وزیر اعظم جناب نریندر مودی نے راجستھان کے شہر بانسواڑہ میں 1,22,100 کروڑ روپے سے زیادہ کے ترقیاتی کاموں کا افتتاح کیا  اور  سنگ بنیاد رکھا۔  نوراتری کے چوتھے دن ، وزیر اعظم نے بانسواڑہ میں ماں تریپورہ سندری کی مقدس سرزمین کا دورہ کرنے کی اپنی خوش قسمتی کا اظہار کیا۔    انہوں نے کہا کہ انہیں کانٹھل اور واگڑ  دیکھنے کا بھی موقع ملا جسے گنگا کے طور پر قابل احترام ماں ماہی کہا جاتا ہے۔  وزیر اعظم نے کہا کہ ماہی کا پانی ہندوستان کی قبائلی برادریوں کے، خود کو ماحول کے مطابق بنانے اور ان کی  جدوجہد کی علامت ہے ۔  انہوں نے مہایوگی گووند گرو جی کی متاثر کن قیادت پر روشنی ڈالی ، جن کی میراث ہمیشہ برقرار ہے  اور  ماہی کا مقدس پانی اس عظیم داستان کا گواہ ہے۔  جناب مودی نے ماں تریپورہ سندری اور ماں ماہی کو خراج عقیدت پیش کیا اور عقیدت اور بہادری کی اس سرزمین سے انہوں نے مہارانا پرتاپ اور راجہ بنشیا بھیل کو بھی خراج عقیدت پیش کیا ۔

جناب مودی نے کہا کہ نوراتری کے دوران ، قوم نو شکلوں میں شکتی کی پوجا کرتی ہے ، اور بانسواڑہ میں آج کا بڑا پروگرام توانائی کی پیداوار-ارجا شکتی کے لیے وقف ہے ۔  انہوں نے اس بات پر روشنی ڈالی کہ ہندوستان کے بجلی کے شعبے میں راجستھان کی مٹی سے ایک نیا باب لکھا جا رہا ہے ۔  وزیر اعظم نے راجستھان ، مدھیہ پردیش ، آندھرا پردیش ، کرناٹک اور مہاراشٹر میں 90,000 کروڑ روپے سے زیادہ کے بجلی منصوبوں کے آغاز کا اعلان کیا ۔  انہوں نے زور دے کر کہا کہ اس طرح کے بڑے پیمانے کے پروجیکٹوں کا بیک وقت آغاز توانائی کے شعبے میں ہندوستان کی تیز تر ترقی کی عکاسی کرتا ہے ، جس میں ملک کے ہر خطے سے تعاون حاصل ہے اور اس میں تمام ریاستوں کو ترجیح دی جارہی ہے ۔  راجستھان میں  ماحول کے لیے سازگار توانائی کے منصوبوں اور ٹرانسمیشن لائنوں کا سنگ بنیاد رکھا گیا ہے ۔  جناب مودی نے شمسی توانائی کے پروجیکٹوں کا بھی افتتاح کیا اور بانسواڑہ میں راجستھان ایٹمی توانائی پروجیکٹ کے آغاز کا اعلان کیا ۔  انہوں نے اس بات پر زور دیا کہ شمسی توانائی سے لے کر جوہری توانائی تک ، ہندوستان بجلی پیدا کرنے کی صلاحیت میں نئی بلندیوں  پر پہنچ رہا ہے ۔

وزیر اعظم نے کہا کہ ‘‘ٹیکنالوجی اور صنعت کے آج کے دور میں ترقی بجلی کی طاقت پر کی جاتی ہے ؛ بجلی سے روشنی ، رفتار ، ترقی ، رابطے اور عالمی رسائی ہوتی ہے’’ ۔  انہوں نے بجلی کی اہمیت کو نظر انداز کرنے پر پچھلی حکومتوں پر تنقید کی ۔  جناب مودی نے کہا کہ جب 2014 میں ان کی حکومت اقتدار میں آئی تو 2.5 کروڑ گھروں میں بجلی کے کنکشن نہیں تھے اور آزادی کے 70 سال بعد بھی 18,000 دیہی علاقوں میں  بجلی کا ایک بھی  کھمبا نہیں  تھا ۔  انہوں نے اس بات پر روشنی ڈالی کہ بڑے شہروں کو گھنٹوں بجلی کی کٹوتیوں کا سامنا کرنا پڑتا تھا ، اور دیہی علاقوں میں ، یہاں تک کہ 5 – 4 گھنٹے  کی بجلی کو بھی بہت اہم سمجھا جاتا ہے ۔  بجلی کی عدم موجودگی نے فیکٹری کی کارروائیوں اور نئی صنعتوں کے قیام میں رکاوٹ پیدا کی ، جس سے راجستھان جیسی ریاستیں اور پورا ملک متاثر ہوا ۔  وزیر اعظم نے اس بات کی تصدیق کی کہ 2014 میں ان کی حکومت نے اس صورتحال کو تبدیل کرنے کا عزم کیا تھا ۔  انہوں نے کہا کہ ہر گاؤں تک بجلی پہنچائی گئی اور 2.5 کروڑ گھروں کو مفت کنکشن ملے ۔  جہاں بھی بجلی کی لائنیں پہنچیں ، بجلی  کے ذریعے  زندگی کو آسان بنانے  اور نئی صنعتوں کو ترقی دینے  کا  خیرمقدم کیا گیا۔

