কেন্দ্রগী মন্ত্রী মন্দলদা লৈরিবা ঐহাক্কী মরূপ জ্যোতিরঅদিত্য সিন্দিয়াজী অমসুং সুকান্তা মজুমদারজী, মণিপুরগী গভর্নর অজয় ভল্লাজী, অসামগী মুখ্য মন্ত্রী হিমন্তা বিস্ব শর্মাজী, অরুনাচল প্রদেশকী মুখ্য মন্ত্রী পেমা খান্দুজী, ত্রিপুরাগী মুখ্য মন্ত্রী মনিক সাহাজী, মেঘালয়গী মুখ্য মন্ত্রী কোনরাদ সঙ্গমাজী, সিক্কিমগী মুখ্য মন্ত্রী প্রেম সিংহ তামাংজী, নাগালেন্দগী মুখ্য মন্ত্রী নৈফিয়ু রিওজী, মিজোরমগী মুখ্য মন্ত্রী লালদুহোমাজী, ইন্দস্ত্রীগী লুচিংবশিং, ইনভেস্তরশিং, লেঙশিনবীরিবা ইচিল ইনাও পুম্নমক!

রাইসিং নোর্থ ইস্তকী চাউরবা ফম্বাক অসিদা, ঐহাক্না চাউথোকচবা, নুংশিজবা, অমত্তা ওইবগী ইথিল অমসুং খ্বাইদগী মরুওইনা, তুংলমচৎকীদমক থাজবা অমা ফাওই। থা খরগী মমাংদা, ঐখোয়না ভারত মন্দপমদা অস্তালক্ষ্মী ফেস্তিবেল পাংথোকখি। ঙসি ঐখোয়না অৱাং নোংপোক লমদমদা ইনবেস্তমেন্তকী কুমহৈ অমা পাংথোক্লি। ইন্দস্ত্রীগী মকোক থোংবা কয়া অমা মফম অসিদা পুনখ্রে। মসিনা অৱাং-নোংপোক লমদমগীদমক্তা মীপুম খুদিংমক্না থম্লিবা থাজবা, পুক্নিং থৌগৎপা অমসুং অনৌবা মংলানশিং অদু উৎলি। মসিগী মাইপাকপা অসিগীদমক ঐনা মন্ত্রালয় পুম্নমক্তা অমসুং রাজ্য সরকারশিংদা থাগৎপা ফোংদোকচরি। অদোমগী হোৎনজমন্না মফম অদুদা শেল থাদনবগীদমক অফবা ফিভম অমা শেমগৎলে। ঐহাক্কী অমসুং ভারত সরকারগী মায়কৈদগী নোর্থ ইস্ত রাইসিং সমিৎ অসি মাই পাক্না পাংথোক্নবা য়াইফ-পাউজেল পীজরি।

মরুপশিং,

ভারত অসি মালেমগী খ্বাইদগী খেন্নবা মশক কয়ানা য়োম্বা লৈবাক অমনি হায়না লৌনরি, অমসুং ঐখোয়গী অৱাং নোংপোক লমদম অসিনা মসিগী মান্নদবা কয়া অসিগী লৈবাক অসিগী খ্বাইদগী চাউবা মফম্নি। ললোন-ইতিক্তগী হৌরগা চৎনবী ফাওবা, তেক্সতাইলদগী হৌরগা তুরিজম ফাওবা, অৱাং-নোংপোক্কী মখল-মখা কয়া অসিনা মসিগী খ্বাইদগী চাউবা শক্তি ওইরি। অৱাং-নোংপোক হায়বদি বাইও-ইকোনোমী অমসুং ৱা হায়বনি; অৱাং-নোংপোক হায়বদি চা পুথোকপা অমসুং পেত্রোলিয়ম অদুনি; অৱাং-নোংপোক হায়বদি শান্নখোৎনবা অমসুং স্কিল হায়বনি; অৱাং-নোংপোক লমদম্না ইকো-তুরিজমগী হব অমা ওইরক্লি; অৱাং-নোংপোক লমদম্না ওর্গানিক প্রদক্তশিংগী অনৌবা মালেম অমা ওইরক্লি; অৱাং-নোংপোক অসি ইনর্জীগী পাৱরহাউস অমনি। মরম অসিনা, অৱাং নোংপোক অসি ঐখোয়গী অষ্টলক্ষ্মী (লনগী মশক নিপাল) নি। অষ্টলক্ষ্মীগী য়াইফ-পাউজেলগা লোইননা অৱাং-নোংপোক্কী রাজ্য খুদিংমক্না হায়রি মদুদি ঐখোয়না শেন থাদনবা শেম-শারি, ঐখোয়না লুচিংনবা শেম-শারি।

