খুরুমজরি!

মালেমগী লুচিংবশিংগী ফোরমদা লাক্লিবা মীথুংলেন পুম্নমকপু ঐনা তরাম্না ওকচরি। ফোরম অসিগী মতম অসি য়াম্না মতাং চাবা ওইরি, অমসুং ঐহাক্না অদোমবু থাগৎচরি। হৌখিবা চয়োলদা, ঐহাক্না লাল কিলাদগী নেক্স জেনরেসনগী রিফোর্মশিংগী মতাংদা ৱা ঙাংখি, অমসুং হৌজিক ফোরম অসিনা মসিগী স্পিরিৎ অসিগী ফোর্স মলতিপ্লাইয়র অমা ওইনা থবক তৌরি।

মরুপশিং,

মালেমগী ফিভম, জিও-ইকোনোমিক্সকী মতাংদা কুপ্না খন্ন-নৈনখি অমসুং ঐখোয়না মালেমগী ওইরিবা ফীভম য়েংবদা, ভারতকী শেন্মিৎলোনগী মপাঙ্গল অদু অদোম্না খঙবা ঙমগনি। ঙসিদি, ভারত অসি মালেমগী খ্বাইদগী য়াংনা চাউখৎলক্লিবা মরুওইবা ইকোনোমী অমা ওইরে। য়াম্না থুনা ঐখোয়না মালেমগী খ্বাইদগী চাউবা অহুমশুবা ইকোনোমী ওইবা ঙমলগনি। এক্সপর্তশিংনা হায়রি মদুদি মালেমগী গ্রোথতা ভারতকী কন্ত্রিব্যুসন অসি অথুবা মতমদা ২০% ওইগনি। ভারতকী শেন্মিৎলোনদা ঐখোয়না উরিবা অসিগুম্বা চাউখৎপা, মপাঙ্গল হাপ্পগী মরমদি হৌখিবা চহি তরা অসিদা ভারতনা ফংখিবা মেক্রো-ইকোনোমিক স্তেবিলিতীনা ওইরি। ঙসিদি, ঐখোয়গী ফিক্সেল দিফিসিৎ অসি চাদা ৪.৪দা হন্থরক্কনি হায়না পানরি। অমসুং মসি ঐখোয়না কোবিদকী অসিগুম্বা অচৌবা অৱাবা মায়োক্নরিবা মতমনি। ঙসিদি ঐখোয়গী কম্পনীশিংনা কেপিতেল মার্কেতশিংদগী রেকোর্দ ওইবা শেনফমশিং ফংলি। ঙসিদি, ঐখোয়গী বেঙ্কশিং অসি হান্নদগী হেন্না মপাঙ্গল কনখৎলে। ইনফ্লেসন অসি য়াম্না নেম্না লৈ, শেন্দোং চাং অসিসু নেম্না লৈ। ঙসিদি, ঐখোয়গী হৌজিক্কী একাউন্ত দিফিসিৎ অসি কন্ত্রোল তৌরি। ফোরেক্স রিজর্বশিংসু য়াম্না মপাঙ্গল লৈ। মসিদা নত্তে, থা খুদিংগী লৈবাক অসিগী ইনভেস্তর লাখ কয়ানা S.I.P.শিংগী খুত্থাংদা কৈথেলদা লুপা করোর লিশিং কয়া ইনভেস্ত তৌরি।

মরুপশিং,

ইকোনোমীগী ফন্দামেন্তেলশিং মপাঙ্গল লৈরবা, মসিগী য়ুম্ফম অদু মপাঙ্গল লৈরবা মতমদা, মসিগী ইফেক্ত অদু মফম পুম্নমক্তা উবা ফংই হায়বসি অদোম্না খঙই। ঐহাক্না মসিগী মতাংদা ওগস্ত ১৫দা কুপ্না খন্ন-নৈনখি। ঐহাক্না হায়রিবা ৱাফমশিং অসি অমুক হন্না হায়রররোই, অদুবু ওগস্ত ১৫গী মতম অমসুং মসিগী মতুংগী চয়োলদা থোকখিবা থৌদোকশিং অসি ভারতকী চাউখৎপগী ৱারীগী অচৌবা খুদম অমনি।

