مرکزی وزیر داخلہ اور امداد باہمی کے وزیر جناب امت شاہ نے آج نئی دہلی میں امداد باہمی کے شعبے کو مضبوط بنانے کے لیے وزارت کے اقدامات پر امداد باہمی کی وزارت کی مشاورتی کمیٹی کی دوسری میٹنگ کی صدارت کی ۔ اس میٹنگ میں  امداد باہمی کے وزیر مملکت جناب کرشن پال اور جناب مرلی دھر موہول ، کمیٹی کے اراکین ،امداد باہمی کی وزارت کے سکریٹری اور وزارت کے سینئر افسران نے شرکت کی ۔

میٹنگ سے خطاب کرتے ہوئے مرکزی وزیر داخلہ اور امداد باہمی کے وزیر جناب امت شاہ نے کہا کہ وزیر اعظم جناب نریندر مودی کی قیادت میں امداد باہمی کی وزارت امداد باہمی کو متحرک اور کامیاب کاروباری یونٹس میں تبدیل کرنے کے لیے پُرعزم ہے۔انہوں نے کہا کہ ملک میں پانچ سال کے اندر 2 لاکھ کثیرالمقاصد کوامداد باہمی کی سوسائٹیز کے قیام کےہدف کے تحت اب تک 35,395 نئی کوآپریٹو سوسائٹیز قائم کی جا چکی ہیں، جن میں 6,182 کثیرالمقاصد پرائمری ایگریکلچرل کریڈٹ سوسائٹیز(ایم پی اے سی ایس) ، 27,562 ڈیری اور 1,651 ماہی پروری کی کوآپریٹو سوسائٹیز شامل ہیں۔

جناب امت شاہ نے کہا کہ امداد باہمی کا شعبہ بے زمین اور غریب لوگوں کے لیے خوشحالی کی راہ کھول سکتا ہے ۔ انہوں نے کہا کہ کوامداد باہمی کا شعبہ ، زراعت اور کسانوں کی خوشحالی کے لیے قومی سطح کی تین امدادباہمی کی سوسائٹیاں تشکیل دی ہیں ۔ انہوں نے کہا کہ نیشنل کوآپریٹو آرگینک لمیٹڈ (این سی او ایل) کسانوں کی نامیاتی مصنوعات کی تصدیق ، برانڈنگ ، پیکیجنگ اور مارکیٹنگ کو یقینی بناتا ہے تاکہ کسانوں کو ان کی پیداوار کی اچھی قیمت مل سکے ۔ انہوں نے کہا کہ نیشنل کوآپریٹو ایکسپورٹ لمیٹڈ (این سی ای ایل) کسانوں کی مصنوعات کو بین الاقوامی منڈی میں برآمد کرنے سے متعلق تمام سہولیات فراہم کرتا ہے ، جس سے پورا منافع کسانوں کو جاتا ہے ۔ جناب شاہ نے کہا کہ بھارتیہ بیج سہکاری سمیتی لمیٹڈ (بی بی ایس ایس ایل) ہندوستان کے روایتی بیجوں کے تحفظ ، ذخیرہ اندوزی اور پیداوار کے لیے کام کرتا ہے ۔ امداد باہمی کے مرکزی وزیر نے کہا کہ مودی حکومت روایتی بیجوں کے لیے چھوٹے کسانوں کے ساتھ معاہدے کرے گی تاکہ وہ بھی اس سے فائدہ اٹھا سکیں ۔

امداد باہمی کےمرکزی وزیر نے مشاورتی کمیٹی کے تمام اراکین سے کہا کہ وہ اپنی اپنی ریاستوں میں ڈیری سیکٹر کو مضبوط کریں تاکہ کوآپریٹو اداروں کو فروغ دیا جا سکے۔ انہوں نے کہا کہ امداد باہمی کی وزارت نے گزشتہ چار سالوں میں پرائمری ایگریکلچرل کریڈٹ سوسائٹیز (پی اے سی ایس)، ڈیری، ماہی پروری، کوآپریٹو بینکوں، شوگر کوآپریٹوز اور کوآپریٹو گورننس سسٹمز کو مضبوط بنانے کے لیے 100 سے زائد اقدامات کیے ہیں۔

انہوں نے کہا کہ نیشنل کوآپریٹو پالیسی-2025 ملک میں پائیدار کوآپریٹو ترقی کے لیے ایک جامع روڈ میپ فراہم کرتی ہے۔ اس روڈ میپ میں حکومت ہند کی اسکیموں جیسے پردھان منتری متسیہ سمپدا یوجنا(پی ایم ایم ایس وائی)، نیشنل ڈیری ڈیولپمنٹ پروگرام (این پی ڈی ڈی) اور دیگر سے ہم آہنگی بھی شامل ہے، تاکہ نچلی سطح پر کوآپریٹو ایکو سسٹم کو مضبوط بنایا جا سکے۔انہوں نے کہا کہ کوآپریٹوز کی رہنمائی میں وائٹ ریولوشن 2.0 کے تحت آئندہ پانچ سالوں میں دودھ کی خریداری میں 50 فیصد اضافہ کرنے کی کوششیں کی جا رہی ہیں۔

میٹنگ کے دوران امداد باہمی کی وزارت نے کمیٹی کے سامنے گزشتہ چار سالوں میں کیے گئے مختلف اقدامات پر ایک نمائش پیش کی ۔ وزارت کی جانب سے بتایا گیا کہ موثر نفاذ اور نگرانی کے لیے بین وزارتی کمیٹی (آئی ایم سی) قومی سطح کی رابطہ کمیٹی (این ایل سی سی) ریاستی کوآپریٹو ڈیولپمنٹ کمیٹیاں (ایس سی ڈی سی) اور ڈسٹرکٹ کوآپریٹو ڈیولپمنٹ کمیٹیاں (ڈی سی ڈی سی) جیسے ادارہ جاتی میکانزم قائم کیے گئے ہیں ۔ پی اے سی ایس ، ڈیری ، ماہی پروری ، کوآپریٹو بینکوں ، شوگر کوآپریٹیو اور گورننس سسٹم بشمول ڈیجیٹل اصلاحات ، پالیسی کی تبدیلیاں ، مالی مدد اور ادارہ جاتی صلاحیت سازی کو مضبوط بنانے کے لیے گزشتہ چار سالوں میں امداد باہمی کی وزارت کی جانب سے 100 سے زیادہ اقدامات کیے گئے ہیں ۔

امداد باہمی کی وزارت نے بتایا کہ پارلیمانی ایکٹ کے ذریعے قائم کردہ تربھوون سہکاری یونیورسٹی کو قومی اہمیت کا ادارہ قرار دیا گیا ہے ۔ یہ یونیورسٹی ہندوستان میں امداد باہمی کی تعلیم اور تربیت کو مربوط اور معیاری بنائے گی اور امداد باہمی کے شعبے کے لیے ہنر مند انسانی وسائل فراہم کرے گی ۔ تعاون پر مبنی سفید انقلاب 2.0 (وائٹ ریولوشن 2.0)کے تحت  اگلے پانچ سالوں میں دودھ کی خریداری میں 50؍فیصد اضافہ کرنے کی کوششیں کی جارہی ہں ۔ اب تک 15,691 نئی ڈیری کوآپریٹو سوسائٹیاں رجسٹر کی گئی ہیں اور 11,871 موجودہ ڈی سی ایس کو مضبوط کیا گیا ہے ۔ نیشنل ڈیری ڈیولپمنٹ بورڈ (این ڈی ڈی بی) اور 15 ریاستوں کی 25 دودھ یونینوں نے ڈیری کوآپریٹیو میں بائیو گیس پلانٹ قائم کرنے کے لیے مفاہمت ناموں پر دستخط کیے ہیں ۔ انہوں نے مزید کہا کہ کوآپریٹو ویلیو چین میں پیمانے ، معیار اور برانڈنگ کو  فروغ دینے کے مقصد سے نامیاتی مصنوعات ، برآمدات اور بیجوں کے شعبوں میں تین نئی ملٹی اسٹیٹ کوآپریٹو سوسائٹیاں قائم کی گئی ہیں ۔

مشاورتی کمیٹی نے امداد باہمی کے شعبے کو مزید مستحکم بنانے کے لیے اپنی تجاویز پیش کیں ۔ وزارت نے دیہی ہندوستان میں ترقی ، مساوات اور خود کفالت کے انجن کے طور پر کوامداد باہمی کے شعبہ کو بااختیار بنانے کے اپنے عزم کا اعادہ کیا ۔

****

U.N-4152

(ش ح۔ م ع ن۔ع ن)