মরুপশিং,

"বিকসিত ভারত" (চাউখৎলবা ভারত) অমা শেমগৎনবগীদমক নোংপোক থংবা ভারতনা চাউখৎপা হায়বসি তঙাইফদে। অমসুং অৱাং-নোংপোক অসি নোংপোক ভারতকী খ্বাইদগী মরু ওইবা শরুক্নি। ঐখোয়গীদমক্তদি, নোংপোক হায়বসি মায়কৈ অমখক্তমক নত্তে। মসি এম্পাৱর, এক্ত, স্ত্রেন্থন অমসুং ত্রান্সফোর্মগী শক্তম অমনি। মসি নোংপোক থংবা ভারতকীদমক পায়খৎলিবা ঐখোয়গী সরকারগী পোলিসীনি। হায়রিবা পোলিসী অসিমকননি, হায়রিবা প্রাইওরিতী অসিমকননি, নোংপোক ভারত অমসুং ঐখোয়গী অৱাং-নোংপোক অসি চাউখৎপগী সেন্তর স্তেজদা পুরক্লিবা।

মরুপশিং,

হৌখিবা চহি ১১ অসিদা অৱাং নোংপোক লমদমদা ওইরকখিবা অহোংবা অসি মশিং খক্তদা য়ুম্ফম ওইদে, মসি তশেংনা মীৎনা উরিবা অহোংবা অদুনি। ঐখোয়না সরকারগী স্কিমশিংগী খুত্থাংদা অৱাং-নোংপোক্কী লমদমগা শম্ননবা শেমগৎপতা নত্তনা, ঐখোয়না থম্মোই য়ৌনা নুংশিনবগী থোং অমা শেমগৎলি। ঐখোয়গী সেন্ত্রেল গবর্নমেন্তকী মিনিস্তরশিংনা অৱাং নোংপোক লমদমদা ৭০০ লক হেন্না চৎখ্রে হায়বসিনা অদোমগী পুক্নিং চিংশিনবা য়াই। অমসুং মসি য়েংবদা অমসুং চৎপদা নত্তে, মফম অসিদা অহিং য়ারেক্তুনা লৈরিবনি। মখোয়না লম অদুগা হকথেংননা লোইনখি, মীয়ামগী মীৎয়েংদা আশা উখি, অমসুং মখোয়না থাজবা অদু চাউখৎ-থৌরাংগী পোলিসী অমদা ওন্থোকখি। ঐখোয়না ইনফ্রাস্ত্রকচর অসি চেক অমসুং সিমেন্ত খক্তা ওইনা উখিদে - ঐখোয়না মসি ইমোসনেল কনেক্সনগী মেদিয়ম অমা ওইহনখি। ঐখোয়না 'লুক ইস্ত' পোলিসীদগী হেন্দোক্তুনা 'এক্ত ইস্ত'গী মন্ত্র অসি লৌশিনখি, অমসুং ঙসি ঐখোয়না মসিগী মহৈ অদু উবা ফংলি। অৱাং-নোংপোক লমদম অসি ঙমখৈগী লমদম অমনি হায়না খন্নরম্বা মতম অমা লৈরম্মি। ঙসিদি, মসিনা গ্রোথকী মকোক থোংবা অমা ওইরক্লি।

