প্রধানমন্ত্রীগী লোইশঙ
ভিদিও কন্ফরেন্সিংগী খুত্থাঙদা পি.এম.গা পেরিস পেরালিম্পিক গেম্স ২০২৪গী ইন্দিয়ন কন্তিঞ্জেন্তকা ৱারী শানবগী ৱারোল
Posted On:
19 AUG 2024 10:17PM by PIB Imphal
থৌরম পাঙথোক্লিবা মীওই – খুরুমজরি সর, মসিগী মতুংদা ইহান হান্না ঐখোয়গী অর্চর সীতল দেবীগা ৱারী ৱাতায় শানগনি। সীতল দেবী
প্রধান মন্ত্রী – সীতল খুরুমজরি,
সীতল – খুরুমজরি সর, জয় মাতা দী।
প্রধান মন্ত্রী – জয় মাতা দী।
সীতল – ঐ সীতলনি।
প্রধান মন্ত্রী – সীতল অদোম ভারত তীমগী খ্বায়দগী চহি নৌরিবী শান্নরোয়নি। অদুগা মসিনা অদোমগী অহান্বা পেরালিম্পিক ওইরমগনি। পুক্নিংদা করি করিনো য়াম্না ফাওরমগনি। করি করি ফাওই অদোম হায়বা য়াবরা? স্ত্রেসতি লৈতবা নত্ত্রা?
সীতল – লৈতে সর, স্ত্রেস লৈতে অদুগা ঐ য়াম্নসু নুংঙাই মরমদি চহি অসুক য়াম্না নৌনা তেনখ্রবা মতমসিদা পেরেলিম্পিক্তা শান্নগদৌরি। তেনখ্রবা মতমসিদা নৌখ্রবা চহি মতাঙসিদা ঐনা পেরালিম্পিক্সতা শান্নবা ফংবা হায়বসি য়াম্না নুংঙাইবা ৱাফম্নি। অদুগা শ্রাইন বোর্দকীসু খুৎ চাওনা য়াওরি, মখোয়না ঐঙোন্দা ঙাক্লৌ য়াম্না পীবিরি। পুম্নমক্না ঙাক্লৌ নীংথিনা পীবিরি। মদুমক্ননি ঐনা মফমসিদা য়ৌবা ঙম্লিবা।
প্রধান মন্ত্রী – ফরে সীতল, পেরিস পেরালিম্পিক্তা অদোমগী পান্দম করিনো অমদি মসিগীদমক অদোম্না করি করি হোৎনবগে অমসুং কমদৌনা হোৎনবগে?
সীতল – হোয় সর, ঐ য়াম্না কন্না হোৎনরি, ত্রেনিংসু ফজনা তৌরি সর। অদুগা ঐগী পান্দমদি ঐনা ইরৈবাক্কী ফিরাল মফমসিদা পাইহন্বদুনি। ঐখোয়গী এন্থেম মফমসিদা খোঙহন্বদুনি। সর, মসি ঐগী পান্দম্নি। অদুগা মসিদগী হেন্বা করিমত্তা লৈতে।
প্রধান মন্ত্রী – সীতল, ঐনা হান্নসু হায়খিবদুনি, অদোম তীম অসিদা খ্বায়দগী অঙাংনি। ঐনা অদোমদা পীনিংবা পাউতাক্তি অদোম চাউখ্রবা ইভেন্ত অসিগী শাফু নশাদা ফাওহনগনু হায়বসিনি। মায়থিবা-মায়পাকপগী শাফু লৈতনা অদোমগী খ্বায়দগী অথোয়বা পর্ফোর্মেন্স পীরম্মু। লৈবাক পুম্বগী মায়কৈদগী, ঐগী মায়কৈদগী, পুম্নমক্কী য়াইফ-থৌজাল অদোমগী মফমদা পীরি। অদুগা ইমাগী থৌজালদি মতম পুম্বদা লৈরি, ইমা বৈষ্ণো দেবীনা নহাক্কী নফমদা থৌজাল পীবিগনি। অদুনা ঐগী মায়কৈদগী য়াইফ-পাউজেল পীজরি।
সীতল – থাগৎচরি সর, মাতা রানীগী থৌজাল ঐঙোন্দা য়াম্না ফংলি, মরম অসিনা তেনখ্রবা মতমসিদা ঐনা মফমসিদা য়ৌরকপা ঙম্লিবনি। মাতা রানীগী থৌজাল য়াম্না লৈ সর। অদুগা সর, ঐনা তেনখ্রবা মতমসিদা মফমসিদা য়ৌরক্লিবসি ভারত মচা পুম্বগী থৌনিসু মফমসিদা ফংলিবনি। অদোমগী থৌজালসু ফংলি সর। থাগৎচরি।
প্রধান মন্ত্রী – য়াইফ-পাউজেল পীজরি।
থৌরম পাঙথোক্লিবা মীওই – সুস্রী অবনি লেখরা
প্রধান মন্ত্রী – অবনি খুরুমজরি।
অবনি লেখরা – খুরুমজরি সর!
প্রধান মন্ত্রী – অবনি মমাঙগী পেরালিম্পিক্তা অদোম্না গোল্দ মেদল য়াওনা মেদল অনি লৌরক্তুনা লৈবাক পুম্ববু চাউথোকচবা ফাওহনখি। হন্দক্তি করি পান্দম থম্লি।
অবনি লেখরা – সর, মমাঙদদি ঐগী অহান্বা পেরালিম্পিক গেম্স ওইখি অদুনা মদুগী মতুং ইন্না ঐনা ইভেন্ত মরিদা শরুক য়াখিবনি। এক্সপিরিএন্স তান্বনি। হৌজিক্তি, হন্দক্কী ওলিম্পিক সাইকলসিদদি মেচ্যুরিতী ফনা য়াম্না লৈরে, শান্ন-খোৎনবগী লমদসু, তেক্নিক্কী লমদসু। হন্দক্তি ঐনা শরুক য়াগদৌরিবা ইভেন্ত খুদিংদা ঐগী খ্বায়দগী ফবা মতৌ উৎনবা হোৎনরি। অদুগা ভারত পুম্বগী ঙাক্লৌ ফংলি, মীনুংশি ফংলি, মমাঙগী পেরালিম্পীক্কী মতুংদা, অদোমগী ঙাক্লৌ য়াম্না ফংলি। মসিনা ঐবু য়াম্না পুক্নিং থৌগৎলি। থৌদাং অমসু হাপচিল্লি মদুদি মফমদুদা চৎলগা ঐগী খ্বায়দগী ফবা মতৌ উৎনবা অমসুং নীংথিনা শান্ননবা।
প্রধান মন্ত্রী – অবনি অদোম্না তোকিওদগী মায় পাক্তুনা হল্লকখিবা, মদুগী তুংদা পুন্সিদা কমদৌনা অহোংবা লাকখি? অনৌবা চাংদম্নবশিংগীদমক অদোম্না কমদৌনা লেপ্পা লৈতনা হোৎনখি?
অবনি লেখরা – সর, ঐনা মমাঙদা শরুক য়াখিবদা, ঐবু মসি তৌবা ঙমগদ্রা নৎত্রগা ঙম্লোইদ্রা হায়বগী পল অমা লৈখি। অদুবু ঐনা মেদল অনি ফংলকপদুদগীদি হায়রিবা পল অদু নমখায়খি। অদুগা করিগুম্বা ঐনা অমুরক তৌবা ঙম্লগদি ঐ কন্না হোৎনরবদি অমুক্কসু হন্না তৌবা ঙমগনি হায়না খনখি। অদুগা ঐনা ভারতকীদমক শরুক য়াবা মতমদা, মরুওইনা ৱীল চেয়র অমদা ফম্লগা চত্তুনা লৈবাক্কী মহুৎ শিন্বা মতমদা ইশাদা হায়ফম খঙদবা ফাওখি মদুদি ঐ মদু অমুক হন্না তৌনিংবা ফাওখি।
প্রধান মন্ত্রী – অবনি অদোম্না নশাদা অদুগা লৈবাক্না অদোমগী মফমদা থাজবা কয়া থম্লি। অদুবু ঐনা হায়গদবদি থম্লিবা থাজবশিংদুনা পোৎলুমদি ওইহনগনু হায়বসিনি। থাজবশিংদুনা অদোমগী থৌনা ওইহল্লু। অদোমগী মফমদা য়াইফ-পাউজেল পীজরি।
অবনি লেখরা – থাগৎচরি সর!
থৌরম পাঙথোক্লিবা মীওই – শ্রী মরিয়ব্বন থঙ্গাবেলু
মরিয়প্পন থঙ্গাবেলু – খুরুমজরি সর।
প্রধান মন্ত্রী – মরিয়প্পন জী, খুরুমজরি। মরিয়প্পন অদোম্না তোকিও পেরালিম্পিক্তা সিল্ভর মেদল লৌরকখি। হন্দক্তি সিল্ভর অদু সনা ওন্থোক্নবা পান্দম থম্লগা চৎকদৌরিবা ওইরমগনি। মমাঙগী থেংনরকপশিংদুদগী অদোম্না করি করি তমশিনহৌবা ঙম্মি।
মরিয়প্পন – সর, ঐ জর্মনীদা ত্রেনি চত্থরি। ত্রেনিং ফজনা তৌরি। মমাঙদা অশোয়বা খরা লৈখি, অদুগা সিল্ভর ফংখি। হন্দক্তি চাদা ১০০ সনাগী পুদুনা লাক্কনি।
প্রধান মন্ত্রী – শোয়দ্রে
মরিয়প্পন – শোয়দ্রে সর, চাদা ১০০
প্রধান মন্ত্রী – ফরে মরিয়প্পন, অদোম শান্নরোয়সুনি অদুগা কোচসু ওইরিবনি। অদোম্না ২০১৬ অমসুং হন্দক্কী পেরা শান্নরোয়শিংগী মশিং য়েংবা মতমদা মশিং ফনা য়াম্না হেনগৎলকপা উরমগনি। অহোংবা অসি অদোম্না কমদৌনা য়েংই।
মরিয়প্পন – সর, ঐ ২০১৬দা অহান্বা ওইনা পেরালিম্পিক্তা চঙবনি। মতমদুদা গোল্দ লৌবা ঙমদ্রে, মহাক্না ঐগী গোল্দ পুদুনা চৎখ্রে হায়না খন্বদা অকিবা খরা ফাওখি। অদুগুম্বা মতমদুদা ঐগী গোল্দ লৌরকখিবনি। ঐনা গোল্দ লৌরক্লবা মতুংদা য়াম্লববা শান্নরোয়শিংগী, পেরালিম্পিক স্তাফ পুম্বগী, মীয়ামগী ঙাক্লৌ য়াম্না ফংখি। অসুম্না তৌবদা ঐগীদমক্তা লেপ্পিখিবা মীশিং য়াম্না লৈখি। হৌজিক ভারতকী মিংদা মেদল ১০০ লৌদুনা লাকপা তাই। মসি চাদা ১০০ লৌরক্কদবনি সর (09:47)
প্রধান মন্ত্রী – মরিয়প্পন, ঐখোয়না হোৎনরিবসিদি ঐখোয়গী শান্নরোয়শিংগীদমক করিগুম্বা মখলগী অৱাৎপা অমত্তা লৈহন্দবদুনি। অদোম শুপ্নতগী অদোমগী পর্ফোর্মেন্সতা পুক্নিং চঙউ। লৈবাকসিনা অদোমগীদমক লেপ্লি। অদোমগী মফমদা য়াইফ-পাউজেল পীজরি।
মরিয়প্পন – থাগৎচরি।
থৌরম পাঙথোক্লিবা মীওই – শ্রী সুমিত অন্তিল
প্রধান মন্ত্রী – সুমিত খুরুমজরি।
সুমিত অন্তিল – খুরুমজরি সর। নুঙাইরি সর।
প্রধান মন্ত্রী – সুমিত অদোম্না এসিয়ন পেরা গেম্স অমসুং তোকিও পেরালিম্পিক্তা সনাগী মেদল ফংদুনা মথঙ মথঙ মালেমগী রেকোর্দ থমখি। অদোমগী মফমদা নশাগী রেকোর্দ থুগায়জনবগী পুক্নিং থৌগৎপা কদায়দগী ফংখিবগে?
