ঙসি প্রধান মন্ত্রী শ্রী নরেন্দ্র মোদীনা দিল্লিগী পুসাদা ভারত রত্ন দোক্তর এম.এস শ্বামিনাথন সেন্তনরি ইন্তরনেসনেল কনফরেন্স হৌদোকখ্রে। থৌরম অদুদা এগ্রিকলচর অমসুং ফার্মরস ৱেলফিয়ারগী য়ুনিয়ন মিনিষ্টর শ্রী সিবরাজ সিংহ চৌহান্না চিয়ার লৌখি। লৌউ-শিংউগী সাইন্স অমসুং চীঞ্জাক ৱাৎতনবা লুচিংবা অমা ওইখিবা প্রোফেসার দোক্তর এম.এস শ্বামিনাথনগী মপোক নুমিৎ পাংথোকপা ওইনা ওগষ্ট ৭-৯,২০২৫ দা ন্যু দিল্লিগী পুসা কেম্পসতা কনফরেন্স অসি পাংথোকপনি।

থৌরম অসি এম.এস শ্বামিনাথন রিছার্স ফাউন্দেসন, এগ্রিকলচর অমসুং ফার্মরস ৱেলফিয়ার মিনিষ্ট্রি, আই.সি.এ.আর অমসুং নেসনেল একাদেমি ওফ এগ্রিকলচরেল সাইন্সেসনা পুন্না শীনবনি। কনফরেন্স অসিগী থিমনা ‘গ্রিন রিভোলুসন-পাথ তু বাইও-হেপ্পিনেস’ হায়বনি।

থৌরম অদুদা এগ্রিকলচর অমসুং ফার্মরস ৱেলফিয়ারগী য়ুনিয়ন মিনিষ্টর শ্রী সিবরাজ সিংহ চৌহান্না হায়খি মদুদি অতোপ্পশিংগী হিংবা হায়বসি অশেংবা পুন্সিগী মহাওনি-লৈবাক্কীদমক, খুন্নাইগীদমক অমসুং অতোপ্পশিংগীদমক হিংলিবা মীওইশিং অসি মখোয় হিংবগী অশেংবা ৱাহন্থোক লৈরবনি। দোক্তর শ্বামিনাথনগী লম্বী মতুং ইনবনা, ঐখোয়না ঐখোয়গী লৈবাক নত্ত্রগা মালেম অসি চারা হেনবা অমসুং লায়রবগী অৱাবা লৈহল্লোই।

এগ্রিকলচর অমসুং ফার্মরস ৱেলফিয়ারগী য়ুনিয়ন মিনিষ্টর শ্রী সিবরাজ সিংহ চৌহান্না হায়খি ১৯৪২-৪৩ দা বেঙ্গলদা চাক তাংবা থোকপদা মীওই কয়া চারা হেনবদা মহাক থম্মোয় শোকখি। মতুংদা দোক্তর শ্বামিনাথন্না মহাক্কী পুন্সি লৌউ-শিংউ, লৌমীশিং অমসুং চারা হেনবা কোকহন্নবা কৎথোকখি। ১৯৬৬ দা মেক্সিকান গেহু তন ১৮,০০০ পুশিল্লকখি, মসিনা পঞ্জাবতা লোকেল ভেরাইতিশিংগা ক্রোস তৌদুনা অনৌবা হায়ব্রিদ ভেরাইতি অমা পুথোকখি। চহি অমগী মনুংদা মসিনা গেহু তন মিল্লিয়ন ৫ দগী তন মিল্লিয়ন ১৭ পুথোকখি। দোক্তর শ্বামিনাথন গ্রিন রিভোলুনগী মপানি অমসুং মহাক্না পায়খৎলম্বা লৌউ-শিংউগী থবকশিং হৌজিক ফাওবা ফজনা পায়খৎলি।

লৌউ-শিংউগী চাউখৎ-থৌরাং অমসুং লৌমীশিংগী য়াইফ-থৌরাংগীদমক্তা সরকারগী অচেৎপা ফিরেপ অদু অমুক হন্না ফোংদোক্লদুনা, শ্রী চৌহাননা হায়খি মদুদি প্রধান মন্ত্রী শ্রী মোদীনা হায়রম্বা ৱাহৈ খুদিংমক লমজিং-লমতাকপীরিবা মন্ত্রগুম্বনি। চহী অমগী মমাংদা, পুসাদা চৎখিবা খোঙচৎ মনুংদা, প্রধান মন্ত্রী মোদীনা মখোয়দা "লেবপু লমগা শম্নহন্নবা" খঙহল্লদুনা হায়খি মদুদি সাইন্স অমসুং এগ্রিকলচর পুনশিন্নদ্রিবা ফাওবদি লৌউ-শিংউনা অচুম্বা মাইকৈদা চংশিনবা ঙম্লোই। মসিনা ইথিল পীদুনা, "লেব তু লেন্দ" ইনিসিয়েতিব, "কৃষি চৌপাল" অমসুং "ভিক্সিৎ কৃষি সঙ্কলপ অভিয়ান" য়াওনা কেম্পেন কয়া অমা হৌদোকখ্রে।

শ্রী চৌহাননা মখা তানা হায়খি মদুদি "ভিক্সিৎ কৃষি সঙ্কলপ অভিয়ান"গী মখাদা সাইন্তিস্তশিংগী অপুনবা তীম ২,১৭০ শেম্লে। তীমশিং অসিনা খুঙ্গং ৬৪,০০০ হেন্না চৎখ্রে অমসুং লৌমী কোতি ১ (মিলিয়ন ১০) হেনবগা হকথেংননা ৱারী শাখ্রে।

চিঞ্জাক পুথোকপগী মতাংদা ৱা ঙাংলদুনা শ্রী চৌহাননা হায়খি মদুদি ভারতকী চিঞ্জাক্কী স্তোক অসি শীংথানিংঙাই ওইনা হেনগৎলে। মহাক্না হায়খি, লৈবাক অসিদা অহেনবা চেং লৈরে, গেহুদা মশা-মরোমদোম লেপচবা ঙমলে, অমসুং মপাঙ্গল কনবা চিঞ্জাক্কী স্তোরেজ সিস্তেম শেমগৎলি। প্রধান মন্ত্রীগী লুচিং মখাদা, হৌজিক্কী ওইনা মীওই কোতি ৮০ (মিলিয়ন ৮০০) দা লেম্না রাসন ফংহল্লি।

মহাক্না হেক্টর অমদা হৱায় অমসুং থৱাইগী ওইলসীদশিংগী পোত্থোক হেনগৎহনবদা মরুওইবা পীখি। প্রধান মন্ত্রীগী লমজিং মখাদা নুং হৱায়, লৈপাক হৱায়, হঙ্গাম, সেসাম, চিকপী, লেন্তিল, উরাদ অমসুং আরহারগী পোত্থোক হেনগৎহন্নবা হোৎনরি হায়না মন্ত্রীনা হায়খি।

মহাক্কী ৱারোল লোইশিল্লদুনা, শ্রী চৌহাননা হায়খি মদুদি প্রধান মন্ত্রীগী লুচিং মখাদা "নেস্নেল মিসন ওন নেচরেল ফার্মিং" হৌদোক্লে। মিসন অসিনা পৃথিবী অসিনা তুংগী মীরোনগীদমক্তা মহৈ-মরোং, উহৈ-ৱাহৈ অমসুং মনা-মশিং মখা তানা পুথোকপা ঙমহন্নবা পান্দম থম্লি, অমসুং মসি ফংনবগীদমক সাইন্তিফিক এপ্রোচশিং শীজিন্নরি।

শ্রী শিবরাজ সিংহনা প্রো. স্বামীনাথনগী পুন্সিগী খোঙচৎ অমসুং মমল য়াম্লবা থৌদাংশিং উৎলিবা একজিবিসন অমদা চৎখি।

থৌরম অদুদা নিতি আয়োগকী মেম্বর দা. রমেশ চান্দ, দোক্তর সৌম্য স্বামীনাথন (দা. এম.এস. স্বামীনাথনগী মচানুপী), লৌউ-শিংউগী এক্সপর্তশিং, সাইন্তিস্তশিং, লৌমীশিং অমসুং অতোপ্পা শক্নাইরবা মীথুংলেনশিংনা শরুক য়াখি।

***