தொகுப்பாளர்:வணக்கம் ஐயா. முதலில், நமது வில்வித்தை வீராங்கனை ஷீத்தல் தேவியிடம் பேசுவோம். ஷீதல் தேவி, வணக்கம்.

பிரதமர்: வணக்கம் ஷீத்தல்.

ஷீத்தல்:வணக்கம் ஐயா

பிரதமர்: ஷீதல், இந்திய அணியில் நீங்கள் மிகவும் இளைய வீரர். இது உங்கள் முதல் பாராலிம்பிக் போட்டி. உங்கள் மனதில் நிறைய எண்ணங்கள் இருக்கும். உங்கள் மனதில் உள்ளதை பகிர்ந்து கொள்ள முடியுமா? நீங்கள் ஏதேனும் மன அழுத்தத்தை உணர்கிறீர்களா?

ஷீத்தல்: இல்லை, ஐயா, நான் மன அழுத்தத்தில் இல்லை. இந்த இளம் வயதில், இத்தனை குறுகிய காலத்தில், நான் பாராலிம்பிக்கில் விளையாடப் போகிறேன் என்பதில் நான் மிகவும் மகிழ்ச்சியடைகிறேன். ஐயா, இத்தனை இளம் வயதில், இத்தனை குறுகிய காலத்தில் நான் பாராலிம்பிக் போட்டிகளில் பங்கேற்க வந்திருப்பது உண்மையிலேயே மிகுந்த மகிழ்ச்சி அளிக்கும் விஷயம். எனக்கு ஆதரவளிப்பதில் வாரியம் குறிப்பிடத்தக்க பங்களிப்பை வழங்கியுள்ளது என்பதையும் நான் கூற விரும்புகிறேன். அவர்களின் ஆதரவும், மற்றவர்களின் ஆதரவும் அதிகமானது. அதனால் தான் இங்க வந்தேன் சார்.

பிரதமர்: சரி, ஷீத்தல். பாரிஸ் பாராலிம்பிக்கிற்கான உங்கள் குறிக்கோள் என்ன, அதற்கு நீங்கள் எவ்வாறு தயார் செய்துள்ளீர்கள்?

ஷீத்தல்: ஆமாம் ஐயா. என்னோட தயாரிப்பு ரொம்ப நல்லா நடக்குது, என்னோட பயிற்சியும் நல்லா போகுது சார். இங்கு இந்தியக் கொடியை அசைக்க வைப்பதும், நமது தேசிய கீதம் இசைக்கப்படுவதும் எனது குறிக்கோள். அதுதான் என் இலக்கு ஐயா, அதைத் தாண்டி எனக்கு வேறெதுவும் இல்லை.

பிரதமர்:ஷீத்தல், நான் முன்பே குறிப்பிட்டது போல, இந்த அணியில் நீங்கள் இளையவர். இவ்வளவு பெரிய நிகழ்வின் அழுத்தத்தை எடுக்க வேண்டாம் என்பதே உங்களுக்கு எனது ஆலோசனை. வெற்றி தோல்வி பற்றி கவலைப்படாமல் சிறப்பாக செயல்படுங்கள். முழு நாடும், நானும் உங்களுடன் இருக்கிறோம். மாதா வைஷ்ணவ தேவியின் ஆசீர்வாதம் உங்களுக்கு எப்போதும் உண்டு. எனவே, என் தரப்பிலிருந்து வாழ்த்துகள்.

ஷீத்தல்: நன்றி ஐயா. மாதா ராணி உண்மையில் என்னை ஆசீர்வதித்துள்ளார். அதனால்தான் நான் இவ்வளவு குறுகிய காலத்தில் இங்கு வந்துள்ளேன். மாதா ராணியிடமிருந்து நிறைய ஆசீர்வாதங்கள் கிடைத்துள்ளன ஐயா. இந்தியர்கள் அனைவரின் பிரார்த்தனையின் காரணமாகவே நான் இவ்வளவு விரைவாக இந்த இடத்தை அடைந்துள்ளேன். உங்கள் ஆசிர்வாதமும் எனக்கு உண்டு ஐயா. நன்றி ஐயா.

பிரதமர்: நல்வாழ்த்துகள்.

தொகுப்பாளர்: திருமதி அவனி லேகாரா.

பிரதமர்: நமஸ்தே, அவனி.

அவனி லெகாரா: வணக்கம் ஐயா!

பிரதமர்: அவனி, கடந்த பாராலிம்பிக் போட்டியில் நீங்கள் தங்கப் பதக்கத்துடன் மற்றொரு பதக்கத்தை வென்று நாடு முழுவதையும் பெருமைப்படுத்தினீர்கள். இந்த முறை உங்கள் இலக்கு என்ன?

அவனி லெகாரா: ஐயா, கடந்த முறை எனது முதல் பாராலிம்பிக் போட்டி, நான் அனுபவத்தைப் பெற நான்கு நிகழ்வுகளில் பங்கேற்றேன். இந்த முறை, இந்த ஒலிம்பிக் சுழற்சியில் விளையாட்டிலும், நுட்பத்திலும் நான் அதிக முதிர்ச்சியைப் பெற்றுள்ளேன். இந்த முறையும் நான் பங்கேற்கும் நிகழ்வுகளில் எனது சிறந்ததை வழங்குவதை நோக்கமாகக் கொண்டுள்ளேன். கடந்த பாராலிம்பிக் போட்டிகளுக்குப் பிறகு, இந்தியா முழுவதிலுமிருந்து எனக்கு கிடைத்த ஆதரவும் அன்பும், உங்கள் ஆதரவும் மிகவும் ஊக்கமளிப்பதாக இருந்தது. அங்கு சென்று என்னால் முடிந்ததைச் செய்ய வேண்டிய பொறுப்புணர்வையும் இது தருகிறது.

பிரதமர்: அவனி, டோக்கியோவில் உங்கள் வெற்றிக்குப் பிறகு வாழ்க்கை எப்படி மாறியது? அடுத்த போட்டிக்கு உங்களை எப்படி தொடர்ந்து தயார்படுத்திக் கொண்டீர்கள்?

அவனி லெகாரா: ஐயா, கடந்த முறை நான் கலந்துகொண்டபோது, என்னால் அதைச் செய்ய முடியுமா முடியாதா என்பது பற்றி என் மனதில் ஒரு தயக்கம் இருந்தது. ஆனால் இரண்டு பதக்கங்களை வென்ற பிறகு, அந்த தடை உடைந்தது. நான் அதை ஒரு முறை செய்ய முடிந்தால், கடின உழைப்பால் அதை மீண்டும் செய்ய முடியும் என்பதை உணர்ந்தேன். நான் இந்தியாவுக்காக, குறிப்பாக சக்கர நாற்காலியில் பங்கேற்கும்போது, நாட்டை பிரதிநிதித்துவப்படுத்தும்போது, அது மிகவும் நன்றாக உணர்கிறது. நான் எப்போதும் அதை மீண்டும் செய்ய விரும்புகிறேன்.

பிரதமர்: அவனி, உங்களைப் பற்றி அதிக எதிர்பார்ப்புகள் உள்ளன. நாடும் உங்கள் மீது அதிக எதிர்பார்ப்புகளை வைத்திருக்கிறது. ஆனால் நான் சொல்வேன். இந்த எதிர்பார்ப்புகள் ஒரு சுமையாக மாற வேண்டாம். இந்த எதிர்பார்ப்புகள் உங்கள் பலமாக மாறட்டும். மனமார்ந்த வாழ்த்துக்கள்.

அவனி லெகாரா: நன்றி ஐயா!

தொகுப்பாளர்: திரு.மாரியப்பன் தங்கவேலு.

மாரியப்பன் தங்கவேலு:வணக்கம் சார்.

பிரதமர்: மாரியப்பன் அவர்களே, வணக்கம். மாரியப்பன், டோக்கியோ பாராலிம்பிக்கில் வெள்ளிப் பதக்கம் வென்றிருக்கிறீர்கள். இந்த முறை, அந்த வெள்ளியை தங்கமாக மாற்றுவதை நீங்கள் இலக்காகக் கொண்டிருக்க வேண்டும். உங்கள் கடந்த கால அனுபவங்களிலிருந்து நீங்கள் என்ன கற்றுக்கொண்டீர்கள்?

மாரியப்பன்: ஐயா, நான் ஜெர்மனியில் பயிற்சி பெறுகிறேன். பயிற்சி நன்றாக நடக்கிறது. கடந்த முறை, ஒரு சிறிய தவறு இருந்தது, எனக்கு வெள்ளி கிடைத்தது. இந்த முறை 100 சதவீதம் தங்கம் கொண்டு வருவேன்.

பிரதமர்: நிச்சயமாக?

மாரியப்பன்: நிச்சயமாக, ஐயா, 100 சதவீதம்.

பிரதமர்: மாரியப்பன், நீங்கள் ஒரு தடகள வீரர் மற்றும் பயிற்சியாளர். 2016 மற்றும் இப்போது பாரா விளையாட்டு வீரர்களின் எண்ணிக்கையை நீங்கள் பார்க்கும்போது, குறிப்பிடத்தக்க அதிகரிப்பு ஏற்பட்டுள்ளது. இந்த மாற்றத்தை எப்படி பார்க்கிறீர்கள்?

மாரியப்பன்: ஐயா, நான் 2016-ல் தான் முதன்முறையாக பாராலிம்பிக் போட்டிகளில் நுழைந்தேன். நான் தங்கம் வெல்ல மாட்டேன் என்று நினைத்து கொஞ்சம் பயந்தேன். ஆனால் நான் செய்தேன். தங்கம் வென்ற பிறகு, ஒட்டுமொத்த ஊழியர்களும் பாராலிம்பிக் சமூகமும் எனக்கு ஆதரவளித்தனர். எனக்கு கிடைத்த ஆதரவைப் பார்த்து, மேலும் பலர் விளையாட்டுகளில் ஈடுபட்டனர். தற்போது இந்தியாவுக்காக 100 பதக்கங்களை இலக்காகக் கொள்ள வேண்டும். இந்த முறை அது நடக்கும் சார்.

பிரதமர்: மாரியப்பன், எங்கள் விளையாட்டு வீரர்களுக்கு எதுவுமே குறை இருக்கக் கூடாது என்பதற்காக எங்களால் இயன்றவரை முயற்சி செய்து வருகிறோம். நீங்கள் உங்கள் செயல்திறனில் மட்டுமே கவனம் செலுத்த வேண்டும். நாடு உங்களுடனேயே இருக்கிறது. மனமார்ந்த வாழ்த்துகள்.

மாரியப்பன்: நன்றி ஐயா.

பிரதமர்: வணக்கம், சுமித்.

சுமித் அன்டில்: வணக்கம் ஐயா, நன்றி ஐயா.

