Ka Ophis jong u Myntri Rangbah duh ka ri
azadi ka amrit mahotsav

Iakynduh u Myntri Rangbah duh bad u Sr. Gen. Min Aung Hlaing, Chairman jong ka State Security and Peace Commission of Myanmar, ha ka jaka ba pynlong ia ka SCO Summit

Posted On: 31 AUG 2025 4:50PM by PIB Shillong

U Myntri Rangbah duh ka ri u Narendra Modi mynta ka sngi u la ïakynduh ïa u Senior General Min Aung Hlaing, Chairman jong ka State Security and Peace Commission jong ka Myanmar, ha ka jaka ba pynlong ia ka Shanghai Cooperation Organization Summit ha Tianjin.

U Myntri Rangbahduh u la ong ba ka India ka kheiñ kor bha ïa ka jingïadei jong ka bad ka Myanmar kum shi bynta jong ka Neighborhood First, Act East bad Indo-Pacific polisi jong ka. Ki arngut ki nongialam ki la bishar bniah ia ka jingiadei hapdeng ki artylli ki ri bad ki la iakren ia ka lynti ban iaid shakhmat ha ki ki bynta bapher bapher jong ka jingiatreilang, kynthup ia ka jingiatreilang ha ka roi ka par, ka kam iada ri bad ka jingshngain, ka jingiada ia ka thain khappud bad ki kam ba iadei bad ka khaii pateng ha thain khappud. U Myntri Rangbahduh u la ban jur ba ka jingiaid shaphrang jong ki projek pynïasoh ba dang pyntrei kan kyntiew ïa ka jingïadei kaba kham bha hapdeng ki briew jong ki ar tylli ki ri, katba kan kyntiew ïa ka jingïatreilang bad jingïatylli ha ki thaiñ kumba la thmu ha ka Act East policy jong ka India.
​

U Myntri Rangbahduh u la pynpaw ka jingkyrmen ba ka elekshon ban wan ha Myanmar kan long ha ka rukom kaba shai bad kaba kynthup lang ïa baroh ki nongïashim bynta. U la ong ba ka India ka kyrshan ïa ki jingpyrshang ban wanrah jingiasuk ba ialam lynti da ka Myanmar, ha kaba ka jingïakren bad ka jingïamir jingmut kaba jai jai ka dei tang ka lad ban ïaid shakhmat.

​U Myntri Rangbahduh u la pynpaw biang ïa ka jinglong kloi jong ka India ban kyrshan ïa ki jingdonkam ha ka roi ka par jong ka Myanmar.

 

***


(Release ID: 2162510) Visitor Counter : 2
Read this release in: Malayalam , English , Urdu , Hindi , Marathi , Assamese , Manipuri , Bengali , Bengali-TR , Punjabi , Gujarati , Odia , Tamil , Telugu , Kannada