কেন্দ্রগী এজুকেসন মন্ত্রী শ্রী ধর্মেন্দ্র প্রধানজী, দোক্তর জিতেন্দ্র সিংহজী, শ্রী জয়ন্ত চৌধরীজী, দোক্তর সুকান্তা মজুমদারজী, তেক্নোলোজীগী খুত্থাংদা পাউ ফাওনরিবা ঐহাক্কী মরুপ শ্রী রোমেশ ৱাধৱানিজী অমসুং দোক্তর অজয় কেলাজী, সাইন্স, তেক্নোলোজী অমসুং এজুকেসনগী মালেমগী মরুপশিং, অতোপ্পা শক্নাইরবা মীথুংলেনশিং, নুপীমচাশিং অমসুং নুপাশিং!

ঙসি, সরকার, একাদমিয়া, সাইন্স অমসুং রিসর্চকা মরী লৈনবা তোঙান তোঙানবা লমশিংগী মশীং য়াম্লবা মীওইশিং মফম অসিদা তিনবীররে। হায়রিবা অপুনবগী মশক, কনফ্ল্যুজন অসিনি ঐখোয়না YUGM হায়না কৌরিবসি। 'ভিক্সিৎ ভারত' (চাউখৎলবা ভারত) অমগী তুংলমচৎকী তেক্নোলোজীগা মরী লৈনবা স্তেকহোল্দর পুম্নমক পুন্সিন্নদুনা অমসুং পুন্না থবক তৌমিন্নবা YUGM অমা। থৌরম অসিনা ভারতকী ইনোবেসন কেপাসিতী অমসুং দিপ-তেককী লমদা মসিগী থৌদাং হেনগৎহন্নবা ঐখোয়না হোৎনরিবশিং অসি হেন্না মপাঙ্গল কনখৎহল্লগনি হায়না ঐনা থাজৈ। ঙসিদগী আই.আই.তি. কানপুর অমসুং আই.আই.তি. বোম্বেদা এ.আই., ইন্তেলিজেন্ত সিস্তেম, অমসুং বাইওসাইন্স, বাইওতেক্নোলোজী, হেল্থ অমসুং মেদিসিনগী সুপর হবশিং হৌদোক্লে। ঙসি ৱাধৱানি ইন্নোবেসন নেৎৱার্ক হৌদোকপগী নুমিৎসু ওইরি। নেস্নেল রিসর্স ফাউন্দেসনগা খুৎশম্নদুনা রিসর্চকী থবকশিং খুমাং চাউশিলহন্নবা অচেৎপা ৱাফমসু থমখ্রে। মসিগী খোঙথাং অসিগীদমক ঐহাক্না ৱাধৱানি ফাউন্দেসন, ঐখোয়গী আই.আই.তি.শিং অমসুং অতোপ্পা স্তেকহোল্দর পুম্নমকপু থাগৎপা ফোংদোকচরি। অখন্ননা, ঐহাক্না ঐহাক্কী মরূপ রোমেশ ৱাধৱানিজীবু থাগৎপা ফোংদোকচরি। প্রাইবেৎ অমসুং পব্লিক সেক্তরনা পুন্না থবক তৌমিন্নদুনা নখোয়গী থৌনা অমসুং কত্থোকপা কয়ানা লৈবাক অসিগী এজুকেসন সিস্তেমদা অফবা অহোংবা কয়া অমা পুরক্লে।

