প্রধান মন্ত্রী শ্রী নরেন্দ্র মোদীনা ওগস্ত ২২ দা বিহার অমদি ৱেস্ত বেঙ্গলদা চৎকদৌরি। মহাক্না অয়ুক পুং ১১ রোম তারকপা মতমদা বিহারগী গায়াদা লুপা করোর ১৩,০০০ রোমগী প্রোজেক্ত কয়া উরেপ উয়ুং তমগনি অমদি শঙ্গাগনি। মহাক্না ত্রেন অনিসু লমথাগনি অমদি মীয়ামদা ৱা ঙাংগনি। মদুগী তুংদা, মহাক্না গঙ্গা তুরেল মথক্তা শাবা ওন্তা – সিমারিয়া থোং শঙ্গাগনি।

প্রধান মন্ত্রীনা নুংথিল পুং ৪:১৫ রোম তারকপদা কোলকতাগী নৌনা শেমগৎলবা সেক্সনশিংদা কেত্রো ত্রেন সর্ভিসশিং লমথশগনি অমদি জেসর রোদ মেত্রো স্তেসন্দগী জয় হিন্দ বিমানবন্দর ফাওবা হঙ্গৎ হন্দা মেত্রো তোংগনি। মখা তানা, মহাক্না কোলকতাদা লুপা করোর ৫,২০০ হেনবগী প্রোজেক্ত কয়া উরেপ উয়ুং তমগনি অমদি শঙ্গাগনি। মহাক্না থৌরমদুদা তিল্লিবা মীয়ামগী মফমদসু ৱা ঙাংগনি।

বিহারদা প্রধান মন্ত্রী

লম্বী থোংগী ফীভম ফগৎহন্নবা মহাক্কী ৱাশক মতুং ইন্না, প্রধান মন্ত্রীনা লুপা করোর ১,৮৭০ হেন্না চঙনা শেমগৎ শাগৎখিবা গঙ্গা তুরেল মথক্তা শাবা কিমি ১.৮৬ শাংবা লেন তরুক্কী থোং য়াওনা NH-31 দা শাখিবা কিমি ৮.১৫ শাংবা ওন্তা – সিমারিয়া থোংগী প্রোজেক্ত শঙ্গাগনি। মসিনা পত্নাগী মোকমা অমসুং বেগুসরাইবু হকথেংননা শম্নহনগনি।

থোং অসি ফীভম ফত্তনা লৈরিবা পোৎলুম পুবা গারীশিং লম্বী থৈদুনা চৎহল্লিবা অরিবা লেন ২ গী রেল-কম-রোদ থোং “রাজেন্দ্র সেতু” গা খমব্রাংননা শাগৎপনি। অনৌবা থোং অসিনা অৱাং বিহার (বেগুসরাই, সুপোল, মধুবানি, পুর্নিয়া, অরারিয়নচিংবা) অমদি খা বিহারগী মফমশিং (সৈখপুরা, নৱাদা, লখিসরাইনচিংবা) অনিগী মরক্তা পোৎলুম পুবা গারীশিংনা কিমি ১০০ রোম কোইদুনা চৎলম্বা অদু হন্থহল্লগনি। অসুম্না লম্বী কোইদুনা চৎলম্বা অদুনা মরম ওইরগা লমদম অদোমগী অতৈ মফমশিংদা লম্বী চিল্লম্বা অদুসু হন্থহন্বদা মতেঙ ওইরগনি।

মসিনা মনাক নকপা মফমশিংদা, মরুওইনা মথৌ তাবা রো মেতরিএলশিং লৌননবা খা বিহার অমদি ঝার্খন্দদা তাংদুনা লৈরম্বা অৱাং বিহারগী মফমশিংদা শেন্মিৎলোন চাওখৎহনবদা মতেং ওইরগনি। মসিনা মমিং লৈরবা লৈখিদ্রবা ৱাকম শ্রী রামধারী সিংহ দিনকরগী পোক্নফম লমদমসু ওইরিবা সিমারিয়া ধামগী মমিং লৈরবা লাই খুরুম্ফমদসু হেন্না ফবা কন্নেক্তিবিতী ফংহল্লগনি।

প্রধান মন্ত্রীনা লুপা করোর ১,৯০০ রোম চঙনা শেমগৎখিবা NH-31 গী লেন মরিগী বখতিয়ারপুরদগী মোকমা সেক্সনসু শঙ্গাগনি, মসিনা লম্বী চিনবা হন্থহল্লগনি, খোঙচৎকী মতম তেনশিনহল্লগনি, অমদি পেসেঞ্জর অমদি পোৎ পুথোক পুশিন্দা নুংঙাইহল্লগনি। মখা তানা, বিহারগী NH-120 গী বিক্রমগঞ্জ-দৱথ-নৱানগর-দুমরাও সেক্সন লেন অনিদা পেব সোল্দরগা লোয়ননা শেমগৎলিবা অসিনা খুঙ্গংগী লমদমদা লম্বী থোং ফগৎহনবগা লোয়ননা লমদমদুগী মীয়ামদা অনৌবা শেন্মিৎলোনগী খুদোংচাবা কয়া ফংহনগনি।

