ନମସ୍କାର!

କେନ୍ଦ୍ର ସରକାରରେ ଯୁବ ବର୍ଗଙ୍କୁ ସ୍ଥାୟୀ କର୍ମସଂସ୍ଥାନ ଯୋଗାଇ ଦେବା ନିମନ୍ତେ ଆମର ଅଭିଯାନ ନିରନ୍ତର ଭାବରେ ଜାରି ରହିଛି ଏବଂ ଆମର ଆଉ ଗୋଟିଏ ପରିଚୟ ମଧ୍ୟ ଅଛି । ତାହା ହେଲା କୌଣସି ବିନା ସୁପାରିଶରେ ଏବଂ  କୌଣସି ଦୁର୍ନୀତି ବିନା । ଆଜି ୫୧ ହଜାରରୁ ଅଧିକ ଯୁବକ ଯୁବତୀଙ୍କୁ ସେମାନଙ୍କର ନିଯୁକ୍ତି ପତ୍ର ପ୍ରଦାନ କରାଯାଇଛି । ଏଭଳି ନିଯୁକ୍ତି ମେଳା ମାଧ୍ୟମରେ ଦେଶର ଲକ୍ଷ ଲକ୍ଷ ଯୁବକ ଯୁବତୀ ଭାରତ ସରକାରଙ୍କ ବିଭିନ୍ନ ମନ୍ତ୍ରଣାଳୟ ଏବଂ ବିଭାଗରେ କର୍ମନିଯୁକ୍ତି ପାଇବାରେ ସକ୍ଷମ ହୋଇପାରିଛନ୍ତି । ସେମାନଙ୍କର ଇପ୍ସିତ ଚାକିରି ସେମାନଙ୍କୁ ମିଳିଛି । ଏହି ଯୁବକ ଯୁବତୀମାନେ ଦେଶ ନିର୍ମାଣରେ ବିରାଟ ଭୂମିକା ନିର୍ବାହ କରିବାକୁ ଯାଉଛନ୍ତି । ଆଜି ମଧ୍ୟ ଆପଣମାନଙ୍କ ମଧ୍ୟରୁ ଅନେକ ଭାରତୀୟ ରେଳବାଇରେ ନିଜର କର୍ମମୟ ଜୀବନ ଆରମ୍ଭ କରିଛନ୍ତି । ସେହିସବୁ ବନ୍ଧୁମାନେ ଏବେ ଦେଶର ସୁରକ୍ଷା କବଚ ହେବେ । ଡାକ ବିଭାଗରେ ନିଯୁକ୍ତ ସହକର୍ମୀମାନେ, ଗାଆଁମାନଙ୍କରେ କାର୍ଯ୍ୟ କରିବେ । ସେମାନଙ୍କ ମଧ୍ୟରୁ କେତେକ ସମସ୍ତଙ୍କ ପାଇଁ ସ୍ୱାସ୍ଥ୍ୟ ମିଶନରେ ସୈନିକ ହେବ । ଅନେକ ଯୁବକ ଯୁବତୀ ଆର୍ଥିକ ସମାଯୋଜନ କାର୍ଯ୍ୟରେ ସାମିଲ ହେବେ ଏବଂ ଦେଶର ଆର୍ଥିକ ଇଞ୍ଜିନକୁ ତ୍ୱରାନ୍ୱିତ କରିବେ । ସେହିଭଳି ଅନ୍ୟମାନେ ଦେଶର ଶିଳ୍ପ ବିକାଶକୁ ତ୍ୱରାନ୍ୱିତ କରିବେ । ଆପଣମାନଙ୍କର ବିଭାଗ ଭିନ୍ନ ଭିନ୍ନ ହୋଇଥାଇ ପାରେ, କିନ୍ତୁ ଲକ୍ଷ୍ୟ ଏକ ଏବଂ ସେ ଲକ୍ଷ୍ୟ କ'ଣ ? ଆମମାନଙ୍କୁ ଏହା ବାରମ୍ବାର ସ୍ମରଣ ରଖିବାକୁ ହେବ: ବିଭାଗ, କାର୍ଯ୍ୟ, ଦାୟିତ୍ୱ କିମ୍ବା କ୍ଷେତ୍ର ଯାହା ହୋଇଥାଉ ନା କାହିଁକି - ଆମର ଲକ୍ଷ୍ୟ ହେଉଛି ଦେଶର ସେବା କରିବା । ତେଣୁ ଆମର ଏକମାତ୍ର ନୀତି ହେବ - ନାଗରିକ ସର୍ବୋପରି । ଆପଣମାନଙ୍କୁ ଦେଶ ସେବା କରିବାର ଏକ ବିରାଟ ମଞ୍ଚ ପ୍ରଦାନ କରାଯାଇଛି । ମୁଁ ଆପଣମାନଙ୍କୁ ସମସ୍ତଙ୍କୁ ଏହି ଅବସରରେ ଅଭିନନ୍ଦନ ଜଣାଉଛି ଯେ ଆପଣମାନେ ଜୀବନର ପ୍ରତ୍ୟେକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟରେ ସଫଳତା ହାସଲ କରନ୍ତୁ । ମୁଁ ଆପଣମାନଙ୍କ ଜୀବନର ଏହି ନୂତନ ଯାତ୍ରାରମ୍ଭରେ ପୁଣି ଥରେ ହାର୍ଦ୍ଦିକ ଶୁଭେଚ୍ଛା ଜ୍ଞାପନ କରୁଛି ।

ବନ୍ଧୁଗଣ,

ଆଜି ବିଶ୍ୱ ସ୍ୱୀକାର କରୁଛି ଯେ ଭାରତ ନିକଟରୁ ଦୁଇଟି ଅସୀମ ଶକ୍ତିର ଭଣ୍ଡାର ମହଜୁଦ  ରହିଛି । ଗୋଟିଏ ହେଉଛି ଡେମୋଗ୍ରାଫି (ଜନସଂଖ୍ୟାର ବିପୁଳତା) ଏବଂ ଅନ୍ୟଟି ହେଉଛି ଡେମୋକ୍ରାସି (ଗଣତନ୍ତ୍ର) । ଅର୍ଥାତ୍, ସବୁଠାରୁ ବଡ଼ ଯୁବସଂଖ୍ୟା ଓ ସର୍ବବୃହତ୍ ଗଣତନ୍ତ୍ର । ଯୁବଗୋଷ୍ଠୀଙ୍କର ଏହି ଶକ୍ତି ଆମର ଉଜ୍ଜ୍ୱଳ ଭବିଷ୍ୟତର ସବୁଠାରୁ ବଡ଼ ସମ୍ପତ୍ତି ଏବଂ ସବୁଠାରୁ ବଡ଼ ଗ୍ୟାରେଣ୍ଟି । ଏବଂ ଏହି ରାଜଧାନୀକୁ ସମୃଦ୍ଧିର ଉତ୍ସ ଭାବରେ ପରିଣତ କରିବା ନିମନ୍ତେ ଆମ ସରକାର ଅହୋରାତ୍ର କାର୍ଯ୍ୟ କରୁଛନ୍ତି । ଆପଣମାନେ ସମସ୍ତେ ଜାଣନ୍ତି ଯେ ମୁଁ ପାଞ୍ଚଟି ରାଷ୍ଟ୍ର ଭ୍ରମଣରୁ ଫେରିବାର  ପୂର୍ବ ଦିନ । ଭାରତର ଯୁବଶକ୍ତି  ପ୍ରତିବାଦ ସବୁ ଦେଶରେ ଶୁଣିବାକୁ ମିଳିଥିଲା । ଏହି ସମୟ ମଧ୍ୟରେ ସ୍ୱାକ୍ଷରିତ  ସମସ୍ତ ବୁଝାମଣା ଉଭୟ ଦେଶ ଏବଂ ବିଦେଶରେ ଆବଶ୍ୟକ । ପ୍ରତିରକ୍ଷା ଠାରୁ ଆରମ୍ଭ କରି ଫାର୍ମା, ଡିଜିଟାଲ ପ୍ରଯୁକ୍ତି, ଶକ୍ତି, ବିରଳ ଖଣିଜ ପଦାର୍ଥ, ଏଭଳି ଅନେକ କ୍ଷେତ୍ରରେ ସ୍ୱାକ୍ଷରିତ ବୁଝାମଣା ଆଗାମୀ ଦିନରେ ଭାରତକୁ ବିପୁଳ ଫାଇଦା ଦେବ । ମାନୁଫାକ୍ଚରିଂ ଏବଂ ସର୍ଭିସ ସେକ୍ଟରକୁ ମଧ୍ୟ ପ୍ରଚୁର ଶକ୍ତି ମିଳିପାରିବ ।