মরুপশিং,

ঐখোয়গী লাইরিকশিং অসিনা হায়রি: অতোপ্পশিংগী সেবা অমসুং য়াইফনবগীদমক হিংলিবা মীওই অদু তশেংনা অচুম্বা পুন্সি অমদা হিংলিবনি। মরম অসিনা ঐখোয়না সাইন্স অমসুং তেক্নোলোজীবুসু সর্ভিসকী মেদিয়ম অমা ওইনা লৌই। ঐহাক্না ঐখোয়গী লৈবাক অসিদা ৱাধৱানি ফাউন্দেসনগুম্বা ইন্সতিত্যুসনশিং অসি উবা ফংলকপা মতমদা, রোমেশজী অমসুং মহাক্কী তীমগী হোৎনরিবশিং অসি ভারতকী সাইন্স অমসুং তেক্নোলোজীনা অচুম্বা মাইকৈদা মাংলোমদা চংশিল্লিবা অসিগীদমক ঐহাক নুংঙাইবা অমসুং চাউথোকচবা ফাওই। রোমেসজীনা মহাক্কী পুন্সি অসি য়াম্না কন্না হোৎনদুনা অমসুং সেবা তৌবদা কত্থোকখিবা অদু ঐখোয় পুম্নমক্না খঙই। পোক্লবা মতুং নুমিৎ খরনিগী মতুংদা, মহাক্না পার্তিসনগী অৱাবা মায়োক্নখি, মহাক্কী পোক্নফম লমদম থাদোক্নবা হোৎনখি, অঙাং ওইরিঙৈ মতমদা পোলিওনা নারকখি, অমসুং অরুবা ফিভমশিং অদুদগী মহাক্না অচৌবা ব্যুজিনেস এম্পায়র অমা শেমগৎখি। মসি মশামক্না অখন্নবা অমসুং পুক্নিং থৌগৎনিংঙাই ওইবা পুন্সিগী খোঙচৎ অমনি। অমসুং অসিগুম্বা মায় পাকপা অসি ভারতকী এজুকেসন অমসুং রিসর্স সেক্তরদা, ভারতকী নহারোলশিংদা, অমসুং ভারতকী মঙাল লৈবা তুংলমচৎতা কত্থোকপা অসি তশেংনা পুক্নিং থৌগৎনিংঙাই ওইবা খুদম অমনি। ৱাধৱানি ফাউন্দেসননা স্কুল এজুকেসন, অঙ্গনৱাদি সর্ভিসশিংদা তেক্নোলোজী, অমসুং এগ্রি-তেকশিংদা মশক থোকপা থবকশিং পায়খৎলি। ঐহাক্না মমাংদা ৱাদৱানি ইন্সতিত্যুৎ ওফ আর্তিফিসিএল ইন্তেলিজেন্স লিংখৎপগী থৌরমদা নখোয় পুম্নমক্তা শরুক য়াখি। লাক্কদৌরিবা মতমশিংদা, ৱাধৱানি ফাউন্দেসন অসিনা অসিগুম্বা মাইলস্তোন কয়া অমা ফংলগনি হায়না ঐনা থাজবা থম্লি। ঐহাক্কী য়াইফ-পাউজেলশিং অসি অদোমগী ওর্গনাইজেসন অমসুং অদোমগী ইনিসিয়েতিবশিংগা লোয়ননা লৈ।

