প্রধান মন্ত্রী শ্রী নরেন্দ্র মোদীনা ঙসি ৱেস্ত বেঙ্গলগী কোলকতাদা লুপা করোর ৫২০০ হেনবগী চাউখৎ-থৌরাংগী প্রোজেক্ত কয়াগী উরেপ-উয়ুং তমখ্রে অমসুং শঙ্গাখ্রে। মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি মহাক্না অমুক্কা হন্না ৱেস্ত বেঙ্গলগী চাউখৎ-থৌরাং য়াংখৎহনবগী খুদোংচাবা ফংলে। নাওপারাদগী জয় হিন্দ এয়রপোর্ত ফাওবা কোলকতা মেত্রোগী খোঙচৎকী মহাক্কী এক্সপরিয়েন্স অদু পল্লদুনা শ্রী মোদীনা হায়খি মদুদি খোঙচৎ অসিগী মনুংদা মহাক্না মরুপ-মপাং কয়াগা ৱারী শানখি অমসুং কোলকতাগী পব্লিক ত্রান্সপোর্ত সিস্তেম মোদর্নাইজেসন তৌরকপদা মীপুম খুদিংমক্না নুংঙাইবা ফোংদোকখি। প্রধান মন্ত্রীনা লেন তরুক্কী ইলিবেতেদ কোনা এক্সপ্রেসৱেগী উরেপ উয়ুংসু তমখি। লুপা করোর লিশিং কয়াগী প্রোজেক্তশিং অসিগীদমক মহাক্না কোলকতাগী মীয়াম অমসুং ৱেস্ত বেঙ্গলগী নাগরিক পুম্নমকপু থম্মোয় শেংনা নুংঙাইবা ফোংদোকখি।

শ্রী মোদীনা হায়খি, "কোলকতাগুম্বা শহরশিং অসি ভারতকী পুৱারী অমসুং মাগী তুংলমচৎ অনিমক্কী ইনাক খুল্লবা মশক অমনি। ভারতনা মালেমগী খ্বাইদগী চাউবা অহুমশুবা শেন্মিৎলোন ওইবগী মায়কৈদা চংশিল্লকপদা, দম দম অমসুং কোলকতাগুম্বা শহরশিংনা মরুওইবা থৌদাং অমা লৌগনি।" মহাক্না হায়খি ঙসিগী থৌরম অসিগী পাউজেল অসি মেত্রো হৌদোকপা অমসুং হায়ৱেগী উরেপ উয়ুং তম্বগী থৌরম অদুদগী হেন্না চাউই। প্রধান মন্ত্রীনা হায়খি মদুদি থৌরম অসিনা মোদর্ন ইন্দিয়ানা মাগী অর্বান লেন্দস্কেপ অসি করম্না ত্রান্সফোর্ম তৌরি হায়বদুগী খুদম অমনি। মহাক্না হায়খি মদুদি ভারতকী শহরশিংদা গ্রীন মোবিলিতী প্রমোৎ তৌনবা হোৎনরি। ইলেক্ত্রিক চার্জিং পোইন্তশিং অমসুং ইলেক্ত্রিক বসশিংগী মশিং হেনগৎলক্লি। মহাক্না মখা তানা হায়খি মদুদি "ৱস্ত তু ৱেল্থ" ইনিসিয়েতিবকী মখাদা শহরশিং অসিনা হৌজিক্তি শহরগী ৱেস্তশিংদগী ইলেক্ত্রিসিতী পুথোক্লি। মেত্রো সর্বিসশিং পাকথোক চাউথোকহল্লি অমসুং মেত্রো নেতৱার্কশিং পাকথোক চাউথোকহল্লি হায়না পল্লদুনা শ্রী মোদীনা ভারতনা হৌজিক মালেমগী খ্বাইদগী চাউবা মেত্রো নেতৱার্ক্কী অহুমশুবদা লৈরে হায়না চাউথোকচবা ফোংদোকখি। মহাক্না হায়খি মদুদি ২০১৪গী মমাংদা লৈবাক অসিদা কিলোমীতর ২৫০ খক্তমক মেত্রো রুত লৈরম্মি, অদুগা ঙসিদি ভারত্তা মেত্রো নেৎৱার্ক অসি কিলোমীতর ১০০০ হেনখ্রে। মহাক্না হায়খি মদুদি কোলকতাসু মেত্রো সিস্তেম লেপ্পা লৈতনা পাকথোক চাউথোকলিবা অসি উবা ফংলি। প্রধান মন্ত্রীনা হায়খি মদুদি কোলকতাগী মেত্রো রেল নেতৱার্ক্তা চাউরাক্না কিলোমীতর ১৪গী অনৌবা লাইনশিং হাপচিল্লি, অদুগা অনৌবা স্তেসন তরেৎ কোলকতা মেত্রোদা পুনশিল্লি। মহাক্না হায়খি মদুদি হায়রিবা চাউখৎ-থৌরাং পুম্নমক অসিনা কোলকতাগী মীয়ামগী পুন্সিদা নুংঙাইবা অমসুং চৎথোক-চৎশিনদা নুংঙাইবা হেনগৎহনগনি।

