মুম্বাই, ওগস্ত 02, 2025

ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গী মখাদা লৈবা নেস্নেল ফিল্ম দিবেলপমেন্ত কোর্পোরেসন ওফ ইন্দিয়ানা (NFDC)না ভারতকী অৱাং-নোংপোক লমদমগী হৌগৎলক্লিবা প্রোফেস্নেলশিং খক্তগী ওইনা 3D এনিমেসন এন্দ ভিজুএল ইফেক্তস (VFX) দা মপুং ফাবা রেসিদেন্সিএল ত্রেনিং প্রোগ্রাম অমা হৌদোক্লে।

প্রোগ্রাম অসি অৱাং নোংপোক্কী রাজ্য 8: অরুনাচল প্রদেশ, অসাম, মনিপুর, মেঘালয়া, মিজোরাম, নাগালেন্দ, সিক্কিম অমসুং ত্রিপুরাদগী মীওই অমা হেক্তনা য়াওবা য়াই। এপ্লিকেন্তশিং অদু জুন 2025 ফাওবদা য়ামদ্রবদা চহি 18 শুরবা ওইগদবনি। প্রোগ্রাম অসি মায় পাক্না লোইরবা মতুংদা, শরুক য়ারিবা পুম্নমক্না NFDC অমসুং নেস্নেল কাউন্সিল ফোর ভোকেস্নেল এজুকেসন এন্দ ত্রেনিং (NCVET) না পীবা জোইন্ত সর্তিফিকেৎ অমা ফংগনি।

মিনিমম ওইবা ইলিজিবিলিতী অসি 10+2 পাস, নত্ত্রগা য়ামদ্রবদা চহি অহুমগী মরী লৈনবা ইন্দস্ত্রী এক্সপরিয়েন্সগা লোয়ননা 10শুবা পাস তৌরবা ওইগদবনি। এপ্লিকেসনশিং প্রোসেস তৌনবগীদমক্তা অতাবা মমল, রিফন্দ তৌবা য়াদবা রেজিস্ত্রেসন ফি ₹1,180 (তেক্স য়াওনা) পীবা মথৌ তাই।  থৱায় য়াওবা কেন্দিদেৎশিংনা NFDCগী ওফিসিএল ৱেবসাইৎ www.nfdcindia.comদা চংদুনা নত্ত্রগা https://skill.nfdcindia.com/Specialprojectদা লৈবা দেদিকেতেদ রেজিস্ত্রেসন পোর্তেলদা হকথেংননা চংদুনা ওনলাইন ওইনা রেজিস্তর তৌবা য়াই। রেজিস্ত্রেসন তৌনবগী অরোইবা নুমিৎ অসি 2025গী ওগস্ত 15নি। এপ্লিকেসন প্রোসেসকা মরি লৈনবা ৱাহং নত্ত্রগা সপোর্তকীদমক্তা, কেন্দিদেৎশিংনা স্কিল skillindia@nfdcindia.comদা অইবা চেরোল পীশিনবা য়াগনি।

NFDCগী ত্রেনিং পার্তনর এপতেক লিমিতেদগা খুৎশম্নদুনা পাংথোক্কদৌরিবা থা 8গী ইন্তেনসিব রেসিদেন্সিএল ত্রেনিং প্রোগ্রাম অসিদা শরুক য়ানবা স্ক্রীনিং অমসুং ইভালুএসনগী থৌওং অমগী খুত্থাংদা অপুনবা কেন্দিদেৎ ১০০ খনগৎলগনি। প্রোগ্রাম অসি উত্তর প্রদেশকী ঘাজিয়াবাদতা লৈবা মপুং ফানা খুৎলায় লৈরবা ত্রেনিং ফেসিলিতী অমদা পাংথোক্কনি অমসুং শরুক অনি থোক্না খায়দোক্কনি: থা তরুক্কী 3D এনিমেসন অমসুং VFXদা ক্লাসরুমদা য়ুম্ফম ওইবা অকনবা ইনস্ত্রক্সন, মসিগী মতুংদা থা অনিগী ওন-দি-জোব ত্রেনিংগী খুত্থাংদা ইন্দস্ত্রীদা এক্সপোজর তৌগনি। ত্রেনিং অসিদা হন্দ-ওন লর্নিং মোদ্যুলশিং, ইন্দস্ত্রীগা মরী লৈনবা প্রোজেক্তশিং অমসুং ফিল্ম স্তুদিওশিং অমসুং কন্তেন্ত ক্রিএসন কম্পনীশিংদা শীজিন্নরিবা রিএল-ৱার্ল্দ ৱার্কফ্লোশিং য়াওগনি।