பிரதமர்: சுமித், நீங்கள் ஆசிய பாரா விளையாட்டுப் போட்டிகளிலும், டோக்கியோ பாராலிம்பிக்கிலும் தங்கப் பதக்கங்களை வென்று ஒன்றன் பின் ஒன்றாக உலக சாதனைகளைப் படைத்திருக்கிறீர்கள். உங்கள் சொந்த சாதனைகளை முறியடிப்பதற்கான ஊக்கம் உங்களுக்கு எங்கிருந்து கிடைக்கிறது?

சுமித் அன்டில்: இந்தியாவில் உத்வேகத்துக்குப் பஞ்சமில்லை என்று நான் கருதுகிறேன். நமது பிசிஐ தலைவர் தேவேந்திர ஜஜாரியா, நீரஜ் சோப்ரா மற்றும் எனக்கு முன்பு தேசத்திற்கு பெருமை சேர்த்த பல விளையாட்டு வீரர்கள் உள்ளனர். அவர்களிடமிருந்து நான் உத்வேகம் பெறுகிறேன். ஐயா. ஆனால் உத்வேகத்தை விட, சுய ஒழுக்கம் மற்றும் சுய ஊக்கம் ஆகியவை உலக சாதனைகளை அடுத்தடுத்து முறியடிப்பதில் பெரும் பங்கு வகித்துள்ளன ஐயா.

பிரதமர்: சுமித், சோனிபட்டின் மண் மிகவும் சிறப்பு வாய்ந்தது. உங்களைப் போன்ற பல உலக சாதனை படைத்தவர்களும், விளையாட்டு வீரர்களும் அங்கிருந்து வந்திருக்கிறீர்கள். ஹரியானாவின் விளையாட்டு கலாச்சாரம் உங்களுக்கு எவ்வளவு உதவியது?

சுமித் அன்டில்: நிச்சயமாக, ஐயா. இங்குள்ள மக்கள் ஆதரிக்கும் விதமும், அரசு ஆதரிக்கும் விதமும் பெரும் தாக்கத்தை ஏற்படுத்துகிறது. அதனால்தான் ஹரியானாவைச் சேர்ந்த பல விளையாட்டு வீரர்கள் சர்வதேச அரங்கில் நாட்டைப் பிரதிநிதித்துவப்படுத்தி தேசத்திற்குப் பெருமை சேர்க்கிறார்கள். அரசின் ஆதரவும் குறிப்பிடத்தக்கது. ஐயா, இங்கு உருவாக்கப்பட்டுள்ள விளையாட்டு கலாச்சாரம் மிகவும் பயனளிக்கிறது என்று நான் நினைக்கிறேன், ஐயா.

பிரதமர்: சுமித், நீங்கள் உலக சாம்பியன். அதற்கும் மேலாக, நீங்கள் ஒட்டுமொத்த நாட்டிற்கும் ஒரு உத்வேகம். எனது வாழ்த்துக்கள் எப்போதும் உங்களுடன் இருக்கும். தொடருங்கள் உங்கள் சிறந்த செயல்திறன். முழு நாடும் உங்களுடன் நிற்கிறது. பலப்பல வாழ்த்துக்கள்!

சுமித் அன்டில்: மிக்க நன்றி ஐயா.

தொகுப்பாளர்: திருமதி அருணா தன்வார்.

அருணா தன்வார்: வணக்கம் ஐயா! ரக்ஷா பந்தன் நல்வாழ்த்துகள்!

பிரதமர்: அருணா அவர்களே, உங்களுக்கும் எனது நல்வாழ்த்துக்கள்.

அருணா தன்வார்: நன்றி ஐயா!

பிரதமர்: அருணா, உங்கள் வெற்றியில் உங்களது தந்தை பெரும் பங்கு வகித்தார் என்று கேள்விப்பட்டேன். அவரது ஆதரவு மற்றும் உங்கள் பயணம் பற்றி சொல்ல முடியுமா?

அருணா தன்வார்: சார், குடும்பத்தின் ஆதரவு இல்லாமல் எங்களால் சாதாரண போட்டியில் கூட விளையாட முடியாது. நான் இரண்டாவது முறையாக பாராலிம்பிக்கில் பங்கேற்க உள்ளேன். என் தந்தை எப்போதும் மிகவும் ஆதரவாக இருக்கிறார், என் அம்மா ஐயா, ஏனென்றால் சமூக அழுத்தம் இருக்கும்போது, மக்கள் ஒரு 'மாற்றுத்திறனாளியை' (மாற்றுத்திறனாளி நபர்) எதையும் சாதிக்க முடியாத ஒருவராகப் பார்க்கிறார்கள். ஆனால் என்னால் நிறைய சாதிக்க முடியும் என்று என் பெற்றோர் என்னை நம்ப வைத்தனர். ஐயா, இன்று என் வீட்டில் நான் என் சகோதரர்களுக்கு எந்த வகையிலும் குறைந்தவனாக கருதப்படவில்லை. எங்க குடும்பம் எனக்கு எப்பவும் சப்போர்ட் பண்றாங்க சார்.

பிரதமர்: அருணா, கடந்த பாராலிம்பிக்கின் போது ஒரு முக்கியமான போட்டிக்கு சற்று முன்பு உங்களுக்கு காயம் ஏற்பட்டது. அந்த பின்னடைவை எப்படி சமாளித்து உற்சாகமாக இருந்தீர்கள்?