 وزیر اعظم نے کہا کہ 21 ویں صدی میں کسی بھی ملک کو تیزی سے ترقی کرنے کے لیے اسے اپنی بجلی کی پیداوار کو بڑھانا ہوگا ۔  انہوں نے اس بات پر زور دیا کہ سب سے زیادہ کامیاب ممالک وہ ہوں گے جو صاف ستھری توانائی کے شعبے  میں پیش پیش رہیں  گے ۔  جناب مودی نے پی ایم سوریا گھر مفت بجلی یوجنا کے ، جس کے تحت شہری اور دیہی دونوں علاقوں میں چھتوں پر شمسی پینل لگائے جا رہے ہیں ،  آغاز کا اعلان کرتے ہوئے کہا کہ ‘‘ہماری حکومت صاف ستھری توانائی کے مشن کو عوامی تحریک میں تبدیل کر رہی ہے’’ ۔  کسانوں کے لیے سستی بجلی کو یقینی بنانے کے لیے کھیتوں میں پی ایم-کسم اسکیم ‘‘زرعی شمسی پمپ لگانے میں سہولت فراہم کر رہی ہے ۔  وزیر اعظم نے کہا کہ آج ریاستوں میں کئی شمسی پروجیکٹوں کا افتتاح کیا گیا ہے ، جس سے لاکھوں کسانوں کو براہ راست فائدہ ہوگا ۔  انہوں نے اس بات کا اعادہ کیا کہ پی ایم سوریا گھر اسکیم گھروں کے لیے مفت بجلی فراہم کرتی ہے ، جبکہ پی ایم-کسم اسکیم کھیتوں کے لیے مفت بجلی کو یقینی بناتی ہے ۔  جناب مودی نے پی ایم-کسم اسکیم کے مستفیدین کے ساتھ اپنی سابقہ بات چیت کا ذکر کیا   جنہوں نے بتایا تھا کہ شمسی توانائی سے حاصل ہونے  والی مفت بجلی ان کی زندگیوں میں ایک بڑی نعمت بن گئی ہے ۔

جناب مودی نے کہا ، ‘‘ہندوستان ایک ترقی یافتہ ملک بننے کے لیے تیز رفتار سے کام کر رہا ہے ، راجستھان اس سفر میں اہم کردار ادا کر رہا ہے ۔  انہوں نے راجستھان کے لوگوں کے لیے 30,000 کروڑ روپے کے اضافی پروجیکٹ شروع کرنے کا اعلان کیا ، جس کا مقصد پانی ، بجلی اور صحت کی دیکھ بھال تک رسائی کو بہتر بنانا ہے ۔  وزیر اعظم نے وندے بھارت سروس سمیت تین نئی ٹرینوں کو جھنڈی دکھا کر روانہ کیا ۔  انہوں نے روزگار کے نئے موقعے پیدا کرنے کی ملک گیر مہم پر روشنی ڈالی ، جس کے تحت راجستھان میں 15,000 نوجوانوں کو آج سرکاری ملازمتوں کے لیے تقرر نامے موصول ہوئے ۔  جناب مودی نے ان نوجوانوں کو اپنی زندگی میں ایک نئے باب کا آغاز کرنے پر نیک خواہشات پیش کیں اور راجستھان کے لوگوں کو ان ترقیاتی اقدامات کے آغاز پر مبارکباد دی ۔