সুমিত অন্তিল – সর, ঐনা খন্বদা ভারত্তা পুক্নিং থৌগৎনিংঙাইগী অৱাৎপা অমত্তা লৈতে খল্লি, খুদম ওইনা ঐখোয়গী পি.সি.আই.গী প্রেসিদেন্ত ইয়াম্বা দেবেন্দ্র ঝান্ঝরিয়াসু লৈরি, ইয়াম্বা নীরজ চোপ্রাসু লৈরি, অমদি ঐগী মাঙদা লৈবাক্কীদমক মিংচৎ পুরকখিইবা শান্নরোয় কয়া অমসু লৈরি, মখোয়না ঐগী পুক্নিং থৌগৎনফম ওইরিবনি সর। অদুবু পুক্নিং থৌগৎপদগী হেন্না মরুওইনা, ইশাগী লমচৎ-শাজৎ ঙাকচবা অমসুং ইশানা পুক্নিং থৌগৎচবনা মথঙ মথঙ রেকোর্দ থুগায়বদা হেন্না কান্নখি সর।
প্রধান মন্ত্রী – য়েংবিয়ু সুমিত, সোনিপতগী লৈহাউদি য়াম্না তোপ তোপ্পি। অদুগা মফমসিদগী অদোমগুম্বা মীওই কয়া মালেমগী রেকোর্দ পায়রিবা শান্নরোয়শিং থোকখ্রে। হরিয়ানাগী শান্ন-খোৎনবগী কলচরদগী অদোম্না মতেঙ কয়া য়াম্না ফংখি?
সুমিত অন্তিল - তশেংনা ফংই সর, মফমসিদা মীয়াম্না পীরিবা ঙাক্লৌ অমসুং লৈঙাক্না পীরিবা মতেঙ পুম্নমক অসিগী অচৌবা মহৈননি হরিয়ানাদগী অসুক য়ামখ্রবা শান্নরোয়শিংনা মালেমগী ফম্পাকথক্তা লৈবাক্কী মহুৎ শিল্লিবা অমসুং লৈবাক্কী মিংচৎ পুরক্লিবা। লৈঙাক্কীসু মতেঙ য়াম্না ফংলি সর, মফমসিদা মীয়াম্না শান্ন-খোৎনবগী কলচর অমা শেমগৎলিবসিদগীসু য়াম্না হেন্না কান্নবা ফংলি হায়না ঐনা খল্লি সর।
প্রধান মন্ত্রী – সুমিত, অদোম মালেমগী চেম্পিয়ন্নি। মসিদগীসু হেন্না চাউথোকচনিংঙাই ওইবা ৱাফমদি অদোম্না লৈবাক পুম্বগী ফিদম্নফম ওইরিবসিনি। ঐগী য়াইফ-থৌনি অদোমগীদমক মতম পুম্বদা লৈগনি। অদোম নীংথিনা পর্ফোর্মেন্স পীবা লেপকনু। লৈবাক পুম্বনা অদোমগীদমক লেপ্লি। য়াইফ-পাউজেল পীজরি।
সুমিত অন্তিল – হন্না হন্না থাগৎচরি সর।
থৌরম পাঙথোক্লিবা মীওই – সুস্রী অরুনা তনৱর
শ্রী অরুনা তনৱর – খুরুমজরি সর! অদোমগী মফমদা রক্সা বন্ধনগী য়াইফ-পাউজেল পীজরি!
প্রধান মন্ত্রী – অরুনা জী, অদোমগী মফমদসু য়াইফ-পাউজেল পীজরি!
শ্রী অরুনা তনৱর – থাগৎচরি সর!
প্রধান মন্ত্রী – অরুনা ঐনা তাবদা অদোমগী মায় পাকপদা অদোমগী পাবুংনা অচৌবা থৌদাং লৌই হায়। মহাক্কী মতেঙ অমসুং অদোমগী খোঙচৎ অসিগী মরমদা করিনো খরা হায়গেরা?
শ্রী অরুনা তনৱর – সর ইমুং মনুং য়াওদনা ঐখোয় নোর্মেল তুর্নামেন্ত শান্নবা ঙম্লোয়। ঐদি পেরালিম্পিক অনিরকশুবা ওইনা শান্নবা চৎকদৌরিবনি। পাপানা হৌরকপদা মতেঙ য়াম্না পাংখি। লোয়ন-লোয়ননা ইমানসু মতেঙ য়াম্না পাঙখি, মরমদি খুন্নাইগী প্রেসর লৈরিবা ময়ামদুদা, শোইনাইবা মীশিংগী মীয়াম্না তোপ তোপ্পা মীৎয়েঙ অমদা য়েংদুনা মখোয়দি করিমত্তা তৌবা ঙম্লোয় হায়না খল্লি, অদুবু মমা-পাপানা ঐনা করিগুম্বা অমা হেক্তা তৌবা ঙমগনি হায়না ঐঙোন্দা থাজবা পোকহনখি। ঙসি ঐগী য়ুমদা ঐবু ঐগী ইবুং ইপ্বাশিংদগী হন্থনা খন্দে সর। ইমানা ঐখোয় ইচিল ইনাও (নুপা) অহুম্নি হায়না হেক হেক হায় অদুনা হৌরকপদগী হৌনা ঐনা মতেঙ য়াম্না ফংদুনা লাকখি সর।
প্রধান মন্ত্রী – অরুনা মমাঙগী পেরালিম্পিক্সতা অদোম মরুওইবা মেচ অমগী হেক মমাঙদা শোকখি। শোকখিবা অদুগী তুংদা অদোম্না নশাবু কমদৌনা থৌনা হন্থহন্দনা থমখি অমদি মদুদগী কমদৌনা মপান থোক্লকখি?