মরুপশিং,

খ্বাইদগী নৌবা দেতা লাক্লে মদুদি জুন থাদা খক্তদা, হায়বদি থা অমগী মতাংদা ঐনা হায়রি, জুন থাদা খক্তদা, EPFOগী দেতাদা ফোর্মেল জোব লাখ ২২ হাপচিনখি, অমসুং হায়রিবা মশিং অসি হৌজিক ফাওবদা অতোপ্পা থা অমত্তদগী হেনখ্রে। ভারতকী রিতেল ইনফ্লেসন অসি ২০১৭দগী হৌরগা খ্বাইদগী নেম্বা থাক্তা লৈরে। ঐখোয়গী ফোরেন এক্সচেঞ্জ রিজর্বশিং অসি রেকোর্দ য়াম্বগী মনুং চন্না লৈরে। ২০১৪দা ঐখোয়গী সোলর PV মোদ্যুল মেনুফেকচরিং কেপাসিতী অসি চাউরাক্না গিগাৱাৎ ২.৫ ওইরম্মি। খ্বাইদগী নৌবা দেতাগী মতুং ইন্না ঙসিদি মসিগী কেপাসিতী অসি গিগাৱাৎ ১০০গী পুৱারী ওইরবা মাইলস্তোন য়ৌরে। ঐখোয়গী দিল্লীগী এয়রপোর্ত অসি মালেমগী এয়রপোর্তশিংগী ইলিৎ সেন্দর মিলিয়ন প্লস ক্লবতা য়ৌরে। ঙসিদি এয়রপোর্ত অসিগী চহিগী ওইবা পেসেঞ্জর হেন্দলিং কেপাসিতী অসি মিলিয়ন ১০০ হেনখ্রে। মালেমগী এয়রপোর্ত ৬ খক্তমক মসিগী এক্সক্লুসিব গ্রুপ অসিগী শরুক ওইরি।

মরুপশিং,

ইকুই কুইদ্রিঙৈদা, অতোপ্পা পাউ অমা পাউদা য়াওখি। S&P গ্লোবেল রেতিংসনা ভারতকী ক্রেদিৎ রেতিং হেনগৎখ্রে। অমসুং মসি চাউরাক্না চহি তরাগী খুজিং অনিগী মতুংদা থোকখ্রে। মসিনা তাক্লিবদি ভারত অসি মসিগী রেসিলিয়েন্স অমসুং মপাঙ্গলনা মরম ওইদুনা মালেমগী অতৈ মফমশিংগী আশা ওইদুনা লৈরি।

মরুপশিং,

ঐখোয়না তোয়না হন্না-হন্না মীয়ামদা হায়বা ৱাহৈ পরেং অমা তাদুনা লাক্লি, করিগুম্বা মতমদা ঐখোয়না মসি হায়নৈ, করিগুম্বা মতমদা ঐখোয়না মসি তাদুনা লাক্লি, অমসুং মসি হায়নৈ - মিসিং দি বস। মসিগী ৱাহন্থোক্তি খুদোংচাবা অমা লাকই অমসুং মদু মাংখ্রে হায়বনি। ঐখোয়গী লৈবাক অসিদা, মমাংগী সরকারশিংনা তেক্নোলোজী অমসুং ইন্দস্ত্রীগীদমক খুদোংচাবগী অসিগুম্বা বস কয়া অমা নান্থোকখি। ঙসি ঐহাক মফম অসিদা কনাগুম্বা অমবু চৈনবা লাকপা নত্তে অদুবু দেমোক্রেসীদা, করিগুম্বা মতমদা চাংদম্নবগী ৱা ঙাংবনা ফীভম অদু হেন্না ময়েক শেংহল্লি।

