ঙসি প্রধান মন্ত্রী শ্রী নরেন্দ্র মোদীনা ন্যু দিল্লিগী বাবা খারাক সিংহ মার্গতা সংসদকী মেম্বরশিংগী নৌনা শাবা তাইপ-৭ মল্তি-ষ্টোরি ফ্লেত ১৮৪ শঙ্গাখ্রে। থৌরম অদুদা প্রধান মন্ত্রীনা হায়খি নুমিৎ খরগী মমাঙদা, ঐনা কর্তব্য পথতা কম্মন সেন্ত্রেল সেক্রেতরিয়েত কর্তব্য ভবন শঙ্গাখ্রে অমসুং ঙসি, ঐনা সংসদকী ঐগী মরুপশিংগী রেসিদেন্সিএল কমপ্লেক্স শঙ্গানবগী খুদোংচাবা ঐনা ফংলে।

ভারতকী অচৌবা তুরেলশিংগী মমিং লৌদুনা তৱার মরিগী কমপ্লেক্স অসি কৃষ্ণ, গোদাবরি, কোসি অমসুং হুগলি হায়না মমিং থোল্লে অমসুং মীওই মিল্লিয়ন কয়া হিংহল্লিবা তুরেলশিং অসিনা মীয়ামগী মীহুৎশিংগী পুন্সিদা হরাওবগী অনৌবা ইচেল অমগী ইথিল পীগনি। তুরেলশিংগী মমিং থোনবগী চৎনবী অসিনা লৈবাক অসিগী অপুনবগী লংলা অমনা পুনশিনগনি। অনৌবা কমপ্লেক্স অসিনা দিল্লিদা এম.পিশিং লৈবদা নুঙাইবা হেনগৎহনগনি। হৌজিক দিল্লিদা এম.পিশিংগী সরকারগী লৈফম হেনগৎলগনি। প্রধান মন্ত্রীনা এম.পিশিং থাগৎপা ফোঙদোকখি অমসুং ফ্লেতশিং শাবদা য়াওবা ইঞ্জিনিয়ারশিং অমসুং শিন্মীশিং থাগৎপা ফোঙদোকখি অমসুং প্রোজেক অসি লোইশিন্নবা মখোয়গী কৎথোকপা অমসুং থবক শুবা কনবা থাগৎখি।

প্রধান মন্ত্রীনা হায়খি সংসদকী মেম্বরশিংগী নৌনা শাবা কমপ্লেক্সগী সেম্পল ফ্লেত অমা য়েংনবগী খুদোংচাবা ঐনা ফংলে। থৌরম কয়াদা মহাক্না অরিবা এম.পিশিংগী লৈফমশিংগী য়েংখ্রে। অরিবা লৈফমশিং মীরাইবা অমসুং ফিবম চাদবা কয়া থেংনরি অমসুং মখোয়গী হান্নগী লৈফমশিং ফিবম ফত্তবগী খূদোংচাদবা কয়া এম.পিশিংনা মায়োক্নরি। অনৌবা য়ুমশিং অসিদা লৈবদা এম.পিশিংনা অসিগুম্বা খুদোংচাদবশিং থেংনররোই। এম.পিশিংনা মখোয়গী লৈফমগী খুদোংচাদবশিং লৈত্রবা মতমদা, মখোয়না মীয়ামগী অৱাবশিং কোক্নবা মখোয়গী মতম অমসুং পাঙ্গল মপুংফানা শীজিন্নগনি।

প্রধান মন্ত্রীনা হায়খি অহানবা এম.পি ওইরকপশিংনা দিল্লিদা য়ুম ফংনবা হোৎনবদা খুদোংচাদবা কয়া মায়োক্নরি। অসিগুম্বা অৱাবশিং অসি কোকহনবদা অনৌবা বিল্দিংশিং অসিনা মতেং পাংলগনি। মথোল কয়াগী বিল্দিংশিং অসিদা এম.পি ১৮০ হেন্না পুন্না লৈবা য়ারগনি অমসু মসিনা অনৌবা য়ুমশিং শাবগী মতাংদা শেন-থুমগী লমদা কান্নবা কয়া পীরগনি। মিনিষ্ট্রি কয়া ভারাগী বিল্দিংশিংদা লৈরগা থবক তৌবদগী চহি অমদা লুপা করোর ১,৫০০ রোম ভারাগীদমক চাদিং তৌরি, মসিদা সরকারগী শেনফমশিং মাঙহল্লি।

এম.পিশিংগী লৈফম মরাং কাইনা লৈতবা অসিনা সরকারগী চাদিংসু হেনগৎহল্লি। এম.পিশিংগী লৈফম কোন্নদবগী মথক্ত, ২০০৪ অমসুং ২০১৪ গী মনুংদা লোক সভাগীদমক অনৌবা হাওসিং য়ুনিত অমা ফাওবা শাখিদে। ২০১৪ গী মনুংদা থবক অসি মিসন অমা ওইনা ঐখোয়গী সরকারনা পায়খৎলকপনি অমসুং নৌনা শঙ্গারিবা ফ্লেতশিং অসি য়াওনা, ২০১৪ দগী চাউরাক্না এম.পিগী য়ুম ৩৫০ রোম শাখ্রে। য়ুমশিং অসি লোইশিনবদগী হৌজিক সরকারগী শেন কনবা ঙম্লে।