ବନ୍ଧୁଗଣ,

ଏକବିଂଶ ଶତାବ୍ଦୀରେ ବଦଳୁଥିବା ସମୟ ସହିତ ନିଯୁକ୍ତିର ଚରିତ୍ର ମଧ୍ୟ ବଦଳି ଚାଲିଛି । ନୂଆ ନୂଆ କ୍ଷେତ୍ରମାନ ମୁଣ୍ଡ ଟେକୁଛନ୍ତି ଏବଂ ସେମାନଙ୍କର ସ୍ୱଭାବ ମଧ୍ୟ ସେହିଭଳି ନୂଆ ପରି ପ୍ରତୀୟମାନ ହେଉଛି । ତେଣୁ ବିଗତ ଦଶନ୍ଧିରେ ଭାରତ ଏଥି ନିମନ୍ତେ ନିଜର ଯୁବଶକ୍ତିକୁ ପ୍ରସ୍ତୁତ କରିବା ଉପରେ ଅଧିକ ଗୁରୁତ୍ୱ ଆରୋପ କରିଛି । ବର୍ତ୍ତମାନ ଏଥିପାଇଁ ଗୁରୁତ୍ୱପୂର୍ଣ୍ଣ ନିଷ୍ପତ୍ତିମାନ ଗ୍ରହଣ କରାଯାଇଛି, ଆଧୁନିକ ଆବଶ୍ୟକତାକୁ ଦୃଷ୍ଟିରେ ରଖି ଆଧୁନିକ ନୀତିମାନ ପ୍ରଣୟନ କରାଯାଉଛି । ଆଜି ଦେଶରେ ସୃଷ୍ଟି ହୋଇଥିବା ଷ୍ଟାର୍ଟ ଅପ୍ ବାତାବରଣ, ନବସୃଜନ ଏବଂ ଗବେଷଣାର ବାତାବରଣ ବିଶ୍ୱର ଶ୍ରେଷ୍ଠ ବୋଲି ସାବ୍ୟସ୍ତ ହୋଇଛି । ଆଜି ମୁଁ ଯେତେବେଳେ ଲକ୍ଷ୍ୟ କରୁଛି ଯେ ଯୁବପିଢ଼ି ସେମାନଙ୍କର ସାମର୍ଥ୍ୟ ବୃଦ୍ଧି କରିଚାଲିଛନ୍ତି, ସେତେବେଳେ ମୋ ମନ ମଧ୍ୟ ଆତ୍ମସନ୍ତୁଷ୍ଟିରେ ଭରି ଉଠୁଛି । ଏବେ ଗୋଟିଏ କଥା ଦେଖନ୍ତୁ, ଡକ୍ଟର ଜିତେନ୍ଦ୍ର ସିଂହଜୀ ମଧ୍ୟ ଆପଣମାନଙ୍କ ସମ୍ମୁଖରେ ଷ୍ଟାର୍ଟ ଅପ୍ ସମ୍ପର୍କରେ କେତେକ ବିସ୍ତୃତ ପରିସଂଖ୍ୟାନ ଉପସ୍ଥାପନ କରିଛନ୍ତି । ମୁଁ ଖୁସି ଯେ ମୋର ଦେଶର ଯୁବପିଢ଼ି ଏକ ବିରାଟ ଲକ୍ଷ୍ୟ ନେଇ ଦ୍ରୁତ ଗତିରେ ଆଗକୁ ବଢ଼ି ଚାଲିଛନ୍ତି । ସେମାନେ ସକଳ ସାମର୍ଥ୍ୟର ସହିତ ଆଗକୁ ଅଗ୍ରସର ହେଉଛନ୍ତି, କିଛି ନୂଆ କରି ଦେଖାଇବାକୁ ଚାହୁଁଛନ୍ତି ।

ବନ୍ଧୁଗଣ,

ଘରୋଇ କ୍ଷେତ୍ରରେ ନୂତନ ନିଯୁକ୍ତି ସୁଯୋଗ ଉପରେ ମଧ୍ୟ ଭାରତ ସରକାରଙ୍କର ଗୁରୁତ୍ୱ ରହିଛି । ନିକଟରେ ସରକାର ନିଯୁକ୍ତି ସଂଯୁକ୍ତ ପ୍ରୋତ୍ସାହନ ଯୋଜନା ନାମରେ ଏକ ନୂତନ ଯୋଜନାକୁ ଅନୁମୋଦନ କରିଛନ୍ତି । ଏହା ଏହି ଯୋଜନା ଅଧୀନରେ ଘରୋଇ କ୍ଷେତ୍ରରେ ପ୍ରଥମ ଥର ପାଇଁ ନିଯୁକ୍ତି ପାଇଥିବା ଯୁବକଯୁବତୀଙ୍କୁ ସରକାର ମାସିକ ୧୫ ହଜାର ଟଙ୍କା ଲେଖାଏଁ ପ୍ରୋତ୍ସାହନ ରାଶି ପ୍ରଦାନ କରିବେ । ଅର୍ଥାତ୍, ପ୍ରଥମ ଚାକିରିର ପ୍ରଥମ ଦରମାରେ ସରକାର ଯୋଗଦାନ କରିବେ । ଏଥି ନିମନ୍ତେ ଏକ ଲକ୍ଷ କୋଟି ଟଙ୍କାର ବଜେଟ  ସରକାର ପ୍ରସ୍ତୁତ କରିଛନ୍ତି । ଏହି ଯୋଜନା ପ୍ରାୟ ୨.୫ ଲକ୍ଷ କୋଟି ନୂତନ କର୍ମନିଯୁକ୍ତିର ସୁଯୋଗ ସୃଷ୍ଟି କରିବାରେ ସହାୟକ ହେବ ।

ବନ୍ଧୁଗଣ,

ବର୍ତ୍ତମାନ ଭାରତର ସବୁଠାରୁ ବଡ଼ ସାମର୍ଥ୍ୟ ହେଉଛି ଆମର ଉତ୍ପାଦନ କ୍ଷେତ୍ର । ଉତ୍ପାଦନ କ୍ଷେତ୍ରରେ ବହୁ ସଂଖ୍ୟକ ନିଯୁକ୍ତି ସୃଷ୍ଟି ହେଉଛି । ମାନୁଫାକ୍ଚରିଂ କ୍ଷେତ୍ରକୁ ପ୍ରୋତ୍ସାହନ ଦେବା ନିମନ୍ତେ ଚଳିତ ବର୍ଷ ବଜେଟରେ ମିଶନ ମାନୁଫାକ୍ଚରିଂର ବ୍ୟବସ୍ଥା କରାଯାଇଛି । ବର୍ଷ ବର୍ଷ ଧରି ଆମେ ମେକ୍ ଇନ୍ ଇଣ୍ଡିଆ ଅଭିଯାନକୁ ସୁଦୃଢ଼ କରିଛୁ । କେବଳ ପି.ଏଲ.ଆଇ. ଯୋଜନା ମାଧ୍ୟମରେ ଦେଶରେ ୧୧ ଲକ୍ଷରୁ ଅଧିକ ନିଯୁକ୍ତି ସୃଷ୍ଟି ହୋଇଛି । ବିଗତ ବର୍ଷମାନଙ୍କରେ ମୋବାଇଲ ଫୋନ୍ ଏବଂ ଇଲେକ୍ଟ୍ରୋନିକ୍ସ କ୍ଷେତ୍ରରେ ଅଭୂତପୂର୍ବ ସମ୍ପ୍ରସାରଣ ହୋଇଛି ।  ଆଜି ଇଲେକ୍ଟ୍ରୋନିକ୍ସ ଉତ୍ପାଦନ ପ୍ରାୟ ୧୧ ଲକ୍ଷ କୋଟି ଟଙ୍କା ରହିଛି । ଗତ ୧୧ ବର୍ଷ ମଧ୍ୟରେ ଏହା ପାଞ୍ଚଗୁଣରୁ ଅଧିକ ବୃଦ୍ଧି ପାଇଛି । ପୂର୍ବରୁ ଦେଶରେ ୨ କିମ୍ବା ୪ ୟୁନିଟ ମୋବାଇଲ ଫୋନ୍ ଉତ୍ପାଦନ ହେଉଥିଲା । ଦେଶରେ ମାତ୍ର ଦୁଇଟି କିମ୍ବା ଚାରିଟି ୟୁନିଟ୍ ଥିଲା । କିନ୍ତୁ ବର୍ତ୍ତମାନ ଆମ ଦେଶରେ ୩୦୦ରୁ ଅଧିକ ୟୁନିଟ୍ ରହିଛି ଏବଂ ସେଥିରୁ ଲକ୍ଷ ଲକ୍ଷ ମୋବାଇଲ ଫୋନ୍ ଉତ୍ପାଦିତ ହେଉଛି । ସେଥିରେ ଲକ୍ଷ ଲକ୍ଷ ଲୋକ କର୍ମନିଯୁକ୍ତି ପାଉଛନ୍ତି । ମୋବାଇଲ ଉତ୍ପାଦନ କ୍ଷେତ୍ରରେ ସର୍ବବୃହତ୍ ରାଷ୍ଟ୍ର ହୋଇଛି । ଏହିସବୁ ସଂସ୍ଥାମାନଙ୍କରେ ଲକ୍ଷ ଲକ୍ଷ ଲୋକ କର୍ମନିଯୁକ୍ତି ପାଇବାର ସୁଯୋଗ ଲାଭ କରିଛନ୍ତି । ଆଉ ଗୋଟିଏ ପ୍ରମୁଖ କ୍ଷେତ୍ର ହେଉଛି ପ୍ରତିରକ୍ଷା ଉତ୍ପାଦନ ଯାହାକି ଅପରେସନ୍ ସିନ୍ଦୂର ପରେ ଅଧିକ ଧ୍ୟାନ ଏବଂ ଗୁରୁତ୍ୱ ଲାଭ କରିଛି । ଭାରତ ପ୍ରତିରକ୍ଷା ଉତ୍ପାଦନରେ ନୂଆ ନୂଆ ରେକର୍ଡ ସୃଷ୍ଟି କରିଛି । ଆମର ପ୍ରତିରକ୍ଷା ଉତ୍ପାଦନ ବର୍ତ୍ତମାନ ୧.୨୫ ଲକ୍ଷ କୋଟି ଟଙ୍କାକୁ ଅତିକ୍ରମ କରିଛି  । ଭାରତ ଲୋକୋମୋଟିଭ୍ ଉତ୍ପାଦନ କ୍ଷେତ୍ରରେ ମଧ୍ୟ ଏକ ବିଶେଷ ମାଇଲଖୁଣ୍ଟ ହାସଲ କରିଛି - ଆମେ ବର୍ତ୍ତମାନ ବିଶ୍ୱର ସର୍ବବୃହତ୍ ଲୋକୋମୋଟିଭ୍ ଉତ୍ପାଦନକାରୀ ରାଷ୍ଟ୍ରରେ ପରିଣତ ହୋଇଛୁ । ତାହା ଲୋକୋମୋଟିଭ୍ ହୋଇଥାଉ, କିମ୍ବା ରେଳଡବା କିମ୍ବା ମେଟ୍ରୋ ରେଳଡବା, ଭାରତ ସେସବୁକୁ ବହୁ ସଂଖ୍ୟକ ରାଷ୍ଟ୍ରଙ୍କୁ ରପ୍ତାନୀ କରିଚାଲିଛି । ଆମର ଅଟୋମୋବାଇଲ୍ କ୍ଷେତ୍ର ମଧ୍ୟ ଅଭୂତପୂର୍ବ ବିକାଶ ସଫଳତା ହାସଲ କରିଛି।

ମାତ୍ର ପାଞ୍ଚ ବର୍ଷ ଭିତରେ ଏହି କ୍ଷେତ୍ର ୪୦ ବିଲିୟନ ଟଙ୍କା ବିଦେଶୀ ପୁଂଜି ଭାବରେ ଆହରଣ କରିଛି । ଅର୍ଥାତ୍, ନୂଆ ନୂଆ କମ୍ପାନୀମାନେ ପ୍ରତିଷ୍ଠିତ ହେଉଛନ୍ତି, ନୂଆ ନୂଆ କର୍ମନିଯୁକ୍ତି ସୃଷ୍ଟି ହେଉଛି ଏବଂ ସେହି ସମୟରେ ଯାନବାହନ ଚାହିଦା ମଧ୍ୟ ବୃଦ୍ଧି ପାଇଚାଲିଛି । ଭାରତ ଅଟୋମୋବାଇଲ୍ ବିକ୍ରୟରେ ନୂଆ ରେକର୍ଡ ସୃଷ୍ଟି କରିଛି । ଭାରତର ବିଭିନ୍ନ କ୍ଷେତ୍ରରେ ପ୍ରଗତି , ଏବଂ ଏହିସବୁ ଉତ୍ପାଦନ ରେକର୍ଡ , ଖାଲି ତୁଚ୍ଛାରେ ହାସଲ କରାଯାଇପାରିଛି ବୋଲି କୁହାଯାଇ ପାରିବନାହିଁ । ଏହା ସମ୍ଭବପର ହୋଇପାରିଛି କାରଣ ଯୁବଗୋଷ୍ଠୀ ନୂଆ ନୂଆ କର୍ମନିଯୁକ୍ତିର ସୁଯୋଗ ଲାଭ କରିଛନ୍ତି । ଏହା ସେମାନଙ୍କର କଠିନ ଶ୍ରମ, ପ୍ରଜ୍ଞା ଏବଂ ଉତ୍ସର୍ଗୀକୃତ ଭାବନା ଯାହା ଏହାକୁ ସମ୍ଭବପର କରି ଦେଖାଇଛି । ଭାରତର ଯୁବଶକ୍ତି କେବଳ କର୍ମନିଯୁକ୍ତି ପାଇନାହାନ୍ତି, ବରଂ ସେମାନେ ଏଥିରେ ସେମାନଙ୍କର ଉତ୍କର୍ଷ ମଧ୍ୟ ପ୍ରଦର୍ଶନ କରିଛନ୍ତି । ବର୍ତ୍ତମାନ, ସରକାରୀ କର୍ମଚାରୀ ହିସାବରେ, ଆପଣମାନେ ଅବଶ୍ୟ ଏକ ପ୍ରୋତ୍ସାହକ, କାରକ ଭାବରେ କାର୍ଯ୍ୟ କରିବେ ଏବଂ ଏହି ମାର୍ଗରେ ଥିବା ସମସ୍ତ ପ୍ରତିବନ୍ଧକକୁ ଦୂର କରିପାରିବେ ଏବଂ ପ୍ରକ୍ରିୟାକୁ ସରଳ କରିପାରିବେ । ବ୍ୟବସ୍ଥାକୁ ଆପଣମାନେ ଯେତେ ସରଳ କରିବେ, ଦେଶର ଲୋକମାନଙ୍କୁ ତାହା ସେତିକି ମାତ୍ରାରେ ସହାୟକ ହୋଇପାରିବ ।

ବନ୍ଧୁଗଣ,

ଆମର ଦେଶ ଦ୍ରୁତ ପ୍ରଗତି ପଥରେ ଧାବମାନ ଏବଂ ଖୁବ୍ ଶୀଘ୍ର ଏହା ବିଶ୍ୱର ତୃତୀୟ ବୃହତ୍ତମ ଅର୍ଥ ବ୍ୟବସ୍ଥାରେ ପରିଣତ ହେବାକୁ ଯାଉଛି । ଯେକୌଣସି ଭାରତୀୟ ଏଥି ପାଇଁ ଗର୍ବ ଅନୁଭବ କରିବା ଉଚିତ । ଏହି ସଫଳତା ହେଉଛି ଆମ ଯୁବଶକ୍ତିଙ୍କ ଶ୍ରମ ଏବଂ ନିଷ୍ଠାର ଫଳଶ୍ରୁତି । ବିଗତ ୧୧ ବର୍ଷ ମଧ୍ୟରେ ଦେଶ ପ୍ରତ୍ୟେକ କ୍ଷେତ୍ରରେ ଅଭୂତପୂର୍ବ ପ୍ରଗତି ହାସଲ କରିଛି । ନିକଟରେ ଅନ୍ତରାଷ୍ଟ୍ରୀୟ ଶ୍ରମ ସଂଗଠନ (ଆଇ.ଏଲ.ଓ.) ପକ୍ଷରୁ ଏକ ଉତ୍ସାହଜନକ ରିପୋର୍ଟ ପ୍ରକାଶ ପାଇଛି । ଏହି ରିପୋର୍ଟରେ ଗୁରୁତ୍ୱର ସହିତ ଉଲ୍ଲେଖ ରହିଛି ଯେ ଭାରତର ୯୦ କୋଟିରୁ ଅଧିକ ନାଗରିକଙ୍କୁ କଲ୍ୟାଣକର ଯୋଜନା ଅଧୀନକୁ ବିଗତ ଏକ ଦଶନ୍ଧି ମଧ୍ୟରେ ଅଣାଯାଇଛି । ଏହା ମୂଳତଃ ଆମର ସାମାଜିକ ନିରାପତ୍ତା ଯୋଜନାର ସମ୍ପ୍ରସାରଣର ପରିଣତି ବୋଲି କୁହାଯାଇପାରେ । ଏବଂ ଏହିସବୁ ଯୋଜନାର ପରିଣତି ଜନକଲ୍ୟାଣ ଠାରୁ ଢ଼େର୍ ବେଶୀ । ସେମାନେ ମଧ୍ୟ ବିପୁଳ ସଂଖ୍ୟକ ନୂଆ ନୂଆ କର୍ମସଂସ୍ଥାନ ସୃଷ୍ଟି କରିଛନ୍ତି । ମୁଁ ଏହି ପରିପ୍ରେକ୍ଷୀରେ ଆପଣମାନଙ୍କୁ ଗୋଟିଏ ଉଦାହରଣ ଦେବାକୁ ଚାହେଁ - ପ୍ରଧାନମନ୍ତ୍ରୀ ଆବାସ ଯୋଜନା କଥା ଧରାଯାଉ । ଏହି ଯୋଜନା ଅଧୀନରେ ୪ କୋଟି ନୂଆ ପକ୍କା ଘର ନିର୍ମାଣ ହୋଇଥିବା ବେଳେ ୩ କୋଟି ଘର ନିର୍ମାଣ କରାଯାଇ ସାରିଛି । ଏବେ ମଧ୍ୟ ନୂଆ ନୂଆ ଘରମାନ ନିର୍ମାଣ କାର୍ଯ୍ୟ ଜାରି ରହିଛି । ଏତେ ସଂଖ୍ୟକ ବାସଗୃହ ନିର୍ମାଣ ହେଉଛି, ତେଣୁ ଏଥିରେ ରାଜମିସ୍ତ୍ରୀଠାରୁ ଆରମ୍ଭ କରି ଶ୍ରମିକ ଓ କଞ୍ଚାମାଲ ଠାରୁ ନେଇ ପରିବହନ ପର୍ଯ୍ୟନ୍ତ ସବୁକିଛି ସାମିଲ ରହିଛି । ଏହି କ୍ଷେତ୍ରର ଛୋଟ ଛୋଟ ଦୋକାନୀମାନେ, ମାଲବାହୀ ଟ୍ରକ ଅପରେଟରମାନଙ୍କୁ ମିଳୁଥିବା କାମ କଥା ଆପଣ ଚିନ୍ତାକରି ଦେଖୁନ୍ତୁ । ଏତେ ସଂଖ୍ୟକ ନର୍ମନିଯୁକ୍ତି ସୃଷ୍ଟି ହୋଇଛି । ସବୁଠାରୁ ଖୁସିର କଥା ଯେ ଗାଆଁରେ ଅଧିକାଂଶ ଲୋକଙ୍କୁ  ଏଥିରୁ ରୋଜଗାର ସୁଯୋଗ ମିଳିପାରିଛି । ତେଣୁ ସେମାନଙ୍କୁ ଆଉ ଗାଆଁ ଛାଡ଼ିବାକୁ ପଡ଼ିନାହିଁ କି ପଡ଼ିବନାହିଁ । ସେହିପରି ଦେଶରେ ୧୨ କୋଟି ନୂତନ ଶୌଚାଳୟ ନିର୍ମାଣ କରାଯାଇଛି । ଏହାର ନିର୍ମାଣ ସହିତ ପ୍ଲମ୍ବର ହୁଅନ୍ତୁ, ଅବା କାଠ ମିସ୍ତ୍ରୀ ହୁଅନ୍ତୁ, ଯେଉଁମାନେ ଆମର ବିଶ୍ୱକର୍ମା ସମ୍ପ୍ରଦାୟର ସଦସ୍ୟ, ସେମାନଙ୍କ ନିମନ୍ତେ ଅନେକ କାମ କରାଯାଇଛି । ଏଗୁଡ଼ିକ ହିଁ ନିଯୁକ୍ତି ବିସ୍ତାର କରିବା ସହିତ  ବ୍ୟାପକ ପ୍ରଭାବ ସୃଷ୍ଟି କରିଥାଏ । ସେହିପରି ଆଜି  ଦେଶରେ ୧୦ କୋଟିରୁ ଅଧିକ ନୂଆ ଏଲ.ପି.ଜି ସଂଯୋଗ ଉଜ୍ଜ୍ୱଳା ଯୋଜନା ଅଧୀନରେ ଯୋଗାଇ ଦିଆଯାଇଛି । ସେମାନଙ୍କୁ ସହାୟତା ପ୍ରଦାନ ନିମନ୍ତେ, ବିପୁଳ ସଂଖ୍ୟକ ବଟଲିଂ ପ୍ଲାଣ୍ଟମାନ ସ୍ଥାପନ କରାଯାଇଛି, ସିଲିଣ୍ଡର ଉତ୍ପାଦନ, ବିତରକ ଏଜେନ୍ସି, ଏବଂ ଡେଲୀଭରି ଲୋକଙ୍କ ପାଇଁ ମଧ୍ୟ କର୍ମନିଯୁକ୍ତିର ସୁଯୋଗମାନ ସୃଷ୍ଟି ହୋଇଛି । ଆପଣ ଗୋଟିଏ ଉପକ୍ରମ ଆରମ୍ଭ କରନ୍ତୁ - ଯଦି ଏହାକୁ ଆପଣ ଉତ୍ତମ ରୂପେ ନିରୀକ୍ଷଣ କରିବେ – ତେବେ ସେଥିରୁ କିପରି ବିବିଧ ପର୍ଯ୍ୟାୟର କର୍ମନିଯୁକ୍ତିର ସୁଯୋଗ ସୃଷ୍ଟି ହେଉଛି ତାହା ଲକ୍ଷ୍ୟ କରିପାରିବେ । ଲକ୍ଷ ଲକ୍ଷ ଲୋକ ଏଭଳି ଉପକ୍ରମରୁ କର୍ମନିଯୁକ୍ତି ପାଇପାରିବେ ।

ବନ୍ଧୁଗଣ,

ମୁଁ ଆଉ ଗୋଟିଏ ଯୋଜନା କଥା ସୂଚାଇବାକୁ ଚାହେଁ । ତାହା ହେଉଛି ବାସ୍ତବରେ ଦୋହରା ଫାଇଦା - ଅର୍ଥାତ୍, ଦୁଇଟି ହାତରେ ଦୁଇଟି ଲଡ଼ୁ ଧରି ଖାଇବା ସଙ୍ଗେ ସମାନ ।

ସେହି ଯୋଜନା ପ୍ରଧାନମନ୍ତ୍ରୀ ସୂର୍ଯ୍ୟ ଘର ମାଗଣା ବିଜୁଳି ଯୋଜନା । ଏହି ଯୋଜନା ଅଧୀନରେ ସରକାର ୭୫,୦୦୦ ଟଙ୍କାର ସବସିଡ଼ି ଅର୍ଥ ହିତାଧିକାରୀମାନଙ୍କୁ ଯୋଗାଇ ଦେଉଛନ୍ତି ଯେଉଁମାନେ ନିଜ ଘର ଛାତ ଉପରେ ସୌର ପାନେଲ ଖଞ୍ଜି ବିଜୁଳି ଶକ୍ତି ଉତ୍ପାଦନ କରିବାକୁ ଆଗ୍ରହୀ । ଏହା ମୁଖ୍ୟତଃ ତୁମର ଛାତକୁ ବିଜୁଳି ଶକ୍ତି ଉତ୍ପାଦନର ଏକ କେନ୍ଦ୍ରରେ ପରିଣତ କରିଦେବ – ସେଥିରୁ ତୁମ ନିଜ ବ୍ୟବହାର ପାଇଁ ବିଜୁଳି ଶକ୍ତି ଉତ୍ପାଦିତ ହେବ ନାହିଁ ଅପର ପକ୍ଷେ ତୁମେ ଚାହିଁରେ ଉଦବୃତ୍ତ ବିଜୁଳିକୁ ତୁମେ ଗ୍ରୀଡ଼କୁ ବିକ୍ରି କରିପାରିବ । ଏହା ବିଜୁଳି ବିଲ ପରିମାଣ ଶୂନକୁ ହ୍ରାସ କରିବ । ଏହି ପ୍ଲାଣ୍ଟ ସ୍ଥାପନ ନିମନ୍ତେ ଇଞ୍ଜିନିୟରମାନଙ୍କ ଆବଶ୍ୟକତା ରହିଛି, ଟେକ୍ନିସିଆନଙ୍କର ମଧ୍ୟ ଦରକାର ପଡ଼ିବ । ସୋଲାର ପାନେଲ ତିଆରି କରିବା ସକାଶେ କାରଖାନାମାନ ପ୍ରତିଷ୍ଠା କରାଯିବ, କଞ୍ଚାମାଲ ନିମନ୍ତେ କାରଖାନା ବସିବ । ଏହାର ମରାମତି ପାଇଁ ଏକ ସମ୍ପୂର୍ଣ୍ଣ ନୂଆ ଶିଳ୍ପ ପ୍ରସ୍ତୁତ କରାଯାଉଛି । ଆପଣମାନେ କେବେ କଳ୍ପନା କରିପାରିବେ, ପ୍ରତ୍ୟେକ ଯୋଜନା ଲୋକଙ୍କ ପାଇଁ ଉପକାରସିଦ୍ଧ ହେଉଛି, କିନ୍ତୁ ଏଥିପାଇଁ ଲକ୍ଷ ଲକ୍ଷ ସଂଖ୍ୟାରେ ନୂଆ କର୍ମନିଯୁକ୍ତିର ସୁଯୋଗ ସୃଷ୍ଟି ହେଉଛି ।

ବନ୍ଧୁଗଣ,

ନମୋ ଡ୍ରୋନ୍ ଦିଦି ଅଭିଯାନ ମଧ୍ୟ ଆମର ଭଉଣୀ ଏବଂ କନ୍ୟାମାନଙ୍କ ରୋଜଗାର ଏବଂ ଗ୍ରାମାଞ୍ଚଳରେ ରୋଜଗାର ବୃଦ୍ଧିରେ ସହାୟକ ହୋଇଛି । ଏହି ଯୋଜନାରେ ଲକ୍ଷ ଲକ୍ଷ ଗ୍ରାମୀଣ ଭଉଣୀମାନଙ୍କୁ ଡ୍ରୋନ ପାଇଲଟ ଭାବରେ ତାଲିମ ଦିଆଯାଉଛି । ଆମର ଏହି ଡ୍ରୋନ୍ ଆମ ଗାଁର ମାଆ ଭଉଣୀମାନଙ୍କୁ ଉପଲବ୍ଧ କରାଯାଇଛି ବୋଲି ରିପୋର୍ଟରୁ ଜଣାପଡ଼ିଛି । ଭଉଣୀମାନେ, ଚାଷର ମାତ୍ର ଗୋଟିଏ ଋତୁରେ ଡ୍ରୋନ ସହାୟତାରେ ଚାଷ କାର୍ଯ୍ୟରେ ସହଯୋଗ କରିବା ପାଇଁ ଚୁକ୍ତିବଦ୍ଧ କିନ୍ତୁ ପ୍ରତି ଋତୁରେ ସେମାନେ ଲକ୍ଷ ଲକ୍ଷ ଟଙ୍କା ରୋଜଗାର କରିବା ଆରମ୍ଭ କରିଛନ୍ତି । କେବଳ ଏତିକି ନୁହେଁ, ଏହା ଦେଶରେ ଡ୍ରୋନ୍ ଉତ୍ପାଦନ ସହିତ ଜଡ଼ିତ ନୂଆ ନୂଆ କ୍ଷେତ୍ରକୁ ପର୍ଯ୍ୟାପ୍ତ ଶକ୍ତି ପ୍ରଦାନ କରୁଛି । କୃଷିକର୍ମ ହେଉ ଅବା ପ୍ରତିରକ୍ଷା, ଆଜି ଡ୍ରୋନ୍ ଉତ୍ପାଦନ ଦେଶର ଯୁବପିଢ଼ିଙ୍କ ପାଇଁ ନୂଆ ନୂଆ ସୁଯୋଗମାନ ସୃଷ୍ଟି କରିଛି ।

ବନ୍ଧୁଗଣ,

ଦେଶରେ ବର୍ତ୍ତମାନ ୩ କୋଟି ଲକ୍ଷପତି ଦିଦି ସୃଷ୍ଟି କରିବା ସକାଶେ ଅଭିଯାନ ଜାରି ରହିଛି । ସେଥି ମଧ୍ୟରେ ଦେଢ଼ କୋଟି କୋଟିପତି ଦିଦି ପ୍ରସ୍ତୁତ ହୋଇସାରିଛନ୍ତି । ଆଉ ଏକଥା ମଧ୍ୟ ଆପଣ ଜାଣନ୍ତି ଯେ କୋଟିପତି ହେବାର ଅର୍ଥ ଗୋଟିଏ ବର୍ଷରେ ଅତି କମରେ ୧ ଲକ୍ଷ ଟଙ୍କା ଉପାର୍ଜନ । ତାହା ଏକାଧିକ ଥର ରୋଜଗାର ହେବା ଉଚିତ ଏବଂ ଥରେ ନୁହେଁ ବରଂ ପ୍ରତିବର୍ଷ ଏହା ଜାରି ରହିବା ଜରୁରି । ମୋର କୋଟିପତି ଭଉଣୀ! ଦେଢ଼ କୋଟି କୋଟିପତି ଦିଦି, ଏବେ ଦେଖିବେ ଗାଁକୁ ଗଲେ କିଛି ନୂଆ ଶବ୍ଦ ଯଥା ବ୍ୟାଙ୍କ ସାକ୍ଷୀ, ବୀମା ସାକ୍ଷୀ, କୃଷି ସାକ୍ଷୀ, ପଶୁ ସାକ୍ଷୀ ଭଳି ଶବ୍ଦ ଶୁଣିବାକୁ ମିଳିବ । ଏହିସବୁ ଶବ୍ଦ ବିଭିନ୍ନ ଯୋଜନା ସହିତ ଜଡ଼ିତ ଆମର ମାଆ ଓ ଭଉଣୀମାନେ ପାଇପାରିଛନ୍ତି ଏବଂ ସେମାନଙ୍କୁ ଏହା ମାଧ୍ୟମରେ ଉପାର୍ଜନପନ୍ଥା ମଧ୍ୟ ମିଳିପାରିଛି । ସେହିଭଳି ପ୍ରଧାନମନ୍ତ୍ରୀ ସ୍ୱନିଧି ଯୋଜନା ଅଧୀନରେ, ପ୍ରଥମ ଥର ପାଇଁ ଫୁଟପାଥରେ କାମ କରୁଥିବା ରାସ୍ତାକଡ଼ ଦୋକାନୀ ଓ ହକରମାନଙ୍କୁ ଆର୍ଥିକ ସହାୟତା ମିଳିପାରିଛି । ଲକ୍ଷ ଲକ୍ଷ ସହକର୍ମୀଙ୍କୁ କାମ ମିଳିଥିଲା ଏବଂ ଡିଜିଟାଲ ପେମେଣ୍ଟ କାରଣରୁ ଆଜିକାଲି ପ୍ରତ୍ୟକ୍ଷ ଷ୍ଟ୍ରୀଟ୍ ଭେଣ୍ଡରଙ୍କୁ ନଗଦ କାରବାର ସମସ୍ୟା ସହିତ ଯୁଝିବାକୁ ପଡ଼ୁନାହିଁ । କିନ୍ତୁ ଅତି ସହଜରେ ଦେଣ ନେଣ କାରବାର ହୋଇପାରୁଛି । କାହିଁକି ? କାରଣ ସେ ତୁରନ୍ତ ବ୍ୟାଙ୍କରୁ ଅଧିକ ଟଙ୍କା ପାଇପାରୁଛନ୍ତି । ବ୍ୟାଙ୍କର ମଧ୍ୟ ଆତ୍ମବିଶ୍ୱାସ ବୃଦ୍ଧି ପାଇଛି । ଋଣ ପାଇଁ ଆବେଦନକାରୀଙ୍କୁ କୌଣସି କାଗଜାତ ଅବା ନଥି ଦେବାର ଆବଶ୍ୟକତା ପଡ଼ୁନାହିଁ । ଅର୍ଥାତ୍, ଜଣେ ଷ୍ଟ୍ରୀଟ ଭେଣ୍ଡର ଆଜି ଆତ୍ମବିଶ୍ୱାସ ଓ ଗର୍ବର ସହିତ ଆଗକୁ ବଢ଼ି ଚାଲୁଛନ୍ତି ।

ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା ଉପରେ ଏବେ ନଜର ପକାନ୍ତୁ । ଏହା ଅଧୀନରେ ଆମକୁ ଆମର କୌଳିକ କାର୍ଯ୍ୟ, ପାରମ୍ପରିକ କର୍ମ, ପାରିବାରିକ କାର୍ଯ୍ୟର ଆଧୁନିକୀକରଣ କରିବାକୁ ହେବ । ଏଥିରେ ନୂତନତା ଆଣିବା, ନୂତନ ଜ୍ଞାନକୌଶଳ ଆଣିବା, ଏବଂ ଏଥିରେ ନୂତନ ସମ୍ବଳ ପ୍ରବେଶ କରାଇବା, ଏଥିରେ କାମ କରୁଥିବା ନୂତନ କାରିଗର ଓ କୁଶଳୀ କର୍ମୀଙ୍କୁ ସାମିଲ କରିବା । ଏଥି ନିମନ୍ତେ ସେବାଦାତାମାନଙ୍କୁ ତାଲିମ ବା ପ୍ରଶିକ୍ଷଣ ପ୍ରଦାନ କରାଯାଉଛି । ଋଣ ଯୋଗାଇ