মরুপশিং,

অফবা ইনফ্রাস্ত্রকচরনা তুরিজমবু হেন্না পাম্নহল্লি। মপাঙ্গল কনবা ইনফ্রাস্ত্রকচর লৈরবা মফমদা, ইনভেস্তরশিংনা হেন্না থাজবা ফংই। অফবা লম্বী-থোং, মপাঙ্গল লৈরবা ইনফ্রাস্ত্রকচর অমসুং ইফিসিএন্ত ওইবা লোজিস্তিক নেৎৱার্ক অসি ইন্দস্ত্রী অমহেক্তগী বেকবোননি। অতোপ্পা ৱাহৈদা হায়রবদা, মগুন লৈবা ইনফ্রাস্ত্রকচর অসি চাউখৎপগী মখল খুদিংমক্কী য়ুম্ফম অমসুং অহানবা মথৌ তাবনি। মসিনা মরম ওইদুনা ঐখোয়না অৱাং নোংপোক্তা ইনফ্রাস্ত্রকচর রিভোলুসন অমা হৌদোক্লে। মতম শাংনা, অৱাং নোংপোক লমদম অসি মীৎয়েং চঙবিখিদে। অদুবু হৌজিক্তি, অৱাং নোংপোক অসি খুদোংচাবগী লম অমা ওইরক্লি। ঐখোয়না অৱাং-নোংপোক্কী কনেক্তিবিতী ইনফ্রাস্ত্রকচরদা লুপা করোর লিশিং কয়া ইনভেস্ত তৌখ্রে। করিগুম্বা অদোম্না অরুনাচল প্রদেশ চৎলবদি, অদোম্না সেলা তনেলগুম্বা ইনফ্রাস্ত্রকচর প্রোজেক্তশিং উবা ফংলগনি। আসামদা, অদোম্না ভুপেন হাজারিকা ব্রিজগুম্বা মেগা প্রোজেক্তশিং উবা ফংলগনি। দিকেদ অমা খক্তদা, ঐখোয়না অৱাং নোংপোক্তা কিলোমিতর ১১,০০০গী অনৌবা হায়ৱে শেম্লে। অনৌবা রেল লাইন কিলোমিতর চাম্মরোম শাখ্রে। অৱাং-নোংপোক লমদমদা এয়রপোর্ত মশিং শরুক অনি হেনগৎখ্রে। ব্রহ্মপুত্রা অমসুং বরাক তুরেলদা ঈশিংগী লম্বীশিং শেমগৎলি। মোবাইল তাৱর চা কয়া লিংখৎখ্রে, অমসুং মসি খক্তা নত্তনা কিলোমীতর ১,৬০০ শাংবা পাইপলাইন, নোর্থ ইস্ত গ্যাস গ্রিদসু লিংখৎখ্রে। মসিনা ইন্দস্ত্রীদা থাজবা য়াবা গ্যাস সপ্লাই লৈহনগনি। অতেনবা মতমদা হায়ৱেজ, রেলৱেজ, ঈশিং লম্বী অমসুং আই-ৱেজগী মওং খুদিংমক্তা অৱাং নোংপোক্তা কনেক্তিবিতী মপাঙ্গল কনখৎহল্লি। অৱাং-নোংপোক্তা লম অসি শেম-শারি। ঐখোয়গী ইন্দস্ত্রীশিংনা মাংলোমদা চংশিনগদবনি অমসুং খুদোংচাবা অসিগী মপুং ফানা কান্নবা লৌগদবনি। নহাক্না ফার্ষ্ট মুভর এদভান্তেজ অসি মাংহনগনু।

মরুপশিং,

লাক্কদৌরিবা দিকেদ অসিদা, অৱাং নোংপোক্কী ত্রেদ পোতেন্সিএল অসি শরুক কয়া হেনগৎলক্কনি। ঙসি ভারত অমসুং এসিনগী মরক্তা ললোন-ইতিক তৌবগী চাং অসি চাউরাক্না দোল্লর বিলিয়ন ১২৫ ওইরে। লাক্কদৌরিবা চহিশিংদা, মসিনা দোল্লর বিল্লিয়ন ২০০ হেনগৎলগনি, অমসুং অৱাং নোংপোক লমদম অসি মসিগী ত্রেদ অসিগী মপাঙ্গল লৈবা থোং অমা ওইগনি। মসি আসিয়ানগী থোং অমা ওইগনি। ঐখোয়না ভিজন অসিবু সপোর্ত তৌনবা দরকার ওইবা ইনফ্রাস্ত্রকচর অসি য়াম্না থুনা শেমগৎলি। ভারত-ম্যান্মার-থাইলেন্দ ত্রাইলেতরেল হাইৱেনা ম্যান্মারগী থোংদা থাইলেন্দগা হকথেংননা শম্নহল্লগনি। মসিনা ভারতনা থাইলেন্দ, ভিয়েতনাম অমসুং লাওসকুম্বা লৈবাকশিংগা মরী লৈনবদা মতেং পাংগনি। ঐখোয়গী সরকারনা কলকাতা পোর্তপু ম্যানমারগী সিৎৱে পোর্তকা শম্নহল্লগদবা অমসুং মিজোরামগী থোংদা অৱাং নোংপোক লমদমগী অতৈ মফমশিংগা শম্নহল্লগদবা কালাদান মল্তিমোদেল ত্রান্সিৎ প্রোজেক্ত অসি অথুবা মতমদা লোইশিন্নবা থবক পায়খৎলি। মসিনা ৱেস্ত বেঙ্গল অমসুং মিজোরামগী মরক্তা লৈরিবা অরাপ্পা অদু য়াম্না হন্থহল্লগনি অমসুং ইন্দস্ত্রী অমসুং ললোন-ইতিক্কীদমক অচৌবা খুদোংচাবা অমা ওইহল্লগনি।

মরুপশিং,

ঙসিদি গুৱাহাতি, ইম্ফাল অমসুং আগরতলাগুম্বা শহরশিং অসি মল্তি-মোদেল লোজিস্তিক্স হবশিং ওইনা শেমগৎলি। মেঘালয়া অমসুং মিজোরামদা, লেন্দ কস্তমস স্তেসনশিংনা হৌজিক্তি ইন্তর্নেস্নেল ত্রেদতা অনৌবা ইনোৎ অমা পীরি। অসিগুম্বা হোৎনরিবশিং অসিগা লোইননা অৱাং নোংপোক লমদম অসি ইন্দো-পেসিফিক লৈবাকশিংগা ললোন-ইতিক তৌবদা অনৌবা মমিং অমা ওইরক্লি। মসিনা তাক্লিবদি অৱাং নোংপোক্তা অদোমগীদমক্তা অনৌবা ওইথোকপা য়াবা কয়া অমা লৈরে হায়বনি।

মরুপশিং,

ঐখোয়না ভারতপু মালেমগী ওইনা হকশেল অমসুং হকশেলগী সোলুসন পীরিবগী মফম অমা ওইহন্নবা হোৎনরি। ঐখোয়গী মিসন অসি 'হীল ইন ইন্দিয়া' হায়বা মন্ত্র অসি মালেমগী মন্ত্র অমা ওইহন্নবা হোৎনবনি। অৱাং-নোংপোক লমদম অসি মহৌশাগী লমদম অমা ওইবতা নত্তনা ওর্গানিক ওইবা পুন্সি মহিংগীদমক্তা অফবা মফম অমনি। মসিগী বাইওদাইভর্সিতী, মসিগী ক্লাইমেৎ - মখোয়না হকশেলগীদমক নেচরেল মেদিসিনগুম্না মথৌ তৌই। মরম অসিনা ঐহাক্না নোর্থ ইস্ততা হীল ইন ইন্দিয়া মিসনগী ইনভেস্তমেন্তগী খুদোংচাবশিং থিদোক্নবা হায়জরি।

মরুপশিং,

ঈশৈ-নোংমাই, জগোয় শাবা অমসুং কুমহৈ পাংথোকপা অসি অৱাং নোংপোক্কী চৎনবীগী শরুক অমনি। মসিনা মালেমগী কনফরেন্সশিং, কন্সর্তশিং অমসুং লুহোংবগী থৌরমশিং পাংথোক্নবগীদমক য়াম্না ফজবা মফম অমা ওইহল্লি। মওং কয়া অমদা, অৱাং-নোংপোক লমদম অসি তুরিজমগীদমক্তা মপুং ফাবা পেকেজ অমনি। হৌজিক চাউখৎ-থৌরাংগী কান্নবা অসি অৱাং-নোংপোক্কী মফম খুদিংমক্তা য়ৌরকপগা লোয়ননা, ঐখোয়না তুরিজমদসু পোজিতিব ওইবা ইথিল অমা উবা ফংলি। তুরিস্তশিংগী মশিং শরুক অনি হেনগৎখ্রে, অমসুং মসি মশিং খক্তগী ওইদ্রে। খুঙ্গংশিংদা হোম স্তেশিং শেমগৎলি, নহাশিংনা গাইদ ওইনা অনৌবা খুদোংচাবা কয়া ফংলি, অমসুং অপুনবা তুর অমসুং ত্রেবেল ইকোসিস্তেম অমা শেমগৎলি। হৌজিক ঐখোয়না মসিবু হেন্না ৱাংবা থাক্তা পুখৎকদবনি। ইকো-তুরিজম অমসুং কলচরেল তুরিজমদা, অদোম পুম্নমকপু ইনবেস্তমেন্তগী অনৌবা খুদোংচাবা কয়া অমা ঙাইরি।

মরুপশিং,

লমদম অমহেক্তগী চাউখৎ-থৌরাংগীদমক, খ্বাইদগী মরুওইবা মথৌ তাবা অসি শান্তি অমসুং লো এন্দ ওর্দরনি। তেরোরিজম ওইগেরা নৎত্রগা মাওইস্ত ইন্সরজেন্সী ওইগেরা, ঐখোয়গী সরকারনা জিরো-তোলরেন্সী পোলিসী অমা চৎনরি। অৱাং-নোংপোক লমদম অসি বোমশিং, নোংমৈশিং, অমসুং ব্লোকেদকা মরী লৈনবা মতম অমা লৈরম্মি। অৱাং-নোংপোক্কী মতাংদা পল্লকপখক্তনা ৱাখলদা মসিগী মওংশিং অসি লাকহল্লি। অমসুং মসিনা লমদম অসিগী নহারোলশিংদা অচৌবা মাংজবা অমা পীখি। মখোয়গী খুৎতগী খুদোংচাবা কয়া অমা মাংখি। ঐখোয়গী মীৎয়েং অসি অৱাং-নোংপোক্কী নহারোলশিংগী তুংলমচৎতা ওইরি। মসিনা মরম ওইদুনা ঐখোয়না শান্তিগী য়ানা ৱারোল অমমমদা খুৎয়েক পীনখি, মসিনা নহাশিংদা চাউখৎপগী মরুওইবা শরুক য়ানবা খুদোংচাবা পীখি। হৌখিবা চহি ১০-১১ অসিদা, নহা ১০,০০০ হেনবনা মখোয়গী খুৎলাইশিং থাদোক্তুনা শান্তিগী লম্বীদা চংশিনখ্রে। ঙসি অৱাং-নোংপোক্কী নহারোলশিংনা মখোয়গী লমদম অসিদা থবক ফংনবগী অমসুং মশাগী থবক ফংনবগী অনৌবা খুদোংচাবা ফংলি। মুদ্রা য়োজনাগী খুত্থাংদা অৱাং-নোংপোক লমদমগী নহারোল মিলিয়ন কয়ানা লুপা করোর লিশিং কয়াগী শেন-থুমগী তেংবাং ফংখ্রে। হেনগৎলক্লিবা এজুকেসনেল ইন্সতিত্যুসনশিংনা নহাশিং অসিবু মখোয়গী স্কিল হেনগৎহনবদা মতেং পাংলি। হৌজিক, অৱাং নোংপোক্কী নহারোলশিং অসি ইন্তরনেত শিজিন্নরিবশিং খক্তা নত্তে, মখোয় অসি দিজিতেল ইন্নোবেতরশিং ওইরক্লি। ওপ্তিকেল ফাইবরগী কিলোমীতর ১৩,০০০ হেন্না, ৪জি অমসুং ৫জি কভরেজ, অমসুং তেক্নোলোজীগী অনৌবা খুদোংচাবশিংগা লোইননা, নহাশিংনা হৌজিক মখোয়গী মশাগী শহরদগী অচৌবা স্তার্তঅপশিং হৌদোক্লি। অৱাং-নোংপোক লমদম অসি ভারতকী দিজিতেলগী থোং ওইরক্লি।