প্রধান মন্ত্রীনা হায়খি ২১শুবা চহিচাগী ভারতনা চাউখৎপগী ইখৌ লাংলি অমসুং লৈবাক অসিগী থৌদাংশিং পাংথোক্নবা লৈবাক অসি ৱাখল তারে। ঙসি লৈবাক অসিনা কর্তব্য পথ শাবা খক নত্তনা কর্তব্য ভবনসু শারে অমসুং মীওই মিল্লিয়ন কয়াদা তোতি ঈশিং ফংহন্নবা লৈবাক অসিগী থৌদাং পাংথোক্লে। ঙসি, লৈবাক অসিনা মসিগী এম.পিশিংগী নৌবা য়ুমশিং ফংহনবগা লোয়ননা লৈবাক অসিনা প্রধান মন্ত্রী অৱাস য়োজনাগী খুৎথাংদা লায়রবা মীওই করোর ৪ গী য়ুম ফংহল্লে। লৈবাক অসিনা অনৌবা সংসদকী বিল্দিং শাবগা লোয়ননা, লৈবাক অসিনা অনৌবা মেদিকেল কলেজ চা কয়াসু শারে। হায়রিবা থবকশিং অসিগী কান্নবশিং খুন্নাইগী কাংলুপ খুদিংমক য়ৌরে।

প্রধান মন্ত্রীনা হায়খি নৌনা শারবা এম.পিশিংগী লৈফম অসিদা তুংকোইনা চৎনবা য়ারবা মরুওইবা মচাক কয়া য়াওরে। থবক অসিগা লৈবাক অসিগী মহৌশাগী অকোয়বা ফিবম শোকহন্দবা অমসুং তুংদা অশোই-অঙাম থোকহন্দবা হায়বা পান্দমগা চুনরে। হাওসিং কমপ্লেক্স অসিদা সোলার-ইনেবল ইনফ্রাষ্ট্রকচর য়াওরে। সোলার-ইনেবল ইনফ্রাষ্ট্রকচরদগী হৌরগা লৈবাক অসিগী সোলার ইনর্জিগী অনৌবা রেকোর্দশিং ফাওবদা, তুংকোইনা চৎনবা য়াবা চাউখৎ-থৌরাংগী পান্দমদা লৈবাক অসি মখা তানা চঙশিল্লি।

অনৌবা কমপ্লেক্স শঙ্গাবা অসিদা প্রধান মন্ত্রীনা এম.পিশিংদা অপীল কয়া তৌরদুনা হায়খি লৈবাক অসিগী তোঙান তোঙানবা রাজ্যশিং অমসুং মফমশিংগী এম.পিশিং হৌজিক মফম অসিদা পুন্না লৈমিন্নরগনি অমসুং মখোয় লৈবা অসিনা এক ভারত শ্রেস্থ ভারতকী ৱাখল্লোনগী খুদম ওইরগনি। লৈবাক অসিগী নাৎকী ফজবা হেনগৎহন্নবা লৈফম অসিদা লমদম লমদমগী কুহ্মৈশিং পাংথোক্কদবনি। হায়রিবা থৌরমশিং অসি শরুক য়ানবা লৈমিন্নরিবশিং চেপাউ পীগদবনি।

প্রধান মন্ত্রীনা হায়খি লোলগী নুংশিনবা হেনগৎহন্নবা এম.পিশিংনা অমনা অমগী লোলশিং তম্নগদবনি। তুংকোইনা চৎনবা য়াবা থবকশিং অমসু লু-নানবনা কমপ্লক্স অসি মশক তাক্কদবনি অমসুং মসিগী থাজবা অসি খুদিংমক্না থবক ওইনা পাংথোক্কদবনি। য়ুমশিং খক নত্তনা অপুনবগী ওইনা মফম অসি লু-নান্না থমগদবনি।

লৈবাক অসিগী মতৌ তমজনফম অমা ওইনা থবক তৌদুনা তিম অমা ওইনা এম.পিশিংনা থবক পাংথোক্কগনি হায়বগী থাজবা থমদুনা প্রধান মন্ত্রীনা মহাক্কী ৱারোল লোইশিনখি। এম.পিশিংগী তোঙান তোঙানবা লৈফমশিংদা শ্বাছ্চতা চাংদম্নবশিং পাংথোক্নবা মহাক্না মিনিষ্ট্রি অমসুং হাওসিং কম্মিতিদা তকশিনখি। ৱারেপ অসিগা লোয়ননা, মহাক্না অমুক হন্না এম.পিদা হরাওবা ফোঙদোকখি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা লোক সভাগী স্পিকর  শ্রী ওম বিরলা, য়ুনিয়ন মিনিষ্টরশিং অমসুং সংসদকী  মেম্বরশিং য়াওখি।

