শিঙ্গাপুরগী প্রধান মন্ত্রী লাওরেন্স ৱোংগী ভারত খোঙচৎকী থৌরমদা ভারত অমসুং শিঙ্গাপুরগী কমপ্রেহেন্সিপ ষ্ট্রাতেজিক পার্তনরশিপগী লম্বীগীদমক থোকখিবা অপুনবা ৱারোল

1. ভারতকী প্রধান মন্ত্রী শ্রী নরেন্দ্র মোদীনা চেপাউ পীবদগী শিঙ্গাপুরগী প্রধান মন্ত্রী লাওরেন্স ৱোং সরকারগী খোঙচৎ অমদা সেপ্তেম্বর ২ দগী সেপ্তেম্বর ৪,২০২৫ ফাওবদা ভারত্ত লাকখ্রে।

2. সেপ্তেম্বর ৪,২০২৫ দা প্রধান মন্ত্রী মোদী অমসুং প্রধান মন্ত্রী লাওরেন্স ৱোং হিরম কয়াদা ৱা খন্নখ্রে। মতুং তারকপদা, মেমোরন্দম ওফ অন্দরষ্টেন্দিং কয়া খুৎশীন্নবদা লুচিংবশিং শরুক য়াখি। প্রধান মন্ত্রী মোদীনা কৌবা চাক্লেন অমা প্রধান মন্ত্রী লাওরেন্স ৱোং শরুক য়াখি। প্রধান মন্ত্রী লাওরেন্স ৱোংনা ভারতকী রাষ্টপতি শ্রীমতি দ্রৌপতি মুর্মুসু উনখি। মহাত্মা গান্ধীগী মফমদা ইকায়খুম্নবা উৎনবা প্রধান মন্ত্রী লাওরেন্স ৱোং রাজ ঘাত্তসু চৎখি। ভারতকী মপান থৌরম মন্ত্রী দোক্তর এস. জয়সঙ্করনা প্রধান মন্ত্রী লাওরেন্স ৱোং উনখি।

3. লৈবাক অনিগী মরক্ত কুতনিতিগী মরী লৈনরকপা চহি অসিদা চহি ৬০ মপুংফারে। থাজনবা অমসুং অমনা অমবু ইকায়খুম্নবা অমসুং হিরম কয়াদা মতেং পাংনবদা য়ুম্ফম ওইবা মতম কুইরবা ভারত অমসুং শিঙ্গাপুরগী মরুপ-মপাংগী মরী প্রধান মন্ত্রী অনিমক্না খঙখি। সেপ্তেম্বর ২০২৪ দা প্রধান মন্ত্রী মোদী শিঙ্গাপুরদা চৎখিবা, জনুৱারি ২০২৫ দা শিঙ্গাপুরগী রাষ্ট্রপতি থারমান সনমুগারাত্নম ভারত্ত লাকখিবা অমসুং ওগষ্ট ২০২৫ দা ন্যু দিল্লিদা ৩শুবা ইন্দিয়া-শিঙ্গাপুর মিনিষ্টরিয়েল রাউন্দতেবল পাংথোকখিবা য়াওনা হন্দক অৱাংবা থাক্কী থবকশিংগী খুৎথাংদা লৈবাক অনিগী মরী ফগৎলকপদা মখোয়না হন্না য়েংশিনখি অমসুং অপেনবা ফোঙদোকখি। রাজনিতি, শেন-থুম, সেকুরিতি,তেক্নোলোজি, লাইরিক-লাইশু, মীগা মীগা লৈনবা মরীশিং অমসুং নাৎকী মরীশিং য়াওনা মরুপ-মপাং ওইবা অসি হিরম খুদিংমক্ত মতেং পাংনরে।

4. সেপ্তেম্বর ২০২৪ দা প্রধান মন্ত্রী মোদীগী শিঙ্গাপুর খোঙচৎ মনুংদা, লৈবাক অনিগী মরী কমপ্রেহন্সিপ ষ্ট্রাতেজিক পার্তনরশিপ(সি এস পি) অমদা পুখৎনবা য়ানখিবা অদু প্রধান মন্ত্রী অনিনা নিংশিংখ্রে। মসিদা য়ুম্ফম ওইদুনা, নাকল অনিগী মথং তাঙ্কক্কী মাইকৈ তাক্নবা সি.এস.পিগী লম্বী চৎনবদা মখোয় য়ানরে অমসুং হিরম নিপানদা মতেং পাংনবা হেনগৎহনগনি: (i) শেন-থুমগী মতেং পাংনবা; (ii) স্কিলশিং হেনগৎহনবা; (iii) দিজিতেলগী থবকশিং; (iv) ষ্টেনেবিলিতি; (v) চৎথোক-চৎশিন; (vi) অনা-লায়য়েং অমসুং মেদিসিন; (vii) মীগা মীগা অমসুং নাৎকী একচেঞ্জেশিং; অমসুং (viii) ঙাক-শেনগী মতেং পাংনবা।