“২১শুবা চহিচাগী ভারতনা ২১শুবা চহিচাগী ত্রান্সপোর্ত সিস্তেম অমা মথৌ তাই। মরম অদুনা, ঙসিদি লৈবাক শীনবা থুংনা, রেলৱেদগী হৌরগা লম্বী ফাওবা, মেত্রোদগী হৌরগা এয়রপোর্ত ফাওবা, মোদর্ন ত্রান্সপোর্ত ফেসিলিতীশিং শেমগৎলি অমসুং ইন্তর কন্নেক্ত তৌরি," হায়না শ্রী মোদীনা ফোংদোকখি। মহাক্না হায়খি মদুদি সরকারনা হোৎনরিবসি শহর অমগা অমগা শম্নহনবতা নত্তনা, মীয়ামগী য়ুমগী মনাক্তা ত্রান্সপোর্তকী খুদোংচাবসু লৈহন্নবা হোৎনরি। কোলকতাগী মল্তি-মোদেল কন্নেক্তিবিতীদা মসিগী ভিজন অসি খরা উবা ফংই হায়না মহাক্না ফোংদোকখি। প্রধান মন্ত্রীনা হায়খি মদুদি লৈবাক অসিগী খ্বাইদগী চিনবা রেলৱে স্তেসন অনি হাওরা অমসুং সিলদাহ হৌজিক্তি মেত্রোগী খুত্থাংদা শম্নরে। স্তেসনশিং অসিগী মরক্তা চৎথোক-চৎশিন তৌবদা মমাংদা পুং অমগা মখায়রোম চংলম্বা মতম অসি হৌজিক্তি মেত্রোগী মতেংনা মিনিৎ খরা খক্তমক চংলগনি হায়না মহাক্না ফোংদোকখি। হাওরা স্তেসন মেত্রো অসিনা মল্তি-মোদেল কন্নেক্তিবিতীসু ফংহল্লে হায়না মহাক্না মখা তাখি। মমাংদা, ইস্তর্ন রেলৱে নৎত্রগা সাউথ ইস্তর্ন রেলৱেদগী ত্রেন তোংনবগীদমক পেসেঞ্জরশিংনা অরাপ্পা মফমশিংদা চৎলম্মি হায়না পল্লদুনা, শ্রী মোদীনা হায়খি মদুদি সবৱে অসি শাবগা লোয়ননা, ইন্তর্চেঞ্জগী মতম অসি য়াম্না হন্থরগনি। প্রধান মন্ত্রীনা লাউথোকখি মদুদি কোলকতা এয়রপোর্ত অসি হৌজিক্তি মেত্রো নেতৱার্ক্কা শম্নহল্লে, মসিনা শহর অসিগী অরাপ্পা মফমশিংদগী লাকপা মীওইশিংনা এয়রপোর্ত য়ৌবদা হেন্না লায়থোকহল্লগনি।

