ಭಾರತ್‌ ಮಾತಾ ಕೀ ಜೈ!

ಭಾರತ್‌ ಮಾತಾ ಕೀ ಜೈ!

ಭಾರತ್‌ ಮಾತಾ ಕೀ ಜೈ!

ಛತ್ತೀಸ್‌ಗಢ ಮಹತಾರಿ ಕೀ ಜೈ! (ಛತ್ತೀಸ್‌ಗಢಕ್ಕೆ ನಮಸ್ಕಾರ!)

ರತನ್ಪುರ ವಾಲಿ ಮಾತಾ ಮಹಾಮಾಯಾ ಕೀ ಜೈ!

ಕರ್ಮ ಮಾಯೆ ಕೀ ಜೈ! ಬಾಬಾ ಗುರು ಘಾಸಿದಾಸ್‌ ಕೀ ಜೈ!

(ಸ್ಥಳೀಯ ಭಾಷೆಯಲ್ಲಿ ಸಭಿಕರನ್ನುದ್ದೇಶಿಸಿ ಭಾಷಣ)

ನನ್ನ ಹೃದಯಾಳದಿಂದ ಜೈ ಜೋಹರ್‌!

ಛತ್ತೀಸ್‌ಗಢದ ರಾಜ್ಯಪಾಲರಾದ ಶ್ರೀ ರಾಮೆನ್‌ ದೇಕಾ ಜೀ; ರಾಜ್ಯದ ಜನಪ್ರಿಯ ಮತ್ತು ಕ್ರಿಯಾತ್ಮಕ ಮುಖ್ಯಮಂತ್ರಿ ಶ್ರೀ ವಿಷ್ಣುದೇವ್‌ ಸಾಯಿ ಜೀ; ಕೇಂದ್ರ ಸಚಿವ ಸಂಪುಟದ ನನ್ನ ಗೌರವಾನ್ವಿತ ಸಹೋದ್ಯೋಗಿ ಮನೋಹರ್‌ ಲಾಲ್‌ ಅವರೇ; ಈ ಪ್ರದೇಶದ ಸಂಸತ್‌ ಸದಸ್ಯ ಮತ್ತು ಕೇಂದ್ರ ಸಚಿವ ಟೋಖಾನ್‌ ಸಾಹು ಜೀ; ಛತ್ತೀಸ್‌ಗಢ ವಿಧಾನಸಭೆಯ ಸ್ಪೀಕರ್‌ ಮತ್ತು ನನ್ನ ಆತ್ಮೀಯ ಸ್ನೇಹಿತ ರಮಣ್‌ ಸಿಂಗ್‌ ಅವರೇ; ಉಪ ಮುಖ್ಯಮಂತ್ರಿ ವಿಜಯ್‌ ಶರ್ಮಾ ಅವರೇ; ಅರುಣ್‌ ಸಾಹು ಜೀ; ಛತ್ತೀಸ್‌ಗಢ ಸರ್ಕಾರದ ಎಲ್ಲಾ ಸಚಿವರು, ಸಂಸದರು ಮತ್ತು ಶಾಸಕರು; ಮತ್ತು ದೂರದೂರದಿಂದ ಇಲ್ಲಿ ನೆರೆದಿರುವ ನನ್ನ ಸಹೋದರ ಸಹೋದರಿಯರೇ!

ಇಂದು ಹೊಸ ವರ್ಷದ ಆರಂಭವನ್ನು ಸೂಚಿಸುತ್ತದೆ. ಇದು ನವರಾತ್ರಿಯ ಮೊದಲ ದಿನವೂ ಆಗಿದೆ ಮತ್ತು ಈ ಭೂಮಿಯನ್ನು ಮಾತಾ ಮಹಾಮಾಯೆಯ ವಾಸಸ್ಥಾನವೆಂದು ಆಶೀರ್ವದಿಸಲಾಗಿದೆ. ಛತ್ತೀಸ್‌ಗಢವು ಮಾತಾ ಕೌಸಲ್ಯಳ ತಂದೆಯ ಮನೆಯಾಗಿದೆ. ಈ ಪವಿತ್ರ ಸನ್ನಿವೇಶದಲ್ಲಿ, ದೈವಿಕ ಸ್ತ್ರೀ ಶಕ್ತಿಗೆ ಸಮರ್ಪಿತವಾದ ಈ ಒಂಬತ್ತು ದಿನಗಳು ಛತ್ತೀಸ್‌ಗಢಕ್ಕೆ ವಿಶೇಷ ಮಹತ್ವವನ್ನು ಹೊಂದಿವೆ. ನವರಾತ್ರಿಯ ಮೊದಲ ದಿನದಂದು ಇಲ್ಲಿಗೆ ಬಂದಿರುವುದು ನನ್ನ ಅದೃಷ್ಟ ಎಂದು ನಾನು ಭಾವಿಸುತ್ತೇನೆ. ಕೆಲವೇ ದಿನಗಳ ಹಿಂದೆ, ಭಕ್ತ ಶಿರೋಮಣಿ ಮಾತಾ ಕರ್ಮ ಅವರ ಗೌರವಾರ್ಥ ಅಂಚೆ ಚೀಟಿಯನ್ನು ಬಿಡುಗಡೆ ಮಾಡಲಾಯಿತು ಮತ್ತು ಈ ಸಂದರ್ಭದಲ್ಲಿನಾನು ನಿಮ್ಮೆಲ್ಲರಿಗೂ ನನ್ನ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸುತ್ತೇನೆ.

ಸ್ನೇಹಿತರೇ,

ನವರಾತ್ರಿ ಹಬ್ಬವು ರಾಮನವಮಿಯ ಭವ್ಯ ಆಚರಣೆಯೊಂದಿಗೆ ಕೊನೆಗೊಳ್ಳುತ್ತದೆ ಮತ್ತು ಭಗವಾನ್‌ ರಾಮನ ಬಗ್ಗೆ ಛತ್ತೀಸ್‌ಗಢದ ಭಕ್ತಿ ನಿಜವಾಗಿಯೂ ಗಮನಾರ್ಹವಾಗಿದೆ. ನಮ್ಮ ರಾಮನಾಮಿ ಸಮಾಜ (ಒಂದು ಪಂಥ) ಸಂಪೂರ್ಣವಾಗಿ ಭಗವಾನ್‌ ರಾಮನ ದೈವಿಕ ಹೆಸರಿಗೆ ತನ್ನನ್ನು ಸಮರ್ಪಿಸಿಕೊಂಡಿದೆ. ಭಗವಾನ್‌ ರಾಮನ ಮಾತೃಭೂಮಿಯ ಜನರಿಗೆ ಮತ್ತು ನನ್ನ ಸ್ನೇಹಿತರಾದ ನಿಮ್ಮೆಲ್ಲರಿಗೂ ನನ್ನ ಹಾರ್ದಿಕ ಶುಭಾಶಯಗಳನ್ನು ಸಲ್ಲಿಸುತ್ತೇನೆ. ಜೈ ಶ್ರೀ ರಾಮ್!

ಸ್ನೇಹಿತರೇ,

ಈ ಶುಭ ದಿನದಂದು, ಮೊಹಭಟ್ಟ ಸ್ವಯಂಭು ಶಿವಲಿಂಗ ಮಹಾದೇವ್‌ ಅವರ ಆಶೀರ್ವಾದದೊಂದಿಗೆ, ಛತ್ತೀಸ್‌ಗಢದ ಅಭಿವೃದ್ಧಿಯನ್ನು ಮತ್ತಷ್ಟು ವೇಗಗೊಳಿಸಲು ನನಗೆ ಅವಕಾಶ ನೀಡಲಾಗಿದೆ. ಸ್ವಲ್ಪ ಸಮಯದ ಹಿಂದೆ, ನಾವು 33,700 ಕೋಟಿ ರೂ.ಗಿಂತ ಹೆಚ್ಚಿನ ಮೌಲ್ಯದ ಯೋಜನೆಗಳಿಗೆ ಅಡಿಪಾಯ ಹಾಕಿದ್ದೇವೆ ಮತ್ತು ಉದ್ಘಾಟಿಸಿದ್ದೇವೆ. ಈ ಯೋಜನೆಗಳು ದೀನದಲಿ ತರಿಗೆ ವಸತಿ, ಶಾಲೆಗಳು, ರಸ್ತೆಗಳು, ರೈಲ್ವೆ, ವಿದ್ಯುತ್‌ ಮತ್ತು ಅನಿಲ ಕೊಳವೆ ಮಾರ್ಗಗಳನ್ನು ಒಳಗೊಂಡಿವೆ- ಇದು ಛತ್ತೀಸ್‌ಗಢದ ಜನರ ಜೀವನದ ಗುಣಮಟ್ಟವನ್ನು ಗಮನಾರ್ಹವಾಗಿ ಹೆಚ್ಚಿಸುವ ಉಪಕ್ರಮಗಳಾಗಿವೆ. ಅವು ಯುವಕರಿಗೆ ಹೊಸ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುತ್ತವೆ. ಈ ಪ್ರಮುಖ ಅಭಿವೃದ್ಧಿ ಯೋಜನೆಗಳಿಗಾಗಿ ನಿಮ್ಮೆಲ್ಲರಿಗೂ ನನ್ನ ಹೃತ್ಪೂರ್ವಕ ಅಭಿನಂದನೆಗಳು.