মরুপশিং,

চাউখৎপা অমসুং হেন্না ফবা তুংলমচৎ অমগীদমক স্কিলশিং অসি কয়া মরুওইবগে হায়বসি ঐখোয় পুম্নমক্না খঙই। অৱাং-নোংপোক্তসু মসিগীদমক্তা অফবা অকোয়বগী ফিভম অমা পীরি। কেন্দ্র সরকারনা লমদম অসিগী এজুকেসন অমসুং স্কিল দিবেলপমেন্ত ইকোসিস্তেমদা চাউনা ইনবেস্তমেন্ত তৌরি। হৌখিবা দিকেদ অমদা, অৱাং-নোংপোক্কী এজুকেসন সেক্তরদা লুপা করোর ২১,০০০ হেন্না ইনবেস্ত তৌখ্রে। চাউরাক্না অনৌবা স্কুল ৮৫০ লিংখৎখ্রে। অৱাং-নোংপোক্কী অহানবা এ.আই.আই.এম.এস. (ওল ইন্দিয়া ইন্সতিত্যুৎ ওফ মেদিকেল সাইন্সস) হৌজিক মথৌ তৌরে। অনৌবা মেদিকেল কোলেজ নিপান শাখ্রে। লমদম অসিদা অনৌবা আই.আই.আই.তি. (ইন্দিয়ন ইন্সতিত্যুৎ ওফ ইনফোর্মেসন তেক্নোলোজী) অনি লিংখৎখ্রে। মিজোরমদা ইন্দিয়ন ইন্সতিত্যুৎ ওফ মাস কম্ম্যুনিকেসনগী কেম্পস অমা লিংখৎখ্রে। অৱাং-নোংপোক্কী মফমশিংদা অনৌবা স্কিল দিবেলপমেন্ত ইন্সতিত্যুৎ ২০০ রোম লিংখৎখ্রে। লৈবাক অসিগী অহানবা স্পোর্তস য়ুনিভর্সিতীসু মফম অসিদা শেমগৎলি। খেলো ইন্দিয়া প্রোগ্রামগী মখাদা অৱাং নোংপোক লমদমদা লুপা করোর চাম্মাগী প্রোজেক্ত কয়া পায়খৎলি। লমদম অসিদা খেলো ইন্দিয়া সেন্তর ওফ এক্সিলেন্স ৮ অমসুং খেলো ইন্দিয়া সেন্তর ২৫০ হেন্না লৈরি। মসিনা তাকপদি সেক্তর খুদিংমক্তা খ্বাইদগী ফবা তেলেন্ত অসি অৱাং নোংপোক্তা ফংই। নহাক্না খুদোংচাবা অসি ফজনা শীজিন্নগদবনি।

মরুপশিং,

ঙসিদি, ওর্গানিক ফুদকী মালেমগী দিমান্দ অসি হেনগৎলক্লি। হোলিস্তিক হেল্থকেয়রগী মায়কৈদা হেনগৎলক্লিবা ৱাখল্লোন অমা লৈরি, অমসুং ঐহাক্কী মঙলানদি মালেমগী দাইনিং তেবল খুদিংমক্তা য়ামদ্রবদা ভারতকী ফুদ ব্রান্দ অমা লৈগদবনি। অৱাং-নোংপোক লমদমনা মসিগী মঙলান অসি মপুং ফাহন্নবগীদমক মরুওইবা থৌদাং অমা লৌবা তাই। হৌখিবা দিকেদ অমদা, অৱাং-নোংপোক্তা ওর্গানিক ফার্মিংগী স্কোপ অসি শরুক অনি হেনগৎলে। ঐখোয়গী লমদম অসি চা, অননাস, ওরেঞ্জ, লেমোন, তুরমার্ক, অমসুং জিঞ্জারগুম্বা পোত্থোকশিং লৈবগীদমক খঙনৈ অমসুং মখোয়গী মগুন অমসুং ক্বালিতী অসি তশেংনা অখন্নবা ওই। মালেমগী ওইনা পোত্থোকশিং অসিগী দিমান্দ হেনগৎলক্লি, অমসুং হেনগৎলক্লিবা দিমান্দ অসিনা অদোম পুম্নমক্কীদমক অচৌবা খুদোংচাবশিং হাংদোক্লি।

মরুপশিং,

অৱাং নোংপোক্তা ফুদ প্রোসেসিং য়ুনিৎশিং লিংখৎপদা লায়থোকহন্নবা সরকারনা থবক পায়খৎলি। হেন্না ফবা কনেক্তিবিতীনা হান্ননা মতেং পাংলি, অমসুং মসিগী মথক্তা, ঐখোয়না মেগা ফুদ পার্কশিং শেমগৎলি, কোল্দ স্তোরেজ নেটৱার্ক পাকথোক চাউথোকহল্লি অমসুং তেস্তিং লেবোরেতরীশিং লিংখৎলি। সরকারনা ওইল পাম মিসনসু হৌদোকখ্রে। অৱাং-নোংপোক্কী লৈহাউ অমসুং অইং অশা অসি ওইল পামগী মহৈ-মরোং থাবদা য়াম্না মতিক চাবা ওই। মসিনা ঐখোয়গী লৌমীশিংগীদমক্তা শেল-থুমগী মরুওইবা সোর্স অমা ওইরকপা ঙমগনি, অমসুং মসিনা মপান্দগী পুশিল্লকপা চিঞ্জাক্কী ওইলশিংদা ভারতকী মখা পোনবা হন্থহনবদা মতেং পাংগনি। পাম ওল ফার্মিং অসি ঐখোয়গী ইন্দস্ত্রীশিংগীসু অচৌবা খুদোংচাবা অমনি।