কমপ্রেহন্সিপ ষ্ট্রাতেজিক পার্তনরশিপ (সি এস পি) গী লম্বী

শেন-থুমগী মতেং পাংনবা: অনৌবা অমসুং মাঙজিল থাবা হিরমশিংদা শেন-থুমগী মরীশিং অমসুং পুন্না থবক তৌমিন্নবা হেনগৎহনবা

· কমপ্রেহেন্সিপ ইকোনোমিক কোওপরেসন এগ্রিমেন্ত (সি ই সি এ) গী মখাদা লৈবাক অনি ললোন-ইতিক অমসুং কৈথেলশিং শীজিন্নবা হেনগৎহনবা অমসুং ললোন-ইতিক অমসুং শেন থাদবগী জোইন্ত ৱার্কিং গ্রুপকী চহিগী মীফমগী খুৎথাংদা লৈবাকশিংগী ললোন-ইতিক্কী মরুওইবশিং খন্নবা;

· সি.ই.সি.এগী অহুমশুবা হন্না য়েংশিনবা য়াংশিন্নবা অমসুং ২০২৫ দা অসিয়ান ইন্দিয়া ত্রেদ ইন গুদস এগ্রিমেন্ত হন্না য়েংশিন্নবা লৈবাক অনি মখা তানা ৱারি শানবা;

· ইন্দিয়া-শিঙ্গাপুর সেমিকন্দক্তর পোলিসি দাইলোগকী মখাদা ভারতকী সেমিকন্দক্তর ইন্দষ্ট্রি শৌগৎপা; শিঙ্গাপুরগী কম্পেনিশিংগা পুন্না থবক তৌমিন্ননবা মতেং পাংবা; সেমিকন্দক্তর সপ্লাই চেনশিং ফগৎহনবা; অনিমক কান্নবা ফংনবা রিছার্স অমসুং দিবলপমেন্তদা পুন্না থবক তৌমিন্নবা; থবক শুনবা মীওইশিং শেমগৎপা; অমসুং ই-পাউ অমসুং খ্বাইদগী ফবা থবকশিং পীথোক-পীশিন তৌনদুনা, শেন থাদুনা অমসুং ভারত অমসুং শিঙ্গাপুরগী ফার্মশিংগী মরক্ত পুন্না থবক তৌমিন্নদুনা বিজিনেস-তু-বিজিনেস মতেং পাংনবা হেনগৎহনবা;

· লৌশিং শরুক য়ামিন্নবা, কেপাসিতি ত্রেনিং, গ্রিন ষ্টেন্দার্দশিং চৎনবা, মাষ্টর প্লান্নিং অমসুং য়োকখৎপগী লমদা ভেঞ্জরশিং অমসুং পার্তনরশিপশিং, সরকার-সরকার মতেং পাংনবগী খুৎথাংদা অৱাংবা থাক্কী মেনুফেকচরিংগী খুদোংচাবশিং য়াওরবা ইন্দষ্ট্রিয়েল পার্কশিং অমসুং নেক্স-জেনেরেসন ইন্দষ্ট্রিয়েল পার্কশিং পুন্না শেমগৎমিন্নবা;

· ইন্দিয়া-শিঙ্গাপুর কেপিতেল মার্কেত থবক তৌমিন্নবা হেনগৎহনবা অমসুং এন.এস.ই-আই.এফ.এস.সি-এস.জি.এক্স গিফ শম্নবা থবকশিংদা পুন্না থবক পায়খৎতুনা মতেং পাংনবা;