اس بات پر اطمینان کا اظہار کرتے ہوئے کہا  کہ راجستھان میں ان کی حکومت ریاست کی ترقی کے لیے پوری دیانتداری کے ساتھ کام کر رہی ہے ، وزیراعظم نے کہا کہ پچھلی حکومت کی جانب سے بدانتظامی اور استحصال کے ذریعے راجستھان کو لگنے والے زخموں کو اب موجودہ انتظامیہ بھر رہی ہے ۔  جناب مودی نے الزام لگایا کہ اپوزیشن کے دور حکومت میں راجستھان پیپر لیک کا مرکز بن گیا تھا اور جل جیون مشن کو بدعنوانی کا نشانہ بنایا گیا تھا ۔  انہوں نے اس بات پر روشنی ڈالی کہ خواتین کے خلاف مظالم عروج پر پہنچ چکے ہیں اور مجرموں کو تحفظ فراہم کیا جا رہا ہے ۔  انہوں نے نشاندہی کی کہ حزب اختلاف کے دور میں بانسواڑہ ، ڈونگر پور اور پرتاپ گڑھ جیسے علاقوں میں جرائم اور شراب کی غیر قانونی تجارت میں اضافہ دیکھا گیا ۔  وزیر اعظم نے کہا کہ ایک بار جب لوگوں نے انہیں موقع دیا تو امن و امان  مستحکم ہوا اور ترقی کی رفتار تیز ہوئی ۔  انہوں نے کہا کہ پورے  راجستھان میں شاہراہوں اور ایکسپریس ویز کے بڑھتے ہوئے نیٹ ورک کے ساتھ اب بڑے پروجیکٹوں پر عمل درآمد کیا جا رہا ہے ۔  وزیر اعظم نے اس بات کی تصدیق کی کہ ان کی حکومت راجستھان ، خاص طور پر جنوبی راجستھان کو ترقی کے تیز رفتار راستے پر لے جا رہی ہے ۔

اس بات کا ذکر کرتے ہوئے کہ آج پنڈت دین دیال اپادھیائے کا یوم پیدائش ہے ، جنہوں نے قوم کو انتیودے کا اصول دیا-  معاشرے کے تمام تر لوگوں کی ترقی کے بارے میں جناب مودی نے اس بات پر زور دیا کہ یہ وژن اب حکومت کا مشن بن گیا ہے ۔  انہوں نے کہا کہ انتظامیہ غریبوں ، دلتوں ، پسماندہ طبقات اور قبائلی برادریوں کی فلاح و بہبود کے لیے خدمت کے گہرے احساس کے ساتھ کام کر رہی ہے ۔

قبائلی برادری کو مسلسل نظر انداز کرتے رہنے اور ان کی ضروریات کو سمجھنے میں ناکام رہنے پر اپوزیشن کی  تنقید کرتے ہوئے وزیر اعظم نے زور ددے کر کہا کہ یہ ان کی حکومت ہے جس نے ایک خصوصی وزارت قائم کرکے قبائلی بہبود کو ترجیح دی ، پہلی بار وزیر اعظم اٹل بہاری واجپئی جی کی قیادت میں قبائلی امور کے لیے ایک علیحدہ وزارت بنائی گئی ۔  وزیر اعظم نے کہا کہ اپوزیشن کے دور حکومت میں اس طرح کے بڑے پیمانے کے منصوبوں کا قبائلی علاقوں تک پہنچنا ناقابل تصور تھا ۔  انہوں نے اس بات کی تصدیق کی کہ ان کی حکومت میں یہ پیش رفت اب حقیقت بن رہی ہے ۔  انہوں نے مدھیہ پردیش کے دھار میں ایک بڑے پی ایم مترا پارک کے آغاز کا اعلان کیا ، جس سے قبائلی کسانوں کو نمایاں فوائد حاصل ہوں۔