বিহারগী পৱার সেক্তর মপাঙ্গল কনখৎহন্দুনা, প্রধান মন্ত্রীনা লুপা করোর ৬,৮৮০ রোম চঙনা শেমগৎপা বুক্সার থর্মেল পৱার প্লান্ত (660x1 MW) শঙ্গাগনি। মসিনা মৈ পুথোকপগী চাং নীংথিনা হেনগৎহল্লগনি, ইনর্জী সিক্যুরিতী হেনগৎহনগনি, অমদি লমদম অদুগী হেনগৎলক্লিবা ইনর্জীগী দিমান্দ ফংহনগনি।

হকশেলগী ইনফ্রাস্ত্রকচরদা অচৌবা ইনোৎ অমা পীবা ওইনা, প্রধান মন্ত্রীনা মুজফ্ফরপুরদা হোমি ভাভা কেন্সর হোস্পিতাল এন্দ রিছর্চ সেন্তর শঙ্গাগনি। সেন্তর অসিদা এদভান্স ওনকোলোজী OPD, IPD ৱার্দ্স, ওপরেসন থিএতর, মোদর্ন লেব, ব্লদ বেঙ্ক, অমদি ফমুং ২৪ লৈবা ICU (ইন্তেন্সিব কেয়র য়ুনিৎ) অমদি HDU (হায় দিপেন্দেন্সী য়ুনিৎ) য়াওরি। স্তেত-ওফ-দি-আর্ত ফেসিলিতী অসিনা বিহার অমদি য়ুমলোন্নবা স্তেতশিংগী অনাবা মীওইশিংদা খুমাঙ চাওশিল্লবা অমদি অতাবা মমলদা কেন্সর লায়েং ফংহন্দুনা অরাপ্পা মেত্রোশিংদা লায়েংনবা চৎপগী মথৌ তাবা হন্থহল্লগনি।

স্বছ্চ ভারতকী মঙলান মখা তানা পাকথোক চাউথোকহল্লদুনা অমদি গঙ্গা তুরেলগী অভিরল অমদি নির্মল ধারা লু নান্না থম্ননবা, প্রধান মন্ত্রীনা লুপা করোর ৫২০ হেন্না চঙনা নমামি গঙ্গেগী মখাদা মুঙ্গেরদা শাগৎখিবা সিৱরেজ ত্রীতমেন্ত প্লান্ত (STP) অমদি সিৱরেজ নেতৱর্ক শঙ্গাগনি। মসিনা গঙ্গাদা মোৎশিলহনবগী চাং হন্থহন্দুনা লমদম অদুদা সেনিতেসন ফেসিলিতীগী ফীভম ফগৎহল্লগনি।

প্রধান মন্ত্রীনা লুপা করোর ১,২৬০ রোমগী ওইগদবা অর্বান ইনফ্রাস্ত্রকচর প্রোজেক্ত কয়াগী উরেপ উয়ুংসু তমগনি। মসিদা দৌরনগর, ঔরঙ্গবাদ, অমদি জেহানাবাদতা STP অমদি সিৱরেজ নেতৱর্ক; লখিসরাইগী বরাহিয়া, অমদি জমুইদা STP অমদি ইন্তরসেপ্সন অমসুং দাইভর্জনগী থবকশিং য়াওরি। AMRUT 2.0 গী মখাদা, মহাক্না ঔরঙ্গবাদ, বোধগায়া, অমদি জেহানাবাদতা ৱাতর সপ্লাই প্রোজেক্তশিংগী উরেপ উয়ুং তমগনি। প্রোজেক্তশিং অসিনা অরুবা থক্নবা ঈশিং, মতমগা চুনবা সিৱরেজ সিস্তেম, অমদি ফীভম ফগৎলবা সেনিতেসন ফংহন্দুনা লমদম অদুদা হেল্থ স্তেন্দর্দ অমদি ক্বালিতী ওফ লাইফ হেনগৎহনগনি।

লমদম অদুগী রেল কন্নেক্তিবিতীদা ইনোৎ হাপ্তুনা, প্রধান মন্ত্রীনা ত্রেন অনি লমথাগনি। গায়া অমদি দিল্লীগী মরক্তা চেনগদৌরিবা অমৃত ভারত এক্সপ্রেসনা মোদর্ন ফেসিলিতী, কমফোর্ত অমদি সেফ্তীগা লোয়ননা পেসেঞ্জরদা নুংঙাইবা হেনগৎহনগনি। অদুগা বাইসলি অমদি কোদর্মাগী মরক্তা চেনগদবা বুদ্ধিস্ত সর্কিত ত্রেন্না লমদম অসিগী মরুওইবা বুদ্ধিস্ত মফমশিং থুংনা তুরিজম অমদি লাইনিংগী খোঙচত্তা অচৌবা ইনোৎ অমা হাপ্লগনি।