খনগৎলবা শরুক য়ারিবা মীওই খুদিংমকপু প্রোগ্রাম অসিগী মনুংদা মখোয়গী লর্নিংদা মতেং পাংনবা হায় পর্ফোমেন্স লেপতোপ অমা পীগনি।

মরুওইনা হায়রবদা, লৈফম-চাফম য়াওনা ত্রেনিং পুম্নমক অসি মপুং ফানা ফ্রী ওইহল্লি। খনগৎলবা কেন্দিদেৎশিংনা লেম্না লৈফম, নোংমদা চরা অহুম, ত্রেনিং রিসোর্সশিং অমসুং মেন্তরশিপ সপোর্ত ফংলগনি। ইকোনোমিক অমসুং জিওগ্রাফিকেল্লি খুদোংচাদবা মফমশিংদগী লাকপা হৈ-শিংলবা নহারোলশিংনা ভারতকী চাউখৎলক্লিবা দিজিতেল ইকোনোমীদা চপ মান্নবা থাক্তা শরুক য়াবা ঙমহন্নবা থৌরাং অসি পায়খৎলি।

ভারতকী অৱাং-নোংপোক্কী রাজ্যশিংদা লৈরিবা পাক চাউবা অমসুং অদুম ওইনমক শীজিন্নদবা ক্রিএতিব পোতেন্সিএল অদু খঙলদুনা, NFDCনা প্রোফেস্নেল ত্রেনিং অমসুং স্কিলিং ইনফ্রাস্ত্রকচর ফংহনবদা লমদমসিগী ওইবা খেন্নবা অদু কোকহন্নবা থৌরাং ওইনা থৌরাং অসি পায়খৎলি। হায়রিবা অসি অৱাং নোংপোক্কী নহারোলশিংদা কৎথোকপা NFDCগী রেসিদেন্সিএল প্রোগ্রামগী অহুমশুবা এদিসননি। মসিগী পান্দমদি লমদম অসিদগী হৈ-শিংলবা দিজিতেল আর্তিস্ত অমসুং এনিমেসন প্রোফেস্নেলশিংগী পাইপলাইন অমা শেমগৎপনি। প্রোগ্রাম অসিগী পান্দমদি শরুক য়ারিবশিংদা তঙাই ফদবা তেক্নিকেল স্কিলশিং পীনবতা নত্তনা থবক ফংহন্নবা, ওন্তপ্রিন্যুওরশিপ অমসুং মতম শাংনা ইকোনোমিক এম্পাৱর্মেন্তকীদমক্তা স্প্রিংবোর্দ অমা ওইনা মথৌ তৌনবনি।

ভারত সরকারগী এন্তরপ্রাইজ অমা ওইরিবা NFDCনা লৈবাক অসিগী সিনেমেতিক অমসুং ক্রিএতিব ইকোসিস্তেমদা মরু ওইবা ইন্সতিত্যুসন অমা ওইরি। মসিনা মগুন লৈরবা ভারতকী সিনেমা পুথোকপদা অমসুং প্রমোৎ তৌবদা লৌরিবা থৌদাং অদুগীদমক পাক শন্না খঙনরবসু, NFDCনা ত্রেনিং, এসেসমেন্ত, সর্তিফিকেসন অমসুং প্লেসমেন্ত সপোর্ত য়াওনা এন্দ-তু-এন্দ সোলুসনশিং পীরদুনা স্কিল দিবেলপমেন্তকীদমক থাজবা থম্বা ইমপ্লিমেন্তেসন এজেন্সী অমা ওইনা থোক্লক্লি। মসিনা এনিমেসন, ফিল্ম মেকিং, VFX, গেমিং, দিজিতেল কন্তেন্ত শেম্বা, অমসুং এদভর্তাইজিং অসিনচিংবা দোমেনশিংদা M&E ইন্দস্ত্রীগী চাউখৎলক্লিবা দিমান্দশিংদা চান্নবা স্ত্রকচর প্রোগ্রামশিং পুথোকপদা মরু ওইবা থৌদাং লৌরি।

***