اس بات کا ذکر کرتے ہوئے کہ یہ ان کی پارٹی کی کوششوں کے ذریعے ہے کہ ایک غریب قبائلی خاندان کی بیٹی ، محترمہ دروپدی مرمو ، بھارت کی صدر بن گئی ہیں ،  جناب مودی نے اس بات پر روشنی ڈالی کہ صدر نے خود سب سے زیادہ پسماندہ قبائلی برادریوں کا مسئلہ اٹھایا ، جس سے پی ایم جن مان یوجنا کے آغاز کو تحریک ملی۔  اس پہل کے تحت قبائلی معاشرے میں سب سے زیادہ محروم طبقات کو خصوصی ترجیح دی جا رہی ہے ۔  وزیر اعظم نے کہا کہ دھرتی اب جن جاتیہ گرام اتکرش ابھیان کے ذریعے قبائلی علاقوں کو جدید بنایا جا رہا ہے ، جس سے پانچ کروڑ سے زیادہ قبائلی شہریوں کو فائدہ ہو رہا ہے ۔  انہوں نے مزید کہا کہ ملک بھر میں سینکڑوں ایکلویہ ماڈل رہائشی اسکول قائم کیے جا رہے ہیں ۔  وزیر اعظم نے اس بات کی تصدیق کی کہ حکومت نے جنگلاتی باشندوں اور درج فہرست قبائل کے جنگلات کے حقوق کو بھی تسلیم کیا ہے ۔

جناب مودی نے کہا کہ ہندوستان کی قبائلی برادریاں ہزاروں سال سے جنگلات کے وسائل کو مستقل طور پر استعمال کر رہی ہیں ۔  یہ یقینی بنانے کے لیے کہ یہ وسائل ان کے لیے ترقی کا ذریعہ بنیں ، حکومت نے ون دھن یوجنا کا آغاز کیا ۔  انہوں نے کہا کہ جنگلاتی پیداوار کے لیے کم سے کم امدادی قیمت (ایم ایس پی) میں اضافہ کیا گیا ہے اور قبائلی مصنوعات کو بازار تک رسائی سے مربوط کیا  گیا۔  وزیر اعظم نے کہا  کہ اس کے نتیجے میں ، پورے ہندوستان میں جنگلات کی پیداوار میں ریکارڈ اضافہ دیکھا  گیا ہے ۔

قبائلی برادری کے وقار کے ساتھ زندگی گزارنے کو یقینی بنانے کے لیے حکومت کے عزم کا اعادہ کرتے ہوئے وزیر اعظم نے کہا کہ ان کے عقیدے ، عزت نفس اور ثقافتی ورثے کا تحفظ ایک پختہ عزم ہے ۔  انہوں نے زور دے کر کہا کہ جب ایک عام شہری کی زندگی آسان ہو جاتی ہے تو وہ خود ہی ملک کی ترقی کو آگے بڑھانے میں پہل کرتے ہیں ۔  انہوں نے حزب اختلاف کی حکمرانی کے تحت 11 سال پہلے کے سنگین حالات کو یاد کرتے ہوئے انہیں شہریوں کے استحصال اور منظم لوٹ مار سے منسوب کیا ۔  انہوں نے اشارتاً کہا کہ اس عرصے کے دوران ٹیکس اور افراط زر ریکارڈ اونچائی پر تھے ۔  وزیراعظم نے کہا کہ ایک بار جب عوام نے ان کی حکومت کو ترجیح دی تو اس سے اپوزیشن کے استحصال پر مبنی طریقوں کا خاتمہ ہو گیا ۔

جناب مودی نے کہا کہ 2017 میں جی ایس ٹی کے نفاذ نے ملک کو ٹیکسوں اور ٹول کے پیچیدہ جال سے آزاد کرایا ۔  انہوں نے  کہا کہ اس سال نوراتری کے پہلے دن ، جی ایس ٹی میں ایک بڑی اصلاح کی گئی ، جس کے نتیجے میں پورے ہندوستان میں جی ایس ٹی سیونگ فیسٹیول منایا گیا ۔  وزیر اعظم نے کہا کہ روزمرہ کی زیادہ تر اشیاء زیادہ سستی ہو گئی ہیں ۔  خواتین کے بڑے اجتماع سے خطاب کرتے ہوئے ، انہوں نے  خاص طور پر کہا کہ گھریلو باورچی خانے کے اخراجات میں نمایاں کمی آئی ہے ، جس سے ملک بھر میں ماؤں اور بہنوں کو براہ راست راحت ملی ہے ۔

