ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଡକ୍ଟର ଶଙ୍କର ରାଓ ତତ୍ୱାୱାଡି ଜୀଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ
ପୋଷ୍ଟ କରାଯିବା ଦିନାଙ୍କ:
13 MAR 2025 8:53PM by PIB Bhubaneswar
13 .03. 2025 : ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଡକ୍ଟର ଶଙ୍କର ରାଓ ତତ୍ୱାୱାଡି ଜୀଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି। ଶ୍ରୀ ମୋଦୀ କହିଥିଲେ ଯେ, ଡକ୍ଟର ଶଙ୍କର ରାଓ ତତ୍ୱାୱାଡି ଜୀଙ୍କୁ ରାଷ୍ଟ୍ର ନିର୍ମାଣ ଏବଂ ଭାରତର ସାଂସ୍କୃତିକ ପୁନର୍ଜୀବନରେ ତାଙ୍କର ବ୍ୟାପକ ଅବଦାନ ପାଇଁ ମନେ ରଖାଯିବ। "ଭାରତ ଏବଂ ବିଦେଶରେ ଅନେକ ଥର ତାଙ୍କ ସହିତ ଭାବବିନିମୟ କରିଥିବାରୁ ମୁଁ ନିଜକୁ ଭାଗ୍ୟବାନ ମନେ କରୁଛି। ତାଙ୍କର ବୈଚାରିକ ସ୍ପଷ୍ଟତା ଏବଂ କାର୍ଯ୍ୟ କରିବାର ସୂକ୍ଷ୍ମ ଶୈଳୀ ସର୍ବଦା ସ୍ୱତନ୍ତ୍ର ଥିଲା" ବୋଲି ଶ୍ରୀ ମୋଦୀ ଉଲ୍ଲେଖ କରିଥିଲେ।
ପ୍ରଧାନମନ୍ତ୍ରୀ X ରେ ପୋଷ୍ଟ କରିଛନ୍ତି :
"ଡକ୍ଟର ଶଙ୍କର ରାଓ ତତ୍ୱାୱାଡି ଜୀଙ୍କ ବିୟୋଗରେ ମୁଁ ଦୁଃଖିତ। ରାଷ୍ଟ୍ର ନିର୍ମାଣ ଏବଂ ଭାରତର ସାଂସ୍କୃତିକ ପୁନର୍ଜୀବନରେ ତାଙ୍କର ବ୍ୟାପକ ଅବଦାନ ପାଇଁ ତାଙ୍କୁ ମନେ ରଖାଯିବ। ସେ ନିଜକୁ ଆରଏସଏସ୍ ପ୍ରତି ଉତ୍ସର୍ଗ କରିଥିଲେ ଏବଂ ଏହାର ବିଶ୍ୱସ୍ତରୀୟ ପ୍ରସାରକୁ ଆଗକୁ ବଢ଼ାଇ ଏକ ଛାପ ସୃଷ୍ଟି କରିଥିଲେ। ସେ ଜଣେ ବିଶିଷ୍ଟ ବିଦ୍ୱାନ ମଧ୍ୟ ଥିଲେ, ସର୍ବଦା ଯୁବପିଢ଼ିଙ୍କ ମଧ୍ୟରେ ଅନୁସନ୍ଧାନର ମନୋଭାବକୁ ଉତ୍ସାହିତ କରୁଥିଲେ। ଛାତ୍ର ଏବଂ ବିଦ୍ୱାନମାନେ ବିଏଚୟୁ ସହିତ ତାଙ୍କର ସମ୍ପର୍କକୁ ଶ୍ରଦ୍ଧାର ସହିତ ମନେ ପକାନ୍ତି। ତାଙ୍କର ବିଭିନ୍ନ ଆଗ୍ରହ ମଧ୍ୟରେ ବିଜ୍ଞାନ, ସଂସ୍କୃତ ଏବଂ ଆଧ୍ୟାତ୍ମିକତା ଅନ୍ତର୍ଭୁକ୍ତ ଥିଲା।
ମୁଁ ଭାରତ ଏବଂ ବିଦେଶରେ ଅନେକ ଥର ତାଙ୍କ ସହିତ ଭାବବିନିମୟ କରିଥିବାରୁ ନିଜକୁ ଭାଗ୍ୟବାନ ମନେ କରୁଛି। ତାଙ୍କର ବୈଚାରିକ ସ୍ପଷ୍ଟତା ଏବଂ କାର୍ଯ୍ୟ କରିବାର ସୂକ୍ଷ୍ମ ଶୈଳୀ ସର୍ବଦା ସ୍ୱତନ୍ତ୍ର ଥିଲା।
ଓମ୍ ଶାନ୍ତି
***
SSP
(ରିଲିଜ ଆଡି: 2159260)
ପରିଦର୍ଶକ କାଉଣ୍ଟର : 20
ଏହି ରିଲିଜ ପଢନ୍ତୁ :
English
,
Urdu
,
Marathi
,
हिन्दी
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam