وزیر اعظم جناب نریندر مودی نے آج نئی دہلی کے پوسا  ادارے میں بھارت رتن ڈاکٹر ایم ایس سوامی ناتھن سے متعلق صد سالہ بین الاقوامی کانفرنس کا افتتاح کیا۔ زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان نے تقریب کی صدارت کی ۔ نئی دہلی کے پوسا کیمپس میں 7سے9 اگست 2025 تک منعقد ہونے والی یہ کانفرنس پروفیسر ڈاکٹر ایم ایس سوامی ناتھن کے یوم پیدائش پر صد سالہ یادگاری تقریب منعقد کی جائے گی ۔ یہ تقریب زرعی سائنس کی ایک مشہور شخصیت اور غذائی تحفظ کے علمبردار ایم ایس سوامی ناتھن کے تعاون سے منعقد کی جا رہی ہے۔

یہ تقریب ایم ایس سوامی ناتھن ریسرچ فاؤنڈیشن ، زراعت اور کسانوں کی بہبود کی وزارت ، انڈین کونسل آف ایگریکلچرل ریسرچ (آئی سی اے آر) اور نیشنل اکیڈمی آف ایگریکلچرل سائنسز  کے ساتھ مل کر منعقد کی جا رہی ہے۔ کانفرنس کا موضوع  ہے‘سدا بہار انقلاب-حیاتیاتی خوشحالی کا راستہ’۔

اس موقع پر خطاب کرتے ہوئے جناب شیوراج سنگھ نے زندگی کے حقیقی معنی پر زور دیتے ہوئے کہا کہ ‘‘دوسروں کے لیے جینا ہی زندگی کا حقیقی جوہر ہے-وہ لوگ جو قوم ، معاشرے اور دوسروں کے لیے جیتے ہیں وہ واقعی اپنے وجود کو معنی دیتے ہیں’’ ۔ وزیر موصوف نے کہا کہ ڈاکٹر سوامی ناتھن ایک ایسی شخصیت تھے جنہوں نے اپنی زندگی دوسروں کی خدمت کے لیے وقف کر دی ۔ انہوں نے مزید کہا کہ ڈاکٹر سوامی ناتھن کے طے کردہ راستے پر چلتے ہوئے ، ‘‘ہم اس بات کو یقینی بنائیں گے کہ نہ تو ہندوستان اور نہ ہی دنیا کو بھوک یا محرومیوں کا سامنا کرنا پڑے’’ ۔

ڈاکٹر سوامی ناتھن کے تعاون کو یاد کرتے ہوئے مرکزی وزیر نے کہا کہ ڈاکٹر سوامی ناتھن نے 43-1942 کے بنگال کے قحط سے ، جس میں لاکھوں لوگ فاقہ کشی کا شکار ہو گئے تھے بہت زیادہ اثر لیا تھا ۔ اس کے بعد ڈاکٹر سوامی ناتھن نے اپنی زندگی زراعت ، کسانوں اور بھوک مری کے خاتمے کے لیے وقف کر دی ۔ جناب چوہان نے یاد دلایا کہ 1966 میں میکسکو سے 18,000 ٹن  گیہوں درآمد کیا تھا، جسے پنجاب میں مقامی اقسام کے ساتھ کراس بریڈ کیا گیا تھا ، جس کے نتیجے میں ایک نئی ہائبرڈ قسم پیدا ہوئی ۔ اس کی بدولت گیہوں کی پیداوار ایک سال کے اندر 5 ملین ٹن سے بڑھ کر 17 ملین ٹن ہو گئی ۔ جناب چوہان نے کہا کہ ڈاکٹر سوامی ناتھن سبز انقلاب کے بانی تھے اور زرعی تحقیق کے جس نظام کی تشکیل میں انہوں نے مدد کی وہ آج بھی مؤثر طریقے سے کارکردگی انجام دے رہا ہے ۔

زرعی ترقی اور کسانوں کی فلاح و بہبود کے لیے حکومت کے عزم کا اعادہ کرتے ہوئے جناب چوہان نے کہا کہ وزیر اعظم جناب مودی کا ہر لفظ رہنما ئی کرنے والے ایک منتر کی طرح ہے ۔ انہوں نے کہا کہ ایک سال قبل ، پوسا کے دورے کے دوران ، وزیر اعظم مودی نے انہیں ‘‘لیب کو زمین سے جوڑنے’’  کا مشورہ دیتے ہوئے کہا تھا کہ جب تک سائنس اور زراعت کو مربوط نہیں کیا جاتا ، کاشتکاری صحیح سمت میں نہیں بڑھ سکتی ۔ اس سے متاثر ہو کر کئی طرح کی مہم شروع کی گئی ، جن میں ‘لیب ٹو لینڈ’ پہل ، ‘کرشی چوپال’ ، اور ‘وکست کرشی سنکلپ ابھیان’ شامل ہیں ۔

جناب چوہان نے مزید بتایا کہ ‘وکست کرشی سنکلپ ابھیان’ کے تحت سائنسدانوں کی کل 2,170 ٹیمیں تشکیل دی گئیں ۔ ان ٹیموں نے 64,000 سے زیادہ دیہی علاقوں کا دورہ کیا اور 1 کروڑ سے زیادہ کسانوں سے براہ راست بات چیت کی ۔

خوراک کی پیداوار پر بات کرتے ہوئے جناب چوہان نے اس بات پر روشنی ڈالی کہ ہندوستان کے غذائی اجناس کے ذخیرے میں نمایاں اضافہ ہوا ہے ۔ انہوں نے کہا کہ ‘‘ملک کے پاس اضافی چاول ہے ، وہ گیہوں کے میدان  میں خود کفیل ہے ، اور غذائی اجناس کے ذخیرہ کرنے کا مضبوط نظام بنا رہا ہے’’ ۔ وزیر اعظم کی قیادت میں اس وقت 80 کروڑ  لوگوں کو مفت راشن فراہم کیا جا رہا ہے ۔

انہوں نے دالوں اور تلہن کی فی ہیکٹر پیداواری صلاحیت بڑھانے پر بھی زور دیا ۔ وزیر موصوف نے کہا کہ وزیر اعظم کی رہنمائی میں سویابین ، مونگ پھلی ، سرسوں ، تل ، چنے ، دال ، اڑد  اور  ارہر کی پیداوار کو بڑھانے کی کوششیں جاری ہیں ۔

اپنے خطاب کا اختتام کرتے ہوئے جناب چوہان نے کہا کہ وزیر اعظم کی قیادت میں 'نیشنل مشن آن نیچرل فارمنگ' کا آغاز کیا گیا ہے ۔ اس مشن کا مقصد اس بات کو یقینی بنانا ہے کہ زمین، آنے والی نسلوں کے لیے اناج ، پھل اور سبزیوں کی پیداوار جاری رکھے۔ اس مقصد کو حاصل کرنے کے لیے سائنسی طریقوں کو سنجیدگی سے لاگو کیا جا رہا ہے ۔

جناب شیوراج سنگھ نے پروفیسر سوامی ناتھن کی زندگی کے سفر اور انمول تعاون کامظاہرہ کرنے والی ایک نمائش کا بھی دورہ کیا ۔

اس تقریب میں نیتی آیوگ کے ارکان ڈاکٹر رمیش چند ، ڈاکٹر سومیا سوامی ناتھن(ڈاکٹر ایم ایس سوامی ناتھن کی صاحب زادی)، زرعی ماہرین ، سائنس دانوں ، کسانوں اور دیگر ممتاز شخصیتوں نے شرکت کی۔

*****

UR- 4311

(ش ح۔  ا س ۔ ا ک م)