শেমজিন-শাজিনবা অমসুং মগুন লৈতবা হারশিং য়োনবগী মথক্ত অকনবা থবক লৌখৎনবা য়ুনিয়ন এগ্রিকলচর মিনিস্তর শ্রী সিবরাজ সিংহ চৌহন্না রাজ্যশিং অমসুং য়ু.তিশিংগী চীফ মিনিস্তরশিংদা চিথি ইখ্রে। লৈবাক শীনবা থুংনা খদ্রক্কী হারশিং য়োনবা, সবসিদি পীরবা হারশিং লোন্না য়োনবা অমসুং ফোর্স তেগিংগুম্বা আইন্না য়াদবা থবকশিং লাকশিন্নবা চিথি অসি ইখিবনি।

চিথি অদুদা য়ুনিয়ন মিনিস্তরনা হায়খি লৌউ-শিংউগী থবক অসি ভারতকী ইকোনোমিগী য়াংলেন শরুনি আমসুং মসিনা লৌমীশিংগী শেন্থোক লৈহল্লি অমসুং মখোয়দা মতম চানা, মমল হোংবা অমসুং মগুন লৈবা হার ফংহনবা তঙাইফদে।

ইসেন্সিএল কম্মোদিদিজ এক্ত,১৯৫৫ গী মখাদা লৈবা ফর্তিলাইজর (কন্ত্রোল) ওর্দর,১৯৮৫ গী মখাদা মগুন য়াওদবা হারশিং য়োনবা থিংলে।

য়ুনিয়ন মিনিস্তরনা মখাগী পাউতাকশিং অসি রাজ্যশিংদা পীখ্রে:

1.        মফম চাবদা লৌমীশিংদা হার মরাং কাইনা ফংহনবা অসি রাজ্যশিংগী থৌদাংনি। মরম অদুনা নারোন্দা য়োনবশিং, মমল হেন্না য়োনবশিং অমসুং সবসিদি পীরবা হারশিং লোন্না য়োনবশিং রাজ্যশিংনা খুদক্ত অকনবা থবকশিং পায়খৎকদবনি।

2.        সেম্পল লৌদুনা অমসুং তেষ্ট তৌদুনা মগুন লৈতবা হার য়োনবা অমসুং হার শুংবা অমসুং য়োনবগী থবক চাং নাইনা য়েংশিনগদবনি।

3.        হান্নগী হারশিংগা লোয়ননা নেনো-ফর্তিলাইজরশিং নত্ত্রগা বাইও-স্তিমুলেন্তগী পোৎথোকশিং ফোর্স তেগিং তৌবা খুদক্ত লেপকদবনি।

4.        মরাল লৈবা মীওইশিংগী মথক্ত লাইসেন্স ককপা অমসুং এফ.আর.আই পানবা য়াওনা অকনবা আইনগী থবকশিং লৌগৎকদবনি অমসুং শোইদনা চৈরাক ফংহনগদবনি।

5.        অশেংবা অমসুং খদ্রক্কী পোৎলমশিং মশক খঙদোক্নবা লৌমীশিং খঙহন্নবা অখন্নবা থবকশিং পায়খৎনবা অমসুং মোনিতর তৌবগী থবকশিংদা লৌমীশিং অমসুং লৌমীশিংগী কাংবু শরুক য়াহন্নবা ফিদবেক অমসুং ইনফোর্মসন সিস্তেমশিং পায়খৎনবা রাজ্যশিংদা পাউতাক পীখ্রে।

মখোঙদগী হৌনা শাশিন্নবা অমসুং মগুন লৈতবা লৌউ-শিংউগী পোৎলমশিং মুৎথৎনবা শ্রী সিবরাজ সিংহ চৌহান্না রাজ্যশিংদা খঙহনখ্রে। রাজ্যগী থাক্ত অসিগুম্বা থবকশিং চাং নাইনা য়েংশিনবা অসিনা লৌমীশিংগী য়াইফনবা থবকশিং মপুংফানা পায়খৎপা ঙমগনি হায়না মহাক্না মখা তানা ফোঙদোকখি।

***