وزیراعظم جناب نریندر مودی 2 اگست کو صبح 11 بجے وارانسی، اترپردیش میں تقریبا 2200 کروڑ روپے کے متعدد ترقیاتی پروجیکٹوں کا سنگ بنیاد رکھیں گے اور ان کا افتتاح کریں گے۔ وہ اس موقع پر مجمع سے خطاب بھی کریں گے۔

یہ پروجیکٹ بنیادی ڈھانچے، تعلیم، صحت کی دیکھ بھال، سیاحت، شہری ترقی اور ثقافتی ورثہ سمیت متعدد شعبوں کو پورا کرتے ہیں جس کا مقصد وارانسی میں مجموعی شہری تبدیلی، ثقافتی احیاء، بہتر رابطے اور بہتر معیار زندگی حاصل کرنا ہے۔

وارانسی میں سڑک رابطہ کو بہتر بنانے کے اپنے عزم کے مطابق وزیر اعظم کئی اہم بنیادی ڈھانچے کے پروجیکٹوں کا افتتاح اور سنگ بنیاد رکھیں گے۔ وہ وارانسی - بھدوہی روڈ اور چھتونی - شول ٹنکیشور روڈ کی چوڑائی اور مضبوطی کا افتتاح کریں گے۔ موہن سرائے -عدل پورہ روڈ پر بھیڑ کو کم کرنے کے لیے ہردت پور میں ریلوے اوور برج۔ وہ دلمنڈی، لہرتارا-کوٹوا، گنگاپور، بابت پور سمیت متعدد دیہی اور شہری راہداریوں میں سڑک کی چوڑائی اور مضبوطی کے لیے سنگ بنیاد رکھیں گے اور لیول کراسنگ 22 سی اور کھلیس پور یارڈ پر ریلوے اووَر برج کا سنگ بنیاد رکھیں گے۔

خطے میں بجلی کے بنیادی ڈھانچے کو مضبوط بنانے کے لیے وزیر اعظم اسمارٹ ڈسٹری بیوشن پروجیکٹ کے تحت مختلف کاموں کا سنگ بنیاد رکھیں گے اور 880 کروڑ روپے سے زیادہ مالیت کے زیر زمین برقی بنیادی ڈھانچے کا بھی سنگ بنیاد رکھیں گے ۔

سیاحت کو فروغ دینے کے لیے وزیر اعظم 8 ریور فرنٹ کچا گھاٹوں کی تعمیر نو ، کالیکا دھام میں ترقیاتی کاموں ، رنگیل داس کوٹیا ، شیوپور میں تالاب اور گھاٹ کی خوبصورتی اور درگا کنڈ کی بحالی اور پانی صاف کرنے کا افتتاح کریں گے۔ وہ کردمیشور مہادیو مندر میں بحالی کے کام کا سنگ بنیاد رکھیں گے۔ کئی مجاہدین آزادی کی جائے پیدائش کارکھیاؤں کی ترقی، سارناتھ، رشی مانڈوی اور رام نگر زون میں سٹی سہولت مراکز، لمہی میں منشی پریم چند کے آبائی گھر کی تعمیر نو اور اسے عجائب گھر کے طور پر اپ گریڈ یشن، کنچن پور میں اربن میاواکی فاریسٹ کی ترقی اور شہید ادیان اور 21 دیگر پارکوں کی تعمیر نو اور تزئین کاری کا سنگ بنیاد بھی رکھیں گے۔

اس کے علاوہ ثقافتی لحاظ سے اہم آبی ذخائر کے تحفظ کے لیے وزیر اعظم رام کنڈ، منداکنی، شنکلدھارا اور دیگر سمیت مختلف کنڈوں میں پانی صاف کرنے اور دیکھ بھال کے کاموں کا سنگ بنیاد رکھیں گے۔ دیہی علاقوں میں پینے کے صاف پانی تک رسائی کو یقینی بنانے کے لیے وزیر اعظم جل جیون مشن کے تحت 47 دیہی پینے کے پانی کی اسکیموں کا بھی افتتاح کریں گے۔

سب کے لیے معیاری تعلیم کے اپنے وژن کو آگے بڑھاتے ہوئے وزیر اعظم میونسپل حدود کے اندر 53 اسکولوں کی عمارتوں کی اپ گریڈیشن کا افتتاح کریں گے۔ وہ کئی تعلیمی پروجیکٹوں کا سنگ بنیاد بھی رکھیں گے، جن میں ایک نئی ضلع لائبریری کی تعمیر اور جاکھنی، لال پور میں سرکاری ہائی اسکولوں کی تزئین و آرائش شامل ہے۔

صحت کے بنیادی ڈھانچے کو فروغ دینے کے لیے وزیر اعظم مہامنا پنڈت مدن موہن مالویہ کینسر سینٹر اور ہومی بھابھا کینسر ہاسپٹل میں روبوٹک سرجری اور سی ٹی اسکین کی سہولیات سمیت جدید طبی سازوسامان کی تنصیبات کا افتتاح کریں گے۔ وہ ہومیوپیتھک کالج اور ہاسپٹل کا سنگ بنیاد بھی رکھیں گے۔ اس کے علاوہ وہ جانوروں کی پیدائش پر قابو پانے کے مرکز اور اس سے وابستہ کتوں کی دیکھ بھال کے مرکز کا بھی افتتاح کریں گے۔

وارانسی میں عالمی معیار کے کھیلوں کے بنیادی ڈھانچے کے لیے اپنے وژن کو آگے بڑھاتے ہوئے وزیر اعظم ڈاکٹر بھیم راؤ امبیڈکر اسپورٹس اسٹیڈیم میں ایک مصنوعی ہاکی ٹرف کا افتتاح کریں گے۔ قانون نافذ کرنے والے اہلکاروں کے لیے سہولیات میں اضافہ کرتے ہوئے وزیر اعظم رام نگر میں پردیشک آرمڈ کانسٹیبلری (پی اے سی) میں 300 گنجائش والے کثیر المقاصد ہال کا افتتاح کریں گے اور کوئیک رسپانس ٹیم (کیو آر ٹی) بیرکس کا سنگ بنیاد رکھیں گے۔

کسانوں کی بہبود کی سمت میں ایک اہم قدم اٹھاتے ہوئے وزیر اعظم پی ایم کسان کی 20 ویں قسط جاری کریں گے۔ ملک بھر میں 9.7 کروڑ سے زیادہ کسانوں کے بینک کھاتوں میں 20,500 کروڑ روپے سے زیادہ کی رقم براہ راست منتقل کی جائے گی۔ اس اجرا کے ساتھ اس اسکیم کے آغاز سے لے کر اب تک اس کے تحت کل تقسیم 3.90 لاکھ کروڑ روپے سے تجاوز کر جائے گی۔

وزیر اعظم کاشی سنسد پرتیوگیتا کے تحت مختلف تقریبات اور مقابلوں کے لیے رجسٹریشن پورٹل کا بھی افتتاح کریں گے ، جس میں اسکیچنگ مقابلہ ، پینٹنگ مقابلہ ، فوٹوگرافی مقابلہ ، کھیل کود مقابلہ، گیان پرتیوگیتا اور روزگار میلہ شامل ہیں۔ وزیر اعظم مختلف معذورین اور بزرگ مستحقین میں 7400 سے زیادہ امدادی سامان بھی تقسیم کریں گے۔

***

(ش ح – ع ا)

U. No. 3747