মরুপশিং,

ঐখোয়গী অৱাং-নোংপোক লমদম অসি সেক্তর অনিগী মরুওইবা লমদম অমা ওইরক্লি: ইনর্জী অমসুং সেমিকন্দক্তরশিং। হায়দ্রোপাৱর ওইগেরা নৎত্রগা সোলার পাৱর ওইগেরা, অৱাং নোংপোক্কী রাজ্য খুদিংমক্তা সরকারনা অচৌবা ইনভেস্তমেন্তশিং তৌরি। লুপা করোর লিশিং কয়াগী প্রোজেক্তশিং হান্ননা অয়াবা পীখ্রে। অদোম্না প্লান্তশিং অমসুং ইনফ্রাস্ত্রকচরদা শেল থাদবগী খুদোংচাবা ফংবতা নত্তনা মেন্যুফেকচরিংদাসু শেল থাদবগী অচৌবা খুদোংচাবা ফংলগনি। সোলার মোদ্যুলশিং, সেলশিং, স্তোরেজ, নৎত্রগা রিসর্চ ওইরবসু, ঐখোয়না অহেনবা ইনভেস্তমেন্তশিং দরকার ওই। মসি ঐখোয়গী তুংলমচৎনি অমসুং ঐখোয়না মসিদা ঙসি হেন্না শেল থাদরক্লবদি, ঐখোয়না মপান লৈবাক্তগী মখা পোনবা হন্থরক্কনি। ঙসি অৱাং-নোংপোক লমদম, মরুওইনা অসামনা লৈবাক অসিগী সেমিকন্দক্তর ইকোসিস্তেম মপাঙ্গল কনখৎহনবদা মরু ওইবা থৌদাং অমা লৌরি। অৱাং-নোংপোক্কী সেমিকন্দক্তর প্লান্ত অমদগী অহানবা মেদ-ইন-ইন্দিয়া চিপ অসি লৈবাক অসিদা অথুবা মতমদা ফংলগনি। হায়রিবা প্লান্ত অসিনা সেমিকন্দক্তর সেক্তর অমসুং লমদম অসিদা লৈরিবা অতোপ্পা অৱাংবা থাক্কী তেক্নোলোজীশিংগীদমক খুদোংচাবা কয়া অমা পীরি।

মরুপশিং,

রাইসিং নোর্থ ইস্ত অসি ইনভেস্তরশিংগী মীফম অমা খক্তা নত্তনা, মসি খোঙজং অমসুনি। মসি থবক পায়খৎনবা খোলাও অমনি। অৱাং-নোংপোক্কী অফবা তুংলমচৎকী থোংদা ভারতকী তুংলমচৎ অসি অনৌবা থাক্তা য়ৌরগনি। ঐহাক্না বিজিনেসকী লুচিংবশিং পুম্নমকপু মপুং ফানা থাজৈ। লাকপীয়ু, ঐখোয় পুন্না অষ্টলোকশ্মীবু 'ভিক্সিৎ ভারত'কী ইথিল অমা ওইহল্লসি। ঐহাক্না মপুং ফানা থাজবা থম্লি মদুদি ঙসিগী অপুনবা ওইনা হোৎনরিবশিং, অদোমগী থৌনা অমসুং অদোমগী থৌদাং অসিনা আশা অসি থাজবদা ওন্থোক্লি। অমসুং ঐহাক্না থাজবা থম্লি মদুদি ঐখোয়না অনিশুবা রাইজিং নোর্থ ইস্ত সম্মিৎ পাংথোকপা মতমদা ঐখোয়না চাউনা খুমাং চাউশিল্লগনি। অদোমদা য়াইফ-পাউজেল পীজরি।

য়াম্না থাগৎচরি!

দিসক্লেমর: মসি প্রধান মন্ত্রীগী পীখিবা ৱারোলগী চাউরাকপা হন্দোকপনি। অশেংবা ৱারোলদি হিন্দীদা পীখি।

*****