انہوں نے کہا کہ 2014 سے پہلے ، صابن ، شیمپو ، ٹوتھ پیسٹ اور ٹوتھ پاؤڈر جیسی روزمرہ کی ضروریات پر 100 روپے خرچ کرنے کے نتیجے میں اپوزیشن حکومت کے تحت زیادہ ٹیکس کی وجہ سے کل 131 روپے کی لاگت آتی تھی ، جناب مودی نے کہا کہ اپوزیشن ہر 100 روپے کی خریداری پر 31 روپے ٹیکس لگاتی ہے ۔  2017 میں جی ایس ٹی کے نفاذ کے ساتھ ، اسی 100 روپے مالیت کے سامان کی قیمت 118 روپے  ہوتی ہے ، جو ان کی حکومت کے تحت 13 روپے کی براہ راست بچت کو نشان زد کرتی ہے ۔  22 ستمبر کو لاگو کی گئیں جی ایس ٹی اصلاحات کے بعد ، لاگت مزید کم ہو کر 105 روپے رہ گئی ہے ، جس کے نتیجے میں گزشتہ دور کے مقابلے میں کل 26 روپے کی بچت ہوئی ہے ۔  وزیر اعظم نے اس بات پر زور دیا کہ مائیں اور بہنیں گھریلو بجٹ کا احتیاط سے استعمال کرتی ہیں ، اور نئے ٹیکس نظام کے تحت ، خاندان اب ہر ماہ سینکڑوں روپے بچا رہے ہیں ۔

انہوں نے کہا کہ جوتے سب کے لیے ایک بنیادی ضرورت ہیں ، وزیراعظم نے کہا کہ پچھلی حکومت کے اصول کے تحت ، 75 روپے ٹیکس کے بوجھ کی وجہ سے 500 روپے کے جوتے کی قیمت 575 روپے ہوتی تھی ۔  جی ایس ٹی کے نفاذ کے بعد  ، اس ٹیکس میں 15 روپے کی کمی واقع ہوگئی ۔  تازہ ترین جی ایس ٹی اصلاحات کے بعد ، اسی جوتے کی قیمت اب 50 روپے کم  ہو گئی ہے ۔  وزیر اعظم نے کہا  کہ اس سے پہلے ، 500 روپے سے زیادہ کی قیمت والے جوتوں پر اور بھی زیادہ ٹیکس لگایا جاتا تھا ۔  انہوں نے زور دے کر کہا کہ حکومت نے اب 2500 روپے تک کی قیمت والے جوتوں پر ٹیکس کی شرحوں میں خاطر خواہ طریقے کمی کی ہے ، جس سے وہ عام شہری کے لیے زیادہ سستے  ہو گئے ہیں ۔

جناب مودی نے مزید کہا کہ سکوٹر یا موٹر سائیکل کا مالک ہونا ہر گھر کی عام  خواہش ہے ، لیکن اپوزیشن کے دور حکومت میں یہ بھی پہنچ سے باہر تھا ۔  انہوں نے انہوں نے کہا کہ حزب اختلاف نے 60,000 روپے کی موٹر سائیکل پر 19,000 روپے سے زیادہ کا ٹیکس عائد کیا  ہوا تھا۔  2017 میں جی ایس ٹی کے نفاذ کے ساتھ ، اس ٹیکس میں 2500 روپے کی کمی واقع ہوئی ۔  22 ستمبر کو نافذ کردہ نظر ثانی شدہ شرحوں کے بعد ، اُسی موٹر سائیکل  پر اب محض  10,000 روپے ٹیکس وصول کیا جاتا  ہے-جس کے نتیجے میں 2014 کے مقابلے  9,000 روپے کا براہ راست فائدہ ہوتا ہے ۔

وزیر اعظم نے کہا کہ سابقہ حکومت کے اصول کے تحت گھر کی تعمیر ناممکن حد تک مہنگی تھی۔  انہوں نے  کہا  کہ 300  روپے کے سیمنٹ کی بوری پر 90 روپے سے زیادہ کا ٹیکس لگتا تھا ۔  2017 میں جی ایس ٹی کے نفاذ کے  بعد  ، اس ٹیکس میں تقریباً 10 روپے کی کمی واقع ہوئی ۔  22 ستمبر کو نافذ کی گئی تازہ ترین جی ایس ٹی اصلاحات کے بعد ، اسی سیمنٹ بیگ  پر اب ٹیکس میں صرف 50 روپے خرچ کرتا ہوتے ہیں۔ جس کے نتیجے میں 2014 کے مقابلے میں 40 روپے کی براہ راست بچت ہوتی ہے ۔  جناب مودی نے کہا کہ اپوزیشن پارٹی کے دور حکمرانی میں ضرورت سے زیادہ ٹیکس لگائے گئے تھے۔ لیکن ان کی حکومت نے عام شہری کے لیے بچت کے دور کا آغاز کیا ہے ۔