ಸ್ನೇಹಿತರೇ,

ನಮ್ಮ ಸಂಪ್ರದಾಯದಲ್ಲಿ, ಯಾರಿಗಾದರೂ ಆಶ್ರಯ ನೀಡುವುದು ದೊಡ್ಡ ಸದ್ಗುಣವೆಂದು ಪರಿಗಣಿಸಲಾಗಿದೆ. ಆದರೆ ಸ್ವಂತ ಮನೆ ಹೊಂದುವ ಒಬ್ಬ ವ್ಯಕ್ತಿಯ ಕನಸನ್ನು ನನಸಾಗಿಸುವುದಕ್ಕಿಂತ ಹೆಚ್ಚಿನ ಸಂತೋಷವನ್ನು ಬೇರೆ ಯಾವುದೂ ತರಲಾರದು? ಇಂದು, ನವರಾತ್ರಿ ಮತ್ತು ಹೊಸ ವರ್ಷದ ಈ ಶುಭ ಸಂದರ್ಭದಲ್ಲಿ, ಛತ್ತೀಸ್‌ಗಢದ ಮೂರು ಲಕ್ಷ  ದೀನದಲಿತ ಕುಟುಂಬಗಳು ತಮ್ಮ ಹೊಸ ಮನೆಗಳಿಗೆ ಸ್ಥಳಾಂತರಗೊಳ್ಳುತ್ತಿವೆ. ಸ್ವಲ್ಪ ಸಮಯದ ಹಿಂದೆ, ನನಗೆ ಮೂವರು ಫಲಾನುಭವಿಗಳನ್ನು ಭೇಟಿ ಮಾಡುವ ಅವಕಾಶ ಸಿಕ್ಕಿತು ಮತ್ತು ಅವರ ಮುಖಗಳಲ್ಲಿ ಅಪಾರ ಸಂತಸವನ್ನು ನಾನು ನೋಡಿದೆ. ಒಬ್ಬ ಮಹಿಳೆ ಸಂತೋಷದಿಂದ ಎಷ್ಟು ಮುಳುಗಿದ್ದಳೆಂದರೆ ಅವರು ತನ್ನ ಭಾವನೆಗಳನ್ನು ನಿಯಂತ್ರಿಸಲು ಸಾಧ್ಯವಾಗಲಿಲ್ಲ. ಈ ಎಲ್ಲಾ ಕುಟುಂಬಗಳಿಗೆ- ಮೂರು ಲಕ್ಷ  ಕುಟುಂಬಗಳಿಗೆ - ಅವರ ಜೀವನದ ಈ ಹೊಸ ಅಧ್ಯಾಯದಲ್ಲಿ ನನ್ನ ಹೃತ್ಪೂರ್ವಕ ಶುಭಾಶಯಗಳನ್ನು ಸಲ್ಲಿಸುತ್ತೇನೆ. ಈ ಬಡ ಕುಟುಂಬಗಳ ತಲೆಯ ಮೇಲೆ ಸುರಕ್ಷಿತ ಛಾವಣಿಯ ಸಾಧ್ಯತೆಯು ನಿಮ್ಮೆಲ್ಲರಿಂದಾಗಿ ಮಾತ್ರ ವಾಸ್ತವವಾಗಿದೆ. ನಾನು ಇದನ್ನು ಏಕೆ ಹೇಳುತ್ತಿದ್ದೇನೆ ಎಂದರೆ, ನೀವು ನರೇಂದ್ರ ಮೋದಿ ಅವರ ಭರವಸೆಯಲ್ಲಿ ನಂಬಿಕೆ ಇಟ್ಟಿದ್ದೀರಿ. ಹಿಂದಿನ ಸರ್ಕಾರದ ಅವಧಿಯಲ್ಲಿ, ಛತ್ತೀಸ್‌ಗಢದ ಲಕ್ಷಾಂತರ ಕುಟುಂಬಗಳಿಗೆ ಪಕ್ಕಾ ಮನೆಯ ಕನಸು ಕಡತಗಳಲ್ಲಿ ಹೂತುಹೋಗಿತ್ತು. ನಮ್ಮ ಸರ್ಕಾರ ಈ ಕನಸನ್ನು ನನಸಾಗಿಸುತ್ತದೆ ಎಂದು ನಾವು ನಿಮಗೆ ಭರವಸೆ ನೀಡಿದ್ದೆವು. ಅದಕ್ಕಾಗಿಯೇ, ವಿಷ್ಣುದೇವ್‌ ಜೀ ಅವರ ಸರ್ಕಾರ ರಚನೆಯಾದ ಕೂಡಲೇ, 18 ಲಕ್ಷ  ಮನೆಗಳನ್ನು ನಿರ್ಮಿಸುವುದು ಮೊದಲ ಸಂಪುಟ ನಿರ್ಧಾರವಾಗಿತ್ತು. ಇಂದು, ಆ ಮೂರು ಲಕ್ಷ  ಮನೆಗಳು ಪೂರ್ಣಗೊಂಡಿವೆ. ಈ ಮನೆಗಳಲ್ಲಿ ಅನೇಕವನ್ನು ಬುಡಕಟ್ಟು ಪ್ರದೇಶಗಳಲ್ಲಿ ನಿರ್ಮಿಸಲಾಗಿದೆ ಎಂದು ನನಗೆ ವಿಶೇಷವಾಗಿ ಸಂತೋಷವಾಗಿದೆ. ಬಸ್ತಾರ್‌ ಮತ್ತು ಸುರ್ಗುರ್ಜಾದ ಹಲವಾರು ಕುಟುಂಬಗಳು ಈಗ ಪಕ್ಕಾ ಮನೆಗಳನ್ನು ಹೊಂದಿವೆ. ತಾತ್ಕಾಲಿಕ ಗುಡಿಸಲುಗಳಲ್ಲಿ ತಲೆಮಾರುಗಳಿಂದ ಕಷ್ಟಗಳನ್ನು ಸಹಿಸಿಕೊಂಡಿರುವ ಕುಟುಂಬಗಳಿಗೆ ಇದರ ಮಹತ್ವವನ್ನು ಒಬ್ಬರು ನಿಜವಾಗಿಯೂ ಪ್ರಶಂಸಿಸಬಹುದು. ಈ ಬದಲಾವಣೆಯ ಪ್ರಮಾಣವನ್ನು ಸಂಪೂರ್ಣವಾಗಿ ಗ್ರಹಿಸದವರಿಗೆ, ನಾನು ಅದನ್ನು ದೃಷ್ಟಿಕೋನದಲ್ಲಿಇಡುತ್ತೇನೆ. ನೀವು ರೈಲು ಅಥವಾ ಬಸ್‌ನಲ್ಲಿ ದೀರ್ಘ ಪ್ರಯಾಣದಲ್ಲಿದ್ದೀರಿ ಎಂದು ಊಹಿಸಿಕೊಳ್ಳಿ, ಏಕೆಂದರೆ ನಿಮಗೆ ಆಸನ ಸಿಗದ ಕಾರಣ ಇಡೀ ದಾರಿಯಲ್ಲಿ ನಿಂತಿದ್ದೀರಿ. ನೀವು ಆಸನವನ್ನು ಭದ್ರಪಡಿಸಿದ ಕ್ಷಣ, ನೀವು ಅನುಭವಿಸುವ ನೆಮ್ಮದಿ ಮತ್ತು ಸಂತಸ ಅಪಾರವಾಗಿದೆ, ಅಲ್ಲವೇ? ಈಗ, ತಮ್ಮ ಇಡೀ ಜೀವನವನ್ನು ಕೊಳೆಗೇರಿಗಳಲ್ಲಿ ಅಥವಾ ಗುಡಿಸಲುಗಳಲ್ಲಿಕಳೆದ ಕುಟುಂಬಗಳನ್ನು ಕಲ್ಪಿಸಿಕೊಳ್ಳಿ. ಇಂದು, ಅವರು ಪಕ್ಕಾ ಮನೆಗಳಿಗೆ ಹೋಗುವಾಗ, ಅವರ ಸಂತೋಷಕ್ಕೆ ಮಿತಿಯಿಲ್ಲ. ನಾನು ಈ ಪರಿವರ್ತನೆಯನ್ನು ನೋಡಿದಾಗ, ಅದು ನನ್ನಲ್ಲಿಹೊಸ ಶಕ್ತಿಯನ್ನು ತುಂಬುತ್ತದೆ ಮತ್ತು ನನ್ನ ದೇಶವಾಸಿಗಳಿಗಾಗಿ ದಣಿವರಿಯದೆ ಕೆಲಸ ಮಾಡುವ ನನ್ನ ಸಂಕಲ್ಪವನ್ನು ಬಲಪಡಿಸುತ್ತದೆ.

ಸ್ನೇಹಿತರೇ,

ಈ ಮನೆಗಳನ್ನು ನಿರ್ಮಿಸಲು ಸರ್ಕಾರವು ಸಹಾಯವನ್ನು ನೀಡಿದ್ದರೂ, ಪ್ರತಿ ಮನೆಯನ್ನು ಹೇಗೆ ನಿರ್ಮಿಸಬೇಕು ಎಂಬ ನಿರ್ಧಾರವು ಫಲಾನುಭವಿಗಳಿಗೆ ಬಿಟ್ಟಿದ್ದು, ಸರ್ಕಾರಕ್ಕಲ್ಲ. ಇವು ನಿಮ್ಮ ಕನಸಿನ ಮನೆಗಳು, ಮತ್ತು ನಮ್ಮ ಸರ್ಕಾರ ಕೇವಲ ಮನೆಗಳನ್ನು ನಿರ್ಮಿಸುವುದಿಲ್ಲ; ಇದು ಅವುಗಳಲ್ಲಿ ವಾಸಿಸುವವರ ಜೀವನವನ್ನು ಶ್ರೀಮಂತಗೊಳಿಸಲು ಶ್ರಮಿಸುತ್ತದೆ. ಈ ಮನೆಗಳನ್ನು ಶೌಚಾಲಯಗಳು, ವಿದ್ಯುತ್‌, ಉಜ್ವಲ ಅನಿಲ ಸಂಪರ್ಕ ಮತ್ತು ನಲ್ಲಿನೀರು ಸೇರಿದಂತೆ ಅಗತ್ಯ ಸೌಲಭ್ಯಗಳೊಂದಿಗೆ ಸಜ್ಜುಗೊಳಿಸುವ ಪ್ರಯತ್ನಗಳನ್ನು ಮಾಡಲಾಗಿದೆ. ಇಂದು ಇಲ್ಲಿಹೆಚ್ಚಿನ ಸಂಖ್ಯೆಯ ತಾಯಂದಿರು ಮತ್ತು ಸಹೋದರಿಯರು ಇದ್ದಾರೆ ಎಂದು ನಾನು ನೋಡಬಹುದು. ಈ ಪಕ್ಕಾ ಮನೆಗಳಲ್ಲಿಹೆಚ್ಚಿನವು ನಮ್ಮ ಮಹಿಳೆಯರ ಹೆಸರಿನಲ್ಲಿ ನೋಂದಾಯಿಸಲ್ಪಟ್ಟಿವೆ. ಸಾವಿರಾರು ಸಹೋದರಿಯರು ಮೊದಲ ಬಾರಿಗೆ ತಮ್ಮ ಹೆಸರಿನಲ್ಲಿಕಾನೂನುಬದ್ಧವಾಗಿ ಆಸ್ತಿಯನ್ನು ನೋಂದಾಯಿಸಿದ್ದಾರೆ. ನನ್ನ ಪ್ರೀತಿಯ ತಾಯಂದಿರು ಮತ್ತು ಸಹೋದರಿಯರೇ, ನಿಮ್ಮ ಮುಖದ ಮೇಲಿನ ಸಂತೋಷ ಮತ್ತು ನಿಮ್ಮ ಹೃತ್ಪೂರ್ವಕ ಆಶೀರ್ವಾದಗಳು ನನ್ನ ದೊಡ್ಡ ಆಸ್ತಿ.

ಸ್ನೇಹಿತರೇ,

ಇಷ್ಟು ದೊಡ್ಡ ಸಂಖ್ಯೆಯ ಮನೆಗಳನ್ನು ನಿರ್ಮಿಸಿದಾಗ- ಅವುಗಳಲ್ಲಿ ಲಕ್ಷಾಂತರ - ಅದು ಮತ್ತೊಂದು ಮಹತ್ವದ ಬೆಳವಣಿಗೆಗೆ ಕಾರಣವಾಗುತ್ತದೆ. ಇದನ್ನು ಪರಿಗಣಿಸಿ: ಈ ಮನೆಗಳನ್ನು ಯಾರು ನಿರ್ಮಿಸುತ್ತಾರೆ? ಅವುಗಳ ನಿರ್ಮಾಣದಲ್ಲಿ ಬಳಸಿದ ವಸ್ತುಗಳು ಎಲ್ಲಿಂದ ಬರುತ್ತವೆ? ಈ ವಸ್ತುಗಳನ್ನು ದೆಹಲಿ ಅಥವಾ ಮುಂಬೈನಿಂದ ಪಡೆಯಲಾಗುವುದಿಲ್ಲ; ಬದಲಾಗಿ, ಅವರು ಸ್ಥಳೀಯ ಮಾರುಕಟ್ಟೆಗಳಿಂದ ಬರುತ್ತಾರೆ. ದೊಡ್ಡ ಪ್ರಮಾಣದ ಮನೆಗಳ ನಿರ್ಮಾಣವು ನಮ್ಮ ಮೇಸಿಗಳು, ರಾಣಿ ಮಿಸ್ತ್ರಿಸ್‌(ರಾಣಿ / ಮುಖ್ಯ ಮೇಸ್ತ್ರಿಗಳು) ನಂತಹ ನುರಿತ ಕಾರ್ಮಿಕರಿಗೆ ಮತ್ತು ಹಳ್ಳಿಗಳಲ್ಲಿನ ಕಾರ್ಮಿಕರಿಗೆ ಉದ್ಯೋಗವನ್ನು ಒದಗಿಸುತ್ತದೆ. ನಿರ್ಮಾಣ ಸಾಮಗ್ರಿಗಳನ್ನು ಪೂರೈಸುವ ಸ್ಥಳೀಯ ಸಣ್ಣ ಅಂಗಡಿಯವರಿಗೆ ಇದು ಪ್ರಯೋಜನವನ್ನು ನೀಡುತ್ತದೆ. ಹೆಚ್ಚುವರಿಯಾಗಿ. ಈ ಸರಕುಗಳನ್ನು ಟ್ರಕ್‌ಗಳು ಮತ್ತು ಇತರ ವಾಹನಗಳಲ್ಲಿಸಾಗಿಸುವವರು ಉದ್ಯೋಗಾವಕಾಶಗಳನ್ನು ಪಡೆಯುತ್ತಾರೆ. ಈ ರೀತಿಯಾಗಿ, ಲಕ್ಷಾಂತರ ಮನೆಗಳ ನಿರ್ಮಾಣವು ಆಶ್ರಯವನ್ನು ಒದಗಿಸಿದೆ ಮಾತ್ರವಲ್ಲದೆ ಛತ್ತೀಸ್‌ಗಢದಾದ್ಯಂತ ವ್ಯಾಪಕ ಉದ್ಯೋಗವನ್ನು ಸೃಷ್ಟಿಸಿದೆ.

ಸ್ನೇಹಿತರೇ,

ಛತ್ತೀಸ್‌ಗಢದ ಜನರಿಗೆ ನೀಡಿದ ಪ್ರತಿಯೊಂದು ಭರವಸೆಯನ್ನು ಬಿಜೆಪಿ ಸರ್ಕಾರ ದೃಢವಾಗಿ ಈಡೇರಿಸುತ್ತಿದೆ. ಸ್ಥಳೀಯ ಸ್ವಯಮಾಡಳಿತ ಸಂಸ್ಥೆಗಳಿಗೆ ಇತ್ತೀಚೆಗೆ ಚುನಾವಣೆಗಳು ನಡೆದಿವೆ - ಮೂರು ಹಂತದ ಚುನಾವಣೆಗಳು - ಮತ್ತು ನೀವು ತೋರಿಸಿದ ಅಗಾಧ ಬೆಂಬಲ ನಿಜವಾಗಿಯೂ ಶ್ಲಾಘನೀಯ ಎಂದು ಮುಖ್ಯಮಂತ್ರಿ ಉಲ್ಲೇಖಿಸಿದ್ದಾರೆ. ನಾನು ಇಂದು ನಿಮ್ಮ ಮುಂದೆ ನಿಂತಿರುವಾಗ, ನಿಮ್ಮ ನಂಬಿಕೆ ಮತ್ತು ಆಶೀರ್ವಾದಗಳಿಗಾಗಿ ನನ್ನ ಹೃತ್ಪೂರ್ವಕ ಕೃತಜ್ಞತೆಯನ್ನು ವ್ಯಕ್ತಪಡಿಸಲು ನಾನು ಈ ಅವಕಾಶವನ್ನು ಬಳಸಿಕೊಳ್ಳುತ್ತೇನೆ.

