ভারতনা থাউ অমুসুং গ্যাস এক্সপ্লোরেসনগী লমদা, মরুওইনা ওফসোর মফমশিংদা, অনৌবা ইহৌ অমা হেনগৎলকপা উবগা লোয়ননা লৈবাক অসিগী পাক চাউরবা লোকশিনদ্রিবা হায়দ্রোকার্বোনগী মতিং উৎলি‍। রাজ্য সভাদা হংলকপা ৱাহং অমগী অইবা পাউখুম ওইনা পীরদুনা, পেত্রোলিয়ম অমসুং নেচরেল গ্যাসকী কেন্দ্র মন্ত্রী, হর্দীপ সিংহ পুরিনা ২০২২ দা হান্না ‘নো গো” হায়না লৈরম্বা স্ক্বার কিলোমিতর মিলিয়ন অমরোমগী মফমশিং হাংদোকপনা মশক থোকপা চাওখৎ থৌরাংগী পন্দুপ অমা ওইখি‍। খোঙথাঙ অসিনা, মরুওইনা দীপৱাতর অমসুং অন্দমান-নিকোবার (এ.এন.) ওফসোর বেসিন্নচিংবা ফ্রন্তিয়র মফমশিংদা এক্সপ্লোরেসন ফ্রন্তিয়র্স মশক থোক্না লৈহন্দুনা, হৌজিক লৈরিবা ওফসোরগী থবক থৌরমশিং অসি ওইহল্লকখিবনি‍।

২০১৫ দগী হৌনা, ভারত্তা চলাইরিবা এক্সপ্লোরেসন এন্দ প্রদক্সন (E&P) কম্পেনীশিংনা ওফসোর মফম ৬২ য়াওনা হায়দ্রোকার্বোন দিস্কভরী ১৭২ রিপোর্ত তৌরকখ্রে‍। মন্ত্রীনা বেঙ্গল-অরাকান সেদিমেন্তরী সিস্তেমদা লৈরিবা অন্দমান অমসুং নিকোবার বেসিনগী তাইনফমদা লৈরিবা AN বেসিনগী জিওলোজীগী ওইবা মরুওইবা ৱাফমশিং থমখি‍। ইন্দিয়ন অমসুং বর্মিস প্লেতশিংগী লংদাইদা লৈরিবা তেক্তোনিক সেত্তিং অসিনা হায়দ্রোকার্বোন পৈদুনা লৈগনবা মশিং য়াম্লবা স্ত্রাতিগ্রাফিক ত্রেপ কয়া শেম্লি‍। জিওলোজীগী ওইবা ফীভম অসি ম্যান্মার অমসুং অৱাং সুমত্রাদা লৈরিবা পেত্রোলিয়ম সিস্তেমগা নক্ননা বেসিন অসি লৈবসিনা হেন্না ফীভম চেৎশিনহল্লি‍। খা অন্দমান ওফসোর ইন্দোনেসিয়াদা য়াম্লবা গ্যাস লৈবা থেংনখ্রবা মতুংদা লমদম অসিদা মালেমগী ওইনা মীৎয়েঙ চঙবা হেল্লক্তুনা লমদম অদোমদা জিওলোজীগী ওইবা মরী শাংনা লৈরমগনি হায়না ফোঙদোক্নরি‍।

চুনবা জিওলোজী অসিনা অকনবা য়ুম্ফম অমা থোনবগা লোয়ননা, শ্রী পুরীনা তশেংবা ব্রেকথ্রুদি লৈঙাক্কী স্ত্রেতেজিক পোলিসী ইন্তরভেন্সন অমসুং অনৌবা এক্সপ্লোরেসন এপ্রোচতগী লাকপনি‍ হায়খি‍। নৌনা শেমদোক্লবা স্ত্রেতেজী অসিনা সিস্কিম দেতা মপুং ফানা লৌবা, স্ত্রাতিগ্রাফিক অমসুং এক্সপ্লোরেতরী দ্রিলিং অনিমক হৌবা য়াহন্দুনা নৌনা চঙবা য়ারবা ফ্রন্তিয়র ব্লোকশিং অসিদা অপাম্বা উৎলকপা কয়া য়াওনা মালেমগী ওইবা এক্সপ্লোরেসন পার্ত্নরশিংগী এঙ্গেজমেন্ত তৌবা হেনগৎহল্লে‍।

নেস্নেল ওইল কম্পেনীশিংনা AN বেসিন্দা অমা য়াওরগা পুন্না ওফসোর স্ত্রাতিগ্রাফিক ৱেল মরী হুৎনবা থৌরাং তৌরি‍। হায়রিবা সাইন্তিফিক ৱেলশিং অসি জিওলোজিকেল মোদেলশিং চাংয়েং তৌনবা, পেত্রোলিয়ম সিস্তেম লৈরে হায়বা খঙদোক্নবা, অমদি তুংগী কম্মর্সিএল এক্সপ্লোরেসন্দা খুদোং থিবা হন্থহন্নবা শেম শারবশিংনি‍। কম্মর্সিএল একুমুলেসন হৌজিক ফাওবগী ওইনা কনফার্ম তৌদ্রবসু, হোৎনরিবশিং অসিনা সিস্তেমিক অমদি নোলেজ-দ্রিভন হায়দ্রোকার্বোন এক্সপ্লোরেসনগী মায়কৈদা থাংজিনবা অচৌবা খোঙথাং অমা ওইরি‍।

মশক থোকপা থৌরাং অমা ওইনা, ONGC অমসুং ওইল ইন্দিয়া লিমিতেদ (OIL) না অন্দমান অল্ত্রা-দীপৱাতর রীজন্দা মঙলান চাউবা এক্সপ্লোরেসন কেম্পেন অমা হৌখ্রে‍। অহানবা ওইনা, দ্রিলিং ওপরেসনশিংনা মিতর ৫০০০ ফাওবগী অরুবা য়ৌনা হুৎনবা পান্দম থম্লি‍। অসিগুম্বা ৱাইল্দকেত ৱেল অমা ওইরিবা, ইস্ত অন্দমান আর্ক রীজন্দা লৈবা কার্বোনেত প্লেত অমদা হুৎখিবা ANDW-7 না পুক্নিং থৌগৎনিংঙাই ওইবা জিওলোজিকেল ইনসাইতশিং ফংহল্লে‍। মসিদা কত্তিং সেম্পলদা লাইত ক্রুদ অমসুং কন্দেন্সেত য়াওবা থেংনবা, ত্রিপ গ্যাসশিংদা C-5 নিও-পেন্তিনগুম্বা হেভী হায়দ্রোকার্বোন য়াওরম্বা, অমদি রিজর্বর-ক্বালিতী ফেসিস লৈরম্বা থেংনরে‍। ফংলকখিবশিং অসিনা অহানবা ওইনা ম্যান্মার অমসুং অৱাং সুমাত্রাদা লৈবগা চাংদম্নবা য়াবা এক্তিব থর্মোজেনিক পেত্রোলিয়ম সিস্তেম মফম অসিদা লৈরে হায়বা তাক্লি‍। কম্মর্সিএল রিজর্বশিং শেমগৎকদবা ৱাৎলবসু, কেম্পেন অসিনা মথৌ তৌবা য়াবা পেত্রোলিয়ম সিস্তেম লৈরে হায়বা তাক্লে অমদি মফম অসিদা মীৎয়েঙ থমদুনা এক্সপ্লোরেসনগী য়ুম্ফম থোল্লে‍।

এক্সপ্লোরেসন আউতকমগী চাউরাকপা শক্তম অমা পীরদুনা, ONGC না মিলিয়ন মেত্রিক তন্স ওফ ওইল ইকুইভেলেন্ত (MMTOE) ৭৫ রোমগী রিজর্ব লৈগনি হায়না পারিবা ব্লোক ২০ দা হায়দ্রোকার্বোন লৈবা থেংনরে‍। OIL না  হৌখিবা চহি মরিসিদা থাউ অমসুং গাস দিস্কভরী তরেৎ ফংদুনা চাউরাক্না থাউ বেরেল মিলিয়ন ৯.৮ অমদি গ্যাস মিলিয়ন স্তেন্দর্দ ক্যুবিক মিতর ২,৭০৬.৩ লৈরমগনি হায়না পারি‍।

AN বেসিনদা হায়দ্রোকার্বোনগী মতিং MMTOE ৩৭১ লৈরমগনি হায়না লৌরিবা ২০১৭ গী হায়দ্রোকার্বোন রিসোর্স এসেসমেন্ত স্তদী (HRAS) গী মতাঙদা পল্লদুনা, মন্ত্রীনা AN ওফসোর মফমশিং য়াওনা ভারতকী এক্সক্লুজিব ইকনমিক জোনগী লাইন কিলোমিতর (LKM) ৮০,০০০ রোম কোনশিনবা 2D ব্রোদবেন্দ সিস্মিক সর্ভে অমা ২০২৪ দা লোইশিনখ্রে হায়খি‍। মসিগী মথক্তা OIL না২০২১-২২ দা পাঙথোকখিবা দীপ অন্দমান ওফসোর সর্ভে মনুংদা LKM ২২,৫৫৫ গী 2D সিস্মিক দেতা ফংখি‍। দেতা অসিদগী থাজনিংঙাই ওইবা জিওলোজিকেল ফীচর কয়া থোরক্তুনা ONGC অমসুং OIL না পায়খৎলিবা দ্রিলিং কেম্পেনশিং অসিগী খুত্থাঙদা ভেলিদেত তৌরি‍।

শ্রী পুরীনা ওফসোর অমসুং ফ্রন্তিয়র এক্সপ্লোরেসন্দা হৌজিক লৈরিবা খোঙজেল অসি ২০১৪ দগী হৌনা ইচঙ থৌনা খুজিল থৌরাংদা শেমদোক শেমজৌন তৌরকপদুনা ওইহল্লকপা মহৈনি হায়খি‍। মসিদা ২০১৫ দা প্রদক্সন শেয়রিং কন্ত্রেক্ত (PSC) রেজিমদগী রিভিন্যু শেয়রিং কন্ত্রেক্ত (RSC) মোদেলদা ওল্লকপা, ২০১৬দা হায়দ্রোকার্বোন এক্সপ্লোরেসন এন্দ লাইসেন্সিং পোলিসী (HELP) অমসুং ওপন এক্রীএজ লাইসেন্সিং প্রোগ্রাম (OALP) হৌদোকখিবা, ২০১৭-১৮ দ নেস্নেল দেতা রিপোজিতরী লিংখৎখিবা, অমদি ২০২২ দা ক্রুদ ওইল মার্কেতিং দিরিগুলেসন তৌখিবশিং য়াওরি‍। মখোয়শিং অসিনা পুল্লগা ফ্রন্তিয়র এক্সপ্লোরেসন, স্ত্রাতিগ্রাফিক দ্রিলিং, অমসুং দেতা একুইজিসনগী তার্গেতেদ ইন্সেন্তিবশিংনা ঙাক্লৌ ওইরগা মনিং তম্বা, ইনভেস্তরগা চুনবা এক্সপ্লোরেসন এনভাইরনমেন্ত পুরকখি‍।

হায়রিবা রিফোর্মশিং অসিনা অন্দমান-নিকোবার বেসিন অমসুং অতৈ দীপৱাতর রীজনশিংদা হৌজিক পায়খৎলিবা বোল্দ, রিস্ক-ইনফোর্ম অমসুং সাইন্তিফিক ওইবা এক্সপ্লোরেসন মখলশিং পাঙথোকপা ঙমহন্দুনা ভারতকী ইনর্জী সিক্যুরিতী হেনগৎহন্নবা অমসুং মরোমদোম লেপচবা ঙমহন্নবা মতিং মশক থোক্না হাপ্লি‍।

*****