁହନ୍ତି?

ତରୁଣ ଢିଲୋଁ:      ମହାଶୟ, ନମସ୍କାର!

ପ୍ରଧାନମନ୍ତ୍ରୀ:        ନମସ୍କାର!

ତରୁଣ ଢିଲୋଁ:      ମହାଶୟ, ମୋର ନାମ ତରୁଣ ଢିଲୋଁ। ମୁଁ ହରିୟାଣାର ହିସାରରୁ ଆସିଛି! ମୋର ଖେଳ ହେଉଛି ବ୍ୟାଡମିଣ୍ଟନ୍, ମହାଶୟ,ଆପଣ ଯେଉଁ ଆଘାତ ବିଷୟରେ ପଚାରିଥିଲେ, ମୁଁ ମୋର ଅଭିଜ୍ଞତା ବାଣ୍ଟିବାକୁ ଚାହୁଁଛି। ମହାଶୟ, ୨୦୨୨ କାନାଡାଅନ୍ତର୍ଜାତୀୟ ଟୁର୍ଣ୍ଣାମେଣ୍ଟ ସମୟରେ, ଏକ ମ୍ୟାଚ୍ ସମୟରେ ମୋର ଆଣ୍ଠୁର ଲିଗାମେଣ୍ଟ ଛିଣ୍ଡିଗଲା, ଯାହା ଜଣେବ୍ୟାଡମିଣ୍ଟନ ଖେଳାଳିଙ୍କ ପାଇଁ ଏକ ଗମ୍ଭୀର ଆଘାତ।ମହାଶୟ, ମୁଁ ଜଣେ TOPS ଆଥଲେଟ୍ ହେବା ପାଇଁ ବହୁତ ଭାଗ୍ୟବାନ, ମହାଶୟ। ମୁଁ ସମସ୍ତ ଆଥଲେଟଙ୍କୁ କହିବାକୁ ଚାହୁଁଛିଯେ,ମହାଶୟ, ଯେହେତୁ ମୁଁ TOPS ର ଅଂଶ ଥିଲି, SAI ଅଧିକାରୀ ଏବଂ ସ୍ପୋର୍ଟସ୍ SAI ଦଳ ମୋତେ ବହୁତ ସାହାଯ୍ୟ କରିଥିଲେମୋର ଆଘାତ ସମୟରେ। ସେମାନେ ମୋର ଚିକିତ୍ସା ପାଇଁ ମୁମ୍ବାଇର ସର୍ବୋତ୍ତମ ଡାକ୍ତର ଡକ୍ଟର ଦିନଶାଙ୍କ ସହିତଭାରତ ଫେରାଇ ଆଣିବା ପାଇଁ ଏକ ବ୍ୟବସାୟ ଶ୍ରେଣୀର ବିମାନ ଟିକେଟ ବ୍ୟବସ୍ଥା କରିଥିଲେ। ମୋର ଅସ୍ତ୍ରୋପଚାର ବହୁତ କମ୍ ସମୟ ମଧ୍ୟରେ କରାଯାଇଥିଲାଏବଂSAI ର ସମର୍ଥନ ପାଇଁ ଧନ୍ୟବାଦ, ମୁଁ ସୁସ୍ଥ ହୋଇ କ୍ରୀଡ଼ାକୁ ଫେରି ପାରିଲି। ଡାକ୍ତରମାନେ କହିଥିଲେ ଯେ, ସୁସ୍ଥ ହେବା ପାଇଁ ୧୦-୧୧ ମାସ ଲାଗିବ, କିନ୍ତୁ SAIର ସମର୍ଥନ ଯୋଗୁଁ ମୁଁ ୭ ମାସ ମଧ୍ୟରେ ସୁସ୍ଥ ହୋଇଗଲିଏବଂ ୮ମ ମାସରେ, ମୁଁ ଏକ ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟରେ ଖେଳିବାକୁ ଯାଇଥିଲି ଯେଉଁଠାରେ ମୁଁ ସ୍ୱର୍ଣ୍ଣ ପଦକ ଜିତିଥିଲି। ମୁଁ ବିଶ୍ୱାସ କରେ ଯେ, ଆଜି, TOPS ଯୋଜନା ଯୋଗୁଁ ଆମ ପରି ମଧ୍ୟବିତ୍ତ ପରିବାର ଏତେ ବଡ଼ ଆଘାତକୁ ସହଜରେ ଦୂର କରିପାରିବେ ଏବଂ କ୍ରୀଡ଼ାରେ ଆମର ସ୍ୱପ୍ନକୁ ହାସଲ କରିପାରିବେ।