মরুপশিং,

লৈবাক অমহেক্তগী তুংলমচৎ অসি নহাশিংগী মখা পোল্লি। মরম অদুনা, ঐখোয়না ঐখোয়গী নহারোলশিংবু মখোয়গী তুংলমচৎকীদমক অমসুং ভারতকী হেন্না ফবা তুংলমচৎ অমা শেমগৎনবগীদমক শেম-শাবা হায়বসি য়াম্না মরু ওই। মসিদা লৈবাক অসিগী এজুকেসন সিস্তেম্না মরু ওইবা থৌদাং অমা লৌরি। মসিনা মরম ওইদুনা ঐখোয়না ২১শুবা চহিচাগী মথৌ তাবশিং ফংহন্নবা লৈবাক অসিগী এজুকেসন সিস্তেম মোদর্নাইজ তৌরি। লৈবাক অসিদা অনৌবা নেস্নেল এজুকেসন পোলিসী অমা হৌদোকখ্রে। মসি এজুকেসন্দা মালেমগী থাক্তা মীৎয়েং থমদুনা শেমগৎপনি। অনৌবা এজুকেসন পোলিসী হৌদোকখিবদগী, ঐখোয়না ভারতকী এজুকেসন সিস্তেমদা চাউনা অহোংবা কয়া অমা উবা ফংলি। নেস্নেল করিক্যুলম ফ্রেমৱার্ক, লর্নিং-টিচিং মেতরিএলশিং অমসুং ক্লাস ১দগী ৭ ফাওবগী অনৌবা লাইরিকশিং শেমখ্রে। পি.এম. ই-বিদ্যা অমসুং দিকশা প্লেতফোর্মগী মখাদা 'ৱান নেসন, ৱান দিজিতেল এজুকেসন ইনফ্রাস্ত্রকচর' অমা শেমখ্রে। মসিগী ইনফ্রাস্ত্রকচর অসি AI দা য়ুম্ফম ওইবা অমসুং চাউথোকহনবা ঙম্বা অমনি। মসি ভারতকী লোন ৩০ অমসুং অতোপ্পা লোন ৭দা তেক্সবুকশিং শেমগৎনবা শীজিন্নরি। নেস্নেল ক্রেদিৎ ফ্রেমৱার্ককী খুত্থাংদা মহৈরোইশিংনা মতম অমত্তদা হীরম কয়া অমা তম্বদা হেন্না লায়হল্লে। মসিনা তাকপদি ভারত্তা মহৈরোইশিংনা হৌজিক অনৌবা এজুকেসন ফংলি, অমসুং মখোয়গীদমক অনৌবা কেরিয়রগী লম্বীশিং হাংলি। ভারতকী চাউখৎ-থৌরাংগী পান্দমগী মায়কৈদা খোঙজেল য়াংনা চংশিন্নবা, লৈবাক অসিগী রিসর্স ইকোসিস্তেম মপাঙ্গল কনখৎহনবা মথৌ তাই। হৌখিবা দিকেদ অমদা, মসিগী মাইকৈ অসিদা চাউনা খুমাং চাওশিল্লক্লি, অমসুং মথৌ তাবা রিসোর্সশিং হেনগৎলক্লি। ২০১৩-১৪দা আর.দি.গী অপুনবা শেনফম অসি লুপা করোর ৬০,০০০ খক্তনি। ঐখোয়না মসি শরুক অনি হেনগৎতুনা লুপা কোতি লাখ ১.২৫ হেনখ্রে। লৈবাক শিনবা থুংনা অওনবা পুরক্নবা অত্যাধুনিক রিসর্চ পার্ক কয়া অমা লিংখৎখ্রে। হায়র এজুকেসন ইন্সতিত্যুসন ৬০০০রোমদা রিসর্স অমসুং দিবেলপমেন্ত সেলশিং লিংখৎখ্রে। হোৎনরিবশিং অসিগী মতুং ইন্না, লৈবাক অসিদা ইনোবেসনগী চৎনবী অমা য়াম্না থুনা চাউখৎলক্লি। ২০১৪দা, ভারততা পেতেন্ত ৪০,০০০ রোম ফাইল তৌখি। মশীং অসি হৌজিক ৮০,০০০ হেনখ্রে। মসিনা ঐখোয়গী ইন্তেলেকচুএল প্রোপর্তী ইকোসিস্তেমদগী লৈবাক অসিগী নহাশিংনা কয়া য়াম্না মতেং পাংলি হায়বদু উৎলি। রিসর্স কলচর মখা তানা পুক্নিং থৌগৎনবা, নেস্নেল রিসর্স ফাউন্দেসন অসি লুপা করোর ৫০,০০০গী বজেৎ অমগা লোয়ননা লিংখৎখ্রে। "নেসন অমা, সবস্ক্রিপ্সন অমা" ইনিসিয়েতিব অসিনা নহাশিংবু মখোয়গী মথৌ তাবশিং অদু সরকারনা খঙই হায়না থাজবা পীখি। স্কিম অসিনা হায়র এজুকেসন তম্বা মহৈরোইশিংদা মালেমগী থাক্কী রিসর্চ জর্নেলশিং ফংহনবদা মতেং পাংলি। প্রধান মন্ত্রীগী রিসর্স ফেলোশিপ অসি হৈ-শিংলবা মীওইশিংনা মখোয়গী কেরিয়রদা খুমাং চাওশিল্লকপদা অথিংবা অমত্তা থেংনদনবা হৌদোকখ্রে।

