প্রধান মন্ত্রী শ্রী নরেন্দ্র মোদী সেপ্তেম্বর 17দা মধ্য প্রদেশতা চৎকনি। মহাক্না নুমিৎ য়ুংবা পুং 12 রোম তাবদা ধারদা "স্বচ্ছ নারী সশক্ত পরিৱার" অমসুং "8শুবা রাস্ত্রীয় পোশান মাহ" কেম্পেন হৌদোক্কনি। থৌরম অদুদা মহাক্না অতোপ্পা থৌশিলগী উরেপ উয়ুংসু তমগনি অমসুং হৌদোক্কনি অমসুং মীয়ামদা ৱা ঙাংগনি।

হকশেল, পোশান, ফিৎনেস অমসুং স্বস্থা অমসুং সশক্ত ভারতকী মহাক্কী অচেৎপা ফিরেপ অদুগী মতুং ইন্না প্রধান মন্ত্রীনা "স্বচ্ছ নরী সশক্ত পরিৱার" অমসুং "8শুবা রাস্ত্রীয় পোশান মাহ" কেম্পেন হৌদোক্কনি। কেম্পেন অসি সেপ্তেম্বর 17তগী ওক্তোবর 2 ফাওবা আয়ুশ্মান আরোগ্য মন্দিরশিং, কম্ম্যুনিতী হেল্থ সেন্তরশিং, দিস্ত্রিক্ত হোস্পিতালশিং অমসুং লৈবাক শীনবা থুংনা লৈরিবা অতোপ্পা সরকারগী হেল্থ ফেসিলিতীশিংদা পাংথোক্কনি। লৈবাক অসিদা নুপী অমসুং অঙাংশিংগীদমক্তা খ্বাইদগী চাউবা হেল্থ আউৎরীচ অমা ওইহন্নবা হেল্থ কেম্প লাখ অমা হেন্না পাংথোক্কনি। লৈবাক শিনবা থুংনা লৈরিবা সরকারগী হেক্থ ফেসিলিতী পুম্নমক্তা নুমিৎ খুদিংগী হকশেলগী কেম্পশিং পাংথোক্কনি।

লৈবাক শীনবা থুংনা চত্থরিবা কেম্পেন অসিনা কম্ম্যুনিতিগী থাক্তা নুপীশিংদা মরুওইবা প্রিভেন্তিব, প্রোমোতিব অমসুং ক্যুরেতিব হেল্থ সর্ভিসশিং ফংহন্নবা হোৎনরি। মসিনা নন-কম্ম্যুনিকেবল দিজিজশিং, এনেমিয়া, ত্যুবরক্যুলোসিস অমসুং সিক্কল সেল লায়নাশিংবু স্ক্রিনিং তৌবা, ঙন্না খঙদোকপা অমসুং ত্রীৎমেন্তগী লিঙ্কশিং মপাঙ্গল কনখৎহল্লগনি অমরোমদা মমা, অঙাং অমসুং ইনখৎলক্লিবা অঙাংশিংগী হকশেল অসি প্রি-নেতেল কেয়র, ইম্ম্যুনাইজেসন, ন্যুত্রিসন, মেন্সচুএল হায়জিন, লাইফষ্টাইল অমসুং মেন্তেল হেল্থ এৱেরনেস এক্তিবিতীশিংগী খুত্থাংদা ফগৎহল্লগনি। মেদিকেল কোলেজশিং, দিস্ত্রিক্ত হোস্পিতালশিং, সেন্ত্রেল গভর্নমেন্ত ইন্সতিত্যুসনশিং অমসুং প্রাইবেৎ হোস্পিতালশিংগী খুত্থাংদা গাইনেকোলোজী, পেদিএত্রিক্স, আই, ENT, দেন্তেল, দর্মাতোলোজী অমসুং সাইকিয়াত্রী য়াওনা স্পেসিএলিস্ত সর্ভিসশিং মোবিলাইজ তৌগনি।

কেম্পেন অসিগী মখাদা লৈবাক শীনবা থুংনা ব্লদ দোনেসন দ্রাইবশিংসু শীনগনি। দোনরশিং অসি ই-রক্তকোশ পোর্তেলদা রেজিস্তর তৌগনি অমসুং মাইগোভকী খুত্থাংদা প্লেজ কেম্পেনশিং পাংথোক্কনি। বেনিফিসরীশিং অসি PM-JAY, অয়ুশ্মান ভায়া ভন্দানা অমসুং ABHAগী মখাদা মিং চনশিনগনি। কার্দ ভেরিফিকেসন অমসুং কমপ্লেন্ত রিদ্রেসেলগীদমক হেল্থ কেম্পশিংদা হেল্প দেস্কশিং লিংখৎকনি। নুপী অমসুং ইমুং মনুংগীদমক হোলিস্তিক হেল্থ অমসুং ৱেলনেস প্রেক্তিসশিং প্রমোৎ তৌনবা য়োগ সেসনশিং, আয়ুর্বেদ কন্সল্তেসনশিং অমসুং অতোপ্পা আয়ুশ সর্ভিসশিং পাংথোক্কনি। কেম্পেন অসিনা কম্ম্যুনিতীশিংবু হকশেল ফবা পুন্সি মহিংগী থবকশিং তৌনবা পুক্নিং থৌগৎকনি। মসিদা ওবিসিতী প্রিভেন্সন, অফবা ন্যুত্রিসন অমসুং ভোলুন্তরী ব্লদ দোনেসনদা অখন্নবা মীৎয়েং থমগনি। হোল ওফ সোসাইতী এপ্রোচ অমদা ন্যুত্রিসন, কাউন্সেলিং অমসুং কেয়রগা লোয়ননা TB অনাবশিংবু সপ্পোর্ত তৌনবা প্রজাশিংদা দিদিকেতেদ প্লেৎফোর্ম (www.nikshay.in) দা নিক্ষে মিত্রা ওইনা রেজিস্তর তৌনবা পুক্নিং থৌগৎকনি।

প্রধান মন্ত্রীনা প্রধান মন্ত্রী মাত্রু বন্দনা য়োজনাগী মখাদা লৈবা নুপীশিংগী বেঙ্ক একাউন্তশিংদা ক্লিক অমা খক্তনা ফন্দশিং ত্রান্সফর তৌগনি। লৈবাক অসিদা লৈরিবা নুপী লাখ 10রোম কান্নবা ফংগনি।

মমা অমসুং অঙাংগী হকশেলগী মতাংদা এৱেরনেস হেনগৎহন্নবা প্রধান মন্ত্রীনা সুমন সখী চেতবোত হৌদোক্কনি। চেত বোত অসিনা খুঙ্গংগী অমসুং অরাপ্পা মফমশিংদা লৈরিবা মীরোনবী নুপীশিংদা মতম চানা অচুম্বা ঈ-পাউ ফংহল্লগনি। মসিনা তঙাই ফদবা হকশেলগী সর্ভিসশিং ফংহল্লগনি।

সিক্কল সেল এনেমিয়াগী মায়োক্তা লৈবাক অসিনা পুন্না হোৎনরিবা অসিদা মখা তানা খুমাং চাউশিলহন্দুনা, প্রধান মন্ত্রীনা রাজ্য অসিগী ওইনা করোর অমশুবা সিকল সেল স্ক্রিনিং অমসুং কাউন্সেলিং কার্দ য়েন্থোক্কনি।

আদি কর্ময়োগী অভিয়ানগী শরুক অমা ওইনা, প্রধান মন্ত্রীনা ত্রাইবেলগী চাউথোকচবা অমসুং লৈবাক শেমগৎপগী ৱাখল্লোনগী মরীবু মশক তাক্কদবা এম.পি.গীদমক 'আদি সেবা পর্ভ' হৌদোক্কনি। ইনিসিয়েতিব অসিদা ত্রাইবেল রিজনশিংদা সর্ভিস ওরিয়েন্তেদ এক্তিবিতীশিংগী পরিং অমা য়াওগনি। মসিদা হকশেল, এজুকেসন, ন্যুত্রিসন, স্কিল দিবেলপমেন্ত, লাইবলিহুদ হেনগৎহনবা, সেনিতেসন, ৱাতর কঞ্জরবেসন, অমসুং এনভাইর্নমেন্ত প্রোতেক্সনদা মীৎয়েং থমগনি। ত্রাইবেল ভিলেজ এক্সন প্লান অমসুং ত্রাইবেল ভিলেজ ভিজন 2030দা অখন্নবা মীৎয়েং থমগনি। মসিগী পান্দমদি খুঙ্গং খুদিংমক্কীদমক সস্তেনেবল দিবেলপমেন্ত রোদমেপ শেমগৎপনি।

মহাক্কী 5F ভিজন - ফার্ম তু ফাইবর, ফাইবর তু ফেক্টরী, ফেক্টরী তু ফেসন, অমসুং ফেসন তু ফোরেনগী মতুং ইন্না, প্রধান মন্ত্রীনা ধারদা পি.এম. মিত্রা পার্ক শঙ্গাগনি। একর 2,150 হেন্না পাক চাউবা, পার্ক অসিদা মালেমগী থাক্কী ফেসিলিতীশিং লৈগনি। মসিগী মনুংদা কম্মন ইফ্ল্যুএন্ত ত্রিৎমেন্ত প্লান্ত, সোলর পৱার প্লান্ত, মোদর্ন রোদশিং য়াওদুনা ইন্দস্ত্রীএল তাউনশিপ অমা ওইহল্লগনি। মসিনা লৌমীশিংগী শেন্থোক হেনগৎহন্দুনা অমসুং মখোয়গী পোত্থোকশিংগী মমল হেনগৎহন্দুনা লমদম অসিদা লৈবা কত্তন লৌমীশিংদসু কান্নবা ফংহল্লগনি।

তেক্সতাইলগী তোঙান তোঙানবা কম্পনীশিংনা লুপা করোর 23,140 হেনবগী ইনভেস্তমেন্ত প্রপোজেলশিংগী থাজবা পীখ্রে। মসিনা অনৌবা ইন্দস্ত্রীশিং অমসুং অচৌবা থবক পীবগী লম্বী য়াৎলি। মসিনা এক্সপোর্তশিং চাউনা হেনগৎহন্দুনা চাউরাক্না থবক লাখ 3গী খুদোংচাবা পীগনি।

অকোয়বগী ফিভম ঙাক্নবা অমসুং নুপীশিংগী শেন্মিৎলোনদা শক্তি পীনবা মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা রাজ্য অসিগী এক বগিয়া মা কে নাম ইনিসিয়েতিবকী মখাদা নুপীশিংগী সেল্ফ হেল্প গ্রুপকী বেনিফিসরী অমদা উ পাম্বী অমা খুদোল ওইনা পীরগনি। মধ্য প্রদেশকী নুপী 10,000 হেনবনা 'মা কি বগিয়া' শেমগৎলগনি। নুপীগী কাংলুপশিংদসু পাম্বী ঙাকশেন্দুনা থম্নবগীদমক মথৌ তাবা রিসোর্স পুম্নমক ফংহল্লি।

***