মরুপশিং,

মমাংগী সরকারশিংনা লৈবাক অসিবু ভোৎ বেঙ্ক পোলিসীগী লাংদা থুহনখি, মখোয়না মীখলগী ৱাংমদা করিগুম্বা অমত্তা খল্লমদে। অৱাংবা থাক্কী তেক্নোলোজী পুথোকপা অসি চাউখৎলবা লৈবাকশিংগী থৌদাংনি হায়না মখোয়না খল্লি। করিগুম্বা ঐখোয়না মদু মথৌ তারবদি, ঐখোয়না মদু মফম অদুদগী পুশিল্লগনি। মসিনা মরম ওইদুনা চহি কয়া ঐখোয়গী লৈবাক অসি মালেমগী লৈবাক কয়াদগী শোত্থনা লৈরমখি। ঐখোয়না মতম চানা বস তোংবা ঙমখিদে। ঐখোয়গী কম্ম্যুনিকেসন সেক্তরগুম্বা খুদম খরদি ঐনা পীরগনি। মালেমদা ইন্তর্নেতকী মতম হৌরকপা মতমদা মতম অদুগী সরকারনা ৱাখল চম্মনবা পোকখি। মতুংদা 2Gগী মতম লাকখি, করি থোকখি হায়বদু ঐখোয় পুম্নমক্না উখ্রে। ঐখোয়না বস অদু তোংবা নংখিদে। ঐখোয়না 2G, 3G অমসুং 4Gগীদমকসু মপানগী লৈবাকশিংদা মখা পোল্লি। মসিনা কয়াম কুইনা চৎপা ঙমগনি? মরম অদুনা, ২০১৪গী মতুংদা, ভারতনা মসিগী এপ্রোচ অসি হোংদোকখি। ভারতনা ঐখোয়না খুদোংচাবা অমত্তা মাংহন্দনবা ৱারেপ লৌখি, অদুবু ঐখোয়না দ্রাইভিং সিৎতা লৈদুনা মাংলোমদা চংশিনখি। মরম অসিনা ঐখোয়না লৈবাক অসিদা 5G স্তেক পুম্নমক শেমগৎলে। ঐখোয়না মেদ ইন ইন্দিয়া 5G পুথোকখি অমসুং লৈবাক পুম্বদা য়াম্না থুনা য়ৌহনখি। হৌজিক ঐখোয়না মেদ ইন ইন্দিয়া 6Gদা খোঙজেল য়াংনা থবক তৌরি।

অমসুং মরুপশিং,

সেমিকন্দক্তর মেন্যুফেকচরিং অসি ভারত্তা চহি ৫০-৬০গী মমাংদা হৌরম্বা য়াই হায়বসি ঐখোয় পুম্নমক্না খঙই। অদুবু ভারতসু খুদোংচাবা অদু মাংহনখি, অমসুং মসি চহি কয়া মখা চত্থখি। ঙসিদি ঐখোয়না ফিভম অসি হোংদোক্লে। সেমিকন্দক্তরগা মরী লৈনবা ফেক্তরীশিং ভারত্তা লিংখৎপা হৌখ্রে। চহি অসিগী অরোইবা শরুক্তা ইহান হানবা মেদ ইন ইন্দিয়া চিপ অসি কৈথেলদা পুথোক্কনি।