শ্রী অরুনা তনৱর – সর, অদোম্না মেন তুর্নামেন্ত অমদা শরুক য়াবা মতমদা, অদোম্না ভারতকী মহুৎ শিন্দুনা শরুক য়াবা মতমদা, মদুসু অমত্তা ঙায়বা গেম অমদা। ঐনা তাইকোন্দা কম্মিতি পুম্ববু পেরালিম্পিক্সতা মহুৎ শিন্দুনা য়াওরুই, অদুবু শোকপনা মরম ওইরগা মনিংদা লৈহৌখি। অদুবু সর, অশোকপা অমনা অদোমগী মশান্নবু থিংবদি ওইথোক্তে মরমদি ঐগী পান্দম য়াম্না চাউই। অশোকপা য়াওদ্রিবা ফাওবা শান্নবদা নুংঙাইবা মহাও ফংলোই। শান্নবদদি শোকপা হায়বসিদি সনা লিক্কোনগুম্বনি, শান্নরোয় অমগী মফমদদি অমুক হল্লকপা হায়বসি য়াম্না লুবা নত্তে সর, ইশাবু মপাঙ্গল কন্না থম্লগা লোয়রে। ঐগী কোচশিং, সন্ধ্যা ভারতী মেম, অমসুং ঐগী ইমা-ইপাশিংনা ঐঙোন্দা পেরালিম্পিক্স অমনা নহাক্কী তুংগী লাইবক লেপকদবা নত্তে, পেরালিম্পিক্স ময়াম অমা শান্নগদবনি হেক হেক হায়বি।
প্রধান মন্ত্রী – অরুনা অদোম্না শোকপবু সনা লিক্কোনগুম্না খল্লি, হায়রিবা অদোমগী ৱাখল্লোন অসিনা পুম্নমকপু পুক্নিং থৌগৎকনি। অদুবু অদোম অসিগুম্বা সনা লিক্কোন শিবদুদি ঐ পামদে। অরুনা অদোম ফাইতরনি। অদোমগী মশান্নদসু অদুগা অদোমগী পুন্সিদসু। অদোম্না লৈবাক্কীদমক মেদল লৌরকখি অদোম্না ইচানুপী লাখ কয়াবু পুক্নিং থৌগৎলি। অদোম্না ফাইতরগী ৱাখল্লোনগা লোয়ননা পেরিসতা ফজবা পর্ফোর্মেন্স পীবা ওইসনু হায়না লৈবাক পুম্বগী য়াইফ-পাউজেল অদোমগী মফমদা লৈরি।
শ্রী অরুনা তনৱর – ঙমখৈ লৈতনা থাগৎচরি সর।
প্রধান মন্ত্রী – ফরে, ঐ হৌজিক ৱাহং খরা হংনিংই, মদুগী পাউখুম কনানো অমা হেক্তনা পীরকপা য়াই। মরুওইনা হৌজিক ফাওবা তুমিন লৈরিবা মীওইশিংনা ৱা ঙাংলকপদুনি পাম্লিবা। ফরে, ময়াম মরক্তগী মীওই কয়া অমদি পেরালিম্পিক্স গেম্সতা অহান্বা ওইনা চৎপা য়াওরমগনি। অহান্বা ওইনা অসিগুম্বা মালেমগী ফম্পাক্তা লৈবাক্কী মীহুৎ ওইনা চৎকনি খনবদা নখোয়দা করি ফাওই? হৌজিক ফাওবা ৱা ঙাংদ্রিবশিংগী মরক্তগী অমা হায়রকউ।
অসোক মলিক – সর ঐগী মিং অসোক কৌই! সর ঐ অহান্বা ওইনা চৎকদৌরিবনি! শান্নরোয় খুদিংগী মঙলান্নি…
প্রধান মন্ত্রী – মিংদু করি হায়বা?
অসোক মলিক – অসোক মলিক সর!
প্রধান মন্ত্রী – অসোক জী, মখা তাবিয়ু!
অসোক মলিক – শান্নরোয় খুদিংগী ওলিম্পিক্সতা শরুক য়াননবা মঙলান অমমম লৈ অদুগা ঐগীসু মঙলান অসি মঙফাওনগদৌরে। ঐসু ইরৈবাক্কীদমক পেরিস পেরালিম্পিক্তা চৎকদৌরি সর। মফমদুদা খ্বায়দগী ফজবা পর্ফোর্রমেন্স পীজগনি সর, ঙম্লবদি লৈবাক্কীদমক মেদল অমা পুদুনা হল্লক্কনি সর।
প্রধান মন্ত্রী – অসোক অদোম কদায়দগীনো?
অসোক মলিক – হরিয়ানাদগীনি সর, সোনিপত্তগী!
প্রধান মন্ত্রী – সোনিপত্তগী, অদোমসু সোনিত্তগী ওইরে।
অসোক মলিক – হোয় সর!
প্রধান মন্ত্রী – ফরে ময়াম মরক্তগী মীওই কয়া অনিসুবা নৎত্রগা অহুমসুবা নৎত্রগা মসিদগী হেন্বা ওইনা পেরালিম্পিক্সতা শরুক য়াগদৌরি? অদুগা অদোমগী অহান্বা পেরালিম্পিক্সতা খেন্নবা কয়াম ফাওখি, মরমদি অদোম মমাঙদসু চৎখ্রবনি হৌজিকসু চৎকদৌরিবনি, কনা কনা হায়গনি?