ಸ್ನೇಹಿತರೇ,

ಸರ್ಕಾರದ ವಿವಿಧ ಯೋಜನೆಗಳ ಫಲಾನುಭವಿಗಳು ಇಂದು ಇಲ್ಲಿಹೆಚ್ಚಿನ ಸಂಖ್ಯೆಯಲ್ಲಿ ಜಮಾಯಿಸಿದ್ದಾರೆ. ನಮ್ಮ ಸರ್ಕಾರವು ತನ್ನ ಬದ್ಧತೆಗಳನ್ನು ಎಷ್ಟು ವೇಗವಾಗಿ ಗೌರವಿಸುತ್ತಿದೆ ಎಂಬುದನ್ನು ನೀವು ವೈಯಕ್ತಿಕವಾಗಿ ನೋಡಿದ್ದೀರಿ. ಛತ್ತೀಸ್‌ಗಢದ ಮಹಿಳೆಯರಿಗೆ ನೀಡಿದ ಭರವಸೆಯನ್ನು ನಾವು ಈಡೇರಿಸಿದ್ದೇವೆ. ಭತ್ತದ ರೈತರು ಎರಡು ವರ್ಷಗಳ ಬೋನಸ್‌ ಪಡೆದಿದ್ದಾರೆ ಮತ್ತು ಭತ್ತವನ್ನು ಹೆಚ್ಚಿದ ಕನಿಷ್ಠ ಬೆಂಬಲ ಬೆಲೆಯಲ್ಲಿ(ಎಂಎಸ್‌ಪಿ) ಸಂಗ್ರಹಿಸಲಾಗಿದೆ. ಇದರ ಪರಿಣಾಮವಾಗಿ, ಲಕ್ಷಾಂತರ ರೈತ ಕುಟುಂಬಗಳು ಒಟ್ಟಾಗಿ ಸಾವಿರಾರು ಕೋಟಿ ರೂಪಾಯಿಗಳನ್ನು ಪಡೆದಿವೆ. ಹಿಂದಿನ ಕಾಂಗ್ರೆಸ್‌ ಸರ್ಕಾರದ ಅವಧಿಯಲ್ಲಿ ನೇಮಕಾತಿ ಪರೀಕ್ಷೆಗಳು ವ್ಯಾಪಕ ಭ್ರಷ್ಟಾಚಾರದಿಂದ ಪೀಡಿತವಾಗಿದ್ದವು. ಈ ಪರೀಕ್ಷಾ ಹಗರಣಗಳ ಬಗ್ಗೆ ಸಮಗ್ರ ತನಿಖೆಗೆ ಬಿಜೆಪಿ ಸರ್ಕಾರ ಆದೇಶಿಸಿದೆ. ಇದಲ್ಲದೆ, ನೇಮಕಾತಿ ಪರೀಕ್ಷೆಗಳನ್ನು ಸಂಪೂರ್ಣ ಪಾರದರ್ಶಕತೆಯೊಂದಿಗೆ ನಡೆಸಲಾಗುತ್ತದೆ ಎಂದು ನಾವು ಈಗ ಖಚಿತಪಡಿಸುತ್ತಿದ್ದೇವೆ. ಈ ಪ್ರಾಮಾಣಿಕ ಪ್ರಯತ್ನಗಳು ಬಿಜೆಪಿಯಲ್ಲಿ ಸಾರ್ವಜನಿಕರ ವಿಶ್ವಾಸವನ್ನು ಬಲಪಡಿಸಿವೆ. ವಿಧಾನಸಭಾ ಮತ್ತು ಲೋಕಸಭಾ ಚುನಾವಣೆಗಳ ನಂತರ, ಬಿಜೆಪಿ ಈಗ ನಾಗರಿಕ ಚುನಾವಣೆಗಳಲ್ಲಿಯೂ ಜಯಗಳಿಸಿದೆ, ಛತ್ತೀಸ್‌ಗಢದಾದ್ಯಂತ ಅದರ ಧ್ವಜ ಹಾರಾಡುತ್ತಿದೆ. ಈ ರಾಜ್ಯದ ಜನರು ಬಿಜೆಪಿ ಸರ್ಕಾರದ ದೃಷ್ಟಿಕೋನ ಮತ್ತು ಉಪಕ್ರಮಗಳನ್ನು ಪೂರ್ಣ ಹೃದಯದಿಂದ ಬೆಂಬಲಿಸುತ್ತಿದ್ದಾರೆ.

ಸ್ನೇಹಿತರೇ,

ಛತ್ತೀಸ್‌ಗಢವು ಈಗ ರಾಜ್ಯವಾಗಿ 25 ವರ್ಷಗಳನ್ನು ಪೂರ್ಣಗೊಳಿಸಿದೆ, ಅದರ ರಜತ ಮಹೋತ್ಸವ ವರ್ಷವನ್ನು ಆಚರಿಸುತ್ತಿದೆ. ಕಾಕತಾಳೀಯವೆಂಬಂತೆ, ಈ ವರ್ಷ ಅಟಲ್‌ ಜೀ ಅವರ ಶತಮಾನೋತ್ಸವವನ್ನು ಸಹ ಸ್ಮರಿಸುತ್ತದೆ. ಅವರ ಪರಂಪರೆಯ ಗೌರವಾರ್ಥವಾಗಿ, ಛತ್ತೀಸ್‌ಗಢ ಸರ್ಕಾರವು 2025 ಅನ್ನು ಅಟಲ್‌ ನಿರ್ಮಾಣ್‌ ವರ್ಷ್‌ ಎಂದು ಆಚರಿಸುತ್ತಿದೆ. ನಮ್ಮ ಬದ್ಧತೆ ಸ್ಪಷ್ಟವಾಗಿದೆ- ನಾವು ಅದನ್ನು ನಿರ್ಮಿಸಿದ್ದೇವೆ ಮತ್ತು ನಾವು ಅದನ್ನು ಇನ್ನಷ್ಟು ಉತ್ತಮಗೊಳಿಸುತ್ತೇವೆ. ಇಂದು ಉದ್ಘಾಟಿಸಲಾದ ಅಥವಾ ಪ್ರಾರಂಭಿಸಲಾದ ಪ್ರತಿಯೊಂದು ಮೂಲಸೌಕರ್ಯ ಯೋಜನೆ ಈ ನಿರ್ಣಯಕ್ಕೆ ಸಾಕ್ಷಿಯಾಗಿದೆ.

ಸ್ನೇಹಿತರೇ,

ಅಭಿವೃದ್ಧಿಯ ಪ್ರಯೋಜನಗಳು ಅದರ ಜನರಿಗೆ ತಲುಪುವುದನ್ನು ಖಚಿತಪಡಿಸಿಕೊಳ್ಳಲು ಛತ್ತೀಸ್‌ಗಢವನ್ನು ಪ್ರತ್ಯೇಕ ರಾಜ್ಯವಾಗಿ ರಚಿಸಲಾಯಿತು. ಆದಾಗ್ಯೂ, ಕಾಂಗ್ರೆಸ್‌ ಆಡಳಿತದಲ್ಲಿ, ಅಭಿವೃದ್ಧಿ ಸ್ಥಗಿತಗೊಂಡಿತು ಮತ್ತು ಎಲ್ಲೆಲ್ಲಿಕೆಲಸ ಕೈಗೊಂಡರೂ ಭ್ರಷ್ಟಾಚಾರವು ಮುಂದುವರಿಯಿತು. ಕಾಂಗ್ರೆಸ್‌ ಪಕ್ಷ ವು ನಿಮ್ಮ ಯೋಗಕ್ಷೇಮದ ಬಗ್ಗೆ ಎಂದಿಗೂ ಕಾಳಜಿ ವಹಿಸಿಲ್ಲ. ಆದರೆ ನಾವು ಮಾಡಿದ್ದೇವೆ. ನಾವು ನಿಮ್ಮ ಜೀವನ, ನಿಮ್ಮ ಆರಾಮ ಮತ್ತು ನಿಮ್ಮ ಮಕ್ಕಳ ಭವಿಷ್ಯಕ್ಕೆ ಆದ್ಯತೆ ನೀಡಿದ್ದೇವೆ. ನಮ್ಮ ಸರ್ಕಾರ ಛತ್ತೀಸ್‌ಗಢದ ಪ್ರತಿಯೊಂದು ಹಳ್ಳಿಗೂ ಅಭಿವೃದ್ಧಿ ಉಪಕ್ರಮಗಳನ್ನು ಕೊಂಡೊಯ್ಯುತ್ತಿದೆ. ಇಲ್ಲಿಯುವತಿಯೊಬ್ಬಳು ಸ್ವಲ್ಪ ಸಮಯದವರೆಗೆ ಚಿತ್ರಕಲೆಯನ್ನು ಹಿಡಿದಿರುವುದನ್ನು ನಾನು ಗಮನಿಸಿದ್ದೇನೆ. ಆಕೆಯ ಹೆಸರು ಮತ್ತು ವಿಳಾಸವನ್ನು ಗಮನಿಸುವಂತೆ ನಾನು ಭದ್ರತಾ ಸಿಬ್ಬಂದಿಯನ್ನು ವಿನಂತಿಸುತ್ತೇನೆ. ಮಗಳೇ, ನಾನು ನಿನಗೆ ಪತ್ರ ಕಳುಹಿಸುತ್ತೇನೆ. ಯಾರಾದರೂ ದಯವಿಟ್ಟು ಅದನ್ನು ಸಂಗ್ರಹಿಸಿ ಮತ್ತು ಅದು ನನಗೆ ತಲುಪುತ್ತದೆ ಎಂದು ಖಚಿತಪಡಿಸಿಕೊಳ್ಳಿ. ಧನ್ಯವಾದಗಳು, ಪ್ರಿಯ ಮಗು. ತುಂಬ ಧನ್ಯವಾದಗಳು. ಇಂದು, ಪರಿವರ್ತನೆ ನಡೆಯುತ್ತಿರುವುದನ್ನು ನೀವು ನೋಡಬಹುದು - ಉತ್ತಮ ರಸ್ತೆಗಳು ಈಗ ಅತ್ಯಂತ ದೂರದ ಬುಡಕಟ್ಟು ಪ್ರದೇಶಗಳನ್ನು ಸಹ ತಲುಪುತ್ತಿವೆ. ಮೊದಲ ಬಾರಿಗೆ, ರೈಲುಗಳು ಹೊಸ ಪ್ರದೇಶಗಳನ್ನು ಸಂಪರ್ಕಿಸುತ್ತಿವೆ, ಮತ್ತು ನಾನು ಇಲ್ಲಿಹೊಸ ಸೇವೆಗೆ ಹಸಿರು ನಿಶಾನೆ ತೋರಿದ್ದೇನೆ. ವಿದ್ಯುತ್‌ ಮೊದಲ ಬಾರಿಗೆ ಈ ಸ್ಥಳಗಳನ್ನು ತಲುಪುತ್ತಿದೆ, ಕೊಳವೆ ನೀರು ಸರಬರಾಜು ವಾಸ್ತವವಾಗುತ್ತಿದೆ ಮತ್ತು ಹಿಂದೆಂದೂ ಸಂಪರ್ಕವಿಲ್ಲದ ಪ್ರದೇಶಗಳಲ್ಲಿಮೊಬೈಲ್‌ ಟವರ್‌ಗಳನ್ನು ಸ್ಥಾಪಿಸಲಾಗುತ್ತಿದೆ. ಹೊಸ ಶಾಲೆಗಳು, ಕಾಲೇಜುಗಳು ಮತ್ತು ಆಸ್ಪತ್ರೆಗಳನ್ನು ನಿರ್ಮಿಸಲಾಗುತ್ತಿದೆ. ಛತ್ತೀಸ್‌ಗಢದ ಭೂದೃಶ್ಯವು ಬದಲಾಗುತ್ತಿದೆ, ಮತ್ತು ಅದರೊಂದಿಗೆ, ಅದರ ಹಣೆಬರಹವನ್ನು ಮತ್ತೆ ಬರೆಯಲಾಗುತ್ತಿದೆ.