ପ୍ରଧାନମନ୍ତ୍ରୀ:        ଆପଣଙ୍କୁ ଅଭିନନ୍ଦନ! ଆପଣଙ୍କ ମଧ୍ୟରୁ ଅନେକଙ୍କର ସୋସିଆଲ ମିଡିଆରେ ବହୁତ ସଂଖ୍ୟାରେ ଅନୁଗାମୀ ରହିଛନ୍ତି ।କେହି ମୋତେ କହିପାରିବେ କି ସୋସିଆଲ ମିଡିଆ ପାରା କ୍ରୀଡାରେ କିପରି ସାହାଯ୍ୟ କରେ?

ଯୋଗେଶ କାଠୁନିଆ: ନମସ୍କାର, ମହାଶୟ! ହର ହର ମହାଦେବ! ମୋର ନାମ ଯୋଗେଶ କାଠୁନିଆଏବଂ ମୁଁ ହରିୟାଣାର ବାହାଦୁରଗଡ଼ରୁ ଆସିଛି। ସୋସିଆଲ ମିଡିଆ ପାରା କ୍ରୀଡା ଉପରେ ବହୁତ ସକାରାତ୍ମକ ପ୍ରଭାବ ପକାଇଛି, ବିଶେଷକରି ସଚେତନତା ବୃଦ୍ଧି କରିବାରେ ଯାହା ପୂର୍ବରୁ ନଥିଲା। ଧୀରେ ଧୀରେ, ଭାରତରେ ଲୋକମାନେ ସଚେତନ ହେଉଛନ୍ତି ଯେ, ପାରା କ୍ରୀଡା ମଧ୍ୟ ଏକ କ୍ରୀଡାଏବଂ ଅନେକ ନୂତନ ଖେଳାଳି ସୋସିଆଲ ମିଡିଆରେ ଯାହା ଦେଖନ୍ତି ତାହା ଯୋଗୁଁ ପାରା କ୍ରୀଡାକୁ ଆସୁଛନ୍ତି। ପୂର୍ବରୁ ଅନେକ ଦିବ୍ୟାଙ୍ଗ ଲୋକ ଭାବୁଥିଲେ ଯେ, ସେମାନେ କେବଳ ଶିକ୍ଷା ଏବଂ ଅନ୍ୟାନ୍ୟ ଏପରି ଜିନିଷ ହାସଲ କରିପାରିବେ, କିନ୍ତୁ ବର୍ତ୍ତମାନ ଆମେ ସେମାନଙ୍କ ମଧ୍ୟରୁ ଅଧିକରୁ ଅଧିକ ପାରା କ୍ରୀଡାକୁ ଆସୁଥିବା ଦେଖୁଛୁ। ସୋସିଆଲ ମିଡିଆ ଯୋଗୁଁ ପାରା କ୍ରୀଡାର ବ୍ୟାପକତା ବହୁତ ବଢ଼ିଛିଏବଂ ଏହା ଲୋକଙ୍କ ସହିତ ସଂଯୋଗ ସ୍ଥାପନ କରିବାର ସୁଯୋଗ ମଧ୍ୟ ପ୍ରଦାନ କରେ। ଯେଉଁମାନେ ଆମର ଭିଡିଓ ଦେଖନ୍ତି ସେମାନେ ପ୍ରେରଣା ପାଆନ୍ତି, ଏବଂ ଆଗାମୀ ତୃଣମୂଳ ସ୍ତରୀୟ ଖେଳାଳିମାନେ ମଧ୍ୟ ସେହି ବ୍ୟାୟାମଗୁଡ଼ିକୁ ସେମାନଙ୍କ ନିୟମିତ କାର୍ଯ୍ୟନିର୍ବାହରେ ସାମିଲ କରିପାରିବେ। ସୋସିଆଲ ମିଡିଆ ପାରା କ୍ରୀଡାର ଅଭିବୃଦ୍ଧି ଉପରେ ଏକ ଗୁରୁତ୍ୱପୂର୍ଣ୍ଣ ପ୍ରଭାବ ପକାଇଛି।

ଉପସ୍ଥାପକ:         ମହାଶୟ, ଆମେ ଆପଣଙ୍କୁ ଅନୁରୋଧ କରୁଛୁ ଯେ, ଆମର ଖେଳାଳିମାନଙ୍କ ମନୋବଳକୁ ବୃଦ୍ଧି କରିବା ପାଇଁ କିଛି ଉତ୍ସାହଜନକ ଶବ୍ଦ କୁହନ୍ତୁ।ଧନ୍ୟବାଦ, ମହାଶୟ।

ପ୍ରଧାନମନ୍ତ୍ରୀ:        ଦେଶର କ୍ରୀଡ଼ା ମନ୍ତ୍ରୀ ଶ୍ରୀ ମନସୁଖ ମାଣ୍ଡଭିୟମହାଶୟ, କ୍ରୀଡ଼ା ରାଷ୍ଟ୍ରମନ୍ତ୍ରୀରକ୍ଷା ଖଡସେ ମହାଶୟ, ବିଶ୍ୱର ପ୍ରତ୍ୟେକ କୋଣରେ ଉପସ୍ଥିତ ପାରା-ଆଥଲେଟ୍, ପ୍ରଶିକ୍ଷକ ଏବଂ କର୍ମଚାରୀ। ଆଜି ଆପଣମାନଙ୍କ ସହିତ କଥାବାର୍ତ୍ତା କରିବାର ସୁଯୋଗ ପାଇ ମୁଁ ବହୁତ ଖୁସି। ଯଦିଓ ଆମେ ଭିଡିଓ କନଫରେନ୍ସିଂ ମାଧ୍ୟମରେ ଅନ୍ତିମ ପ୍ରଶିକ୍ଷଣ ପର୍ଯ୍ୟାୟରେ ଅଛୁ, ତଥାପି ମୁଁ ଆପଣଙ୍କୁ ଭେଟିବାର ସୁଯୋଗ ପାଇଛି। ଆପଣମାନେ ସମସ୍ତେ ଭାରତର ଧ୍ୱଜାବାହକ ଭାବରେ ପ୍ୟାରିସ ଯାଉଛନ୍ତି। ଏହି ଯାତ୍ରା ଆପଣଙ୍କ ଜୀବନ ଏବଂ କ୍ୟାରିଅରରେ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଯାତ୍ରା ହେବାକୁ ଯାଉଛି, ଏବଂ ଏହା ଦେଶ ପାଇଁ ସମାନ ଭାବରେ ଗୁରୁତ୍ୱପୂର୍ଣ୍ଣ। ପ୍ୟାରିସରେ ଆପଣଙ୍କ ଉପସ୍ଥିତି ସହିତ ରାଷ୍ଟ୍ରର ଗର୍ବ ଜଡିତ।ତେଣୁ, ଆଜି, ସମଗ୍ର ଦେଶ ଆପଣଙ୍କୁ ଆଶୀର୍ବାଦ କରୁଛି, ଏବଂ ଆମର ପରମ୍ପରାରେ, ଯେତେବେଳେ ଏହିପରି ଆଶୀର୍ବାଦ ଦିଆଯାଏ, ଲୋକମାନେ କୁହନ୍ତି, "ବିଜୟୀ ଭବ" (ବିଜୟୀ ହୁଅ)। ୧୪୦ କୋଟି ଭାରତୀୟ ଆପଣଙ୍କୁ ଆଶୀର୍ବାଦ କରୁଛନ୍ତି - "ବିଜୟୀ ଭବ"।ଆପଣଙ୍କ ଉତ୍ସାହ ଦର୍ଶାଉଛି ଯେ, ଟୋକିଓ ଏବଂ ଏସୀୟ ପାରା ଗେମ୍ସ ପରି, ଆପଣ ନୂତନ ରେକର୍ଡ ସ୍ଥାପନ କରିବାକୁ ଆଗ୍ରହୀ।ସାହସ ଏବଂ ଦୃଢ଼ ସଂକଳ୍ପ କ’ଣ ହାସଲ କରିପାରିବ ତାହା ଦେଖେଇଦିଅନ୍ତୁ। ପ୍ୟାରିସ୍ ପାରାଅଲିମ୍ପିକ୍ସ ପାଇଁ ଆପଣମାନଙ୍କୁ ସମସ୍ତଙ୍କୁ ମୋର ଆନ୍ତରିକ ଅଭିନନ୍ଦନ ଏବଂ ଶୁଭେଚ୍ଛା।

ବନ୍ଧୁଗଣ,

ଯେତେବେଳେ ଜଣେ ଖେଳାଳି ଯେକୌଣସି ଖେଳରେ ଏତେ ବଡ଼ ପର୍ଯ୍ୟାୟରେ ପହଞ୍ଚିଥାଏ, ସେତେବେଳେ ତା' ପଛରେ ସାହସ, ସମର୍ପଣ ଏବଂ ତ୍ୟାଗର ଏକ ସମ୍ପୂର୍ଣ୍ଣ କାହାଣୀ ନିହିତ ରହିଥାଏ। ଯେକୌଣସି ଖେଳାଳିର ମୂଳଦୁଆ ଆତ୍ମବିଶ୍ୱାସ ଉପରେ ନିର୍ମିତ। ଜଣେ ଖେଳାଳି ଶୃଙ୍ଖଳାର ଶକ୍ତି ସହିତ ଆଗକୁ ବଢ଼େ। ସେମାନଙ୍କର ସଫଳତା ସେମାନଙ୍କର ଆତ୍ମବିଶ୍ୱାସ ଏବଂ ଆତ୍ମନିୟନ୍ତ୍ରଣର ପ୍ରମାଣ। ତଥାପି, ଯେତେବେଳେ ପାରା-ଆଥଲେଟମାନଙ୍କ କଥା ଆସେ, ଏହି ସତ୍ୟ ଏବଂ ଚ୍ୟାଲେଞ୍ଜ ଅନେକ ଗୁଣ ଅଧିକ ହୋଇଯାଏ। ଏହି ପର୍ଯ୍ୟାୟରେ ପହଞ୍ଚିବା ଦର୍ଶାଏ ଯେ, ଆପଣ ଭିତରେ କେତେ ଶକ୍ତିଶାଳୀ। ଆପଣଙ୍କର ସଫଳତା ଦର୍ଶାଏ ଯେ, ଆପଣଙ୍କ ପାଖରେ କେବଳ ପ୍ରତିକୂଳ ପବନ ନୁହେଁ ବରଂ ପ୍ରତିକୂଳ ଝଡ଼ର ସମ୍ମୁଖୀନ ହେବାର କ୍ଷମତା ଅଛି। ଆପଣ ସମାଜର ପ୍ରତିଷ୍ଠିତ ମାନଦଣ୍ଡକୁ ପରାସ୍ତ କରିଛନ୍ତିଏବଂ ଆପଣ ଆପଣଙ୍କ ଶରୀରର ଚ୍ୟାଲେଞ୍ଜକୁ ପରାସ୍ତ କରିଛନ୍ତି। ତେଣୁ, ଆପଣ ସଫଳତାର ମନ୍ତ୍ର, ଆପଣ ସଫଳତାର ଉଦାହରଣ, ଏବଂ ଆପଣ ସଫଳତାର ପ୍ରମାଣ। ପୂର୍ଣ୍ଣ ଆତ୍ମବିଶ୍ୱାସ ସହିତ କ୍ଷେତ୍ରରେ ପ୍ରବେଶ କରନ୍ତୁଆଉ ତା'ପରେ କେହି ଆପଣଙ୍କୁ ଜିତିବାରୁ ରୋକି ପାରିବେ ନାହିଁ।

ବନ୍ଧୁଗଣ,

ଆପଣମାନେ ସମସ୍ତେ ସାକ୍ଷୀ ଅଛନ୍ତି ଯେ, ସାମ୍ପ୍ରତିକ ବର୍ଷଗୁଡ଼ିକରେ ପାରା-ଗେମ୍ସରେ ଭାରତର ସଫଳତା ଏବଂ ପ୍ରାଧାନ୍ୟ କିପରି ବୃଦ୍ଧି ପାଇଛି। ୨୦୧୨ ରେ, ଭାରତ ଲଣ୍ଡନ ପାରାଅଲିମ୍ପିକ୍ସରେ କେବଳ ଗୋଟିଏ ପଦକ ଜିତିଥିଲା। ଆମେ କୌଣସି ସ୍ୱର୍ଣ୍ଣ ଜିତି ନଥିଲୁ। ୨୦୧୬ ରେ,ଭାରତ ୨ ଟି ସ୍ୱର୍ଣ୍ଣ ପଦକ ଏବଂ ରିଓରେ ମୋଟ ୪ ଟି ପଦକ ଜିତିଥିଲା। ଏବଂ ଟୋକିଓ ପାରାଅଲିମ୍ପିକ୍ସରେ, ଆମେ ୧୯ ଟି ରେକର୍ଡ ପଦକ ଜିତିଥିଲୁ - ୪ ଟି ସ୍ୱର୍ଣ୍ଣ, ୮ ଟି ରୌପ୍ୟ ଏବଂ ୬ ଟି କାଂସ୍ୟ। ଆପଣଙ୍କ ମଧ୍ୟରୁ ଅନେକ ସେହି ଦଳରେ ସାମିଲ ଥିଲେ ଏବଂ ଘରକୁ ପଦକ ଆଣିଥିଲେ। ପାରାଅଲିମ୍ପିକ୍ସ ଇତିହାସରେ ଭାରତ ୩୧ ଟି ପଦକ ଜିତିଛି, ସେଥିମଧ୍ୟରୁ ୧୯ ଟି କେବଳ ଟୋକିଓରୁ ଆସିଛି।ଆପଣମାନେ କଳ୍ପନା କରିପାରିବେ ଯେ, ଗତ ୧୦ବର୍ଷ ମଧ୍ୟରେ ଭାରତ କ୍ରୀଡା ଏବଂ ପାରା-ଗେମ୍ସରେ କେତେ ସଫଳତା ହାସଲ କରିଛି।

ବନ୍ଧୁଗଣ,

କ୍ରୀଡା କ୍ଷେତ୍ରରେ ଭାରତର ସଫଳତା ଖେଳ ପ୍ରତି ସମାଜର ପରିବର୍ତ୍ତିତ ଦୃଷ୍ଟିକୋଣକୁ ପ୍ରତିଫଳିତ କରେ। ଗୋଟିଏ ସମୟ ଥିଲା ଯେତେବେଳେ ଖେଳକୁ କେବଳ ଏକ ମନୋରଞ୍ଜନର ମାଧ୍ୟମତଥା ଯାହାକୁକେବଳ ଏକ ଖାଲି ସମୟର କାମ ଭାବରେ ବିବେଚନା କରାଯାଉଥିଲା। କିନ୍ତୁ ଆଜି,ଯେଉଁମାନେ ଖେଳନ୍ତି, ସେମାନେ ପ୍ରସ୍ଫୁଟିତ ହୁଅନ୍ତି। ଘରେ ମଧ୍ୟ, ଯେଉଁମାନେ ଅଧିକ ଖେଳନ୍ତି ସେମାନଙ୍କୁ ଗାଳି ଦିଆଯାଉଥିଲା; ଖେଳକୁ କ୍ୟାରିୟର ଭାବରେ ଦେଖାଯାଉନଥିଲା, ବରଂ ଏକ ପ୍ରତିବନ୍ଧକ ଭାବରେ ଦେଖାଯାଉଥିଲା। ଖେଳରେ ସୁଯୋଗ ପ୍ରାୟ ନଥିଲା। ମୋର ଦିବ୍ୟାଙ୍ଗ ଭାଇମାନେଓ ଭଉଣୀମାନଙ୍କୁ ମଧ୍ୟ ଦୁର୍ବଳ ଏବଂ ନିର୍ଭରଶୀଳ ବୋଲି ବିବେଚନା କରାଯାଉଥିଲା। ଆମେ ଏହି ମାନସିକତାକୁ ପରିବର୍ତ୍ତନ କରି ସେମାନଙ୍କ ପାଇଁ ଅଧିକ ସୁଯୋଗ ସୃଷ୍ଟି କରିଛୁ। ଆଜି, ପାରା-ଗେମ୍ସକୁ ଅନ୍ୟ ଖେଳ ପରି ସମାନ ପ୍ରାଥମିକତା ମିଳିଥାଏ। ଦେଶରେ 'ଖେଲୋ ଇଣ୍ଡିଆପାରା ଗେମ୍ସ' ମଧ୍ୟ ଆରମ୍ଭ କରାଯାଇଛି। ଆମର ପାରା-ଆଥଲେଟମାନଙ୍କୁ ସହାୟତା କରିବା ପାଇଁ ଗ୍ୱାଲିୟରରେ ଏକ ପାରା କ୍ରୀଡା ତାଲିମ କେନ୍ଦ୍ର ପ୍ରତିଷ୍ଠା କରାଯାଇଛି। ଆମର ପାରା-ଆଥଲେଟମାନେ TOPS ଏବଂ Khelo Indiaସୁବିଧାରୁ ଉପକୃତ ହେଉଛନ୍ତି। ମୁଁ ଖୁସି ଯେ ଏହି ଗୋଷ୍ଠୀର ୫୦ ଜଣ ଖେଳାଳି TOPS ଯୋଜନା ସହିତ ଜଡିତ, ଏବଂ ୧୬ ଜଣ ଖେଳାଳିଖେଲୋ ଇଣ୍ଡିଆରୁ। ଆପଣଙ୍କର ବିଶେଷ ଆବଶ୍ୟକତାକୁ ବିଚାର କରି, ବିଦେଶୀ ପ୍ରଶିକ୍ଷକ, ବିଶେଷଜ୍ଞ ଏବଂ ସହାୟକ କର୍ମଚାରୀଙ୍କୁ ମଧ୍ୟ ନିଯୁକ୍ତ କରାଯାଇଛି। ଏଥର, ଆପଣ ପ୍ୟାରିସରେ କିଛି ଆଶ୍ଚର୍ଯ୍ୟଜନକ ଦୃଶ୍ୟ ଦେଖିବେ। ପ୍ୟାରିସ ପାରାଅଲିମ୍ପିକ ଗେମ୍ସ ଗ୍ରାମରେ ଆପଣଙ୍କ ସମସ୍ତଙ୍କ ପାଇଁ ଏକ ସ୍ୱତନ୍ତ୍ର ପୁନରୁଦ୍ଧାର କେନ୍ଦ୍ର ସ୍ଥାପନ କରାଯାଇଛି। ମୁଁ ଆଶା କରୁଛି, ଏହି ପୁନରୁଦ୍ଧାର କେନ୍ଦ୍ର ଆପଣଙ୍କ ପାଇଁ ବହୁତ ସହାୟକ ହେବ।

ବନ୍ଧୁଗଣ,

ପ୍ୟାରିସ୍ ୨୦୧୪ ପାରାଲିମ୍ପିକ୍ସ ଦେଶ ପାଇଁ ଅନେକ ଦୃଷ୍ଟିରୁ ସ୍ୱତନ୍ତ୍ର। ଅନେକ କ୍ରୀଡାରେ ଆମର ସ୍ଥାନ ବୃଦ୍ଧି ପାଇଛି,ଏବଂ ଆମର ଭାଗିଦାରୀତା ବୃଦ୍ଧି ପାଇଛି। ମୁଁ ବିଶ୍ୱାସ କରେ ଯେ, ପ୍ୟାରିସ୍ ପାରାଅଲିମ୍ପିକ୍ସ ଭାରତର ସୁବର୍ଣ୍ଣ ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ପ୍ରମାଣିତ ହେବ। ନୂତନ ରେକର୍ଡ ସ୍ଥାପନ କରି ଯେତେବେଳେ ଆପଣମାନେ ଘରକୁ ଫେରିବେ ସେତେବେଳେ ଆମେ ପୁଣି ଥରେ ଭେଟିବୁ। ପୁଣିଥରେସମଗ୍ର ଦେଶ ପକ୍ଷରୁ, ମୁଁ ଆପଣମାନଙ୍କୁ ସମସ୍ତଙ୍କୁ ମୋର ଶୁଭକାମନା ଜଣାଉଛି। ସମଗ୍ର ଦେଶ ଆପଣଙ୍କ ପାଇଁ ଗୋଟିଏ ମନ୍ତ୍ର ଜପ କରୁଛି - 'ବିଜୟୀ ଭବ' (ଆପଣମାନେ ବିଜୟୀ ହୁଅନ୍ତୁ)। ବିଜୟୀ ଭବ। ବିଜୟୀ ଭବ।

ଧନ୍ୟବାଦ।

ସ୍ୱୀକାରୋକ୍ତି: ଏହା ପ୍ରଧାନମନ୍ତ୍ରୀଙ୍କ ଭାଷଣର ଆନୁମାନିକ ଅନୁବାଦ। ମୂଳ ଭାଷଣହିନ୍ଦୀରେ ଦିଆଯାଇଥିଲା।

*****

MT