اس بات پر زور دیتے ہوئے کہ جی ایس ٹی سیونگ فیسٹیول کے دوران جناب مودی نے کہا کہ ہمیں خود کفیل ہندوستان کے ہدف کو نہیں بھولنا چاہیے ۔  انہوں نے مزید کہا کہ سودیشی کے منتر کو فراموش نہیں کیا جانا چاہیے۔  جناب مودی نے زور دے کر کہا کہ جو ہم بیچتے ہیں وہ سودیشی ہونا چاہیے ، اور جو ہم خریدتے ہیں وہ بھی سودیشی ہونا چاہیے ۔  انہوں نے شہریوں کی حوصلہ افزائی کی کہ وہ فخر سے اعلان کریں کہ ‘‘یہ سودیشی ہے’’۔  وزیر اعظم نے کہا کہ جب لوگ سودیشی مصنوعات خریدتے ہیں تو پیسہ ملک کے اندر ہی رہتا ہے-مقامی کاریگروں ، مزدوروں اور تاجروں تک پہنچتا ہے ۔  یہ رقم بیرون ملک جانے کے بجائے براہ راست قومی ترقی کے راستے  میں  خرچ ہوتی ہے ، جس سے نئی شاہراہیں اور سڑکیں بنانے میں مدد ملتی ہے ۔  انہوں نے سبھی سے  زور دے کر کہا کہ وہ سودیشی کو قومی فخر کی علامت بنائیں ۔  وزیر اعظم نے شہریوں سے تہواروں کے موسم میں صرف سودیشی سامان خریدنے کا عہد کرنے کی اپیل کی اور ایک بار پھر ترقی اور روزگار سے منسلک منصوبوں کے آغاز پر مبارکباد دی ۔

راجستھان کے گورنر جناب ہری بھاؤ کسان راؤ باگڑے ، راجستھان کے وزیر اعلی جناب بھجن لال شرما ، مرکزی وزیر جناب پرہلاد جوشی اور دیگر معززین اس تقریب میں موجود تھے ۔

پس منظر

سب کے لیے سستی ، قابل اعتماد اور پائیدار بجلی کی فراہمی کو یقینی بنانے کے لیے ہندوستان کے بجلی کے شعبے کو تبدیل کرنے کے اپنے عزم کے مطابق ، وزیر اعظم نے انو شکتی ودھیوت نگم لمیٹڈ (اشونی) ماہی بانسواڑہ راجستھان ایٹمک پاور پروجیکٹ (4X700 میگاواٹ) کا سنگ بنیاد رکھا جس کی مالیت تقریبا 42,000 کروڑ روپے ہے ۔  یہ قابل اعتماد بیس لوڈ توانائی کی فراہمی کرنے والے ملک کے سب سے بڑے جوہری پلانٹس میں سے ایک ہوگا اور ماحولیاتی انتظام اور جوہری توانائی کے منظر نامے میں ہندوستان کی پوزیشن کو مضبوط کرے گا ۔  آتم نربھر بھارت کے جذبے کو آگے بڑھاتے ہوئے،  ماہی بنسواڑہ راجستھان ایٹمک پاور پروجیکٹ جدید حفاظتی خصوصیات کے ساتھ چار مقامی 700 میگاواٹ پریشرائزڈ ہیوی واٹر ری ایکٹرز پر مشتمل ہے ، جسے این پی سی آئی ایل نے ڈیزائن اور تیار کیا ہے ۔  یہ ہندوستان کی وسیع تر ‘‘فلیٹ موڈ’’ پہل کا حصہ ہے ، جہاں یکساں ڈیزائن اور خریداری کے منصوبوں کے تحت پورے ہندوستان میں 700 میگاواٹ کے دس یکساں ری ایکٹر بنائے جا رہے ہیں ۔  یہ پروجیکٹ لاگت کی استعداد ، تیزی سے تعیناتی اور مربوط کام کاج کی مہارت لائے گا ۔