· ভারত অমসুং শিঙ্গাপুরগী ললোনবশিংগী মরক্ত পুন্না থবক তৌমিন্নবা হেনগৎহনবা, মরুওইনা ইন্দিয়া-শিঙ্গাপুর বিজিনেস রাউন্দতেবলগী খুৎথাংদা লৈবাক অনি মতেং পাংনবগী এজেন্দা মতেং পাংবা অমসুং ললোন-ইতিক্কী থবকশিং হেনগৎহনবা;

· স্পেস পোলিসি অমসুং লো; আর্থ ওবজার্বেসন অমসুং সেতেল্লাইত কম্মুনিকেসন তেক্নোলোজিশিং অমসুং শীজিন্নবগী হিরমদা ইন্দিয়ান নেসনেল স্পেস প্রোমোসন এন্দ ওথোরাইজেসন সেন্তর (ইন-স্পেস) অমসুং স্পেস তেক্নোলোজি এন্দ ইন্দষ্ট্রি, শিঙ্গাপুর অমসুং লৈবাক অনিগী স্পেস ইন্দষ্ট্রিশিং স্পেসকী লমদা পুন্না থবক তৌমিন্নবা হেনগৎহনবা;

· ভারত অমসুং শিঙ্গাপুরগী মরী লৈনবা মিনিষ্ট্রিশিং শরুক য়াদুনা, লৈবাক অনিগী ললোন-ইতিক্কী দরকার ওইবশিং ফংনবা, আইন অমসুং ৱাথোক লোইশিন্নবা মতেং পাংনবা হেনগৎহনবা;

স্কিলশিং হেনগৎহনবা: স্কিলশিং হেনগৎহনবা অমসুং কেপাসিতি বিল্দিংদা মতেং পাংনবা

· করিকুলম ফগৎহনবা, ত্রেন্নরশিং ত্রেনিং পীবা, স্কিল সর্তিফিকেসন ফ্রেমৱার্ক অমা শেমগৎপা অমসুং মগুন লৈহন্নবা চাং নাইনা য়েংশিন্নবা হিরমশিংদা পুন্না থবক তৌমিন্নবা অৱাংবা থাক্কী মেনুফেকচরিংগী মতাংদা তামিল নাদুগী চেন্নাইদা নেসনেল সেন্তর ফোর এক্সলেন্স অমা পুন্না লিংখৎপা অমসুং এদভান্স মেনুফেকচরিং অমসুং মেন্তেনেন্স রিপিয়ার এন্দ ওভরহোল (এম আর ও) য়াওনা অনিমক্না পাম্নবা হিরমশিংদা স্কিল সেন্তরশিং শেমগৎনবা প্রাইভেদ সেক্তর পুন্না থবক তৌমিন্নবা;

· তেক্নিকেল ভোকেসনেল ইজুকেসন এন্দ ত্রেনিং (তি ভি ই তি) অমসুং স্কিল হেনগৎহনবগী লমদা মতেং পাংনবা হেনগৎহনবা; অৱাংবা থাক্কী মহৈলোয়শঙশিংগী মরক্ত তেক্নিকেল ইজুকেসনগী লমদা পুন্না থবক তৌমিন্নবা; শিন্মীশিং রিস্কিল্লিং অমসুং অপস্কিল্লিংগী লমদা ই-পাউ অমসুং খ্বাইদগী ফবা থবকশিং পীথোক-পীশিন তৌনবা; মহৈরোয় অমসুং ষ্টাফ চৎথোক-চৎশিন তৌনবা; মহৈরোয়শিং ইনতর্ন তৌবা অমসুং ওজাশিং ইন্দষ্ট্রিদা শরুক য়ানবা খুদোংচাবা পীবা অমসুং ওজাশিং ত্রেনিং পীবা। ইজুকেসন অমসুং স্কিলগী হিরমদা ফগৎলক্লিবশিং হন্না য়েংশিন্নবা নাকল অনিমক্না জোইন্ত ৱার্কিং গ্রুপ অমা লিংখৎকনি;

· শিঙ্গাপুর-অসাম নর্সিং তেলেন্ত স্কিলস কোওপরেসনগুম্বা, শিঙ্গাপুরগা লোয়ননা রাজ্য থাক্কী স্কিলগী মতেং পাংনবা শৌগৎনবা, শিঙ্গাপুর অমসুং ভারতকী মরক্ত হৌজিক লৈরিবা স্কিল্লিংগী মতেং পাংনবগী থবকশিং হেন্না ফগৎহনবা;

