ভারতকী প্রধান মন্ত্রী, শ্রী নরেন্দ্র মোদীনা হয়েং ওগস্ত 29, 2025দা বিহারগী পুৱারী ওইরবা শহর রাজগিরদা হৌগদবা নুপাগী হোক্কী এসিয়া কপ 2025গী মাংওইননা এসিয়াগী শরুক য়ারিবা তীমশিং, শান্নরোইশিং, ওফিসিএলশিং অমসুং সপ্পোর্তরশিংদা মহাক্কী য়াইফ-মঙ্গোল পীখ্রে। হৌখিবা মতম খরা অসিদা খেলো ইন্দিয়া য়ুথ গেম্স 2025, এসিয়া রগবি U20 সেভেন্স চেম্পিয়নশিপ 2025, ISTAF সেপাক্তাক্রো ৱার্ল্দ কপ 2024 অমসুং নুপীগী এসিয়ন চেম্পিয়নস ত্রোফি 2024গুম্বা মরুওইবা তোর্নামেন্তশিং পাংথোকপগা লোয়ননা স্পোর্তিং হব অমা ওইনা বিহারনা মশক তাক্লিবা অসিদা শ্রী মোদীনা থাগৎপা ফোংদোকখি।

ঙসি Xতা তৌখিবা থ্রেদ পোস্ত অমদা প্রধান মন্ত্রীনা হায়,

“হয়েং ওগস্ত 29দা (নেস্নেল স্পোর্তস দে অমসুং মেজর ধ্যানচান্দগী মপোক কুমওনসু ওইরিবা) বিহারগী পুৱারী ওইরবা রাজগির শহরদা নুপাগী হোক্কী এসিয়া কপ 2025 হৌরগনি। ঐহাক্না শরুক য়ারিবা তীমশিং, শান্নরোইশিং, ওফিসিএলশিং অমসুং এসিয়াগী মফম কয়াদগী সপ্পোর্ত তৌরিবা পুম্নমকপু য়াইফ-মঙ্গোল পীজরি।”

“ভারত অমসুং এসিয়াগী মফম কয়াদা হোক্কীনা মীওই মিলিয়ন কয়াগী থম্মোয়দা অখন্নবা মফম অমা কল্লি। ঐহাক্না থাজবা থম্লি মদুদি তোর্নামেন্ত অসি থোইদোক হেন্দোকপা মেৎচশিং, অখন্নবা হৈশিংবা উৎপশিং অমসুং শান্ন-খোৎনববু পামজবা মীওইশিংগী তুংগী মীরোনশিংদা ইথিল পীগদবা কাওঙমদ্রবা মীকুপশিং ওইগনি।”

“বিহারনা নুপাগী হোক্কী এসিয়া কপ, 2025গী য়ুম্বু ওইগদৌরিবা অসি য়াম্না নুংঙাইবা ৱাফম অমনি। হৌখিবা মতম খরদা বিহারনা স্পোর্তিং হব অমা ওইনা মশক থোকপা ঙমখি, 2025গী খেলো ইন্দিয়া য়ুথ গেম্স, 2025গী এসিয়া রগবি U20 সেভেন্স চেম্পিয়নশিপ, 2028গী ISTAF সেপাক্তাক্রো ৱার্ল্দ কপ অমসুং 2024গী ৱুমেন এসিয়ন চেম্পিয়নস ত্রোফিগুম্বা মরুওইবা তোর্নামেন্তশিং পাংথোক্লি। অসিগুম্বা লেপ্পা লৈতনা চাউখৎলক্লিবা অসি বিহারগী চাউখৎলক্লিবা ইনফ্রাস্ত্রকচর, গ্রাসরুৎ পুক্নিং থৌগৎপা অমসুং তোঙান তোঙানবা স্পোর্তস দিসিপ্লিনশিংদা হৈশিংবা পুথোক্নবা হোৎনরিবা অদু উৎলি।”

Tomorrow, 29th August (which is also National Sports Day and the birth anniversary of Major Dhyan Chand), the Men’s Hockey Asia Cup 2025 begins in the historic city of Rajgir in Bihar. I extend my best wishes to all the participating teams, players, officials and supporters…

— Narendra Modi (@narendramodi) August 28, 2025

***