அருணா தன்வார்: ஐயா, நீங்கள் ஒரு பெரிய போட்டியையும் நாட்டையும் பிரதிநிதித்துவப்படுத்தும்போது, குறிப்பாக அந்த விளையாட்டில் ஒரே ஒருவராக... நான் பாராலிம்பிக்கில் டேக்வாண்டோவை பிரதிநிதித்துவப்படுத்தினேன். காயத்தால் பின்வாங்குவது கடினம். ஆனால் ஒரு காயம் உங்கள் விளையாட்டை நிறுத்த முடியாது. ஏனெனில் எனது நோக்கம் மிகவும் பெரியது. காயங்கள் இல்லாமல், விளையாட்டு இல்லை. காயங்கள் ஒரு விளையாட்டு வீரருக்கு ஆபரணம் போன்றது. அதனால திரும்பி வர்றது ரொம்ப கஷ்டமா இல்ல சார். நான் வலுவாக இருந்தேன். எனது பயிற்சியாளர்கள், குறிப்பாக சந்தியா பாரதி மேடம் மற்றும் எனது பெற்றோர் என்னிடம் ஒரு பாராலிம்பிக் மட்டுமே எதிர்காலத்தை தீர்மானிக்காது என்று சொன்னார்கள்; இன்னும் விளையாட நிறைய உள்ளன.

பிரதமர்: அருணா, காயங்களை ஒரு ஆபரணமாகப் பார்க்கும் உங்கள் பார்வை உண்மையிலேயே ஊக்கமளிக்கிறது. ஆனால் நீங்கள் மீண்டும் அத்தகைய ஆபரணத்தை அணிய வேண்டியதில்லை என்று நம்புகிறேன். அருணா, நீங்கள் விளையாட்டிலும் சரி, வாழ்க்கையிலும் சரி ஒரு போராளி. நீங்கள் நாட்டுக்காக பதக்கங்களை வென்றது மட்டுமின்றி, லட்சக்கணக்கான மகள்களுக்கு உத்வேகம் அளித்துள்ளீர்கள். ஒரு போராளியின் மனநிலையுடன் பாரிஸுக்குச் சென்று ஒரு நட்சத்திர செயல்திறனைக் கொடுங்கள். ஒட்டுமொத்த நாட்டின் நல்வாழ்த்துக்கள் உங்களுடன் உள்ளன.

அருணா தன்வார்: மிக்க நன்றி ஐயா.

பிரதமர்: இப்போது, நானே சில கேள்விகளைக் கேட்க விரும்புகிறேன், உங்களில் யார் வேண்டுமானாலும் பதிலளிக்க முடியும், குறிப்பாக இதுவரை பேசாதவர்களுக்கு. உங்களில் பலர் உங்கள் முதல் பாராலிம்பிக்கிற்காக பாரிஸ் செல்கிறீர்கள். முதன்முறையாக இது போன்ற ஒரு உலகளாவிய நிகழ்வில் நமது நாட்டை பிரதிநிதித்துவப்படுத்துவது எப்படி உணர்வை ஏற்படுத்துகிறது என்று யாராவது என்னிடம் சொல்ல முடியுமா? இதுவரை பேசாதவர்கள் தயவு செய்து பேசுங்கள்!

அசோக் மாலிக்: சார், என் பெயர் அசோக்! முதல் முறையாக செல்கிறேன் ஐயா! இது ஒவ்வொரு விளையாட்டு வீரரின் கனவு...

பிரதமர்: உங்கள் பெயர் என்ன?

அசோக் மாலிக்: அசோக் மாலிக் சார்!

பிரதமர்: அசோக் அவர்களே, சரி, தயவு செய்து தொடருங்கள்!

அசோக் மாலிக்: சார், ஒலிம்பிக்கில் விளையாட வேண்டும் என்பது ஒவ்வொரு வீரரின் கனவு. என் கனவு நனவாகப் போகிறது சார். எனது நாட்டை பிரதிநிதித்துவப்படுத்த பாராலிம்பிக்கிற்காக நான் பாரிஸ் செல்கிறேன், ஐயா. அங்கு என்னால் இயன்றதைச் செய்வேன் ஐயா. முடிந்தால் நாட்டுக்காக ஒரு பதக்கத்தை பெற்றுத் தருவேன் ஐயா.

பிரதமர்: அசோக், நீங்கள் எங்கிருந்து வருகிறீர்கள்?

அசோக் மாலிக்: ஹரியானாவிலிருந்து சார், சோனிபட்!

பிரதமர்: சோனிபட்டிலிருந்து, நீங்களும் சோனிபட்டைச் சேர்ந்தவர்களா?

அசோக் மாலிக்: ஆமாம் ஐயா!

பிரதமர்: உங்களில் எத்தனை பேர் உங்கள் இரண்டாவது அல்லது மூன்றாவது பாராலிம்பிக்கிற்குச் செல்கிறீர்கள்? உங்கள் முதல் பாராலிம்பிக்குடன் ஒப்பிடும்போது இப்போது எவ்வளவு வித்தியாசமாக உணர்கிறது? யார் பதில் சொல்ல விரும்புவார்கள்?

அமித் சரோஹா: ஐயா, வணக்கம்!

பிரதமர்: வணக்கம்!