দিজিতেলগী থবকশিং: দিজিতেল অমসুং ফাইনান্সিএল তেক্নোলোজিশিংদা মতেং পাংনবা হেনগৎহনবা

· ফিনতেক জোইন্ত ৱার্কিং গ্রুপকী খুৎথাংদা, সাইবর সেকুরিতি অমসুং কেপিতেল মার্কেল শম্নবা য়াওনা, ইন্দিয়া অমসুং শিঙ্গাপুরগী মরক্ত দিজিতেল ফাইনান্স অমসুং ফিনতেক্কী মতেং পাংনবা হেনগৎহনবা;

· দিজিতেলগী পাম্বৈশিংগী লমদা অখঙবশিং অমসুং তেক্নিকেলগী লৌশিং শরুক য়ামিন্নবা অমসুং পাইলোত প্রোজেকশিংগী খুৎথাংদা মখোয় পায়খৎপা;

 · দিজিতেল দোমেন্দা পুন্না থবক তৌমিন্নবা পান্দমগা লোয়ননা ইন্দিয়া অমসুং শিঙ্গাপুরগী ষ্টার্দ-অপ অমসুং অপীকপা অমসুং ময়াই ওইনা চাউবা ইন্তরপ্রাইজশিংগী মরক্ত পুন্না থবক তৌমিন্নবা হেনগৎহনবা;

· সাইবর পোলিসিশিং, সি.ই.আর.তি-সি.ই.আর.তি ই-পাউ পীথোক-পীশিন তৌনবা, সাইবর সেকুরিতি কেপাসিতি বিল্দিং অমসুং সাইবরসেকুরিতিগা মরী লৈনবা ৱাফমশিংদা ইন্দিয়া অমসুং শিঙ্গাপুর পুন্না থবক তৌমিন্নবা হেনগৎহনবা;

· গিফ সিতি-শিঙ্গাপুর কোওপরেসনগী মতাংদা, ফ্রেমৱার্ককী খন্নবা হৌনবা, ফ্রেমৱার্ক অসিদা শীজিন্নগদবা দেতা মখলশিং মশক খঙদোক্নবা অমসুং চাংয়েং তৌনবা ইন্দিয়া অমসুং শিঙ্গাপুরগী মরী লৈনবা এজেন্সিশিং অমসুং রিগুলেতোরি ওথোরিতিশিং জোইন্ত ৱার্কং প্রুপ অমা লিংখৎপা;

· দিজিতেল তেক্নোলোজিশিংগী হৌজিক লৈরিবা জোইন্ত ৱার্কিং গ্রুপকী মখাদা, ইন্নোবেসন, পুন্না অমসুং শেন-থুম চাউখৎনবা মরুওইবা অমসুং নৌবা থোক্লকপা তেক্নোলোজিশিংদা মতেং পাংন্নবা খুদোংচাবশিং মশক খঙদোকপা;

· লৌউ-শিংউ, হকশেল অমসুং লাইরিক-লাইশুগম্বা হিরমশিংদা এ.আই রেদি দেতা সেতশি শেমগৎনবা আর্তিফিসিএল ইন্তিলিজেন্সকী লমদা মতেং পাংনবা হেনগৎহনবা;

· য়ু.পি.আই-পেনাই লিঙ্কেজ শীজিন্নদুনা চে শীজিন্নদনা অমসুং ঙমখৈ লান্না ললোন-ইতিক অমসুং লনাই শেন থাদোক-থাজিনগী থবক হেনগৎহনবা;

· লেদিংগী ই-বিলশিং অমসুং অশোই-অঙাম লৈতবা ত্রেদ দোকুমেন্তশিং লৈনবা ইন্দিয়া অমসুং শিঙ্গাপুরগী মরক্ত ত্রেদ ত্রষ্ট ফ্রেমৱার্ক চৎনবা হেনগৎহনবা;

তুংকোইনা চৎনবা য়াগদবা: ষ্টেনেবল দিবলপমেন্ত অমসুং গ্রিন ত্রেদকী লমদা পুন্না থবক তৌমিন্ননবা খুদোংচাবশিং খঙদোকপা

· গ্রিন হায়দ্রোজেন অমসুং এম্মোনিয়া পুথোকপা অমসুং ললোনবা য়াওনা অনৌবা হিরমশিংদা মতেং পাংনবা হেনগৎহনবা;

· সহরগী অমোৎপা লোইশিন্নবা হিরমদা মতেং পাংনবা হেনগৎহনবা;

· সিবিল ন্যুক্লিয়ারগী লমদা মতেং পাংন্নবা খুদোংচাবশিং খঙদোকপা;

· অইং-অশাগী খল হোংলকপগী অৱাবশিং কোকহন্নবা পেরিস এগ্রিমেন্তগী আর্তিকল ৬.২ গী মখাদা লৈবাক অনি মতেং পাংন্নবা ফ্রেমৱার্ক অমগী মাইকৈদা থবক তৌবা;

শিঙ্গাপুর মেম্বর অমা ওইরিবা ইন্তরনেসনেল সোলার এল্লাইন্স অমসুং গ্লোবেল বাইওফুয়েলস এল্লাইন্সগুম্বা মালেমগী ঙাক্লৌশিংদা গ্রিন অমসুং ষ্টেনেবল থবকশিংদা পুন্না থবক তৌমিন্নবা;

· ইন্দিয়া অমসুং শিঙ্গাপুর অমসুং অতোপ্পা লৈবাকশিংদা চীঞ্জাকশিং থাদোকপা হেনগৎহনবগী খুৎথাংদা ফুদ সেকুরিতিগী মতেং পাংনবা হেনগৎহনবা;

চৎথোক-চৎশিন: সমুদ্র অমসুং নোংথক্কী চৎথোক-চৎশিন হেনগৎহনবা

· সমুদ্রগী চৎথোক-চৎশিন হেনগৎহন্নবা অমসুং গ্রিন মেরিতাইম ফুয়েল কোরিদোর অমা লিংখৎনবা থবক তৌনবা শিঙ্গাপুরগী হিথাংফমশিং অমসুং ভারতকী হিথাংফমশিংগী মরক্ত ইন্দিয়া-শিঙ্গাপুর গ্রিন এন্দ দিজিতেল সিপ্পিং কোরিদোর( জি দি এস সি) অমা লিংখৎপা;

· শিঙ্গাপুরনা খঙলিবশিং শরুক য়ামিন্নবা অমসুং স্কিল হেনগৎহন্নবা খুদোংচাবশিং য়াওনা ভারত অমসুং শিঙ্গাপুরগী মরক্ত এভিএসন অমসুং এরোস্পেস এম.আর.ও সেক্তরশিংদা পুন্না থবক তৌমিন্নবা হেনগৎহনবা;

· ইন্দিয়া অমসুং শিঙ্গাপুরগী চৎথোক-চৎশিন হেনগৎলক্লিবা অসি প্রধান মন্ত্রী অনিনা খঙলে অমসুং মথক্ত চৎথোক-চৎশিন হেনগৎহন্নবা নাকল অনিগী এয়র সর্বিসসেস এগ্রিমেন্ত পাকথোক-চাউথোক্নবা লৈবাক অনিগী সিবিল এভিএসন ওথোরিতশিং খন্ননবা পুক্নিং থৌগৎলে;

· এয়রপোর্ত কন্সলতেন্সি অমসুং ভারতকী এয়রপোর্তশিং শেন্নবগী লমদা লৌশিং পীথোক-পীশিন তৌনবা য়াওনা কেপাসিতি বিল্দিং অমসুং এয়র শেমগৎনবা পুন্না থবক তৌমিন্নবা; 

· এভিএসন সেক্তরদা মৈখু থাংদবা থাউ শীজিন্নবা পুক্নিং থৌগৎনবা ষ্টেনেবল এভিএসন ফ্যুল (এস এ এফ) কী লমদা মতেং পাংনবা হেনগৎহনবা হায়না নাকল অনি য়ানরে;

অনা-লায়য়েং অমসুং মেদিসিন: অনা-লায়য়েং অমসুং মেদিসিনগী লমদা মতেং পাংনবা হেনগৎহনবা

· হুমেন রিছোর্স হেনগৎহনবা, দিজিতেল হেল্থ অমসুং লায়না থিজিনবা, মমা অমসুং অঙাংগী হকশেল অমসুং মচি ওইবা চীঞ্জাক, হকশেলগী থৌশিল, মেদিকেলগী পোৎথোকশিং ফংহনবা, পুন্না থিজিনমিন্নবা চৎন-কাংলোন, লৌনগনবা অমসুং লৌনগন্দবা লায়নাশিং থেংনবা, হকশেলগী সেকুরিতি অমসুং রিছার্স অমসুং ইন্নোবেসনগী হিরমশিং য়াওনা হকশেল অমসুং মেদিসিনগী লমদা মতেং পাংন্নবা এম.ও.য়ুগী মখাদা হকশেল অমসুং মেদিসিনগী পুন্না থবক তৌমিন্নবা হেনগৎহনবা;