নুঙগীৱারোল

ন্যু দিল্লিগী বাবা খারাক সিংহ মার্গতা সংসদকী মেম্বরশিংগী নৌনা শাবা তাইপ-৭ মল্তি-ষ্টোরি ফ্লেত ১৮৪ শঙ্গাবা থৌরম অদুদা প্রধান মন্ত্রীনা য়ুমশিংগী অকোয়বদা সিন্দুর চারা অমা থাখি। থৌরম অদুদা প্রধান মন্ত্রীনা শিন্মীশিংগা ৱারি শানখি।

সংসদকী মেম্বরশিংগী দরকার ওইবশিং ফংনবা কমপ্লেক্স অসি মশা-মরোমদোম লেপচবা ঙম্নবা অমসুং অনৌবা খুদোংচাবশিং মপুংফানা হাপ্লগা দিজাইন তৌরবনি। মসিদা গ্রিন তেক্নোলোজি য়াওরে, প্রোজেক অসি গ্রিহা ৩-ষ্টার রেতিংগী ষ্টেন্দার্দশিং য়ৌরে অমসুং নেসনেল বিল্দিং কোদ (এন বি সি) ২০১৬ ঙাক্না চৎলে। মহৌশাগী অকোয়বগী ফিবম শোকহন্দবা থবকশিং অসিনা ইনর্জি লীক্না শীজিন্নবা, রিন্যুএবল ইনর্জি পুথোকপা অমসুং অমোৎপশিং ফজনা লোইশিনবদা মতেং পাংগনি। য়ুম শাবগী অৱাংবা থাক্কী তেক্নোলোজি- মরুওইনা এলুমিনিয়ম সত্তরিংগা লোয়ননা মোনোলিথিক কনক্রিত শীজিন্নবা অসিনা বিল্দিংগী মপুন্সি শাংহনবগা লোয়ননা প্রোজেক অসি মতম চানা লোইশিনবা ঙমহল্লে। কমপ্লেক্স অসি দিবয়াংশিংনা শীজিন্নবা য়াবা অমসু ওইহন্দুনা মীওই খুদিংমক কোনশিনবা দিজাইন ওইরে হায়বা উৎলে।

প্রোজেক অসি পায়খৎপনা সংসদকী মেম্বরশিংদা য়ুম মরাংকাইনা পীবা ঙমদবা অদু কোকহল্লগনি। লম মরাং কাইনা ফংদবা মরম ওইদুনা, লম নিংথিনা শীজিন্ননবা অমসুং শেমজিন-শাজিনবগী শেনফম হন্থহন্নবা পান্দমদা য়ুম মথোল-মথোল শাবগী তঙাইফদবা অমা লৈরে।

য়ুম অমদা ইসক্বার ফিত ৫,০০০ গী কার্পেত এরিয়া পীদুনা, মী লৈনবা অমসুং ওফিসকী থবক অনিমক্কী মফম মরাং কাইনা ফংহল্লে। ওফিসকী অখন্নবা মফমশিং, ষ্টাফকী লৈফম অমসুং মীয়ামগী মফম অমা পীবা অসিনা মীয়ামগী মীহুৎশিং ওইনা সংসদকী মেম্বরশিংনা মখোয়গী থৌদাংশিং পাংথোকপদা মতেং পাংলগনি।

কমপ্লেক্স মনুংদা লৈরিবা বিল্দিং অসি অনৌবা মতমগী দিজাইনগী নিয়মশিংগা লোয়ননা য়ুহা হাবদগী ঙাকথোক্নবা শাবনি। কমপ্লেক্স অসিদা লৈরবা মীওই খুদিংমক অশোই-অঙাম থোক্তনবা অপুনবা অমসুং অফবা সেকুরিতি সিষ্টেম অমা লৈরে।

Speaking at the inauguration of newly constructed flats for MPs in New Delhi. https://t.co/tiKnnBqftH

— Narendra Modi (@narendramodi) August 11, 2025

कुछ ही दिन पहले मैंने कर्तव्य पथ पर कॉमन सेंट्रल सेक्रेटरियट…यानि कर्तव्य भवन का लोकार्पण किया है।

और, आज मुझे संसद में अपने सहयोगियों के लिए इस residential complex के उद्घाटन का अवसर मिल रहा है: PM @narendramodi

— PMO India (@PMOIndia) August 11, 2025

आज देश कर्तव्य पथ और कर्तव्य भवन का निर्माण करता है...

तो करोड़ों देशवासियों तक पाइप से पानी पहुंचाने का अपना कर्तव्य भी निभाता है: PM @narendramodi

— PMO India (@PMOIndia) August 11, 2025

सोलर enabled इनफ्रास्ट्रक्चर से लेकर सोलर एनर्जी में देश के नए records तक… देश लगातार sustainable development के विज़न को आगे बढ़ा रहा है: PM @narendramodi

— PMO India (@PMOIndia) August 11, 2025

***