ಸ್ನೇಹಿತರೇ,

ರೈಲ್ವೆ ಜಾಲದ ಶೇ. 100ರಷ್ಟು ವಿದ್ಯುತ್‌ ನಿಂದ ಕಾರ್ಯನಿರ್ವಹಿಸುವ ರಾಜ್ಯಗಳ ಸಾಲಿಗೆ ಛತ್ತೀಸ್‌ಗಢ ಈಗ ಸೇರಿಕೊಂಡಿದೆ- ಇದು ಗಮನಾರ್ಹ ಸಾಧನೆಯಾಗಿದೆ. ಪ್ರಸ್ತುತ, ಛತ್ತೀಸ್‌ಗಢದಲ್ಲಿಸುಮಾರು 40,000 ಕೋಟಿ ರೂ.ಗಳ ರೈಲ್ವೆ ಯೋಜನೆಗಳು ನಡೆಯುತ್ತಿವೆ. ಹೆಚ್ಚುವರಿಯಾಗಿ, ಈ ವರ್ಷದ ಬಜೆಟ್‌ನಲ್ಲಿ ರಾಜ್ಯದ ರೈಲ್ವೆ ಮೂಲಸೌಕರ್ಯಕ್ಕಾಗಿ ನಿರ್ದಿಷ್ಟವಾಗಿ 7,000 ಕೋಟಿ ರೂ. ಈ ಬೆಳವಣಿಗೆಗಳು ಛತ್ತೀಸ್‌ಗಢದ ವಿವಿಧ ಪ್ರದೇಶಗಳಲ್ಲಿರೈಲು ಸಂಪರ್ಕವನ್ನು ಗಮನಾರ್ಹವಾಗಿ ಹೆಚ್ಚಿಸುತ್ತವೆ ಮತ್ತು ನೆರೆಯ ರಾಜ್ಯಗಳೊಂದಿಗಿನ ಸಂಪರ್ಕವನ್ನು ಸುಧಾರಿಸುತ್ತವೆ.

ಸ್ನೇಹಿತರೇ,

ಆರ್ಥಿಕ ಸಂಪನ್ಮೂಲಗಳ ಜೊತೆಗೆ, ಅಭಿವೃದ್ಧಿಗೆ ಉತ್ತಮ ಉದ್ದೇಶಗಳು ಅತ್ಯಗತ್ಯ. ಕಾಂಗ್ರೆಸ್‌ ಆಡಳಿತದಲ್ಲಿನಾವು ಕಂಡಂತೆ ಆಲೋಚನೆ ಮತ್ತು ಕ್ರಿಯೆ ಎರಡರಲ್ಲೂಅಪ್ರಾಮಾಣಿಕತೆ ಇದ್ದರೆ, ದೊಡ್ಡ ಖಜಾನೆಯೂ ಖಾಲಿಯಾಗುತ್ತದೆ. ಕಾಂಗ್ರೆಸ್‌ ಅಧಿಕಾರಾವಧಿಯಲ್ಲಿಇದು ಸಂಭವಿಸುವುದನ್ನು ನಾವು ನೋಡಿದ್ದೇವೆ, ಅಲ್ಲಿಭ್ರಷ್ಟಾಚಾರ ಮತ್ತು ದುರಾಡಳಿತವು ಬುಡಕಟ್ಟು ಪ್ರದೇಶಗಳನ್ನು ತಲುಪದಂತೆ ಅಭಿವೃದ್ಧಿಯನ್ನು ತಡೆಯಿತು. ಕಲ್ಲಿದ್ದಲನ್ನು ಉದಾಹರಣೆಯಾಗಿ ತೆಗೆದುಕೊಳ್ಳಿ- ಛತ್ತೀಸ್‌ಗಢವು ಕಲ್ಲಿದ್ದಲು ನಿಕ್ಷೇಪಗಳಿಂದ ಸಮೃದ್ಧವಾಗಿದೆ. ಆದರೂ ರಾಜ್ಯವು ತನ್ನ ಅಗತ್ಯಗಳನ್ನು ಪೂರೈಸಲು ಸಾಕಷ್ಟು ವಿದ್ಯುತ್‌ ಪಡೆಯಲು ಹೆಣಗಾಡಿತು. ಕಾಂಗ್ರೆಸ್‌ ಆಡಳಿತದಲ್ಲಿ ವಿದ್ಯುತ್‌ ಕ್ಷೇತ್ರವನ್ನು ನಿರ್ಲಕ್ಷಿಸಲಾಯಿತು ಮತ್ತು ವಿದ್ಯುತ್‌ ಸ್ಥಾವರಗಳನ್ನು ಅಭಿವೃದ್ಧಿಪಡಿಸಲು ಕಡಿಮೆ ಪ್ರಯತ್ನ ಮಾಡಲಾಯಿತು. ಇದಕ್ಕೆ ವ್ಯತಿರಿಕ್ತವಾಗಿ, ನಮ್ಮ ಸರ್ಕಾರವು ಈಗ ವಿಶ್ವಾಸಾರ್ಹ ಇಂಧನ ಪೂರೈಕೆಯನ್ನು ಖಚಿತಪಡಿಸಿಕೊಳ್ಳಲು ಹೊಸ ವಿದ್ಯುತ್‌ ಸ್ಥಾವರಗಳನ್ನು ಸಕ್ರಿಯವಾಗಿ ಸ್ಥಾಪಿಸುತ್ತಿದೆ.

ಸ್ನೇಹಿತರೇ,

ಸೌರಶಕ್ತಿಯಿಂದ ವಿದ್ಯುತ್‌ ಉತ್ಪಾದಿಸಲು ನಾವು ಗಮನಾರ್ಹ ಪ್ರಯತ್ನಗಳನ್ನು ಮಾಡುತ್ತಿದ್ದೇವೆ. ನರೇಂದ್ರ ಮೋದಿ ಅವರು ಪ್ರಾರಂಭಿಸಿದ ಒಂದು ಗಮನಾರ್ಹ ಯೋಜನೆಯನ್ನು ನಾನು ನಿಮಗೆ ಪರಿಚಯಿಸುತ್ತೇನೆ - ನಿಮ್ಮ ವಿದ್ಯುತ್‌ ಬಿಲ್‌ ಅನ್ನು ತೆಗೆದುಹಾಕುವ ಮತ್ತು ಮನೆಯಲ್ಲಿ ವಿದ್ಯುತ್‌ ಉತ್ಪಾದಿಸುವ ಮೂಲಕ ಹಣವನ್ನು ಸಂಪಾದಿಸಲು ನಿಮಗೆ ಅವಕಾಶ ನೀಡುವ ಯೋಜನೆ. ಈ ಉಪಕ್ರಮವನ್ನು ಪಿಎಂ ಸೂರ್ಯ ಘರ್‌ ಮುಫ್ಟ್‌ ಬಿಜ್ಲಿ ಯೋಜನೆ ಎಂದು ಕರೆಯಲಾಗುತ್ತದೆ. ಈ ಯೋಜನೆಯಡಿ, ನಮ್ಮ ಸರ್ಕಾರವು ಸೌರ ಫಲಕಗಳನ್ನು ಸ್ಥಾಪಿಸಲು ಪ್ರತಿ ಮನೆಗೆ 70,000-80,000 ರೂ.ಗಳ ಆರ್ಥಿಕ ಸಹಾಯವನ್ನು ಒದಗಿಸುತ್ತಿದೆ. ಛತ್ತೀಸ್‌ಗಢದಲ್ಲಿಈಗಾಗಲೇ ಎರಡು ಲಕ್ಷಕ್ಕೂ ಹೆಚ್ಚು ಕುಟುಂಬಗಳು ಈ ಯೋಜನೆಗೆ ನೋಂದಾಯಿಸಿಕೊಂಡಿವೆ. ನೀವೆಲ್ಲರೂ ಸೇರಲು ಮತ್ತು ಅದರ ಪ್ರಯೋಜನಗಳನ್ನು ಪಡೆಯಲು ನಾನು ಪ್ರೋತ್ಸಾಹಿಸುತ್ತೇನೆ.