· হকশেলগী মতেং পাংন্নবা চাংনাইনা জোইন্ত ৱার্কিং গ্রুপকী মীফম পাংথোকপা;

· নর্সিং স্কিল ত্রেনিংগী ই-পাউ অমসুং লৌশিং পীথোক-পীশিন তৌনদুনা নর্সিং স্কিল হেনগৎহন্নবা অমসুং নর্সিং তেলেন্ত স্কিলস কোওপরেসনগী লমদা শিঙ্গাপুর অমসুং অসামগী মরক্ত লৈরিবা এম.ও.য়ুগী মখাদা শিঙ্গাপুরদা থবক ফংবা হেনগৎহন্নবা মতেং পাংনবা হেনগৎহনবা;

· দিজিতেল হেল্থ/মেদিকেল তেক্নোলোজিশিংগী লমদা উদ্যোগকী থিজিনবা অমসুং অনৌবা অপুনবা থিজিনবগী প্রোজেকশিং শৌগৎনবা হৌজিক পুন্না থবক তৌমিন্নরিবা অসি ফগৎহনবা;

মীগা-মীগা অমসুং নাৎকী ওইনা চৎথোক-চৎশিন তৌনবা: মীগা-মীগা লৈনবা মরী অমসুং নাৎকী মরীশিং শৌগৎপা

· সমুদ্রগী হিরমদা লৈনরকপা মরীশিংদা নাকল অনিনা পাম্নবা হিরমশিংদা মতেং পাংন্নবা শরুকশিং খঙদোক্তুনা ইন্দিয়া অমসুং শিঙ্গাপুরগী মরক্ত লৈনরিবা মতম কুইরবা খুন্নাই, নাৎ অমসুং মীগা-মীগা লৈনবা মরীশিং মপাঙ্গল কনখৎহনবা;

· শিঙ্গাপুর-ইন্দিয়া পার্তনরশিপ ফাউন্দেসন(এস আই পি এফ) অমসুং ইনতর্নশিপগী মখাদা, কনফিদেরেসন ওফ ইন্দিয়ান ইন্দষ্ট্রি-ইন্তরপ্রাইজ শিঙ্গাপুর ইন্দিয়া রেদি তেলেন্ত প্রোগ্রামগী মখাদা ভারত্ত লৈবা কম্পেনিশিংদা শিঙ্গাপুরমচাশিং ইনতর্ন তৌবা য়াওনা, আই.তি.আইশিংগী মহৈরোয়শিং চৎথোক-চৎশিন তৌনবা হেনগৎহনবা;

· একচেঞ্জ প্রোগ্রামশিংগী খুৎথাংদা সংসদকী থবকশিং পাংথোকপা হেনগৎহনবা;

· ষ্টদি ভিসা য়াওনা অৱাংবা থাক্কী ওফিসিএলশিং ত্রেনিং অমসুং সর্বিস একচেঞ্জগী থবক লৈহনবা;

· ৱাথোকশিং লোইশিন্নবা এদ-হোগ ওইনা খন্নবা য়াওনা মরী লৈনবা ওথোরিতিশিংগী মরক্ত কন্সুলারগী থবকশিং চাংনাইনা ৱারি শানবা;

· লৈবাক অনিগী থিঙ্ক তেঙ্কশিং, একাদেমিয়া, মহৈলোয়শঙ অমসুং রিছার্স ইন্সতিতুসনশিংগী মরক্ত উনবা অমসুং থবক তৌমিন্নবা পুক্নিং থৌগৎপা;

· কলাকারশিং, আর্ত গ্রুপশিং অমসুং একজিবিসনশিং য়াওনা নাৎকী থৌরমশিং পাংথোকপা মখা তানা য়োকখৎপা;

ঙাক-শেনগী লমদা মতেং পাংনবা: লমদম অসিগী শান্তি অমসুং তংদু-লৈতাবা পুরক্নবা মরুওইবা থবকশিংদা পুন্না থবক তৌমিন্নবা