அமித் சரோஹா: ஐயா, நான் அமித் சரோஹா, இது எனது நான்காவது பாராலிம்பிக் ஆகும். நான்காவது முறையாக பாராலிம்பிக்கிற்கு செல்லும் அணியில் நான் மிகவும் மூத்த வீரர். ஐயா, நான் கண்ட மிகப்பெரிய மாற்றம் என்னவென்றால், நாங்கள் 2012-ல் சென்றபோது, நாங்கள் ஒரே ஒரு பதக்கத்தை மட்டுமே வென்றோம். அதன் பிறகு, நான் மேலும் இரண்டு ஒலிம்பிக்கில் பங்கேற்றேன். எங்கள் அணியின் செயல்திறன் மேம்பட்டுக் கொண்டே இருந்தது. இப்போ 84 விளையாட்டு வீரர்கள் போறாங்க சார். இதில் இந்திய விளையாட்டு ஆணையம் (சாய்-ஸ்போர்ட்ஸ் அத்தாரிட்டி ஆஃப் இந்தியா) பெரும் பங்காற்றியுள்ளது. எங்கள் அணிக்கு கிடைக்கும் ஆதரவு, குறிப்பாக நிதி கணிசமாக அதிகரித்துள்ளது, ஐயா. 2015-ம் ஆண்டில் டாப்ஸ் (ஒலிம்பிக் பதக்க இலக்கு திட்டம்) அறிமுகப்படுத்தப்பட்டதிலிருந்து, எங்களுக்கு இவ்வளவு ஆதரவு கிடைத்துள்ளது, இப்போது நாங்கள் வெளிநாட்டில் எங்கும் பயணம் செய்து பயிற்சி பெறலாம். எங்களிடம் தனிப்பட்ட பயிற்சியாளர்கள், தனிப்பட்ட பிசியோக்கள் மற்றும் தனிப்பட்ட துணை ஊழியர்கள் கூட உள்ளனர். எங்கள் தேவைகள் எதுவாக இருந்தாலும், அவை பூர்த்தி செய்யப்படுகின்றன. அதனால்தான் நாங்கள் இவ்வளவு சிறப்பாக செயல்படுகிறோம். முன்பை விட இந்த முறை அதிக பதக்கங்களை வெல்வோம் என்ற நம்பிக்கை உள்ளது சார்.

பிரதமர்: இந்த குழுவில் இன்னும் பள்ளி அல்லது கல்லூரியில் இருக்கும் பல இளைஞர்களை நான் கண்டேன். விளையாட்டுடன் உங்கள் படிப்பை எவ்வாறு நிர்வகிப்பீர்கள்?

ருத்ரன்ஷ் கண்டேல்வால்: என் பெயர் ருத்ரன்ஷ் கண்டேல்வால். நான் ராஜஸ்தானின் பரத்பூரைச் சேர்ந்தவன். இந்த ஆண்டு எனது 12 ஆம் வகுப்பு வாரியத் தேர்வுகளை எழுதி மிகச் சிறந்த மதிப்பெண்களுடன் தேர்ச்சி பெற்றேன் - நான் 83 சதவீத மதிப்பெண் பெற்றேன். அந்த நேரத்தில், உலகக் கோப்பையும் புதுதில்லியில் நடந்து கொண்டிருந்தது, எனவே நான் இரண்டு விஷயங்களையும் ஒரே நேரத்தில் நிர்வகித்துக் கொண்டிருந்தேன். கல்வி, விளையாட்டு இரண்டும் வாழ்க்கையில் மிக முக்கிய பங்கு வகிக்கின்றன என்று நான் நம்புகிறேன். ஏனெனில், விளையாட்டு எதிர்கால வளர்ச்சிக்கு உதவுவதுடன், தினசரி செயல்பாட்டை மேம்படுத்த உங்களைத் தூண்டுகிறது. மேலும் வாழ்க்கையை எவ்வாறு வாழ்வது மறறும் உங்கள் உரிமைகளைப் புரிந்துகொள்வது என்பதை கல்வி உங்களுக்குக் கற்பிக்கிறது. எனவே, இரண்டையும் நிர்வகிப்பது மிகவும் கடினம் என்று நான் நினைக்கவில்லை, இரண்டும் மிகவும் முக்கியமானவை.

பிரதமர்: பாரா-தடகள வீரர்களின் பரிந்துரைகளின் அடிப்படையில், 2023 டிசம்பரில் முதல் முறையாக கேலோ இந்தியா பாரா விளையாட்டுகளை ஏற்பாடு செய்தோம். இதுபோன்ற நிகழ்வு விளையாட்டுச் சூழல் அமைப்புக்கு எவ்வாறு உதவுகிறது என்று யாராவது சொல்ல முடியுமா?

பவினா: வணக்கம் ஐயா!

பிரதமர்: வணக்கம்!

பவினா: சார்.

பிரதமர்: ஆமாம், பவினா, நீங்கள் எப்படி இருக்கிறீர்கள்?

பவினா: நான் நல்லா இருக்கேன் சார். எப்படி இருக்கிறீர்கள்?

பிரதமர்: ஆமாம், பவினா, தயவுசெய்து மேலே சொல்லுங்கள்!

பவினா: சார், கடந்த சில ஆண்டுகளாக கேலோ இந்தியா இயக்கம் இந்தியாவில் விளையாட்டு வளர்ச்சியில் குறிப்பிடத்தக்க பங்களிப்பை அளித்துள்ளது. அடிமட்டத்திலிருந்து பல திறமைசாலிகளை முன்னணிக்குக் கொண்டு வந்துள்ளது. கேலோ இந்தியாவில் மாற்றுத் திறனாளிகளுக்கான விளையாட்டுகளும் சேர்க்கப்பட்டிருப்பதால், மாற்றுத் திறனாளிகளுக்கு நல்ல தளம் கிடைத்திருக்கிறது, புதிய திசைகள் கிடைத்திருக்கின்றன. கேலோ இந்தியாவில் இருந்து 16 விளையாட்டு வீரர்கள் பாரிஸ் பாராலிம்பிக் போட்டிக்குத் தகுதி பெற்றிருக்கிறார்கள் என்பதுதான் மிகச் சிறந்த உதாரணம்.

பிரதமர்: ஆஹா! காயங்களைக் கையாள்வது விளையாட்டு வீரர்களுக்கு ஒரு பெரிய சவாலாக உள்ளது. பாராலிம்பிக்கிற்கு தயாராகும் போது பாரா விளையாட்டு வீரர்கள் காயங்களை எவ்வாறு சமாளித்து உந்துதலாக இருக்கிறார்கள்?

தருண் தில்லான்: ஐயா, வணக்கம்!

பிரதமர்: வணக்கம்!

தருண் தில்லான்:ஐயா, என் பெயர் தருண் தில்லான். நான் ஹரியானாவின் ஹிசாரைச் சேர்ந்தவன்! எனது விளையாட்டு பேட்மிண்டன். ஐயா, நீங்கள் கேட்ட காயம் குறித்து, எனது அனுபவத்தை பகிர்ந்து கொள்ள விரும்புகிறேன். ஐயா, 2022 கனடா சர்வதேச போட்டியின் போது, ஒரு போட்டியின் போது எனது முழங்கால் தசைநார் கிழிந்தது. இது ஒரு பேட்மிண்டன் வீரருக்கு கடுமையான காயம், சார், நான் ஒரு டாப்ஸ் தடகள வீரராக இருப்பது மிகவும் அதிர்ஷ்டம், சார். நான் அனைத்து விளையாட்டு வீரர்களுக்கும் உங்களுக்கும் சொல்ல விரும்புகிறேன் ஐயா. நான் டாப்ஸின் ஒரு பகுதியாக இருந்ததால், விளையாட்டு மேம்பாட்டு ஆணையம் எனக்கு நிறைய உதவியது. மும்பையில் உள்ள சிறந்த மருத்துவரான டாக்டர் தின்ஷாவிடம் சிகிச்சைக்காக என்னை இந்தியாவுக்கு அழைத்து வர அவர்கள் ஒரு வணிக வகுப்பு விமான டிக்கெட்டை ஏற்பாடு செய்தனர். எனது அறுவை சிகிச்சை மிகக் குறுகிய காலத்தில் செய்யப்பட்டது. எஸ்ஏஐ ஆதரவுக்கு நன்றி. நான் குணமடைந்து விளையாட்டுக்கு திரும்ப முடிந்தது. குணமடைய 10-11 மாதங்கள் ஆகும் என்று மருத்துவர்கள் கூறினர். ஆனால் எஸ்ஏஐ-யின் ஆதரவால், நான் 7 மாதங்களில் குணமடைந்தேன், 8-வது மாதத்தில், நான் ஒரு சர்வதேச போட்டியில் விளையாடச் சென்றேன். அங்கு நான் தங்கப் பதக்கம் வென்றேன். இன்று, எங்களைப் போன்ற நடுத்தர வர்க்க குடும்பங்கள் இதுபோன்ற பெரிய காயங்களிலிருந்து எளிதாக மீண்டு, டாப்ஸ் திட்டத்தின் காரணமாக விளையாட்டில் எங்கள் கனவுகளை அடைய முடியும் என்று நான் நம்புகிறேன்.

பிரதமர்: மனமார்ந்த வாழ்த்துக்கள்! உங்களில் பலருக்கு சமூக ஊடகங்களில் பெரிய அளவில் பின்தொடர்பவர்கள் உள்ளனர். பாரா விளையாட்டுகளில் சமூக ஊடகங்கள் எவ்வாறு உதவுகின்றன என்று யாராவது சொல்ல முடியுமா?

யோகேஷ் கதுனியா: வணக்கம் ஐயா! என் பெயர் யோகேஷ் கதுனியா, நான் ஹரியானாவின் பகதூர்கரைச் சேர்ந்தவன். சமூக ஊடகங்கள் பாரா விளையாட்டுகளில் மிகவும் நேர்மறையான தாக்கத்தை ஏற்படுத்தியுள்ளன. குறிப்பாக முன்பு இல்லாத விழிப்புணர்வை ஏற்படுத்துவதில். படிப்படியாக, இந்தியாவில் உள்ள மக்கள் பாரா விளையாட்டுகளும் முக்கியம் என்பதை உணர்ந்து வருகின்றனர், மேலும் பல புதிய விளையாட்டு வீரர்கள் சமூக ஊடகங்களில் பார்ப்பதன் காரணமாக பாரா விளையாட்டுகளுக்கு வருகிறார்கள். மாற்றுத்திறனாளிகள் பலர் கல்வி போன்ற  விஷயங்களை மட்டுமே தொடர முடியும் என்று நினைத்தனர், ஆனால் இப்போது அவர்களில் அதிகமானோர் பாரா விளையாட்டுகளுக்கு வருவதை நாங்கள் காண்கிறோம். சமூக ஊடகங்கள் காரணமாக பாரா விளையாட்டுகளின் தெரிவுநிலை கணிசமாக அதிகரித்துள்ளது, மேலும் இது மக்களுடன் இணைவதற்கான வாய்ப்பையும் வழங்குகிறது. எங்கள் வீடியோக்களைப் பார்ப்பவர்கள் உந்துதல் பெறுகிறார்கள், மேலும் வரவிருக்கும் அடிமட்ட அளவிலான விளையாட்டு வீரர்கள் அந்த பயிற்சிகளை தங்கள் நடைமுறைகளில் கூட இணைக்கலாம். பாரா விளையாட்டுகளின் வளர்ச்சியில் சமூக ஊடகங்கள் குறிப்பிடத்தக்க தாக்கத்தை ஏற்படுத்தியுள்ளன.

தொகுப்பாளர்: ஐயா, நமது விளையாட்டு வீரர்களின் மன உறுதியை அதிகரிக்க ஊக்கமளிக்கும் சில வார்த்தைகளைக் கூறுமாறு உங்களைக் கேட்டுக் கொள்கிறோம். நன்றி ஐயா.

பிரதமர்: நாட்டின் விளையாட்டுத் துறை அமைச்சர் திரு மன்சுக் மாண்டவியா அவர்களே, விளையாட்டுத் துறை இணையமைச்சர் ரக்ஷா காட்ஸே அவர்களே, உலகின் மூலை முடுக்கெங்கும் குழுமியிருக்கும் மாற்றுத் திறனாளிகள், பயிற்சியாளர்கள், ஊழியர்கள் ஆகியோரே. இன்று உங்கள் அனைவருடனும் உரையாடும் வாய்ப்பு கிடைத்ததில் நான் மிகவும் மகிழ்ச்சி அடைகிறேன். இறுதி பயிற்சி கட்டத்தில் நீங்கள் இருந்தாலும் காணொலிக்காட்சி மூலம் உங்களை சந்திக்கும் வாய்ப்பு எனக்கு கிடைத்தது. நீங்கள் அனைவரும் பாரதத்தின் கொடி ஏந்தி பாரிஸ் செல்கிறீர்கள். இந்தப் பயணம் உங்கள் வாழ்க்கையிலும், விளையாட்டிலும் மிக முக்கியமான ஒன்றாக இருக்கப் போகிறது.  மேலும் இது நாட்டிற்கும் முக்கியத்துவம் வாய்ந்தது. தேசத்தின் பெருமை பாரீஸில் நீங்கள் இருப்பதுடன் இணைக்கப்பட்டுள்ளது. எனவே, இன்று, ஒட்டுமொத்த தேசமும் உங்களை ஆசீர்வதிக்கிறது, எங்கள் பாரம்பரியத்தில், இதுபோன்ற ஆசீர்வாதங்கள் வழங்கப்படும் போது, மக்கள் "விஜயி பவ" (வெற்றி பெறுங்கள்) என்று கூறுகிறார்கள். 140 கோடி இந்தியர்களும் உங்களை ஆசீர்வதிக்கிறார்கள் – "விஜயி பவ." டோக்கியோ மற்றும் ஆசிய பாரா விளையாட்டுப் போட்டிகளைப் போல, புதிய சாதனைகளைப் படைக்க நீங்கள் ஆர்வமாக உள்ளீர்கள் என்பதை உங்கள் உற்சாகம் காட்டுகிறது. தைரியமும் உறுதியும் இருக்கும் போது சாதிக்க முடியும் என்பதை காட்டுங்கள். பாரிஸ் பாராலிம்பிக் போட்டிகளில் பங்கேற்கும் உங்கள் அனைவருக்கும் எனது மனமார்ந்த பாராட்டுகளையும், நல்வாழ்த்துகளையும் தெரிவித்துக் கொள்கிறேன்.

நண்பர்களே,

எந்தவொரு விளையாட்டிலும் ஒரு வீரர் இவ்வளவு பெரிய கட்டத்தை அடையும்போது, அதன் பின்னால் தைரியம், அர்ப்பணிப்பு மற்றும் தியாகத்தின் முழு கதையும் உள்ளது. எந்தவொரு வீரரின் அடித்தளமும் நம்பிக்கையின் அடிப்படையில் கட்டமைக்கப்பட்டுள்ளது. ஒரு வீரர் ஒழுக்கத்தின் சக்தியுடன் முன்னேறுகிறார். அவர்களின் வெற்றி அவர்களின் தன்னம்பிக்கை மற்றும் சுய கட்டுப்பாட்டிற்கு ஒரு சான்றாகும். இருப்பினும், பாரா விளையாட்டு வீரர்கள் என்று வரும்போது, இந்த உண்மை மற்றும் சவால் பல மடங்கு அதிகமாகிறது. நீங்கள் இந்த நிலையை அடைவது நீங்கள் உள்ளே இருந்து எவ்வளவு வலிமையானவர் என்பதைக் காட்டுகிறது. பாதகமான காற்றை மட்டுமல்ல, பாதகமான புயல்களையும் எதிர்கொள்ளும் திறன் உங்களிடம் உள்ளது என்பதை உங்கள் வெற்றி காட்டுகிறது. சமூகத்தின் நிறுவப்பட்ட விதிமுறைகளை நீங்கள் சமாளித்துள்ளீர்கள். உங்கள் உடலின் சவால்களை நீங்கள் சமாளித்துள்ளீர்கள். எனவே நீங்கள் வெற்றியின் மந்திரம், நீங்கள் வெற்றிக்கான உதாரணம், நீங்கள் வெற்றியின் சான்று. முழு நம்பிக்கையுடன் களத்தில் இறங்குங்கள். பின்னர் நீங்கள் வெற்றி பெறுவதை யாராலும் தடுக்க முடியாது.