ಸ್ನೇಹಿತರೇ,

ಉತ್ತಮ ಆಡಳಿತ ಮತ್ತು ದೂರದೃಷ್ಟಿಯ ಮತ್ತೊಂದು ಉದಾಹರಣೆಯೆಂದರೆ ಅನಿಲ ಕೊಳವೆ ಮಾರ್ಗಗಳ ಅಭಿವೃದ್ಧಿ. ಛತ್ತೀಸ್‌ಗಢವು ಭೂ-ಆವೃತ ರಾಜ್ಯವಾಗಿರುವುದರಿಂದ, ಸಮುದ್ರದಿಂದ ದೂರವಿದ್ದು, ಅನಿಲ ಪೂರೈಕೆಯು ಗಮನಾರ್ಹ ಸವಾಲಾಗಿದೆ. ಹಿಂದಿನ ಸರ್ಕಾರವು ಅನಿಲ ಮೂಲಸೌಕರ್ಯದಲ್ಲಿಸಾಕಷ್ಟು ಹೂಡಿಕೆ ಮಾಡಲು ವಿಫಲವಾಯಿತು, ಇದರಿಂದಾಗಿ ರಾಜ್ಯವು ದುಬಾರಿ ಸಾರಿಗೆ ವಿಧಾನಗಳನ್ನು ಅವಲಂಬಿಸಿದೆ. ನಾವು ಈಗ ಈ ಸಮಸ್ಯೆಯನ್ನು ಮುಖಾಮುಖಿಯಾಗಿ ಪರಿಹರಿಸುತ್ತಿದ್ದೇವೆ. ನಮ್ಮ ಸರ್ಕಾರವು ಛತ್ತೀಸ್‌ಗಢದಲ್ಲಿ ಸಕ್ರಿಯವಾಗಿ ಅನಿಲ ಕೊಳವೆ ಮಾರ್ಗಗಳನ್ನು ಹಾಕುತ್ತಿದೆ. ಟ್ರಕ್‌ಗಳ ಮೂಲಕ ಪೆಟ್ರೋಲಿಯಂ ಉತ್ಪನ್ನಗಳನ್ನು ಸಾಗಿಸುವ ಅವಲಂಬನೆಯನ್ನು ಕಡಿಮೆ ಮಾಡುತ್ತಿದೆ. ಇದು ಇಂಧನ ಮತ್ತು ಇಂಧನ ಸಂಬಂಧಿತ ಉತ್ಪನ್ನಗಳಿಗೆ ಕಡಿಮೆ ಬೆಲೆಗೆ ಕಾರಣವಾಗುತ್ತದೆ. ಹೆಚ್ಚುವರಿಯಾಗಿ, ಅನಿಲ ಕೊಳವೆ ಮಾರ್ಗಗಳ ಪರಿಚಯವು ವಾಹನಗಳನ್ನು ಸಿಎನ್‌ಜಿಯಲ್ಲಿ ಚಲಿಸಲು ಅನುವು ಮಾಡಿಕೊಡುತ್ತದೆ, ಸ್ವಚ್ಛ ಮತ್ತು ಹೆಚ್ಚು ಕೈಗೆಟುಕುವ ಪರ್ಯಾಯವನ್ನು ಒದಗಿಸುತ್ತದೆ. ಇದಲ್ಲದೆ, ಈ ಉಪಕ್ರಮವು ಕೊಳವೆ ಮೂಲಕ ಅಡುಗೆ ಅನಿಲವನ್ನು ನೇರವಾಗಿ ಮನೆಗಳಿಗೆ ತರುತ್ತದೆ. ಪೈಪ್‌ಗಳ ಮೂಲಕ ಅಡುಗೆಮನೆಗೆ ನೀರು ಹರಿಯುವಂತೆಯೇ, ಅನಿಲವನ್ನು ಈಗ ಅದೇ ರೀತಿಯಲ್ಲಿ ಪೂರೈಸಲಾಗುವುದು. ನಾವು ಪ್ರಸ್ತುತ ಎರಡು ಲಕ್ಷ ಕ್ಕೂ ಹೆಚ್ಚು ಮನೆಗಳಿಗೆ ನೇರ ಕೊಳವೆ ಅನಿಲ ಪೂರೈಕೆಯೊಂದಿಗೆ ಸಂಪರ್ಕಿಸುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದ್ದೇವೆ. ಮನೆಯ ಪ್ರಯೋಜನಗಳನ್ನು ಮೀರಿ, ಅನಿಲದ ಲಭ್ಯತೆಯು ಛತ್ತೀಸ್‌ಗಢದಲ್ಲಿ ಹೊಸ ಕೈಗಾರಿಕೆಗಳಿಗೆ ದಾರಿ ಮಾಡಿಕೊಡುತ್ತದೆ. ಇದು ಸಾವಿರಾರು ಹೊಸ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುತ್ತದೆ.

ಸ್ನೇಹಿತರೇ,

ಕಳೆದ ದಶಕಗಳಲ್ಲಿ, ಕಾಂಗ್ರೆಸ್‌ನ ನೀತಿಗಳು ಛತ್ತೀಸ್‌ಗಢ ಸೇರಿದಂತೆ ಹಲವಾರು ರಾಜ್ಯಗಳಲ್ಲಿನಕ್ಸಲಿಸಂ ಹರಡಲು ಕಾರಣವಾಯಿತು. ಎಲ್ಲೆಲ್ಲಿಅಭಿವೃದ್ಧಿಯ ಕೊರತೆ ಮತ್ತು ಕೊರತೆ ಇರುತ್ತದೋ ಅಲ್ಲಿನಕ್ಸಲಿಸಂ ಬೇರೂರಿತು ಮತ್ತು ಪ್ರವರ್ಧಮಾನಕ್ಕೆ ಬಂದಿತು. ಆದರೆ 60 ವರ್ಷಗಳ ಕಾಲ ಆಡಳಿತ ನಡೆಸಿದ ಪಕ್ಷ  ಏನು ಮಾಡಿದೆ? ಸವಾಲುಗಳನ್ನು ಎದುರಿಸುವ ಬದಲು, ಅದು ಅಂತಹ ಜಿಲ್ಲೆಗಳನ್ನು ಹಿಂದುಳಿದವು ಎಂದು ಘೋಷಿಸಿತು ಮತ್ತು ತನ್ನ ಜವಾಬ್ದಾರಿಗಳಿಂದ ದೂರ ಸರಿದಿತು. ಇದರ ಪರಿಣಾಮವಾಗಿ, ನಮ್ಮ ಯುವಕರ ಸಂಪೂರ್ಣ ತಲೆಮಾರುಗಳು ಕಳೆದುಹೋದವು. ಅನೇಕ ತಾಯಂದಿರು ತಮ್ಮ ಮಕ್ಕಳ ಹೃದಯ ವಿದ್ರಾವಕ ನಷ್ಟವನ್ನು ಸಹಿಸಬೇಕಾಯಿತು ಮತ್ತು ಅಸಂಖ್ಯಾತ ಸಹೋದರಿಯರು ತಮ್ಮ ಸಹೋದರರಿಗಾಗಿ ದುಃಖಿತರಾಗಿದ್ದರು.