ଦିଆଯାଉଛି, ଅତ୍ୟାଧୁନିକ ଯନ୍ତ୍ରପାତି ଯୋଗାଇ ଦିଆଯାଉଛି । ମୁଁ ଏଭଳି ଅସଂଖ୍ୟ ଯୋଜନାର ଉଦାହରଣ ଦେଇପାରିବି । ଏଭଳି ଅନେକ ଯୋଜନା ରହିଛି ଯାହା ଦ୍ୱାରା ଗରିବ ଲୋକମାନେ ଉପକୃତ ହେବା ସହିତ ଯୁବକ ଯୁବତୀମାନଙ୍କ ପାଇଁ ରୋଜଗାର ମଧ୍ୟ ଉପକୃତ ହୋଇଛନ୍ତି  । ଏଭଳି ଅନେକ ଯୋଜନାର ପ୍ରଭାବ ହେଉଛି ମାତ୍ର ଦଶ ବର୍ଷ ମଧ୍ୟରେ ୨୫ କୋଟି ଲୋକ ଦାରିଦ୍ର୍ୟରୁ ମୁକ୍ତ ହୋଇପାରୁଛନ୍ତି । ସେମାନେ ଦାରିଦ୍ର୍ୟରୁ ମୁକୁଳିବାକୁ ସକ୍ଷମ ହୋଇଛନ୍ତି । ଯେତେବେଳେ ସେମାନଙ୍କୁ ରୋଜଗାର ମିଳୁ ନଥିଲା, ସେତେବେଳେ ଯଦି ପରିବାରରେ ରୋଜଗାରର କୌଣସି ଉତ୍ସ ନଥିଲା, ତେବେ ମୋର ଗରିବ ଭାଇ ଓ ଭଉଣୀମାନେ ତିନି ଚାରି ପିଢ଼ି ଧରି ଦାରିଦ୍ର୍ୟରେ ଜୀବନ କାଟିବାକୁ ବାଧ୍ୟ ହେଉଥିଲେ । ସେମାନେ ଦାରିଦ୍ର୍ୟରୁ ମୁକୁଳିବାର ସାହସ ଜୁଟାଇ ପାରୁ ନଥିଲେ । ପ୍ରତିଦିନ ସେମାନଙ୍କୁ ଦାରିଦ୍ର୍ୟ ସହିତ ଯୁଝିବାକୁ ପଡ଼ୁଥିଲା । କିନ୍ତୁ ସେମାନଙ୍କ ପାଇଁ ବର୍ତ୍ତମାନ ଏକ ନୂତନ ଶକ୍ତି ଆସିଛି ଯାହା ଦେଶକୁ ଆଗକୁ ନେଇପାରିବ ଏବଂ ପାରମ୍ପରିକ କାରିଗରମାନଙ୍କୁ ରୋଜଗାର ମଧ୍ୟ ମିଳିପାରିବ । ସରକାରଙ୍କ ଯୋଜନାକୁ ଆଜି ସେମାନେ ସାଧନ ଭାବରେ ଗ୍ରହଣ କରିଛନ୍ତି । ତେଣୁ ସେମାନଙ୍କୁ ଆଉ ହାତପାଦ ବାନ୍ଧି ବସିରହିବାକୁ ପଡ଼ୁନାହିଁ । ମୁଁ ଏଠାରେ ଗୋଟିଏ କଥା ସ୍ପଷ୍ଟ କରିଦେବାକୁ ଚାହେଁ – ତାହା ହେଲା ସରକାର କେବଳ ଏକଥା କହୁନାହାନ୍ତି । ଆଜି ବୈଶ୍ୱିକ ପ୍ରତିଷ୍ଠାନ ଯଥା ବିଶ୍ୱ ବ୍ୟାଙ୍କ ଆଦି ଖୋଲାଖୋଲି ଭାବରେ ଭାରତକୁ ପ୍ରଶଂସା କରୁଛନ୍ତି ଏବଂ ଏହାର ସଫଳତାକୁ ତାରିଫ କରୁଛନ୍ତି । ଭାରତକୁ ଏକ ମଡେଲ ଭାବରେ ବିଶ୍ୱ ଉପସ୍ଥାପନ କରୁଛି । ଭାରତ ବର୍ତ୍ତମାନ ସମାନତା ମାନଦଣ୍ଡରେ ବିଶ୍ୱର ଶ୍ରେଷ୍ଠ ରାଷ୍ଟ୍ରମାନଙ୍କ ମଧ୍ୟରୁ ଅନ୍ୟତମ ହୋଇପାରିଛି - ଯାହାର ଅର୍ଥ ସମାଜରେ ଅସମାନତା ଦ୍ରୁତ ମାତ୍ରାରେ ହ୍ରାସ ପାଇଚାଲିଛି ଏବଂ ଆମେ ବ୍ୟାପକ ସମାନତା ଦିଗରେ ଆଗକୁ ଅଗ୍ରସର ହୋଇଚାଲିଛୁ । ବିଶ୍ୱ ଆଜି ଏଭଳି ପରିବର୍ତ୍ତନକୁ ଗୁରୁତ୍ୱର ସହିତ ବିଚାର କରି ଦେଖୁଛି ।