நண்பர்களே,

சமீப ஆண்டுகளில் மாற்றுத் திறனாளிகளுக்கான விளையாட்டுகளில் பாரதத்தின் வெற்றியும் ஆதிக்கமும் எவ்வாறு அதிகரித்துள்ளது என்பதற்கு நீங்கள் அனைவரும் சாட்சிகள். 2012 லண்டன் பாராலிம்பிக்கில் இந்தியா ஒரேயொரு பதக்கம் மட்டுமே வென்றது. நாம் தங்கம் வெல்லவில்லை. 2016-ல் ரியோ ஒலிம்பிக்கில் 2 தங்கப் பதக்கங்களையும், 4 பதக்கங்களையும் இந்தியா வென்றது. மற்றும்... டோக்கியோ பாராலிம்பிக்கில் 5 தங்கம், 8 வெள்ளி, 6 வெண்கலம் என மொத்தம் 19 பதக்கங்களை வென்று சாதனை படைத்தோம். உங்களில் பலர் அந்த குழுவின் ஒரு பகுதியாக இருந்தீர்கள் மற்றும் பதக்கங்களை நாட்டுக்கு கொண்டு வந்தீர்கள். பாராலிம்பிக் வரலாற்றில் பாரதம் வென்ற 31 பதக்கங்களில், 19 டோக்கியோவிலிருந்து மட்டுமே வந்தவை. கடந்த 10 ஆண்டுகளில் விளையாட்டு மற்றும் பாரா விளையாட்டுக்களில் பாரதம் எவ்வளவு உயர்ந்துள்ளது என்பதை நீங்கள் கற்பனை செய்து பாருங்கள்.

நண்பர்களே,

விளையாட்டில் பாரதத்தின் சாதனைகள், விளையாட்டுகள் குறித்த சமூகத்தின் மாறிவரும் கண்ணோட்டத்தை பிரதிபலிக்கின்றன. ஒரு காலத்தில் விளையாட்டு என்பது வெறும் பொழுது போக்காக கருதப்பட்டது, ஓய்வு நேரம் உள்ளவர்கள் செய்த ஒன்று. ஆனால் இன்று விளையாடுபவர்கள் பிரகாசிக்கிறார்கள். வீட்ல கூட அதிகம் விளையாடினால் திட்டுவாங்க; விளையாட்டு ஒரு தொழிலாக பார்க்கப்படவில்லை, விளையாட்டில் ஒருவருக்கு தடையாக பார்க்கப்பட்டது. விளையாட்டுகளில் வாய்ப்புகள் இல்லை. எனது மாற்றுத்திறனாளி சகோதர சகோதரிகள் பலவீனமானவர்களாகவும், பிறரைச் சார்ந்திருப்பவர்களாகவும் கருதப்பட்டார்கள். இந்த மனநிலையை மாற்றி அவர்களுக்கு அதிக வாய்ப்புகளை உருவாக்கினோம். இன்று, பாரா விளையாட்டுகளுக்கு மற்ற விளையாட்டுகளைப் போலவே அதே முன்னுரிமை கிடைக்கிறது. நாட்டில் 'கேலோ இந்தியா பாரா கேம்ஸ்' தொடங்கப்பட்டுள்ளது. நமது மாற்றுத் திறனாளிகளுக்கு உதவுவதற்காக குவாலியரில் மாற்றுத் திறனாளிகளுக்கான விளையாட்டுப் பயிற்சி மையம் ஒன்று நிறுவப்பட்டுள்ளது. டாப்ஸ் மற்றும் கேலோ இந்தியா வசதிகளால் நமது பாரா தடகள வீரர்கள் பயனடைந்து வருகின்றனர். இந்தக் குழுவில் 50 விளையாட்டு வீரர்கள் டாப்ஸ் திட்டத்துடன் இணைந்துள்ளனர் என்பதும், 16 விளையாட்டு இந்தியாவைச் சேர்ந்த 16 விளையாட்டு வீரர்கள் என்பதும் எனக்கு மகிழ்ச்சி அளிக்கிறது. உங்கள் சிறப்புத் தேவைகளைக் கருத்தில் கொண்டு, வெளிநாட்டு பயிற்சியாளர்கள், நிபுணர்கள் மற்றும் உதவி ஊழியர்களும் நியமிக்கப்பட்டுள்ளனர். இந்த நேரத்தில், பாரிஸில் அற்புதமான ஒன்றை நீங்கள் காண்பீர்கள். பாரிஸ் பாராலிம்பிக் விளையாட்டு கிராமத்தில் உங்கள் அனைவருக்கும் சிறப்பு மையம் அமைக்கப்பட்டுள்ளது. இந்த மையம் உங்களுக்கு மிகவும் உதவியாக இருக்கும் என்று நம்புகிறேன்.

நண்பர்களே,

பாரிஸ் 2024 பாராலிம்பிக் பல வழிகளில் நாட்டிற்கு சிறப்பு வாய்ந்தது. பல விளையாட்டுகளில் நமது வாய்ப்புகள் அதிகரித்துள்ளன. மேலும் நமது பங்கேற்பு அதிகரித்துள்ளது. பாரதத்தின் பொன்னான பயணத்தில் பாரீஸ் பாராலிம்பிக் போட்டிகள் ஒரு குறிப்பிடத்தக்க மைல்கல்லாக அமையும் என்று நான் நம்புகிறேன். புதிய சாதனைகளைப் படைத்துவிட்டு நாடு  திரும்பியதும் மீண்டும் சந்திப்போம். மீண்டும் ஒருமுறை ஒட்டுமொத்த நாட்டின் தரப்பில் உங்கள் அனைவருக்கும் எனது நல்வாழ்த்துக்களைத் தெரிவித்துக் கொள்கிறேன். ஒட்டுமொத்த தேசமும் உங்களுக்காக ஒரு மந்திரத்தை உச்சரிக்கிறது - 'விஜயி பவ' (நீங்கள் வெற்றி பெறுவீர்கள்). விஜயி பவ. விஜயி பவ.

நன்றி.

பொறுப்புத் துறப்பு: இது பிரதமர் ஆற்றிய  உரையின் உத்தேசமான  மொழிபெயர்ப்பு. பிரதமர் தமது உரையை  இந்தியில் வழங்கியிருந்தார்.

***

(Release ID: 2046958)

PLM/RS/KR