ಸ್ನೇಹಿತರೇ,

ಹಿಂದಿನ ಸರ್ಕಾರಗಳು ತೋರಿಸಿದ ಉದಾಸೀನತೆಯು ಬಿಕ್ಕಟ್ಟನ್ನು ಇನ್ನಷ್ಟು ಉಲ್ಬಣಗೊಳಿಸಿತು. ಛತ್ತೀಸ್‌ಗಢದ ವಿವಿಧ ಜಿಲ್ಲೆಗಳಲ್ಲಿ ಕೆಲವು ದೀನದಲಿತ ಬುಡಕಟ್ಟು ಕುಟುಂಬಗಳು ಹೇಗೆ ಹೆಣಗಾಡುತ್ತಿವೆ ಎಂಬುದನ್ನು ನೀವು ಪ್ರತ್ಯಕ್ಷ ವಾಗಿ ನೋಡಿದ್ದೀರಿ. ಕಾಂಗ್ರೆಸ್‌ ಸರ್ಕಾರ ಅವರ ಬಗ್ಗೆ ಎಂದಿಗೂ ಕಾಳಜಿ ವಹಿಸಲಿಲ್ಲ. ನಾವು ಮಾಡಿದೆವು. ಸ್ವಚ್ಛ ಭಾರತ ಅಭಿಯಾನವನ್ನು ಪ್ರಾರಂಭಿಸುವ ಮೂಲಕ ಬಡ ಬುಡಕಟ್ಟು ಕುಟುಂಬಗಳು ಸರಿಯಾದ ನೈರ್ಮಲ್ಯವನ್ನು ಹೊಂದಿರುವುದನ್ನು ನಾವು ಖಚಿತಪಡಿಸಿದ್ದೇವೆ. ಆಯುಷ್ಮಾನ್‌ ಭಾರತ್‌ ಯೋಜನೆಯನ್ನು ಪರಿಚಯಿಸುವ ಮೂಲಕ ನಾವು ಅವರ ಆರೋಗ್ಯ ಅಗತ್ಯಗಳಿಗೆ ಆದ್ಯತೆ ನೀಡಿದ್ದೇವೆ, 5 ಲಕ್ಷ  ರೂ.ಗಳವರೆಗೆ ಉಚಿತ ಚಿಕಿತ್ಸೆಯನ್ನು ಒದಗಿಸುತ್ತೇವೆ. ನಾವು ಪಿಎಂ ಜನೌಷಧಿ ಕೇಂದ್ರಗಳ ಮೂಲಕ ಅಗತ್ಯ ಔಷಧಗಳನ್ನು ಕೈಗೆಟುಕುವಂತೆ ಮಾಡಿದ್ದೇವೆ, ಅಲ್ಲಿ ಔಷಧಗಳು ಶೇ.80 ರಿಯಾಯಿತಿಯಲ್ಲಿ ಲಭ್ಯವಿದೆ.

ಸ್ನೇಹಿತರೇ,

ಸಾಮಾಜಿಕ ನ್ಯಾಯದ ಚಾಂಪಿಯನ್‌ಗಳು ಎಂದು ಹೇಳಿಕೊಳ್ಳುವವರು ದಶಕಗಳಿಂದ ಬುಡಕಟ್ಟು ಸಮುದಾಯವನ್ನು ನಿರ್ಲಕ್ಷಿಸಿದ್ದಾರೆ. ಅದಕ್ಕಾಗಿಯೇ ನಾನು ಹೇಳುತ್ತೇನೆ: ನರೇಂದ್ರ ಮೋದಿ ಬೇರೆ ಯಾರೂ ಕಾಳಜಿ ವಹಿಸದವರ ಪರವಾಗಿ ನಿಲ್ಲುತ್ತಾರೆ. ನಾವು ವಿಶೇಷ ಉಪಕ್ರಮಗಳ ಮೂಲಕ ಬುಡಕಟ್ಟು ಸಮಾಜದ ಉನ್ನತಿಗಾಗಿ ಸಕ್ರಿಯವಾಗಿ ಕೆಲಸ ಮಾಡುತ್ತಿದ್ದೇವೆ.

ಅಂತಹ ಒಂದು ಕಾರ್ಯಕ್ರಮವೆಂದರೆ ಧರ್ತಿ ಆಬಾ ಜಂಜತಿ ಉತ್ಕರ್ಷ್‌ ಅಭಿಯಾನ, ಇದರ ಅಡಿಯಲ್ಲಿ ಬುಡಕಟ್ಟು ಅಭಿವೃದ್ಧಿಗೆ 80,000 ಕೋಟಿ ರೂ. ಈ ಉಪಕ್ರಮವು ಛತ್ತೀಸ್‌ಗಢದ ಸುಮಾರು 7,000 ಬುಡಕಟ್ಟು ಗ್ರಾಮಗಳಿಗೆ ಪ್ರಯೋಜನವನ್ನು ನೀಡುತ್ತದೆ. ಹೆಚ್ಚುವರಿಯಾಗಿ, ಬುಡಕಟ್ಟು ಸಮುದಾಯದೊಳಗೆ, ವಿಶೇಷ ಗಮನದ ಅಗತ್ಯವಿರುವ ಅತ್ಯಂತ ಹಿಂದುಳಿದ ಗುಂಪುಗಳಿವೆ ಎಂದು ನಾವು ಗುರುತಿಸುತ್ತೇವೆ. ಮೊದಲ ಬಾರಿಗೆ, ನಮ್ಮ ಸರ್ಕಾರವು ಈ ಸಮುದಾಯಗಳಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಪಿಎಂ ಜನಮಾನ್‌ ಯೋಜನೆಯನ್ನು ಪರಿಚಯಿಸಿದೆ. ಈ ಯೋಜನೆಯಡಿ, ಛತ್ತೀಸ್‌ಗಢದ 18 ಜಿಲ್ಲೆಗಳಲ್ಲಿ2,000ಕ್ಕೂ ಹೆಚ್ಚು ವಸಾಹತುಗಳಲ್ಲಿಅಭಿವೃದ್ಧಿ ಕಾರ್ಯಗಳು ನಡೆಯುತ್ತಿವೆ. ರಾಷ್ಟ್ರವ್ಯಾಪಿ, ಬುಡಕಟ್ಟು ವಸಾಹತುಗಳಲ್ಲಿ5,000 ಕಿಲೋ ಮೀಟರ್‌ ರಸ್ತೆಗಳನ್ನು ಅನುಮೋದಿಸಲಾಗಿದೆ - ಇವುಗಳಲ್ಲಿಅರ್ಧದಷ್ಟು, ಸರಿಸುಮಾರು 2,500 ಕಿಲೋಮೀಟರ್‌ಅನ್ನು ಪಿಎಂ ಜನಮಾನ್‌ ಯೋಜನೆಯಡಿ ಛತ್ತೀಸ್‌ಗಢದಲ್ಲೇ ನಿರ್ಮಿಸಲಾಗುವುದು. ಇದಲ್ಲದೆ, ಇಂದು ಇಲ್ಲಿಹಾಜರಿರುವ ಅನೇಕ ಕುಟುಂಬಗಳು ಈ ಯೋಜನೆಯ ಮೂಲಕ ಪಕ್ಕಾ ಮನೆಗಳನ್ನು ಪಡೆದಿವೆ. ಇದು ನಾವು ತರುತ್ತಿರುವ ಪರಿವರ್ತನೆ- ಪ್ರತಿ ಮನೆ ಬಾಗಿಲನ್ನು ತಲುಪುವ ಅಭಿವೃದ್ಧಿಯಾಗಿದೆ.

ಸ್ನೇಹಿತರೇ,

ಇಂದು, ಡಬಲ್‌ ಎಂಜಿನ್‌ ಸರ್ಕಾರದ ಅಡಿಯಲ್ಲಿ, ಛತ್ತೀಸ್‌ಗಢವು ತ್ವರಿತ ಪರಿವರ್ತನೆಗೆ ಸಾಕ್ಷಿಯಾಗಿದೆ. ಸುಕ್ಮಾ ಜಿಲ್ಲೆಯ ಆರೋಗ್ಯ ಕೇಂದ್ರವು ರಾಷ್ಟ್ರೀಯ ಗುಣಮಟ್ಟದ ಪ್ರಮಾಣಪತ್ರವನ್ನು ಪಡೆದಾಗ, ಅದು ಆತ್ಮವಿಶ್ವಾಸದ ಪ್ರಜ್ಞೆಯನ್ನು ಮೂಡಿಸುತ್ತದೆ. ದಾಂತೇವಾಡದ ಆರೋಗ್ಯ ಕೇಂದ್ರವು ವರ್ಷಗಳ ನಿಷ್ಕ್ರಿಯತೆಯ ನಂತರ ಕಾರ್ಯಾಚರಣೆಯನ್ನು ಪುನರಾರಂಭಿಸಿದಾಗ, ಅದು ಹೊಸ ಆಶಾವಾದವನ್ನು ತರುತ್ತದೆ. ಈ ಪ್ರಯತ್ನಗಳು ನಕ್ಸಲ್‌ ಪೀಡಿತ ಪ್ರದೇಶಗಳಲ್ಲಿಶಾಶ್ವತ ಶಾಂತಿಯ ಹೊಸ ಯುಗಕ್ಕೆ ದಾರಿ ಮಾಡಿಕೊಡುತ್ತಿವೆ. ಡಿಸೆಂಬರ್‌ನ ಮನ್‌ ಕಿ ಬಾತ್‌ ಕಾರ್ಯಕ್ರಮದಲ್ಲಿನಾನು ಬಸ್ತಾರ್‌ ಒಲಿಂಪಿಕ್ಸ್‌ ಬಗ್ಗೆ ಮಾತನಾಡಿದ್ದೆ. ಈ ಕಾರ್ಯಕ್ರಮದಲ್ಲಿಸಾವಿರಾರು ಯುವಕರು ಎಷ್ಟು ಉತ್ಸಾಹದಿಂದ ಭಾಗವಹಿಸಿದ್ದರು ಎಂಬುದನ್ನು ನೀವು ಕೇಳಿರಬಹುದು. ಅವರ ಭಾಗವಹಿಸುವಿಕೆಯು ಛತ್ತೀಸ್‌ಗಢದಲ್ಲಿ ಹೊರಹೊಮ್ಮುತ್ತಿರುವ ಸಕಾರಾತ್ಮಕ ಬದಲಾವಣೆಗೆ ಸ್ಪಷ್ಟ ಪುರಾವೆಯಾಗಿದೆ.