ভারত সরকারনা নোংচুপ বেঙ্গলগী চাউখৎ-থৌরাংগীদমক হোৎনরিবা পুম্নমক অদু ফোংদোক্লদুনা শ্রী মোদীনা হায়খি মদুদি হৌজিক্তি নোংচুপ বেঙ্গল অসি ১০০% রেলৱেজ ইলেক্ত্রিফিকেসন ফংলবা রাজ্যশিংগী মনুংদা অমা ওইরে। মহাক্না পুরুলিয়া অমসুং হাওরাগী মরক্তা MEMU ত্রেন অমগী মতম শাংনা লৈরক্লবা দিমান্দ অদু খঙখি অমসুং ভারত সরকারনা মীয়ামগী দিমান্দ অসি মপুং ফাহনখ্রে হায়না ফোংদোকখি। প্রধান মন্ত্রীনা হায়খি মদুদি হৌজিক বেঙ্গলগী তোঙান তোঙানবা লম্বীশিংদা ভন্দে ভারত ত্রেন মাপন চেল্লি। অমৃত ভারত ত্রেন অনিসু রাজ্য অসিগী মীয়ামগীদমক চেল্লি।

হৌখিবা চহি ১১দা ভারত সরকারনা লমদম অসিদা অচৌবা লম্বীগী প্রোজেক্ত কয়া অমা লোইশিনখ্রে হায়না পল্লদুনা প্রধান মন্ত্রীনা হায়খি মদুদি অতোপ্পা ইনফ্রাস্ত্রকচর প্রোজেক্ত কয়া অমসু হৌজিক পায়খৎলি। মহাক্না হায়খি মদুদি লেন তরুক্না শাবা কোনা এক্সপ্রেসৱে অসি লোইরবা মতুংদা, পোর্ত কন্নেক্তিবিতী অসি য়াম্না ফগৎলগনি। হেন্না ফবা কন্নেক্তিবিতী অসিনা কোলকতা অমসুং ৱেস্ত বেঙ্গলগী অফবা তুংলমচৎকী য়ুম্ফম অদু মপাঙ্গল কনখৎহল্লগনি হায়না মহাক্না মখা তাখি।

ৱেস্ত বেঙ্গলগী রাজ্যপাল, দা. সি.ভি. অনন্দা বোস, কেন্দ্রগী মন্ত্রীশিং শ্রী শান্তনু থাকুর, শ্রী রবনীত সিংহ বিতু, দা. সুকান্তা মজুমদার অমসুং অতৈ মকোক থোংবা মীওইশিংসু থৌরম অদুদা শরুক য়াখি।

বেকগ্রাউন্দ

মালেমগী থাক্কী ইনফ্রাস্ত্রকচর ফংহন্নবা অমদি চাউখৎপা অর্বান কন্নেক্তিবিতী লৈহন্নবা মহাক্কী খোঙফম পরিংদা, প্রধান মন্ত্রীনা কোলকতাদা মেত্রো রেলৱে প্রোজেক্তশিং শঙ্গাগনি। কিমি ১৩.৬১ শাংনা নৌনা শাগৎপা মেত্রো নেতৱার্ক অমা শঙ্গাখ্রে অমদি মেত্রো সর্ভিসশিং লম্বী অসিদা চেনগনি। মহাক্না জেসর রোদ মেত্রো স্তেসন্দা চত্তুনা জেসর রোদতগী নাওপারা-জয় হিন্দ বিমানবন্দর মেত্রো সর্ভিস লমথাখ্রে। মসিগী মথক্তা, ভিদিও কন্ফরেন্সিংগী খুত্থাংদা, মহাক্না সীলদা-এস্প্লেনেত মেত্রো সর্ভিস অমদি বেলেঘাতা-হিমন্ত মুখোপধ্যায় মেত্রো সর্ভিসসু লমথাখ্রে। মহাক্না জেসর রোদ মেত্রো স্তেসন্দগী জয় হিন্দ বিমানবন্দর ফাওবা হঙ্গৎ হন্দা মেত্রোসু তোংখ্রে।