মরুপশিং,

মসিগী হোৎনরিবশিং অসিগী মহৈ ওইনা, ঙসিগী নহারোলশিং অসি রিসর্স অমসুং দিবেলপমেন্ততা চঙশিনবদা নত্তনা মখোয় R&D হায়বদুমক ওইরে। অমসুং ঐহাক্না মখোয়শিং অসি আর.এন্দ.দি. হায়না হায়রকপা মতমদা, ঐহাক্না রেদি অমসুং দিসরপ্তিব হায়না খল্লি! ভারতনা তোঙান তোঙানবা সেক্তরশিংদা রিসর্সকী অনৌবা মাইলস্তোনশিং শেমগৎলি। হৌখিবা চহিদা ভারতনা মালেমগী খ্বাইদগী শাংবা হাইপরলুপ তেস্ত ত্রেক অমা পায়খৎখি। মিতর ৪২২গী হাইপরলুপ অসি আই.আই.তি. মাদ্রাসতা ইন্দিয়ন রেলৱেজগা খুৎশম্নদুনা শেমগৎখি। আই.আই.এস.সি. বেঙ্গলোরগী সাইন্তিস্তশিংনা নেনোস্কেলদা মঙালবু লাকশিনবা ঙম্বা তেক্নোলোজী অমা পুথোকখ্রে। ইন্সতিত্যুৎ অসিমক্তদা, রিসর্চ তৌরিবশিংনা মোলিক্যুলর ফিল্ম অমগী মনুংদা কন্দক্সন স্তেৎ ১৬,০০০ হেনবদা দেতা স্তোর তৌবা অমসুং প্রোসেস তৌবা ঙম্বা "ব্রেন ওন এ চিপ" তেক্নোলোজী অমা পুথোকখ্রে! চয়োল খরগী মমাংদা, লৈবাক অসিনা মসিগী অহানবা ইন্দিজিনস এম.আর.আই. মেছিনসু পুথোকখ্রে। হায়রিবশিং অসি ঐখোয়গী য়ুনিভর্সিতীশিংদা পাংথোক্লিবা চাউখৎ-থৌরাংগী থবকশিং অসিগী খরা খক্তনি। মসি 'ভিক্সিৎ ভারত'কী নহারোলশিংগী শক্তিনি। শেম-শারিবা, দিসরপ্তিব অমসুং ত্রান্সফোর্মেতিব!

মরুপশিং,

ভারতকী য়ুনিভর্সিতী কেম্পসশিং অসি ইনোবেসনগী অনৌবা দাইনামিক সেন্তরশিং ওইরক্লি। মসিদা নহারোলশিংগী পাৱরনা চাউখৎপা দিস্কভরীশিং পুথোক্লি। হৌজিত্তি, হায়র এজুকেসন ইম্পেক্ত রেঙ্কিংদা, ভারতনা মালেমগী ওইনা খ্বাইদগী ৱাংবা মীহুৎ ওইরি। লৈবাক ১২৫গী ইন্সতিত্যুসন ২,০০০গী মনুংদা য়ুনিভর্সিতী ৯০ হেন্না রেঙ্ক চললি। ২০১৪দা, ভারতকী ইন্সতিত্যুৎ অমসুং য়ুনিভর্সিতী ৯ খক্তমক ক্যু.এস. ৱার্ল্দ রেঙ্কিংদা য়াওখি। ২০২৫দা, মশিং অসি ৪৬দা হেনগৎলক্কনি। মালেমগী খ্বাইদগী ফবা হায়র এজুকেসন ইন্সতিত্যুসন ৫০০গী মনুংদা লৈরিবা ভারতকী ইন্সতিত্যুসনশিংগী মশিংসু হৌখিবা চহি ১০দা য়াম্না হেনগৎলক্লি। হৌজিক্তি, অবু ধাবীদা আই.আই.তি. দিল্লী অমসুং তঞ্জানিয়াদা আই.আই.তি. মাদ্রাসকুম্বা ভারতকী ইন্সতিত্যুসনশিংনা মপান লৈবাক্তা কেম্পসশিং হাংলি। দুবাইদা আই.আই.এম. অহমেদাবাদ কেম্পস অমা হাংদোক্নবা শেম-শারি। অমসুং ঐখোয়গী মকোক থোংবা ইন্সতিত্যুসনশিং অসি মালেমগী থাক্তা চৎপা খক্তমক নত্তে, মালেমগী থাক্কী মকোক থোংবা ইন্সতিত্যুসনশিং অসিসু ভারত্তা লাক্লি। মালেমগী খ্বাইদগী ফবা য়ুনিভর্সিতী খরগী কেম্পস ভারত্তা হাংদোকপগী থৌওং হৌখ্রে। মসিনা একাদমিক একচেঞ্জ হেনগৎহল্লগনি, রিসর্চতা মতেং পাংনবা হেনগৎহল্লগনি অমসুং ঐখোয়গী মহৈরোয়শিংদা ক্রোস কলচরেল লর্নিংদা মমল য়াম্লবা এক্সপোজর পীগনি।

মরুপশিং,

তেলেন্ত, তেম্পরামেন্ত, অমসুং তেক্নোলোজী অহুম অসিনা ভারতকী তুংলমচৎ অসি শেমদোক্কনি। মসি শৌগৎনবগীদমক, ঐখোয়না অঙাংশিংদা অঙনবা মতমদগী মথৌ তাবা এক্সপোজর পীরি। হৌজিক ঐখোয়গী মরূপ ধর্মেন্দ্রজীনা অতল তিঙ্করিং লেবশিংগুম্বা খোঙথাংশিং অদু শন্দোক্না তাকখি। হৌজিক ফাওবদা লৈবাক শীনবা থুংনা অতল তিঙ্করিং লেব ১০,০০০ লিংখৎখ্রে। চহি অসিগী বজেৎতা সরকারনা অতল তিঙ্করিং লেবশিং ৫০,০০০ হেন্না হাংদোক্কনি হায়না লাউথোকখ্রে। মহৈরোয়শিংদা শেলগী তেংবাং পীনবগীদমক পি.এম. বিদ্যা লক্ষ্মী য়োজনাসু হৌদোকখ্রে। ঐখোয়না ইন্তর্নশিপ সেলশিংসু ইন্সতিত্যুসন ৭০০০ হেনবদা লিংখৎখ্রে। মসিনা মহৈরোইশিংনা মখোয়না তম্লিবা অদু এক্সপরিয়েন্সতা ওন্থোকপা ঙম্লগনি। নহারোলশিংদা অনৌবা স্কিলশিং শেমগৎপদা মতেং পাংনবা হোৎনরি। ঐখোয়গী নহারোলশিংগী শক্তি অসিনা - মখোয়গী হৈশিংবা, পুক্নিং ৱাখল অমসুং তেক্নোলোজী অসিনা ভারতপু মায় পাকপগী অৱাংবা থাক্তা পুখৎকনি।

মরুপশিং,

ঐখোয়না 'বিক্সিত ভারত'কী পান্দম ফংনবগীদমক চহি ২৫গী মতম লেপ্লে। মতম অসি অকক্নবা ওই, অমসুং পান্দমশিং অসি য়াম্না চাউই। হৌজিক ওইরিবা ফীভম অসিগীদমক্তা ঐহাক্না মসি হায়নীংদে, অদুবু মসিগীদমক্তা, ৱাখল্লোনদগী প্রোতোতাইপতগী পোৎথোক ফাওবগী খোঙচৎ অসি য়ারিবমখৈ অতেনবা মতমদা পাংথোকপা অসি য়াম্না মরু ওই। ঐখোয়না লেবোরেতরীদগী কৈথেল ফাওবগী অরাপ্পা অদু হন্থহল্লবদি, রিসর্চকী ফলশিং অসি মীয়ামদা হেন্না থুনা য়ৌহল্লগনি। মসিনা রিসর্চ তৌবশিংদা মখোয়গী থবকশিংগী হকথেংননা ইথিল পীবা অমসুং মহৈশিং ফংহল্লিবা অসিসু পুক্নিং থৌগৎলি। মসিনা রিসর্স, ইন্নোবেসন অমসুং ভেল্যু এদিসনগী সাইকল অসি হেন্না মপাঙ্গল কনখৎহল্লি। মসি পাংথোক্নবগীদমক, ঐখোয়গী রিসর্স ইকোসিস্তেম পুম্নমক - একাদেমিক ইন্সতিত্যুসনশিং, ইনভেস্তরশিং, অমসুং ইন্দস্ত্রীনা ঐখোয়গী রিসর্সরশিংদা মতেং পাংলি অমসুং মখোয়বু লমজিংলি হায়বসি তঙাইফদে। ইন্দস্ত্রীগী লুচিংবশিংনা নহাশিংদা মেন্তরিং তৌদুনা, ফন্দিং শেমদুনা, অমসুং অনৌবা সোলুসনশিং পুন্না পুথোক্তুনা খোংথাং অমগা হেন্না চংশিনবা য়াই। মসিনা মরম ওইদুনা সরকার অসিনা রেগুলেসনশিং লাইথোকহন্নবা অমসুং অয়াবা পীনবগী থবকশিং অথুবা মতমদা পাংথোক্নবা হোৎনরি।