ಸ್ನೇಹಿತರೇ,

ಛತ್ತೀಸ್‌ಗಢದ ಯುವಕರಿಗೆ ಉಜ್ವಲ ಭವಿಷ್ಯವನ್ನು ನಾನು ನೋಡುತ್ತಿದ್ದೇನೆ. ರಾಜ್ಯವು ಹೊಸ ಶಿಕ್ಷಣ ನೀತಿಯನ್ನು ಜಾರಿಗೆ ತಂದಿರುವುದು ಶ್ಲಾಘನೀಯ. ದೇಶಾದ್ಯಂತ, 12,000 ಕ್ಕೂ ಹೆಚ್ಚು ಆಧುನಿಕ ಪಿಎಂ ಶ್ರೀ ಶಾಲೆಗಳನ್ನು ಸ್ಥಾಪಿಸಲಾಗಿದೆ, ಸುಮಾರು 350 ಛತ್ತೀಸ್‌ಗಢದಲ್ಲಿದೆ. ಈ ಸಂಸ್ಥೆಗಳು ಮಾದರಿ ಶಾಲೆಗಳಾಗಿ ಕಾರ್ಯನಿರ್ವಹಿಸುತ್ತವೆ, ರಾಜ್ಯದ ಸಂಪೂರ್ಣ ಶಿಕ್ಷ ಣ ವ್ಯವಸ್ಥೆಯನ್ನು ಉನ್ನತೀಕರಿಸುತ್ತವೆ. ಹೆಚ್ಚುವರಿಯಾಗಿ, ಏಕಲವ್ಯ ಮಾದರಿ ಶಾಲೆಗಳು ಈಗಾಗಲೇ ಛತ್ತೀಸ್‌ಗಢದಲ್ಲಿ ಗಮನಾರ್ಹ ಪ್ರಗತಿ ಸಾಧಿಸುತ್ತಿವೆ. ನಕ್ಸಲ್‌ ಪೀಡಿತ ಪ್ರದೇಶಗಳಲ್ಲಿನ ಅನೇಕ ಶಾಲೆಗಳನ್ನು ಸಹ ಮತ್ತೆ ತೆರೆಯಲಾಗಿದ್ದು, ಮಕ್ಕಳಿಗೆ ಕಲಿಕೆಗೆ ಹೊಸ ಅವಕಾಶಗಳನ್ನು ಒದಗಿಸಲಾಗಿದೆ. ಇಂದು, ವಿದ್ಯಾ ಸಮಿಕ್ಷಾ ಕೇಂದ್ರವನ್ನು ಛತ್ತೀಸ್‌ಗಢದಲ್ಲಿ ಪ್ರಾರಂಭಿಸಲಾಗಿದೆ, ಇದು ರಾಜ್ಯದ ಶಿಕ್ಷಣ ಕ್ಷೇತ್ರದಲ್ಲಿ ಮತ್ತೊಂದು ಮಹತ್ವದ ಮೈಲಿಗಲ್ಲನ್ನು ಸೂಚಿಸುತ್ತದೆ. ಈ ಉಪಕ್ರಮವು ಶಿಕ್ಷಣದ ಗುಣಮಟ್ಟವನ್ನು ಹೆಚ್ಚಿಸುತ್ತದೆ, ತರಗತಿಗಳಲ್ಲಿಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಗೆ ನೈಜ ಸಮಯದ ಸಹಾಯವನ್ನು ಶಕ್ತಗೊಳಿಸುತ್ತದೆ.

ಸ್ನೇಹಿತರೇ,

ನಿಮಗೆ ನೀಡಿದ ಮತ್ತೊಂದು ಭರವಸೆಯನ್ನು ನಾವು ಗೌರವಿಸಿದ್ದೇವೆ. ಹೊಸ ರಾಷ್ಟ್ರೀಯ ಶಿಕ್ಷಣ ನೀತಿಯಡಿ, ವೈದ್ಯಕೀಯ ಮತ್ತು ಎಂಜಿನಿಯರಿಂಗ್‌ ಅಧ್ಯಯನಗಳು ಈಗ ಹಿಂದಿಯಲ್ಲೂ ಪ್ರಾರಂಭವಾಗಿವೆ. ಹಳ್ಳಿಗಳು, ದೀನದಲಿತ ಹಿನ್ನೆಲೆಗಳು ಮತ್ತು ಬುಡಕಟ್ಟು ಸಮುದಾಯಗಳ ಯುವಕರು ತಮ್ಮ ಕನಸುಗಳನ್ನು ಬೆನ್ನಟ್ಟಲು ಭಾಷೆ ಇನ್ನು ಮುಂದೆ ಅಡ್ಡಿಯಾಗುವುದಿಲ್ಲಎಂದು ಇದು ಖಚಿತಪಡಿಸುತ್ತದೆ.

ಸ್ನೇಹಿತರೇ,

ನನ್ನ ಸ್ನೇಹಿತ ರಮಣ್‌ ಸಿಂಗ್‌ ಜೀ ಅವರು ಹಲವು ವರ್ಷಗಳಿಂದ ಹಾಕಿದ ಬಲವಾದ ಅಡಿಪಾಯವನ್ನು ಈಗ ಪ್ರಸ್ತುತ ಸರ್ಕಾರವು ಮತ್ತಷ್ಟು ಬಲಪಡಿಸುತ್ತಿದೆ. ಮುಂದಿನ 25 ವರ್ಷಗಳಲ್ಲಿ, ನಾವು ಈ ದೃಢವಾದ ಅಡಿಪಾಯದ ಮೇಲೆ ಅಭಿವೃದ್ಧಿಯ ಭವ್ಯವಾದ ಕಟ್ಟಡವನ್ನು ನಿರ್ಮಿಸಬೇಕು. ಛತ್ತೀಸ್‌ಗಢವು ಸಂಪನ್ಮೂಲಗಳಿಂದ ಸಮೃದ್ಧವಾಗಿದೆ, ಆಕಾಂಕ್ಷೆಗಳಿಂದ ತುಂಬಿದೆ ಮತ್ತು ಅಪಾರ ಸಾಮರ್ಥ್ಯ‌ದಿಂದ ತುಂಬಿದೆ. ಭವಿಷ್ಯದಲ್ಲಿ ಛತ್ತೀಸ್‌ ಗಢದ ಸ್ಥಾಪನೆಯ 50 ವರ್ಷಗಳನ್ನು ನಾವು ಆಚರಿಸುವಾಗ, ಛತ್ತೀಸ್‌ಗಢವನ್ನು ದೇಶದ ಪ್ರಮುಖ ರಾಜ್ಯಗಳಲ್ಲಿಒಂದನ್ನಾಗಿ ಮಾಡುವ ನಮ್ಮ ಗುರಿಯನ್ನು ನಾವು ನಿಸ್ಸಂದೇಹವಾಗಿ ಸಾಧಿಸುತ್ತೇವೆ. ಅಭಿವೃದ್ಧಿಯ ಫಲಗಳು ಛತ್ತೀಸ್‌ಗಢದ ಪ್ರತಿಯೊಂದು ಕುಟುಂಬಕ್ಕೂ ತಲುಪುವುದನ್ನು ಖಚಿತಪಡಿಸಿಕೊಳ್ಳಲು ನಾವು ಯಾವುದೇ ಅವಕಾಶವನ್ನು ಬಿಡುವುದಿಲ್ಲಎಂಬ ನನ್ನ ಬದ್ಧತೆಯನ್ನು ನಾನು ಪುನರುಚ್ಚರಿಸುತ್ತೇನೆ. ಮತ್ತೊಮ್ಮೆ, ಹಲವಾರು ಅಭಿವೃದ್ಧಿ ಉಪಕ್ರಮಗಳಿಗಾಗಿ ಮತ್ತು ಹೊಸ ವರ್ಷದ ಆರಂಭದಲ್ಲಿ ಭವ್ಯ ಆಕಾಂಕ್ಷೆಗಳಿಂದ ತುಂಬಿದ ಈ ಹೊಸ ಪ್ರಯಾಣವನ್ನು ಪ್ರಾರಂಭಿಸಿದ್ದಕ್ಕಾಗಿ ನಿಮ್ಮೆಲ್ಲರಿಗೂ ನನ್ನ ಹೃತ್ಪೂರ್ವಕ ಅಭಿನಂದನೆಗಳು. ತುಂಬ ಧನ್ಯವಾದಗಳು!

ಹಕ್ಕು ನಿರಾಕರಣೆ: ಇದು ಪ್ರಧಾನಿಮಂತ್ರಿ ಅವರ ಭಾಷಣದ ಅಂದಾಜು ಅನುವಾದವಾಗಿದೆ. ಮೂಲ ಭಾಷಣವನ್ನು ಹಿಂದಿಯಲ್ಲಿ ಮಾಡಲಾಗಿದೆ.

*****