মরুপশিং,

ঙসি অসি নেস্নেল স্পেস দেসুনি। ঐহাক্না অদোম পুম্নমকপু নেস্নেল স্পেস দেগী য়াইফ পাউজেল পীজরি। মসিগা লোয়ননা, ঐহাক্না সেক্তর অসিগী মরমদসু ৱারী শানগনি। ২০১৪গী মমাংদা, স্পেস মিসনশিং অসি অকক্নবা ওইরম্মি অমসুং মখোয়গী স্কোপসু অকক্নবা ওইরম্মি। ঙসি ২১শুবা চহিচা অসিদা, অচৌবা লৈবাক খুদিংমক্না স্পেসকী ওইথোকপা য়াবশিং থিজিল্লিবা মতম অসিদা, ভারতনা মতৌ করম্না মাংলোমদা চংশিনবা ঙমগনি? মরম অদুনা, ঐখোয়না স্পেস সেক্তরসু শেমদোকখি অমসুং প্রাইবেৎ সেক্তরগীদমক হাংদোকখি। ঐহাক্না অদোমদা মশিং অমা পীগে। চহি ১৯৭৯দগী ২০১৪ ফাওবদা, ভারত্তা মিসন ৪২ খক্তমক পাংথোকখি, হায়বদি চহি ৩৫দা মিসন ৪২, হৌখিবা চহি ১১ অসিদা মিসন ৬০ হেন্না লোইশিনখ্রে হায়বা খঙবদা অদোম নুংঙাইগনি। লাক্কদৌরিবা মতম অসিদা মিসন কয়া অমা পরিংদা লৈরে। চহি অসিদা, ঐখোয়না স্পেস দোকিংগী মপাঙ্গলসু ফংলে। মসি ঐখোয়গী তুংগী মিসনশিংগীদমক অচৌবা মাইপাকপা অমনি। হৌজিক ভারতনা গগনয়ান মিসনগী খুত্থাংদা মাগী এস্ত্রোনোতশিংবু স্পেসতা থাগৎনবা শেম-শাদুনা লৈরি। অমসুং মসিদা ঐখোয়না গ্রুপ কেপ্তেন শুভান্সু শুক্লাগী এক্সপরিয়েন্সশিংদগীসু মতেং কয়া অমা ফংগনি।

মরুপশিং,

স্পেস সেক্তরদা অনৌবা ইনর্জী পীনবগীদমক্তা, মসিদগী অথিংবা পুম্নমক্তগী লৌথোকপা মথৌ তাই। মসিনা মরম ওইদুনা ঐখোয়না অহানবা ওইনা প্রাইবেৎ পার্তিসিপেন্সনগীদমক ময়েক শেংবা কাংলোনশিং শেম্লে, অহানবা ওইনা স্পেক্ত্রমগী এলোকেসন অসি ত্রান্সপরেন্ত ওইরে, অহানবা ওইনা ফোরেন্দ ইনভেস্তমেন্ত লিবরেলাইজ তৌরে, অমসুং চহি অসিগী বজেৎ অসিদা ঐখোয়না স্পেস স্তার্ত-অপশিংগীদমক লুপা করোর ১০০০গী ভেঞ্চর কেপিতেল ফন্দসু পীরে।

মরুপশিং,

ঙসিদি ভারতকী স্পেস সেক্তরনা রিফোর্মশিং অসিগী মাই পাকপা উবা ফংলি। ২০১৪দা ভারত্তা স্পেস স্তার্তঅপ অমা খক্তমক লৈরম্মি, ঙসিদি মসি ৩০০দগী হেন্না লৈরে। অমসুং ঐখোয়না স্পেসতা ঐখোয়গী স্পেস স্তেসন অমা লৈবগী মতম অদু য়ৌরক্কদবা কুইদ্রে।

মরুপশিং,

ঐখোয়না ক্বান্তম জম্পকী পান্দমগা লোয়ননা মাংলোমদা চংশিল্লি, অহেনবা অহোংবা অমা খক নত্তে। অমসুং রিফোর্মশিং অসি ঐখোয়গী ওইনা কমপলজন নৎত্রগা ক্রাইসিসদগী লাকপা ওইদে, মসি ঐখোয়গী অচেৎপা ফিরেপনি, ঐখোয়গী থাজবনি! ঐখোয়না সেক্তর অমহেক্তদা হোলিস্তিক ওইবা এপ্রোচ অমগা লোয়ননা কুপ্না য়েংশিল্লি, অদুগা সেক্তর অদুদা রিফোর্ম মথং মথং পাংথোক্লি।

মরুপশিং,

নুমিৎ খরনিগী মমাংদা পার্লিয়ামেন্তকী নোংজু মীফম লোইশিনখ্রে। নোংজু মীফম অসিদা রিফোর্মশিংগী কন্তিন্যুতী অদু অদোম্না উবা ফংলগনি। ওপোজিসন্না থোকহনবা অৱাবা কয়া লৈরবসু ঐখোয়না মপুং ফানা থৌদাং লৌদুনা রিফোর্মশিং পাংথোক্লি। হায়রিবা নোংজু মীফম অসিদা, জন বিশ্বাস ২.০ লৈরি। মসি থাজবদা য়ুম্ফম ওইবা লৈঙাক অমসুং প্রো পিল গবর্নান্সকা মরী লৈনবা অচৌবা রিফোর্ম অমনি। জন বিশ্বাসকী অহানবা ইদিসনদা ঐখোয়না মাইনর ওফেন্স ২০০ রোম দি-ক্রিমিনেলাইজ তৌখি। আইন অসিগী অনিশুবা ইদিসন অসিদা, ঐখোয়না মাইনর ওফেন্স ৩০০ হেন্না দি-ক্রিমিনেলাইজ তৌখ্রে। মীফম অসিদা, ইনকম তেক্স এক্তসু রিফোর্ম তৌখ্রে। চহি ৬০গী মমাংদা চৎনরম্বা আইন অসি হৌজিক্তি লায়থোকহনখ্রে। অমসুং মসিদসু অখন্নবা ৱাফম অমা লৈ, মমাংদদি হায়রিবা আইন অসিগী লোল অসি উকিলশিং নৎত্রগা CAশিং খক্তনা মওং চুম্না খঙবা ঙম্মি। অদুবু হৌজিক্তি লৈবাক অসিগী তেক্স থীরিবশিংগী লোলদা ইনকম তেক্স বিল শেম্লে। মসিনা তাক্লি মদুদি ঐখোয়গী সরকারনা নাগরিকশিংগী কান্নবশিংগীদমক কয়া য়াম্না সেন্সিতিব ওইরি।

মরুপশিং,

হায়রিবা নোংজু মীফম অসিদা, মাইনিংগা মরী লৈনবা আইনশিংদা অহোংবা কয়া অমা পুরকখ্রে। শিপ্পিং অমসুং পোর্তশিংগা মরী লৈনবা আইনশিংসু হোংদোকখ্রে। হায়রিবা আইনশিং অসি ব্রিতিশকী মতমদগী চৎনরক্লি। হৌজিক পায়খৎলিবা রিফোর্মশিং অসিনা ভারতকী ব্লু ইকোনোমী, পোর্ত লমজিংবা চাউখৎপা হেনগৎহনগনি। মসিগা মান্ননা, স্পোর্তস সেক্তরদসু অনৌবা রিফোর্মশিং পাংথোকখ্রে। ঐখোয়না ভারতপু অচৌবা থৌরমশিং পাংথোক্নবা শেম-শারি। ঐখোয়না স্পোর্তস ইকোনোমীগী ইকোসিস্তেম অমা শেমগৎলি। মসিনা মরম ওইদুনা সরকার অসিনা অনৌবা নেস্নেল স্পোর্তস পোলিসী - খেলো ইন্দিয়া পোলিসী অমসু পুথোক্লে।Top of Form

মরুপশিং,

মসিগী পান্দম অসি ফংলবতদা মোদীনা পোত্থাবা ফংগনি! মসি ঐহাক্কী হৈনবী নত্তে। রিফোর্মশিংগী মতাংদসু ঐখোয়গী ৱাখল্লোন অসি অসিনি। ঐখোয়না তুংলমচৎকীদমক শেম-শাদুনা লৈরি, ঐখোয়না মখা তানা চংশিনবা তাই। হৌজিক ঐহাক্না অতোপ্পা রিফোর্মশিংগী পুকৈ অমা পুরক্নবা থৌরাং তৌরি। মসিগীদমক্তা ঐখোয়না মায়কৈ কয়াদা থবক তৌরি। ঐখোয়না দরকার লৈতবা আইনশিং লৌথোক্লি। ঐখোয়না চৎন-কাঙলোনশিং অমসুং থৌওংশিং অসি লায়থোকহল্লি। ঐখোয়না প্রোসিদ্যুরশিং অমসুং এপ্রুবেলশিং দিজিতেলাইজ তৌরি। ঐখোয়না প্রোভিজন কয়া অমা দি-ক্রিমিনেলাইজ তৌরি। হায়রিবা পরিং অসিদা, GSTদসু অচৌবা রিফোর্ম অমা পাংথোক্লি। হায়রিবা থৌওং অসি দিৱালী অসিদা লোইশিনগনি। মসিনা GSTবু হেন্না লায়থোকহল্লগনি অমসুং পোৎকী মমলসু হন্থহল্লগনি।

মরুপশিং,

নেক্স জেনরেসনগী রিফোর্মশিং অসিগা লোয়ননা ভারত্তা মেনুফেকচরিং হেনগৎলগনি, কৈথেলদা দিমান্দ হেনগৎলগনি, ইন্দস্ত্রীদা অনৌবা ইনর্জী ফংলগনি, থবক ফংবগী অনৌবা খুদোংচাবা ফংলগনি অমসুং ইজ ওফ লিভিং অমসুং ইজ ওফ দুইং বিজিনেস অনিমক ফগৎলগনি।

মরুপশিং,

ঙসি ভারতনা ২০৪৭ ফাওবদা চাউখৎনবা মপুং ফানা হোৎনরি অমসুং চাউখৎলবা ভারতকী য়ুম্ফমদি মশা-মরোমদোম লেপচবা ভারতনি। ঐখোয়না মশা-মরোমদোম লেপচবা ভারত অসি পেরামিতর অহুমদা য়েংশিনবা তাই। হায়রিবা পেরামিতরশিং অসি স্পীদ, স্কেল অমসুং স্কোপনি। মালেমগী লাইচৎ মনুংদা ভারতকী স্পীদ, স্কেল অমসুং স্কোপ অদু অদোম্না উবা ফংলে। মতম অদুদা পোৎলম কয়া অমা মথৌ কয়া য়াম্না তাখিবগে হায়বদু অদোম্না নীংশিংলমখিগনি অমসুং অতোপ্পা নাকল অমরোমদা, মালেমগী সপ্লাই চেন অসিসু লেপখিবনি। মতুংদা লৈবাক অসিদা তঙাইফদবা পোৎলমশিং শেম্নবা ঐখোয়না খোঙথাংশিং লৌখৎখি। মতম খরগী মনুংদা, ঐখোয়না তেস্তিং কিৎশিং মশিং য়াম্না শাখি, ভেন্তিলেতরশিং শাখি, লৈবাক অসিগী হোস্পিতালশিংদা ওক্সিজেন প্লান্তশিং লিংখৎখি। থবকশিং অসিদা ভারতকী খোঙজেল অসি উবা ফংই। ঐখোয়না লৈবাক অসিগী মফম খুদিংমক্তা চৎতুনা ঐখোয়গী নাগরিকশিংদা ভারতনা পুথোকপা ভেক্সিন করোর ২২০ হেন্না লেম্না কাপথোকখি। মসিদা ভারতকী পাক চাউবা মশক অদু উবা ফংই। মীওই করোর কয়া অমা অথুবা মতমদা ভেক্সিন কাপ্পা ঙম্নবগীদমক ঐখোয়না কোৱিনগুম্বা প্লেৎফোর্ম অমা শেমখি। মসিদা ভারতকী স্কোপ অসি উবা ফংই। মসি মালেমদা খ্বাইদগী তোপ তোপ্পা সিস্তেম অমনি, মসিগীদমক ঐখোয়না রেকোর্দ ওইনা অতেনবা মতমগী মনুংদা ভেক্সিনেসন অসি লোইশিনখি।