ବନ୍ଧୁଗଣ ।

ବିକାଶର ଯେଉଁ ମହାଯଜ୍ଞ ବର୍ତ୍ତମାନ ଜାରି ରହିଛି, ସେଥିରେ ଗରିବ କଲ୍ୟାଣ ଏବଂ ରୋଜଗାର ସୃଷ୍ଟି ମୂଳ ଲକ୍ଷ୍ୟ ରହିଛି । ଏହାକୁ ଆଗକୁ ଆଗେଇ ନେବା ମଧ୍ୟ ଆଜିଠାରୁ ଆପଣମାନଙ୍କ ଦାୟିତ୍ୱ। ସରକାର ବାଧକ ହେବା ଉଚିତ ନୁହେଁ, ସରକାର ବିକାଶର ପ୍ରୋତ୍ସାହନଦାତା ହେବା ବାଂଛନୀୟ। ପ୍ରତ୍ୟେକ ବ୍ୟକ୍ତି ଆଗକୁ ବଢ଼ିବାର ସୁଯୋଗ ପାଇବା ଉଚିତ । ହାତ ଧରିବା ଆମର କାମ । ଏବଂ ଆପଣମାନେ ଯୁବଗୋଷ୍ଠୀ, ଆପଣମାନଙ୍କ ଉପରେ ମୋର ଦୃଢ଼ ଆସ୍ଥା ଓ ଭରସା ରହିଛି । ଆପଣମାନଙ୍କଠାରୁ ମୋର ଆଶା ଯେ ଆପଣମାନଙ୍କୁ ଯେଉଁ ଦାୟିତ୍ୱ ଦିଆଯାଉଛି, ଆପଣମାନେ ଏହି ଦେଶର ନାଗରିକ ଭାବରେ ତାହା ନିଷ୍ଠାର ସହିତ ସମ୍ପାଦନ କରନ୍ତୁ । ଦେଶବାସୀଙ୍କୁ ଅସୁବିଧାରୁ ମୁକୁଳିବାରେ ସହାୟକ ହୁଅନ୍ତୁ, ଦେଶକୁ ଆଗକୁ ବଢ଼ାଇବାରେ ସହାୟକ ହୁଅନ୍ତୁ । ଆଗାମୀ ୨୦ରୁ ୨୫ ବର୍ଷ ଆପଣଙ୍କ କ୍ୟାରିଅର ପାଇଁ ବେଶ୍ ଗୁରୁତ୍ୱପୂର୍ଣ୍ଣ । କିନ୍ତୁ ଆପଣ ଏପରି ସମୟ ମଧ୍ୟରେ ରହିବେ । ଯେତେବେଳେ ୨୦- ୨୫ ବର୍ଷ ଦେଶ ପାଇଁ ଅତୀବ ଗୁରୁତ୍ୱପୂର୍ଣ୍ଣ ସେତିକିବେଳେ ଆପଣମାନେ କର୍ମ କରିବେ । ଏକ ବିକଶିତ ଭାରତ ଗଠନ ନିମନ୍ତେ ଏହି ୨୫ ବର୍ଷ ମହତ୍ତ୍ୱ ରଖେ । ସେଥିପାଇଁ ବିକଶିତ ଭାରତର ସଂକଳ୍ପ ନେଇ ଆପଣମାନଙ୍କୁ ନିଜ ନିଜର ଦାୟିତ୍ୱ ଏବଂ ଲକ୍ଷ୍ୟର ସହିତ କାର୍ଯ୍ୟ କରିବାକୁ ହେବ । ଆର୍ଥିକ ସମାଯୋଜନକୁ ସାକାର କରିବାକୁ ପଡ଼ିବ । ଏହି ମନ୍ତ୍ର ଆମର ଶିରା ପ୍ରଶିରାରେ ଧାବିତ ହେବା ଉଚିତ, ଆମ ହୃଦୟ ଓ ମନ ସ୍ପନ୍ଦିତ ହେବା ଦରକାର । ଏହା ଆମ ଆଚରଣରେ ପ୍ରତିଫଳିତ ହେବା ଦରକାର ।

ମୁଁ ଦୃଢ଼ତାର ସହିତ ବିଶ୍ୱାସ କରେ ଯେ ଯୁବଶକ୍ତି ହିଁ ଗତ ୧୦ ବର୍ଷ ମଧ୍ୟରେ ଦେଶକୁ ଆଗକୁ ଆଗେଇ ନେବାରେ ମୁଖ୍ୟ ବାହକ ଭୂମିକା ଗ୍ରହଣ କରିଛନ୍ତି । ସେମାନେ ମୋ ସହିତ ଦୃଢ଼ ଭାବରେ ଛିଡ଼ା ହୋଇଛନ୍ତି । ଦେଶର ଉନ୍ନତି ନିମନ୍ତେ ସେମାନେ ଯଥାସମ୍ଭବ କର୍ତ୍ତବ୍ୟ ସଂପାଦନ କରିଛନ୍ତି । ମୁଁ ଯେଉଁଠି ଅଛି ସେଠାରେ ଏହା କରି ଦେଖାଇଛି । ଆପଣମାନଙ୍କୁ ବର୍ତ୍ତମାନ ସୁଯୋଗ ମିଳିଛି, ଆପଣମାନଙ୍କ ଠାରୁ ମୋର ଅଧିକ ଆଶା ରହିଛି । ଆପଣମାନଙ୍କ ଦାୟିତ୍ୱ ଅଧିକ । ମୁଁ ବିଶ୍ୱାସ କରେ ଯେ ଆପଣମାନେ ତାହା ସାକାର କରି ଦେଖାଇବେ । ମୁଁ ପୁଣି ଥରେ ଆପଣମାନଙ୍କୁ ବହୁତ ବହୁତ ଧନ୍ୟବାଦ ଜଣାଉଛି । ମୁଁ ଆପଣମାନଙ୍କ ପରିବାରକୁ ମଧ୍ୟ ଶୁଭେଚ୍ଛା ଜଣାଉଛି ଏବଂ ଉଜ୍ଜ୍ୱଳ ଭବିଷ୍ୟତ କାମନା କରୁଛି । ଆପଣମାନେ ଜୀବନରେ ଢେର୍ ଉନ୍ନତି କରନ୍ତୁ । ଆଇ.ଜି.ଓ.ଟି. ପ୍ଲାଟଫର୍ମକୁ ଯାଇ ନିରନ୍ତର ନିଜକୁ ଅପଗ୍ରେଡ କରିବା ଜାରି ରଖନ୍ତୁ । ଚାକିରି ମିଳିଯିବା ପରେ ଚୁପ୍ ହୋଇ ବସି ରହନ୍ତୁ ନାହିଁ । ବହୁତ ବଡ଼ ବଡ଼ ସ୍ୱପ୍ନ ଦେଖନ୍ତୁ- ଦୂରକୁ ଆହୁରି ଦୂରକୁ ଯିବାକୁ ପ୍ରୟାସ କରନ୍ତୁ । କର୍ତ୍ତବ୍ୟ ସଂପାଦନ କରି, ନୂଆ ନୂଆ କାର୍ଯ୍ୟ ଶିକ୍ଷାକରି ନୂଆ ପରିଣାମ ଓ ସୁଫଳ ହାସଲ କରନ୍ତୁ, ପ୍ରଗତି କରନ୍ତୁ । ଆପଣମାନଙ୍କ ପ୍ରଗତିରେ ଦେଶ ଗର୍ବ କରିବ ଏବଂ ଆପଣଙ୍କ ପ୍ରଗତି ମୋତେ ସନ୍ତୁଷ୍ଟି ପ୍ରଦାନ କରିବ । ତେଣୁ ମୁଁ ଆଜି ଆପଣମାନଙ୍କ ସହିତ ବାର୍ତ୍ତାଳାପ କରୁଛି ଯେତେବେଳେ ଆମଣମାନେ ଏକ ନୂତନ ଜୀବନ ଆରମ୍ଭ କରୁଛନ୍ତି । ମୁଁ ଆପଣମାନଙ୍କୁ ଶୁଭେଚ୍ଛା ଜଣାଇବା ସକାଶେ ଏବଂ ଅନେକ ସ୍ୱପ୍ନ ଦେଖିବା ନିମନ୍ତେ ଏଠାକୁ ଆସିଛି । ଏହି ଲକ୍ଷ୍ୟ ହାସଲ କରିବା ନିମନ୍ତେ ଆପଣମାନେ ଏବେ ମୋର ସାଥୀ ପାଲଟି ଯାଇଛନ୍ତି । ମୋର ଜଣେ ଘନିଷ୍ଠ ସାଥୀ ଭାବରେ ମୁଁ ଆପଣମାନଙ୍କୁ ସ୍ୱାଗତ କରୁଛି । ଆପଣମାନଙ୍କୁ ବହୁତ ଧନ୍ୟବାଦ  । ଅନେକ ଅନେକ ଅଭିନନ୍ଦନ ।

*******