মীয়াম তিনবা থৌরম অদুদা, প্রধান মন্ত্রীনা হায়রিবা মেত্রো স্তেসনশিং অসি অমদি হাওরা মেত্রো স্তেসন্দা নৌনা শেমগৎপা সবৱে অমগা শঙ্গাখ্রে। নাওপারা-জয় হিন্দ বিমানবন্দর মেত্রো সর্ভিসনা এয়রপোর্ত য়ৌবগী ফীভম নীংথিনা ফগৎহল্লগনি। সীলদাহ-এস্প্লেনেদ মেত্রোনা মফম অনিসিগী মরক্তা লৈরম্বা খোঙচৎকী মতম হান্না মিনত ৪০ রোম চঙলম্বা অদু মিনত ১১ খক্তদা হন্থহল্লগনি। বেলেঘাতা-হিমন্ত মুখোপধ্যায় মেত্রো সেক্সন্না IT হব অসিগা লৈনরিবা কন্নেক্তিবিতীগী ফীভম ফগৎহনবদা মরুওইবা থৌদাং লৌগনি। মেত্রো রুতশিং অসিনা কোলকতাগী মী খ্বায়দগী চিনবা মফম খরা শম্নহন্দুনা, খোঙচৎকী মতম মশক থোক্না হন্থহনগনি, অমদি মল্তিমোদেল কন্নেক্তিবিতী মপাঙ্গল কনখৎহন্দুনা মীওই লাখ কয়াদা কান্নহনগনি।

লমদম অসিগী লম্বীগী ইনফ্রাস্ত্রকচরদা অচৌবা ইনোৎ অমা পীবা ওইনা, প্রধান মন্ত্রীনা লুপা করোর ১,২০০ হেন্না চঙনা শেমগৎকদবা কিমি ৭.২ শাংবা লেন তরুক্কী এলেভেতেদ কোনা কোনা এক্সপ্রেসৱে উরেপ উয়ুং তমখ্রে। মসিনা হাওরা, অকোয়বগী খুঙ্গংগী মফমশিং, অমদি কোলকতাগী মরক্তা কন্নেক্তিবিতী ফগৎহন্দুনা খোঙচৎকী মতম পুং কয়া তেনশিলহন্দুনা লল্লোন ত্রেদ, কম্মর্স, অমদি তুরিজমদা অচৌবা ইনোৎ পীগনি।

Speaking at the inauguration of key metro projects in Kolkata. This marks a big step towards improved urban mobility and seamless connectivity. https://t.co/6zG2MSb99Y

— Narendra Modi (@narendramodi) August 22, 2025

कोलकाता जैसे हमारे शहर...भारत के इतिहास और हमारे भविष्य, दोनों की समृद्ध पहचान हैं।

आज जब भारत, दुनिया की तीसरी सबसे बड़ी इकॉनॉमी बनने की तरफ आगे बढ़ रहा है... तब दमदम, कोलकाता...इन शहरों की भूमिका बहुत बड़ी है: PM @narendramodi

— PMO India (@PMOIndia) August 22, 2025

21वीं सदी के भारत को... 21वी सदी के ट्रांसपोर्ट सिस्टम की जरूरत है।

इसलिए आज देश में रेल से रोड तक, मेट्रो से एयरपोर्ट तक... हम मॉडर्न ट्रांसपोर्ट फैसिलिटीज डेवलप भी कर रहे हैं और उन्हें आपस में कनेक्ट भी कर रहे हैं: PM @narendramodi

— PMO India (@PMOIndia) August 22, 2025

***