মরুপশিং,

মতৌ অসুম্না, মালেম অসিনা ইনর্জীগী লমদা ভারতকী খোঙজেল, স্কেল অমসুং স্কোপ অদু য়েংলি। ঐখোয়না ২০৩০ ফাওবদা ঐখোয়গী অপুনবা পাৱর কেপাসিতীগী চাদা ৫০দি নন-ফোসিল ফ্যুএলদগী পুথোক্কনি হায়না ঐখোয়না ৱারেপ লৌখি। মসি ২০৩০গী পান্দমনি। চহি মঙাগী মমাংদা ঐখোয়না পান্দম অসি চহি অসিমক্তদা, ২০২৫দা ফংলে।

মরুপশিং,

মমাংগী মতমগী পোলিসীশিংদা, ইম্পোর্ত্তা অহেনবা মীৎয়েং চঙখি। মীশিংনাগী মখোয়গী মশাগী কান্নবা, মখোয়গী মশাগী গেম কয়া লৈরম্মি। অদুবু ঙসিদি, মশা-মরোমদোম লেপচবা ভারতনা এক্সপোর্তকী লমদসু অনৌবা রেকোর্দশিং থম্বা ঙম্লে। হৌখিবা চহি অমদা, ঐখোয়না লুপা করোর লাখ ৪গী লৌউ-শিংউগী পোত্থোক এক্সপোর্ত তৌখ্রে। হৌখিবা চহি অমদা, মালেম পুম্বদা ভেক্সিন দোজ করোর ৮০০ পুথোকখ্রে। মসিগী মনুংদা করোর ৪০০দি ভারত্তা শেমখ্রে। নীংতম্বা ফংলবা মতুং চহী তরাগী মনুংদা, ঐখোয়গী ইলেক্ত্রোনিক্স এক্সপোর্ত অসি লুপা করোর লিশিং ৩৫ রোম ওইখি। ঙসিদি মসি চাউরাক্না লুপা করোর লাখ ৩.২৫ য়ৌরে।

মরুপশিং,

২০১৪ ফাওবদা, ভারতনা লুপা করোর ৫০ রোমগী ওতোমোবাইলশিং এক্সপোর্ত তৌখি। ঙসিদি ভারতনা চহি অমদা লুপা করোর লাখ ১.২০,০০০গী ওতোমোবাইলশিং এক্সপোর্ত তৌরি। ঙসিদি ঐখোয়না মেত্রো কোচশিং, রেল কোচশিংদগী হৌরগা রেল লোকোমোতিব ফাওবা মপান্দা থাদোকপা হৌরে। ঐহাক্না অদোমগী মরক্তা লাক্লিবমখৈ, ঐহাক্না অদোমদা ভারতকী অতোপ্পা মাইপাকপা অমা শন্দোক্না তাকপীবা পাম্মি। ভারতনা হৌজিক্তি মালেমগী লৈবাক ১০০দা ইলেক্ত্রিক ভেহিকলশিং এক্সপোর্ত তৌরগনি। নুমিৎ নিনিগী মতুংদা, ওগস্ত ২৬দা, মসিগা মরী লৈনবা য়াম্না চাউবা প্রোগ্রাম অমসু পাংথোক্লগনি।

