প্রধানমন্ত্রীগী লোইশঙ
মপোক নুমিত্ত য়াইফ পাউজেল পীরকপগীদমক প্রধান মন্ত্রীনা মালেমগী লুচিংবশিং থাগৎপা ফোঙদোকখ্রে
থাগৎখিবা:
17 SEP 2025 3:09PM by PIB Imphal
ঙসি মহাক্কী ৭৫ শুবা মপোক নুমিৎত্ত য়াইফ পাউজেল পীরকপগীদমক প্রধান মন্ত্রী শ্রী নরেন্দ্র মোদীনা মালেমগী লুচিংবশিং থাগৎপা ফোঙদোকখ্রে।
গয়ানাগী রাষ্ট্রপতি দোক্তর ইরফান অলীদা পীবা পাউখুম অমদা, প্রধান মন্ত্রীনা হায়খি;
“অদোমগী য়াইফ পাউজেলগীদমক, রাষ্ট্রপতি দোক্তর ইরফান অলী, অদোম থাগৎচরি। ভারত অমসুং গয়ানা অনিগী মরক্ত লৈনরিবা অচেৎপা মরুপ-মপাংগী মরী অমসুং অমনা অমবু থাজনবগী মমি তারিবা অদোমগী নুংশিরবা পাউজেল অসিনা ঐ পেনহল্লে”।
ন্যু জিলেন্দগী প্রধান মন্ত্রী খৃষ্টোফর লুক্সন্দা পীবা পাউখুম অমদা, প্রধান মন্ত্রীনা হায়খি;
“অদোমগী য়াইফ পাউজেলগীদমক, প্রধান মন্ত্রী খৃষ্টোফর লুক্সন, অদোম থাগৎচরি। ঐখোয়গী মরুপ-মপাংগী মরী ঐনা লুম্না লৌরি। বিকসিত ভারত ২০৪৭ গী মাইকৈদা চঙশিল্লিবা ভারতকী খোঙচত্ত ন্যু জিলেন্দ মরুওইবা খোঙলোয় অমনি”।
অষ্ট্রেলিয়াগী প্রধান মন্ত্রী এন্থোনি অলবানিসতা পীবা পাউখুম অমদা, প্রধান মন্ত্রীনা হায়খি;
“অদোমগী য়াইফ পাউজেলগীদমক, প্রধান মন্ত্রী এন্থোনি অলবানিস, অদোম থাগৎচরি। ইন্দিয়া-অষ্ট্রেলিয়া কমপ্রেহেন্সিপ ষ্ট্রাতেজিক পার্তনরশিপ মখা তানা মপাঙ্গল কনখৎহন্নবা অমসুং মীগা-মীগা লৈনবা ঐখোয়গী অচেৎপা মরীশিং ফগৎনবা ঐনা থাজবা থম্লি”।
ভুতানগী প্রধান মন্ত্রী সেরিং তোবগেদা পীবা পাউখুম অমদা, প্রধান মন্ত্রীনা হায়খি;
“অদোমগী য়াইফ পাউজেলগীদমক, প্রধান মন্ত্রী সেরিং তোবগে, অদোম থাগৎচরি। ভুতানগা ঐখোয়গা লৈনরিবা অখন্নবা মরী অসি মখা তানা ফগৎনবা অদোমগা লোয়ননা থবক তৌমিন্ননবা ঐনা থাজবা থম্লি”।
দোমিনিকাগী প্রধান মন্ত্রী রোজভেল্ত স্কেরিত্ত পীবা পাউখুম অমদা, প্রধান মন্ত্রীনা হায়খি;
“অদোমগী য়াইফ পাউজেলগীদমক, প্রধান মন্ত্রী স্কেরিত, অদোম থাগৎচরি। দোমিনিকাগা লৈনরিবা অচেৎপা মরুপ-মপাংগী মরী ভারতনা লুম্না লৌরি”।
***
(রিলিজ আই.দি.: 2167723)
ভিজিতর কাউন্তর : 29
রিলিজ অসি মসিদা পাবীয়ু:
Odia
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam