প্রধানমন্ত্রীগী লোইশঙ
৭৯শুবা নিংতম্বা নুমিত্ত য়াইফ পাউজেল পীরকপগীদমক প্রধান মন্ত্রীনা মালেমগী লুচিংবশিং থাগৎপা ফোঙদোকখ্রে
प्रविष्टि तिथि:
15 AUG 2025 7:26PM by PIB Imphal
ভারতকী ৭৯শুবা নিংতম্বা নুমিত্ত য়াইফ পাউজেল পীরকপগীদমক প্রধান মন্ত্রী শ্রী নরেন্দ্র মোদীনা মালেমগী লুচিংবশিং থাগৎপা ফোঙদোকখ্রে।
মাউরিসসকী প্রধান মন্ত্রীগী ত্বিৎ অমগী পাউখুম পীরদুনা, প্রধান মন্ত্রীনা হায়খি;
“ঐখোয়গী নিংতম্বা নুমিত্ত অদোমগী য়াইফ পাউজেল পীরকপগীদমক প্রধান মন্ত্রী দোক্তর নবিন রামগুলাম থাগৎপা ফোঙদোকচরি। ঐখোয়না চাউখৎনবা, নুংঙাই য়াইফনবা অমসুং ঐখোয়গী মীয়ামগী অফবা তুংলমচৎ অমগীদমক হোৎনরিবা অসিদা মতম পুম্নমক্ত মাউরিসস মরুওইবা অমসুং থাজবা য়াবা মরুপ অমা ওইরগনি”।
মালদিবসকী রাষ্ট্রপতিগী ত্বিৎ অমগী পাউখুম পীরদুনা, প্রধান মন্ত্রীনা হায়খি;
“অদোমগী য়াইফ পাউজেলগীদমক রাষ্ট্রপতি মুইজু, অদোম থাগৎপা ফোঙদোকচরি। শান্তি, চাউখৎপা অমসুং ঐখোয়গী মীয়াম অমসুং লমদম অসি নুংঙাই য়াইফনবা ঐখোয়গী মান্নবা পান্দমদা মালদিবস অসি মমল য়াম্লবা অমসুং নক্নবা মরুপ অমনি”।
ফ্রান্সকী রাষ্ট্রপতিগী ত্বিৎ অমগী পাউখুম পীরদুনা, প্রধান মন্ত্রীনা হায়খি;
“ভারতকী নিংতম্বা নুমিত্ত অদোমগী য়াইফ পাউজেল পীরকপগীদমক, ঐগী মরুপ, রাষ্ট্রপতি মেক্রোন থাগৎপা ফোঙদোকচরি। ঐখোয়গী মীয়াম য়াইফনবগীদমক ঐখোয়গী ষ্ট্রাতেজিক পার্তনরশিপ ঐখোয়না মরুওইনা লৌরি অমসুং মসি হেন্না চেৎশিন্নবা মখা তানা থবক পায়খৎলে”।
ভুতানগী প্রধান মন্ত্রীগী ত্বিৎ অমগী পাউখুম পীরদুনা, প্রধান মন্ত্রীনা হায়খি;
“ভারতকী নিংতম্বা নুমিত্ত অদোমগী য়াইফ পাউজেল পীরকপগীদমক, ঐনা প্রধান মন্ত্রী তোবগে থাগৎপা ফোঙদোকচরি। ঐখোয়গী লৈবাকশিংগী মরক্ত লৈনরিবা মরুপ-মপাংগী মরীশিং তুংদা মখা তানা মপাঙ্গল কনবা ওইরসনু”।
***
(रिलीज़ आईडी: 2157066)
आगंतुक पटल : 13
इस विज्ञप्ति को इन भाषाओं में पढ़ें:
Marathi
,
Kannada
,
Malayalam
,
Assamese
,
Bengali
,
Odia
,
English
,
Urdu
,
हिन्दी
,
Punjabi
,
Gujarati
,
Tamil
,
Telugu