অমিত সরোহার – সর খুরুমজরি!
প্রধান মন্ত্রী – খুরুমজরী জী!
অমিত সরোহা – সর ঐ অমিত সরোহানি অদুগা হন্দক্কী অসিগী ঐগী মরিরকশুবা পেরালিম্পিক্স গেম্নি অমদি মরিক হন্না পেরালিম্পিক্সতা চৎপা তীমগী খ্বায়দগী সিনিয়র ওইবা শান্নরোয়নি। খ্বায়দগী চাউবা অহোংবা হায়ররগদি সর ঐখোয়না ২০১২তা চৎপা মতমদা ঐখোয়গী মেদল অমখক লৌরকখি অমসুং মদুগী তুংদা অনিশুবা-অহুমশুবা ওলিম্পিক শান্নখ্রে, পেরালিম্পিক গেমদসু শরুক য়ারুরে সর, মফমশিংদুদা ঐখোয়গী মেদল মশিং অমসুং তীমগী পর্ফোর্মেন্স মথঙ মথঙ হেনগৎলক্লি অমদি হন্দক ঐখোয় শান্নরোয় ৮৪ চৎকদৌরি। মসিদা সাইগী থৌদাং য়াম্না চাউনা লৈরি মরমদি সর, মখোয়না পীরিবা ঙাক্লৌ, ঐখোয়গী তীমদা পীরিবা শেলগী তেংবাং য়াম্না হেনগৎলে সর। অদুগা তোপ্স লাকপদগীদি ২০১৫গী মতুংদা মতেঙ কয়ামুক য়াম্না ফংলবগে হায়ববু সর হৌজিক্তি ঐখোয় মপান লৈবাকশিংদা মফম অমা হেক্তদা চত্তুনা ত্রেনিং তৌবা য়ারে। ঐখোয়গী পর্সনেল কোচশিং, পর্সনেল ফিজিও, পর্সনেল সপ্পোর্তিং স্তাফ ফাওবা, মথৌ তাবা পুম্নমক ফংলি অমদি মসিনা মরম ওইরগা ঐখোয় ফজনা পর্ফোর্ম তৌবা ঙমদুনা ঐখোয়না মতম খুদিংদা রেকোর্দ থুগায়দুনা মেদল পুরক্নবা থাজবা থম্বা ঙম্লে।
প্রধান মন্ত্রী – ফরে ঙসি তিল্লিবা ময়ামসিদা ঐনা উবদা স্কুল নৎত্রগা কলেজতা তম্লিবা নহা কয়াসু উবা ফংই। অদোম লাইরিক তম্না তম্না শান্ন-খোৎনবগীদমক করম্না হোৎনৈ?
রুদ্রান্স খন্দেলৱাল: ঐগী মিং রুদ্রান্স খন্দেলৱাল কৌই। ঐ ভরতপুর, রাজস্থান্দগীনি অমসুং চহি অসিদা ঐ ১২ বোর্দকী চাংয়েং পীখি অমদি মার্ক য়াম্না ৱাংনা পাস তৌরকখি, ৮৩% ফংখি অমদি মতমদুদা ঐ নই দিল্লীদা ৱর্ল্দ কপসু পাঙথোক্লি অদুনা ঐনা অনিমক হোৎনখি। ঐগীী ৱাখল্লোন্দা মহৈ মশিং অমসুং শান্ন-খোৎনবা অনিমক পুন্সিদা মরুওইবা শক্লোন লৌই, মরমদি, শান্ন-খোৎনবনা অদোমগী লমচৎ-শাজৎ অমা শেমগৎলি, অদোম্না নুমিৎ খুদিং ফগৎনবা হোৎনৈ অমসুং মহৈ মশিং তম্বনসু মীওই অমবু পুন্সি কমদৌনা হিংগনি নৎত্রগা অদোমগী হক করিনো, হায়বনচিংবা ৱাফম পুম্নমক খঙহল্লি। অদুনা ঐগী ৱাখলদদি অনিমক মেনেজ তৌবা য়াম্না লুবদি ওইদে অমসুং অনিমক য়াম্না মরুওই।
প্রধান মন্ত্রী – ফৈ, পেরা শান্নরোয়শিংগী ৱাফমদগী ঐখোয়না দিসেম্বর ২০২৩গী মমাঙদা খেলো ইন্দিয়া পেরাগেম্স হৌদোকখি। অসিগুম্বা থৌরাং অসিনা শান্ন-খোৎনবগী ইকোসিস্তেমদা করি মতেঙ পীবগে হায়বসি কনা কনা হায়বা ঙমগনি?
ভাবিন: খুরুমজরি সর!
প্রধান মন্ত্রী – খুরুমজরি?
ভবিনা: ভবিনা সর
প্রধান মন্ত্রী – জী ভবিনা, অদোম কমদৌরি?
ভবিনা: নুংঙাইজরি সর, অদোমদি কমদৌবিরি?
প্রধান মন্ত্রী – হোয় ভবিনা, হায়বিয়ু!
ভবিনা: খেলো ইন্দিয়া অভিয়ান্না হৌখিবা চহি খরসিদা ভারত্তা, শান্ন-খোৎনবগী লমদা মরুওইবা থৌদাং অমা লৌদুনা লাক্লি, মদুগী মরম্না গ্রাসরুত্তগী শান্ন-খোৎনবদা হৈথোয় শিংথোইরবা মীওই কয়া থোরক্লি। খেলো ইন্দিয়াদা পেরা গেমশিং হাপচিল্লকপদগী, পেরা শান্নরোয়শিংগী অফবা ফম্পাক অমা ফংবা ঙম্লি অমসুং মখোয়দা অনৌবা লম্বী পীবিরি। মদুগী খ্বায়দগী মতিক চাবা খুদম হায়রগদি পেরিস পেরালিম্পিক্সতা খেলো ইন্দিয়াদগী শান্নরোয় ১৬ ক্বালিফাই ওইরক্লিবসিনি।
প্রধান মন্ত্রী – ৱাহ! ফরে, শান্নরোয়শিংগীদি শোকপা হায়বসি অচৌবা খুদোংচাদবা ৱাফম অমনি। পেরালিম্পিক্সকী থৌরাং তৌবদা শান্নরোয়শিংনা অশোক অপনবু কমদৌনা থেংনৈ? ইশাবু কমদৌনা পুক্নিং থৌগৎলি?
তরুন দিল্লো: সর খুরুমজরি!
প্রধান মন্ত্রী – খুরুমজরি?
তরুন দিল্লো: সর ঐগী মিং তরুন দিল্লো কৌই। ঐ হরিয়ানাগী হিসারদগীনি সর! ঐ বেদমিন্তর শান্নবনি অমসুং অদোম্না শোকপগা মরী লৈননা ৱাহং হংলকপদুদা ঐনা থেংনখিবা অমা হায়জগে সর। ২০২২দা কেনাদা ইন্তরনেস্নেল তুর্নামেন্ততা মেচ মনুংদা ঐগী খুউগী লিগামেন্ত তৎখি সর, মদু বেদমিন্তন শান্নরোয় অমগী ওইনদি শাথিনা শোকপা অমনি, য়াম্না শোকপা অমনি অদুগা ঐগী লাইবক ফবদি ঐ তোপ্সকী শান্নরোয়নি অমসুং শান্নরোয় পুম্নমক্কী মফমদা অমদি সর অদোমগী মফমদা ঐনা হায়জনিংবদি তোপ্সতা য়াওরুবনা মরম ওইরগা হন্দক ঐ শোকপদগী হৌরগা সাইগী ওইফিসিএলশিং অমসুং স্পোর্তস সাইগী তীম্না ঐগী মতেঙ য়াম্না পাঙখি অমসুং মফমদুদগী ঐবু বিজিনেস ক্লাসতা প্লেন তিকেত্তা অখন্নবা রিক্বেস্ততা ভারত্তা পুবিরকখি, খ্বায়দগী ফবা দোক্দরনা ঐগী সর্জরী তৌবিখি। দোক্তর দিনসো মুম্বাইদা লৈবনি সর। অদুগা য়াম্না থুনা ঐগী অশোকপগী সর্জরীসু তৌখ্রে অমদি সাইগী ওফিসিএলশিংনা ঐগী হকচাঙ অমসুং পুক্নিং মপাঙ্গল ফনা থম্নবগীদমক মতেঙ য়াম্না পাংবিখি, সর্জরীগী মতুংদা শান্নরোয় অমগী খ্বায়দগী মরুওইবা ৱাফমদি অমুক হন্না শান্নবা হৌবদুনি, অদুনা সর ঐগী রিহেবিলিতেসনগীদমক গ্রাউন্দদা ঐগী ইফমদা সাইগী মায়কৈদগী, তোপ্স স্কীমগী খুত্থাঙদা ফীজিও অমা পীবিখি। অদুগা সর, দোক্তরনা ঐঙোন্দা মপুং ফানা ফগৎপদা থা ১০-১১ চঙগনি হায়বিরকখি অদুবু সাইগী মতেঙনা মরম ওইরগা থা ৭তা ফগৎলক্তুনা ৮শুবা থাদা মালেমগী তুর্নামেন্ত শান্নবা চৎখি অমদি মফমদুদা ঐনা সনাগী মেদল লৌরকখি। অদুনা সর ঐনা খন্বদা, হৌজিক মতমদা, তোপ্স স্কীম্না মরম ওইরগা ঐখোয়গুম্বা মিদ্দল ক্লাস ইমুংদগী লাকপা মীওইশিংনা অচৌ অচৌবা অশোকপশিং লায়না ফগৎহন্দুনা অমুক হন্না শান্নবদা মায় ওনশিন্দুনা ঐখোয়গী মঙলান মঙফাওনহন্নবদা লায়না ঙমহল্লি।
প্রধান মন্ত্রী – অদোমগী মফমদা নুংঙাইবা ফোঙদোকচরি। ফরে ময়াম মরক্তগী মীওই কয়া অমদি সোসিএল মীদিয়াদা ফোলোৱর মশিং য়াম্না লৈ, নখোয় ময়াম মরক্তগী অমনা সোসিএল মীদিয়ানা পেরা স্পোর্তসতা কমদৌনা মতেঙ পাংবগে হায়রকপা ঙম্বরা?