ہندوستان کے صاف ستھری توانائی سے متعلق بنیادی ڈھانچے کو ایک بڑا فروغ دیتے ہوئے ، وزیر اعظم نے راجستھان میں تقریبا 19,210 کروڑ روپے کے گرین انرجی پروجیکٹوں کا افتتاح  کیا اور سنگ بنیاد رکھا ۔  انہوں نے فلودی ، جیسلمیر ، جالور اور  سیکر سمیت دیگر مقامات پر شمسی پروجیکٹوں کا افتتاح کیا ۔  انہوں نے بیکانیر میں شمسی پروجیکٹ کا سنگ بنیاد بھی رکھا ۔ اس کے علاوہ  ، وہ آندھرا پردیش کے راماگیری میں شمسی پارک کا سنگ بنیاد بھی رکھیں گے ۔  یہ منصوبے ہندوستان کی صاف ستھری توانائی کی صلاحیت میں نمایاں کردار ادا کریں گے ، جس سے کاربن ڈائی آکسائیڈ کے لاکھوں ٹن اخراج کو روکنے کے ساتھ ساتھ کافی مقدار میں ماحول کے لیے سازگار توانائی پیدا ہوگی ۔

وزیر اعظم نے حکومت ہند کے قابل تجدید توانائی زون (آر ای زیڈ) پہل کے تحت 13180 کروڑ روپے سے زیادہ کے تین پاور ٹرانسمیشن پروجیکٹوں کا سنگ بنیاد رکھا ، جس کا مقصد 2030 تک آٹھ ریاستوں میں 181.5 گیگاواٹ قابل تجدید توانائی کی صلاحیت کو فروغ دینا ہے ۔  لوڈ سینٹرز کی طرف اس قابل تجدید توانائی کے موثر پھیلاؤ کو یقینی بنانے اور گرڈ کے استحکام کو بڑھانے کے لیے پاور گرڈ راجستھان آر ای زیڈ کے لیے کلیدی ٹرانسمیشن سسٹم نافذ کر رہا ہے ۔

اس میں راجستھان کے بیور علاقے سے مدھیہ پردیش کے مندسور تک 765 کے وی ٹرانسمیشن لائنیں اور متعلقہ سب اسٹیشنوں کی توسیع ؛ راجستھان کے سروہی سے مندسور اور مدھیہ پردیش کے کھنڈوا تک ، سروہی سب اسٹیشن پر تبدیلی کی صلاحیت میں اضافہ اور مندسور اور کھنڈوا سب اسٹیشنوں پر توسیع ؛ اور راجستھان کے شہر بیکانیر سے ہریانہ کے س علاقوں یوانی اور فتح آباد اور پنجاب کے  علاقے پاترن تک 765 کے وی اور 400 کے وی ٹرانسمیشن لائن کے ساتھ ساتھ بیکانیر میں سب اسٹیشنوں کا قیام اور سیوانی سب اسٹیشن کی توسیع شامل ہے ۔  مجموعی طور پر ، یہ پروجیکٹ راجستھان میں پیداوار مرکز سے پورے ہندوستان میں مستفید ہونے والی ریاستوں کے  ڈیمانڈ سینٹرز کو 15.5 گیگاواٹ گرین انرجی کی بلا رکاوٹ منتقلی کی سہولت فراہم کریں گے ۔

وزیر اعظم نے جیسلمیر اور بیکانیر میں تین گرڈ سب اسٹیشنوں (جی ایس ایس) کا سنگ بنیاد رکھا جس میں 220 کے وی اور متعلقہ لائنیں شامل ہیں ۔  وہ باڑمیر ضلع کے شیو میں 220 کے وی جی ایس ایس کا بھی افتتاح کریں گے ۔  490 کروڑ روپے سے زیادہ مالیت کے یہ منصوبے خطے میں توانائی کی حفاظت کو یقینی بنانے میں نمایاں کردار ادا کریں گے ۔

کسانوں کو بااختیار بنانے کے اپنے عزم کے مطابق ، وزیر اعظم نے راجستھان ، مہاراشٹر ، مدھیہ پردیش اور کرناٹک کی ریاستوں میں پی ایم-کسم (پردھان منتری کسان اورجا سرکشا ایوم اتھان مہاابھیان) اسکیم (جزو -سی) کے تحت 16,050 کروڑ روپے سے زیادہ مالیت کے 3517 میگاواٹ کے فیڈر لیول سولرائزیشن پروجیکٹوں کا افتتاح کیا ۔  بجلی کی لاگت کو کم کرکے ، آبپاشی کے اخراجات کو کم کرکے اور دیہی توانائی پر خود کفالت کو فروغ دے کر لاکھوں کسانوں کو فائدہ پہنچانے والی سستی ، قابل اعتماد اور پائیدار آبپاشی کی بجلی کو یقینی بنانے کے لیے زرعی فیڈروں کو شمسی بنایا جا رہا ہے ۔

رامجل سیتو لنک پروجیکٹ کو ایک بڑا فروغ دیتے ہوئے اور پانی کی حفاظت کے اپنے وژن کو آگے بڑھاتے ہوئے ، وزیر اعظم نے راجستھان میں 20,830 کروڑ روپے سے زیادہ کے متعدد آبی وسائل کے منصوبوں کا سنگ بنیاد رکھا اور ان کا افتتاح کیا ۔  وہ اساردا سے مختلف فیڈروں کی تعمیر ، اجمیر ضلع میں مور ساگر مصنوعی ذخائر اور چتوڑ گڑھ سے اس کے فیڈر کی تعمیر کا سنگ بنیاد رکھیں گے ۔  دیگر کاموں میں بسالپور ڈیم میں انٹیک پمپ ہاؤس ، کھاری فیڈر کی بحالی اور مختلف دیگر فیڈر کینال کے کام شامل ہیں ۔  وزیر اعظم نے اساردا ڈیم ، ڈھول پور لفٹ پروجیکٹ ، تکلی پروجیکٹ کا بھی افتتاح کیا ۔

سب کے لیے محفوظ اور صاف پینے کے پانی کے عزم کے مطابق ، وزیر اعظم نے اٹل مشن برائے احیا اور شہری تبدیلی (امرت) 2.0 کے تحت بانسواڑہ ، ڈونگر پور ، ادے پور ، سوائی مادھو پور ، چورو ، اجمیر ، بھیلواڑہ اضلاع میں 5880 کروڑ روپے سے زیادہ کے پینے کے پانی کی فراہمی کے بڑے منصوبوں کا سنگ بنیاد رکھا ۔

سڑک کے بنیادی ڈھانچے کو ایک بڑا فروغ دیتے ہوئے وزیر اعظم نے بھرت پور شہر میں فلائی اوورز کی تعمیر ، دریائے بناس پر ایک پل اور 116 اٹل پرگتی پتھ پروجیکٹوں کا سنگ بنیاد رکھا ۔  انہوں نے باڑمیر ، اجمیر ، ڈونگر پور اضلاع میں قومی اور ریاستی شاہراہوں سے متعلق متعدد سڑک پروجیکٹوں کا افتتاح کیا اور انہیں ملک  کے نام وقف کیا ۔  2630کروڑ روپے سے زیادہ کے ان پروجیکٹوں سے علاقائی سڑک رابطے میں بہتری آئے گی ، ہموار ٹریفک کو یقینی بنایا جائے گا اور سڑک کی حفاظت میں اضافہ ہوگا ۔

وزیر اعظم نے بھرت پور میں 250 بستروں والے آر بی ایم اسپتال ، جے پور میں ایک آئی ٹی ڈیولپمنٹ اور ای گورننس سینٹر ، مکرانہ شہر میں ٹریٹمنٹ پلانٹس اور پمپنگ اسٹیشنوں سمیت سیوریج سسٹم اور منڈاوا اور جھنجھنو ضلع میں سیوریج اور پانی کی فراہمی کے منصوبے کا بھی افتتاح کیا ۔

ریل رابطے کو ایک بڑا فروغ دیتے ہوئے ، وزیر اعظم نے تین ٹرینوں ، بیکانیر اور دلی کینٹ کے درمیان وندے بھارت ایکسپریس ٹرین ، جودھ پور اور دلی کینٹ کے درمیان وندے بھارت ایکسپریس ٹرین اور ادے پور سٹی-چنڈی گڑھ ایکسپریس کو جھنڈی دکھا کر روانہ کیا ۔  یہ ٹرینیں راجستھان اور دیگر شمالی ریاستوں کے درمیان رابطے کو خاطر خواہ طور پر بہتر بنائیں گی ۔

انہوں نے سب کے لیے روزگار کے اپنے وژن کو آگے بڑھاتے ہوئے ، راجستھان میں سرکاری محکموں اور تنظیموں میں نومنتخب نوجوانوں کو 15,000 سے زیادہ تقرری کے خطوط تقسیم کریں ۔  ان میں 5770 سے زیادہ اینیمل اٹینڈنٹ ، 4190 جونیئر اسسٹنٹ ، 1800 جونیئر انسٹرکٹر ، 1460 جونیئر انجینئر ، 1200 تھرڈ گریڈ لیول-2 -  ٹیچر شامل ہیں ۔

…………………….

ش ح، ا س ۔ ت ح

Uno-6600