মরুপশিং,

ঐখোয়না এ.আই., ক্বান্তম কম্প্যুতিং, এদভান্স এনালাইতিক্স, স্পেস-তেক, হেল্থ-তেক, অমসুং সিন্থেতিক বাইওলোজী অসি লেপ্পা লৈতনা প্রমোৎ তৌগদবনি। ঙসিদি, ভারত অসি এ.আই. দিবেলপমেন্ত অমসুং এদোপ্ত তৌবদা মকোক থোংবা লৈবাক অমা ওইরক্লি। অসিগুম্বা চাউখৎপা অসিদা মতেং পাংনবা, সরকারনা ইন্দিয়া-এ.আই. মিসন হৌদোকখ্রে। মসিনা মালেমগী থাক্কী ইনফ্রাস্ত্রকচর, অৱাংবা থাক্কী দেতা সেৎশিং, অমসুং অৱাংবা থাক্কী রিসর্স ফেসিলিতীশিং শেমগৎপদা মতেং পাংগনি। লৈবাক অসিদা এ.আই. সেন্তর ওফ এক্সিলেন্সকী মশিংসু হেনগৎলক্লি। সেন্তর ওফ এক্সেলেন্স অসি ভারতকী মকোক থোংবা ইন্সতিত্যুসনশিং, ইন্দস্ত্রীশিং অমসুং স্তার্ত-অপশিংগী মরক্তা তেংবাং পীনদুনা পুথোক্লি। ঐখোয়না "মেক এ.আই. ইন ইন্দিয়া"গী ভিজনগা লোইননা থবক তৌরি, অমসুং ঐখোয়গী পান্দমদি "মেক এ.আই. ৱার্ক ফোর ইন্দিয়া" অসিনি। চহি অসিগী বজেৎ অসিদা, ঐখোয়না আই.আই.তি.শিংদা সীৎ মশিং অমসুং কেপাসিতী হেনগৎনবা ৱারেপ লৌরে। আই.আই.তি.শিং অমসুং এ.আই.আই.এম.এস.কী মতেংগা লোইননা মেদিতেক, হায়বদি মেদিকেল প্লস তেক্নোলোজীগী কোর্স কয়া অমা হৌদোকখ্রে। ঐখোয়না মসিগী খোঙচৎ অসি মতমগী মতুং ইন্না লোইশিনগদবনি। তুংলমচৎকী তেক্নোলোজী খুদিংমক্তা, ভারত অসি মালেমগী খ্বাইদগী ফবশিংগী মরক্তা য়াওগদবনি। YUGMগুম্বা খোঙথাংশিংগী খুত্থাংদা ঐখোয়না হোৎনরিবশিং অসিদা অনৌবা ইনর্জী পুরকপা ঙমগনি। এজুকেসন মিনিস্ত্রী অমসুং ৱাধৱানি ফাউন্দেসনগী জোইন্ত ইনিসিয়েতিব অসিগা লোইননা, ঐখোয়না লৈবাক অসিগী ইনোবেসন লেন্দস্কেপ অসি হোংদোকপগী পোতেন্সিএল লৈরে। ঙসিগী থৌরম অসিনা মিসন অসিবু মখা চত্থবদা য়াম্না মতেং পাংগনি। ঐহাক্না অমুক্কা হন্না ৱাদৱানি ফাউন্দেসনবু YUGMকী খোংথাং অসিগীদমক থাগৎপা ফোংদোকচরি। ঐহাক্না ঐহাক্কী মরূপ রোমেশজীদা য়াইফ-পাউজেল পীজরি।

পুম্নমকপু থাগৎচরি।

নমস্কার!

খঙহঞ্জবাঃ মসি প্রধান মন্ত্রীনা পীখিবা ৱারোলগী চাউরাকপা হন্দোকপনি। অশেংবা ৱারোলদি হিন্দীদা পীখি।

***