য়োগেস কথুনিয়া: খুরুমজরি সর! হর হর মহাদেব! ঐগী মিং য়োগেস কথুনিয়া, ঐ বহাদুরগর, হরিয়ানাদগীনি। শুম য়েংবদা পেরালিম্পিক্সতা সোসিএল মীদিয়াগী শাহুম য়াম্না ফবা মওংদা লৈরি, ময়াম মরক্তগী খ্বায়দগী মকোক থংনা কান্নবা হায়রগদি এৱ্যারনেস হেনগৎলি, তপ্না তপ্না ভারতকী মীওইশিংনা পেরা স্পোর্তপু মশক খঙনবা হৌরক্লি। চৎপা পাম্বা অনৌবা শান্নরোয় কয়াসু সোসিএল মীদিয়াদা উরগা পেরা স্পোর্তসকী মায়কৈদা খোঙ থাংজিন্নরক্লি। অসুম্না হকচাঙগী ফীভম মীমান্নদ্রবা মীওই কয়া মহৈ মশিং নৎত্রগা হীরম অমখক্তদা লুপ্তুনা লৈরম্বশিং শান্ন-খোৎনবগী মায়কৈদা চঙশিন্নরকপা মশিং হেনগৎলক্লি। অদুগা সোসিএল মীদিয়ানা মরম ওইরগা পেরা স্পোর্তসপু মীয়াম্না উবগী চাং য়াম্না হেনগৎলে অমদি মীয়ামগা তোৎন-তিন্ননবা তাঞ্জা সোসিএল মীদিয়াদগী ফংলি। সোসিএল মীদিয়াদা লৈরিবা মীয়াম্ন ঐখোয়না মায় পাক্না হল্লকপা উবা পাম্নরি, ঐখোয়গী মায় পাকপগী ভিদিও উরগা মখোয়গী পুক্নিং থৌগৎলি। গ্রাস রুত থাক্কী শান্নরোয়শিংনা অসিগুম্বা ঐখোয়গী ভিদিওশিং উরগা মখোয়না হোৎনবদা মতেঙসু পাংলি। হায়বদি পেরা স্পোর্তস চাওখৎহন্বদা সোসিএল মীদিয়াগী শাফু য়াম্না চাউনা লৈ।
থৌরম পাঙথোক্লিবা মীওই – সর অদোমগী মফমদা ঐখোয়গী শান্নরোয়শিংগী পুক্নিং থৌনা হাপকৎনবা ৱাফম খরা ফোঙদোকপিনবা নোল্লুকচরি। থাগৎচরি সর।
প্রধান মন্ত্রী – লৈবাকসিগী শান্ন-খোৎনবগী মন্ত্রী শ্রী মনসুখ মন্দাবিয়া জী, শান্ন-খোৎনবগী রাজ্য মন্ত্রী রক্সা খদসে জী, মালেমগী মচি মচিদগী শরুক য়াবিরিবা পেরালিম্পিক শান্নরোয়শিং, কোচশিং অমসুং স্তাফশিং। ঙসি ময়ামগা ৱারী ৱাতায় শানবগী তাঞ্জা ফংবসিদা ঐ য়াম্না নুংঙাই। ঐখোয় পুম্নমক VC গী খুত্থাঙদা, অরাপ-অরাপ্পা মফমদা ফাইনেল কোচিং তৌরিবা ময়াম অমসু ঙসি ঐনা উননবগী তাঞ্জা ফংলি। ময়াম পুম্নমক ভারতকী পজেং ফিরাল পায়দুনা পেরিসতা চৎকদৌরিবনি। খোঙচৎ অসি অদোগী পুন্সি, অদোমগী করিয়রী য়াম্না মরুওইবা খোঙচচৎ ওইগদৌরিবনি। লোয়ননা অদোমগী খোঙচৎ অসি লৈবাক্কী ওইনসু য়াম্না মরু ওইই। পেরিসতা অদোম্না তৌরুগদৌরিবদুগা লৈবাক্কী মিংচৎকা চাউনা মরী লৈনৈ। মরমসিনা, ঙসি লৈবাক পুম্বনা য়াইফ-থৌজাল পীরি, ঐখোয়গীসিদদি চৎনবী অমসু লৈরি, অসিগুম্বা য়াইফ-থৌজাল পীবা মতমদা মীয়াম্না বিজয়ী ভব: হায়নৈ। লৈবাক মীয়াক করোর ১৪০না অদোমগী মফমদা মায় পাকপা ওইয়ু হায়না য়াইফ-থৌজাল পীনবিরি। অদোমগী থৌনানা অদোম তোকিওদা এসিয়ান পেরা গেম্সকী রেকোর্দ থুগাইবগী মতিং লৈখ্রবনি হায়বা উৎলি। থোরকউ অমদি থৌনা উৎলম্মু অমসুং পুক্নিং ফিরেপ্পী মতিক ময়ায় করিনো হায়বা উৎলম্মু। ময়াম পুম্নমক্কী মফমদা পেরিস পেরালিম্পিক্কী য়াইফ-পাউজেল পীজরি।
মরূপশিং,
মশান্ন অমা হেক্তগী শান্নরোয় অমনা অসিগুম্বা চাউখ্রবা ফম্পাক অসিদা য়ৌরকপদা মদুগী তুংদা থৌনা, পুক্নিং লুপ্পা অমসুং কত্থোকপগী শাংলবা ৱারীশিং লৈ। শান্নরোয় খুদিংমক মখোয়গী মফম অদু মখোয়গী ৱাখল-পুক্নিংগী থৌনানা ওইহল্লকপনি। শান্নরোয়না লেপ্তনা হোৎনবগী মতিক্না মাঙদা চঙশিন্বনি। মখোয়গী মায় পাকপা, মখোয়গী মশাদা থাজবা অমসুং মশাবু শেমদোকচনবগী থৌনানা শাখিনি। অদুবু পেরা শান্নরোয়শিংগী মতাঙদদি হায়রিবা ৱাফম অমদি শিংনবশিং অসি শরুক কয়া হেনগৎলকই। অদোম্না মফমসি ফাওবা য়ৌরক্লিবসিনা অদোম নুংদা কয়া য়াম্না কন্বগে হায়বা তাক্লি। অদোমগী মায় পাকপনা অদোম অকন্বা নুংশিৎখক্তা নত্তনা অকন্বা নোংলৈ নুংশিৎ ফাওবা মায়োক্ননবগী থৌনা পুদুনা চৎলি হায়বা তাকই। অদোম্না খুন্নাইদা লৈরিবা ৱাখল্লোনবু মায়থিবা পীরি, নশাগী হকচাঙগী শিংনবশিংবু মায়থিবা পীরি। মরমসিনা মায় পাকপগী লাইৱাসু অদোম্নি, মায় পাকপগী খুদম হায়রগসু অদোম ইশাম্নি অমসুং মায় পাকপগী খুদম-চাংদমসু অদোম্নি। অদোম্না মপুং ফানা থাজবগা লোয়ননা লম্পাক্তা থোকপিরকউ অদোম্না মায় পাকপদা কনানসু অথিংবা পীবা ঙম্লোই।
মরূপশিং,
ভারতকী মায় পাকপা অমসুং পেরা গেম্সতা ভারতকী পর্ফোর্মেন্স হৌখিবা চহিশিংদা কমদৌখি হায়বা অদোম্না শাখিনি। ২০১২গী লন্দন পেরালিম্পিক্তা ভারতনা শুপ্নতগী মেদল অমখক লৌরকখি। ঐখোয় গোল্দ অমত্তা ফংলকখিদে। ২০১৬দা রিওদা ভারতনা গোল্দ ২ য়াওনা পুন্না মেদল ৪ লৌরকখি। অদুগা তোকিও পেরালিম্পিক্তা ঐখোয়না রেকোর্দ ওইইনা মেদল ১৯ লৌরকখি। গোল্দ ৫, সিল্ভর ৮ অমসুং ব্রোঞ্জ ৬ ভারতনা লৌরকখি। ময়াম মরক্তগী শান্নরোয় কয়া অমদি হায়রিবা কন্তিঞ্জেন্ত অদুগী শরুক ওইখি অমসুং মেদলসু লৌরকখি। পেরালিম্পিক্কী পুৱারীদা হৌজিক ফাওবদা ভারতনা ফংলকখ্রবা মেদল ৩১ অসিগী মনুংদা ১৯দি তোকিও খক্তদগী ফংলকপনি। হৌখিবা চহি ১০ সিদা ভারতনা শান্ন-খোৎনবদা, পেরা গেম্সতা কয়া য়াম্না খুমাঙ চাওশিল্লবগে হায়বদু অদোম ৱাখলনা লাম্বা ফংবিরমগনি।
মরূপশিং,
শান্ন-খোৎনবদা ভারতগী ফেসিলিতীশিংগী মরমদা খুন্নাইগী মীৎয়েঙ হোংলক্লি। শান্ন-খোৎনববু অহান্বা মতমদা তৌগদবা, থবক লৈতবা মীওইশিংখক্তনা তৌগদবা থৌওংশিং ওইনা লৌনরম্বা মতম অমা লৈরম্মি। অদুগা ঙসিদি শান্নরিবশিংদুনা খুন্নাইদা শাৎকায়রক্লি। ইমুংদসু শান্নবা য়াম্না পামজবা মীওইশিংবু চৈ থাংবিরম্মি, শান্ন-খোৎনববু করিয়র অমগুম লৌনরমদে, করিয়র শেম্বদা থাংবা খুরৌ ওইনা লৌনরম্মি, শান্ন-খোৎনবগী খুদোংচাবা লৈতবগা চপ মান্নরম্মি। ঐগী নুংশিরবা দিব্যাংজন ইচিল ইনাওশিংসু মপাঙ্গল শোন্বা অমসুং মীমান্নদ্রবা মীওইশিং ওইনা লৌনরম্মি। ঐখোয়না ৱাখল্লোন অসিবু ওন্থোক্তুনা মখোয়গী খুদোংচাবা হেনগৎহল্লি। ঙসিদি পেরা গেম্সসু অতোপ্পা শান্ন-খোৎনবদা য়েংবগুম চপ মান্ননা মরুওইবা মীৎয়েঙনা য়েংলি। হৌজিক্তি ‘খেলো ইন্দিয়া পেরা গেম্স’ সু হৌদোকখ্রে। পেরা শান্নরোয়শিংগী মতেঙ পাংনবগীদমক গ্বালিয়রদা পেরা স্পোর্ত ফেসিলিতেসন সেন্তর অমা লিংখৎলে। ঐখোয়গী শান্নরোয়শিং তোপ্স অমসুং খেলো ইন্দিয়াগী ফেসিলিতীশিংগী কান্নবা ফংলি। তিল্লিবা অসিদা শান্নরোয় ৫০দি তোপ্স স্কীমগা মরী লৈনৈ অদুগা শান্নরোয় ১৬না খেলো ইন্দিয়াগা মরী লৈনৈ তাবদা ঐ নুংঙাই। অদোমগী অখন্নবা মথৌ তাবশিং য়েংলগা মীরমগী কোচ, এক্সপর্ত অমসুং সপ্পোর্ত স্তাফশিংসু শিন লাংলি। অদুগা হন্দক পেরিসতা নুংঙাইবা ৱাফম অমসু উবা ফংলগনি। পেরিস পেরালিম্পি গেম ভিলেজতসু মীপুম খুদিংগী অখন্নবা রিকভরী সেন্তর অমা শেমখ্রে। হায়রিবা রিকভরী সেন্তর অসিনা ময়াম পুম্নমক্কী মতেঙ ওইগনি হায়না ঐনা থাজবা লৈ।
মরূপশিং,
পেরিস ২০২৪ পেরালিম্পিক মরম কয়াদগী লৈবাক্কীদমক মরুওইবা অমা ওইরি। মশান্ন কয়াদা ঐখোয়গী স্লোত য়াম্মী, ঐখোয়গী শরুক য়াগদবা মীশিং য়াম্না। পেরিস পেরালিম্পিক্তা ভারকী সনা ফুদোংবা খোঙচৎকী অচৌবা পন্দোল অমা ওইরক্কনি হায়না ঐনা থাজৈ। অদোম্না অনৌবা রেকোর্দ শেমদুনা হল্লকপদা ময়ামগা অমুক হন্না উনখিসি। ময়াম পুম্নমক্কী মফমদা অমুক্কা হন্না লৈবাক্কী মায়কৈদগী য়াইফ-পাউজেল পীজরি। অমদি লৈবাকসিনা অদোমগীদমক লাইৱা অমা মচিন্দা শোন্দুনা লৈরি – বিজয়ী ভব:। বিজয়ী ভব:। বিজয়ী ভব:।
থাগৎচরি।
***
(Release ID: 2047242)
Visitor Counter : 9