PMAY-গ্রামিনগী মখাদা খুঙ্গংগী বেনিফিসরী ১২,০০০ অমদি 4,260 beneficiaries under PMAY-অর্বানগী মখাদা বেনিফিসরী ৪,২৬০ গী য়ুম শঙ্গাবগী থৌরমসু প্রধান মন্ত্রীনা বেনিফিসরী খরদা শো খুৎশিন্নদুনা পাঙথোক্তুনা ইমুং লিশিং কয়াদা য়ুম অমা ফংজবগী মঙলান মঙফাওনহনগনি।

ৱেস্ত বেঙ্গলদা প্রধান মন্ত্রী

মালেমগী থাক্কী ইনফ্রাস্ত্রকচর ফংহন্নবা অমদি চাওখৎপা অর্বান কন্নেক্তিবিতী লৈহন্নবা মহাক্কী খোঙফম পরিংদা, প্রধান মন্ত্রীনা কোলকতাদা মেত্রো রেলৱে প্রোজেক্তশিং শঙ্গাগনি। কিমি ১৩.৬১ শাংনা নৌনা শাগৎপা মেত্রো নেতৱর্ক অমা শঙ্গাগনি অমদি মেত্রো সর্ভিসশিং লম্বী অসিদা চেনগনি। মহাক্না জেসর রোদ মেত্রো স্তেসন্দা চত্তুনা জেসর রোদতগী নাওপারা-জয় হিন্দ বিমানবন্দর মেত্রো সর্ভিস লমথাগনি। মসিগী মথক্তা, ভিদিও কন্ফরেন্সিংগী খুত্থাঙদা, মহাক্না সীলদা-এস্প্লেনেত মেত্রো সর্ভিস অমদি বেলেঘাতা-হিমন্ত মুখোপধ্যায় মেত্রো সর্ভিসসু লমথাগনি। মহাক্না জেসর রোদ মেত্রো স্তেসন্দগী জয় হিন্দ বিমানবন্দর ফাওবা হঙ্গৎ হন্দা মেত্রোসু তোংগনি।

মীয়াম তিনবা থৌরম অদুদা, প্রধান মন্ত্রীনা হায়রিবা মেত্রো স্তেসনশিং অসি অমদি হাওরা মেত্রো স্তেসন্দা নৌনা শেমগৎপা সবৱে অমগা শঙ্গাগনি। নাওপারা-জয় হিন্দ বিমানবন্দর মেত্রো সর্ভিসনা এয়রপোর্ত য়ৌবগী ফীভম নীংথিনা ফগৎহল্লগনি। সীলদাহ-এস্প্লেনেদ মেত্রোনা মফম অনিসিগী মরক্তা লৈরম্বা খোঙচৎকী মতম হান্না মিনত ৪০ রোম চঙলম্বা অদু মিনত ১১ খক্তদা হন্থহল্লগনি। বেলেঘাতা-হিমন্ত মুখোপধ্যায় মেত্রো সেক্সন্না IT হব অসিগা লৈনরিবা কন্নেক্তিবিতীগী ফীভম ফগৎহনবদা মরুওইবা থৌদাং লৌগনি। মেত্রো রুতশিং অসিনা কোলকতাগী মী খ্বায়দগী চিনবা মফম খরা শম্নহন্দুনা, খোঙচৎকী মতম মশক থোক্না হন্থহনগনি, অমদি মল্তিমোদেল কন্নেক্তিবিতী মপাঙ্গল কনখৎহন্দুনা মীওই লাখ কয়াদা কান্নহনগনি।

লমদম অসিগী লম্বীগী ইনফ্রাস্ত্রকচরদা অচৌবা ইনোৎ অমা পীবা ওইনা, প্রধান মন্ত্রীনা লুপা করোর ১,২০০ হেন্না চঙনা শেমগৎকদবা কিমি ৭.২ শাংবা লেন তরুক্কী এলেভেতেদ কোনা কোনা এক্সপ্রেসৱে উরেপ উয়ুং তমগনি। মসিনা হাউরা, অকোয়বগী খুঙ্গংগী মফমশিং, অমদি কোলকতাগী মরক্তা কন্নেক্তিবিতী ফগৎহন্দুনা খোঙচৎকী মতম পুং কয়া তেনশিলহন্দুনা লল্লোন ত্রেদ, কম্মর্স, অমদি তুরিজমদা অচৌবা ইনোৎ পীগনি।

*****