মরুপশিং,

রিসর্চ অসি লৈবাক অসিগী চাউখৎপগী মরুওইবা য়ুম্ফম অমনি হায়বসি অদোম পুম্নমক্না খঙই। ইম্পোর্ত তৌরবা রিসর্চনা ঐখোয় হিংবদা মতেং পাংবা য়াই, অদুবু মসিনা ঐখোয়গী ৱারেপ অদু মপুং ফাহল্লোই। মরম অদুনা, ঐখোয়না রিসর্চকী লমদা অথুবা মতমদা, ঐখোয়না অসিগুম্বা ৱাখল্লোন অমা মথৌ তাই। ঐখোয়না রিসর্চ পুক্নিং থৌগৎনবা য়াম্না থুনা থবক তৌরি। মসিগীদমক্তা মথৌ তাবা পোলিসীশিং অমসুং প্লেৎফোর্মশিংদা ঐখোয়না লেপ্পা লৈতনা থবক তৌরি। ঙসিদি, রিসর্চ অমসুং দিবেলপমেন্তকী শেনফম অসি ২০১৪গা চাংদম্নবদা শরুক অনি হেনগৎখ্রে। ফাইল তৌখিবা পেতেন্তশিংগী মশিং অসিসু ২০১৪গা চাংদম্নবদা শরুক ১৭ হেনগৎখ্রে। ঐখোয়না হায়র এজুকেসন ইন্সতিত্যুৎ ৬,০০০ রোমদা রিসর্চ অমসুং দিবেলপমেন্ত সেলশিং লিংখৎলে। নহাক্না 'ৱান নেসন, ৱান সবস্ক্রিপ্সন' অসিসু খঙনরক্কনি। মসিনা মহৈরোয়শিংনা মালেমগী থাক্কী রিসর্চ জর্নেলশিং য়াম্না লায়না এক্সেস তৌবা ঙমহল্লে। ঐখোয়না লুপা করোর লিশিং ৫০গী বজেৎ অমগা লোয়ননা নেস্নেল রিসর্চ ফাউন্দেসন শেম্লে। লুপা করোর লাখ ১গী রিসর্চ দিবেলপমেন্ত অমসুং ইন্নোবেসন স্কিমসু অয়াবা পীখ্রে। মসিগী পান্দমদি প্রাইবেৎ সেক্তরদা, মরুওইনা সনরাইজ অমসুং স্ত্রেতেজিক সেক্তরশিংদা অনৌবা রিসর্চ শৌগৎপনি।

মরুপশিং,

মকোক থোংবা ইন্দস্ত্রীগী লুচিংবশিংসু মীফম অসিদা য়াওরি। ঙসি, ইন্দস্ত্রী অমসুং প্রাইবেৎ সেক্তরনা মাংলোমদা চংশিল্লগা রিসর্চতা মখোয়গী থবক অমসুং ইনবেস্তমেন্ত হেনগৎহনগদবনি, মরু ওইনা ক্লিন ইনর্জী, ক্বান্তম তেক্নোলোজী, বেতরী স্তোরেজ, এদভান্স মেতরিএল অমসুং বাইওতেক্নোলোজীগুম্বা সেক্তরশিংদা। মসিনা চাউখৎলবা ভারত অমগী ৱারেপ অদুদা অনৌবা ইনর্জী পীগনি।

মরুপশিং,

রিফোর্ম, পর্ফোর্ম, ত্রান্সফোর্মেসনগী মন্ত্র ঙাক্লিবা ভারতনা ঙসিদি মালেম অসিবু তপ্না তপ্না চাউখৎপগী ফীভমদগী পুথোরকপা ঙম্লে। ঐখোয়না চেন্দবা ঈশিংগী মপালদা ফমদুনা মদুদা লৈতুম হুন্দুনা লৈথোকপা মীওইশিং নত্তে, ঐখোয়না য়াম্না থুনা চেল্লিবা ঈশিং অদু ওন্থোকপা ঙম্বা মীওইশিংনি। অমসুং ঐহাক্না লাল কিলাদগী হায়খিবগুম্না, ভারতনা মতম ওন্থোকপা ঙম্বগী থৌনা লৈরি।

মরুপশিং,

ঐহাক্না ইকোনোমিক তাইম্সতা ময়াম পুম্নমক্কা উনবগী খুদোংচাবা পীবিবগীদমক্তা থাগৎচরি। ঐহাক্না ময়াম পুম্নমকপু থম্মোয়গী থাগৎপা ফোংদোকচরি। ঐহাক্না ময়ামদা য়াইফ-পাউজেল পীজরি!

থাগৎচরি!

***