· দিফেন্স পোলিসি দাইলোগকী খুৎথাংদা দিফেন্স মিনিষ্টরস দাইলোগ অমসুং সেনিয়র দিফেন্স মিনিষ্টর ওফিসিএলশিংগী খুৎথাংদা দিফেন্স মিনিষ্টর অনি চাংনাইনা মীফমশিং পাংথোকপা য়াওনা, থাক খুদিংমক্ত দিফেন্স অমসুং সেকুরিতিগী মতেং পাংনবা মখা তানা পাংথোকপা অমসুং অপুনবা ওইনা লান্মী, নেভি অমসুং এয়রফোর্সগী লাল ঔরাইবা পাংথোক্তুনা মখা তানা মিলিতরিগী মতেং পাংনবা;

· ক্বান্তম কম্পুতিং, এ.আই, ওতোমেসন অমসুং অনমেন ভেসেলশিং য়াওনা অনৌবা হিরমশিংদা দিফেন্স তেক্নোলোজি মতেং পাংনবা হেনগৎহনবা;

· ইন্দো-পেসিফিক অমসুং ইন্দো-পেসিফিক ওসিন্স ইনিসিয়েতিপতা অসিয়ান আউতলুক্কী মতেং পাংনগদবা হিরমশিং অমসুং ফিদমশিংগা লোয়ননা লমদম অসিগী সেকুরিতিগী ঙাক্লৌশিংগী মনুংদা নক্না থবক তৌমিন্নবা অমসুং মেরিতাইম সেকুরিতি অমসুং সবমেরিন রেস্কুগী লমদা মখা তানা মতেং পাংনবা;

· ইন্তরনেসনেল লাইজন ওফিসারশিংগী খুৎথাং য়াওনা, মাগী মাগী ইনফোর্মেসন ফ্যুজন সেন্তরশিংগী মরক্ত মেরিতাইম দোমেন এৱারনেসগী লমদা মতেং পাংনবা হেনগৎহনবা;

· মালাকা ষ্ট্রেতস পেত্রোলদা ভারতনা থৱায় য়াওবা শিঙ্গাপুরনা থাগৎপগা লোয়ননা মশক খঙলে;

· য়ু.এন.এস.সি ১২৬৭ সেঙ্কসন কম্মিতিনা আইন্না য়াদে হায়না লাউথোকখ্রবশিং য়াওনা অমসুং এফ.এ.তি.এম অমসুং অতোপ্পা মালেমগী লুপশিংনা তেরর ফাইনান্সিংনি হায়না লাউথোকখ্রবা রিজনেল তেরোরিজম অমসুং মালেমগী তেরর ওর্গনাইজেসনশিংগী মথক্ত থবক পায়খৎনবা লৈবাক অনিমক মতেং পাংনবা হেনগৎহনগনি, অমসুং ঙমখৈ ৱাংমদগী চৎথরকপা তেরোরিজম য়াওনা তেরোরিজম থেংননবা, মখল খুদিংমক্কী তেরোরিজম থেংননবা অমুক হন্না অকনবা ৱাফম ফোঙদোকখ্রে;

· লৈবাক অনিগী মরক্ত ক্রিমিনেল ইনভেস্তিকেসনশিং অমসুং প্রোসিদিংশিংগী লমদা মতেং পাংন্নবা, বাইলেতরেল ম্যুচুয়েল লিগেল এসিষ্টেন্স ত্রিতিগী মখাদা মতেং পাংনবা হেনগৎহনবা;

· শিঙ্গাপুরগী ফোরেন এফেয়ার্স মিনষ্ট্রি অমসুং ভারতকী এক্সতর্নেল এফেয়ার্স মিনিষ্ট্রিগী মরক্ত ফোরেন ওফিস কন্সলতেসনশিংগী খুৎথাংদা লৈবাক অনিগী মরীশিং ফগৎলকপদা চাংনাইনা হন্না য়েংশিনবা;

5. কমপ্রেহেন্সিপ ষ্টাতেজিক পার্তনরশিপ থবক ওইনা পায়খৎনবা চহিগী ওইনা য়েংশিন্নবা মরুওইবা থবক অমা ওইনা ইন্দিয়া অমসুং শিঙ্গাপুর মিনিষ্টরিয়েল রাউন্দতেবল ইন্সতিতুৎকী থাক্ত পুখৎপদা প্রধান মন্ত্রী অনিনা য়ারে।

***