কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা ঙসি নই দিল্লীদা নেস্নেল কোওপরেসন পোলিসী 2025 হৌদোকখ্রে। থৌরম অদুদা কোওপরেসনগী রাজ্য মন্ত্রী শ্রী কৃশান পাল গুর্জার, শ্রী মুরলিধর মোহোল, কোওপরেসন সেক্রেতরী দোক্তর অশিশ কুমার ভুতানি, হান্নগী কেন্দ্রগী মন্ত্রী অমসুং অনৌবা কোওপরেসন পোলিসীগী দ্রাফতিং কমিতীগী চেয়রমেন শ্রী সুরেশ প্রভু, অমসুং অতোপ্পা শক্নাইরবা কয়াসু শরুক য়াখি।

নেস্নেল কোওপরেসন পোলিসী 2025 হৌদোকপগী থৌরমদা ৱা ঙাংলদুনা কোওপরেসন মন্ত্রী শ্রী অমিত শাহনা হায়খি মদুদি শ্রী সুরেশ প্রভুগী লুচিং মখাদা মেম্বর 40গী কমিতী অমনা স্তেকহোল্দর কয়াগা ৱারী শানরবা মতুংদা লৈবাক অসিগী কোওপরেতিব সেক্তরদা কমপ্রিহেন্সিব অমসুং ভিজনরী কোওপরেসন পোলিসী অমা পুথোকখ্রে। কোওপরেসন মন্ত্রীনা হায়খি মদুদি কোওপরেসনগী হেন্না ফবা তুংলমচৎ অমগীদমক, মীওই 40গী কমিতী অমা শেমখি। কমিতী অসিনা রিজনেল ৱার্কশোপশিং পাংথোকখি অমসুং কোওপরেতিব লিদরশিং, এক্সপর্তশিং, একাদেমিকশিং, মন্ত্রালয়শিং অমসুং অতোপ্পা স্তেকহোল্দর পুম্নমক্কা লোয়ননা পোলিসী অসি শেম্নবা পাক-শন্না খন্ন-নৈনখি। কমিতী অসিনা চাউরাক্না সজেসন 750 ফংখি, মীফম 17 পাংথোকখি, অমসুং RBI অমসুং NABARDকা তান্নরবা মতুংদা পোলিসী অদু ফাইনেলাইজ তৌখি।

শ্রী অমিত শাহনা হায়খি মদুদি 2002দা, ভারত সরকারনা অহানবা ওইনা কোওপরেসন পোলিসী অমা হৌদোকখি অমসুং মতম অদুদসু, লৈখিদ্রবা অতল বিহারী বাজপেয়ীনা প্রধান মন্ত্রী ওইদুনা, মখোয়গী পার্তীনা লৈঙাক পায়রম্মি। হৌজিক 2025দা, ভারত সরকারনা অনিশুবা কোওপরেসন পোলিসী পুথোকপা মতমদা, শ্রী নরেন্দ্র মোদীনা প্রধান মন্ত্রী ওইদুনা, মখোয়গী পার্তী অসিনা অমুক হন্না লৈঙাক পায়রি। শ্রী অমিত শাহনা হায়খি মদুদি লৈবাক অমসুং মসিগী চাউখৎ-থৌরাংগীদমক মথৌ তাবশিং ফংনবগীদমক গভর্নান্সকী মীৎয়েংদগী ভিজন অমসুং মসিগী ৱাখল্লোন লৈবা পার্তী অমখক্তনা কোওপরেতিব সেক্তরদা মরুওইবা পীবা ঙম্মি।

কেন্দ্রগী কোওপরেসন মন্ত্রী শ্রী অমিত শাহনা হায়খি মদুদি অনৌবা কোওপরেসন পোলিসী অসি প্রধান মন্ত্রী শ্রী নরেন্দ্র মোদীগী 'সহকার সে সমৃদ্ধি' (কোওপরেসনগী খুত্থাংদা চাউখৎপা) হায়বা ভিজন অদু মপুং ফাহন্নবগী মায়কৈদা পুৱারী ওইরবা খোঙথাং অমনি। মহাক্না হায়খি মদুদি মোদী সরকারনা 2027 ফাওবদা ভারতপু মালেমগী অহুমশুবা খ্বাইদগী চাউবা ইকোনোমী ওইহন্নবা পান্দম থম্লি। মসিগা লোয়ননা, ভারতনা মসিগী নাগরিক বিল্লিয়ন 1.4গৌ ইনক্লুসিব দিবেলপমেন্তকী থৌদাংসু লৌরি। মহাক্না হায়খি মদুদি ভারতকী মরুওইবা ৱাখল্লোনদি মীপুম খুদিংমক্কী অপুনবা চাউখৎপা, মীপুম খুদিংমক্কী চপ মান্নবা চাউখৎপা অমসুং মীপুম খুদিংমক্কী থৌদাংগী খুত্থাংদা লৈবাক্কী চাউখৎপা ওইগদবা মোদেল অমা শেমগৎপনি।

শ্রী অমিত শাহনা হায়খি মদুদি, নীংতম্বা ফংলবা মতুং চহি 75 রোমগী মতুংদা, প্রধান মন্ত্রী শ্রী নরেন্দ্র মোদীনা কোওপরেসন মন্ত্রালয় লিংখৎখি। কোওপরেতিব সেক্তর অসি লিংখৎলকপা মতম অদুদা য়াম্না ফত্তবা ফীভম অমদা লৈরম্মি। মহাক্না মখা তাখি মদুদি প্রধান মন্ত্রী মোদীগী 'সহকার সে সমৃদ্ধি'গী ৱারেপ অদু মপুং ফাহন্নবগীদমক শেমখিবা কোওপরেসন মন্ত্রালয়গী খ্বাইদগী চাউবা মায়পাকপা অসি ঙসিদি লৈবাক অসিগী খ্বাইদগী পীকপা কোওপরেতিব য়ুনিৎকী মেম্বরশিং ফাওবা চাউথোকচবা অমসুং থাজবা পোক্লি। মহাক্না হায়খি হৌখিবা চহি মরি অসিদা কোওপরেতিব সেক্তর অসি কোর্পোরেৎ সেক্তরগা মান্নবা থাক্তা লৈরে। মহাক্না মখা তাখি মদুদি 2020গী মমাংদা মীওই খরনা কোওপরেতিব সেক্তর অসি মথৌ তৌদ্রে হায়না লাউথোকখি, অদুবু হৌজিক্তি, মখোয়না মসিগী মরুওইবা অমসুং তুংলমচৎ অদুসু খঙলে।

কোওপরেসনগী কেন্দ্রগী মন্ত্রী শ্রী অমিত শাহনা হায়খি মদুদি ভারত অসি মালেমগী খ্বাইদগী চাউবা অহুমশুবা ইকোনোমী ওইরকপা অসি য়াম্না মরু ওই, অদুম ওইনমক মাগী মীওই বিল্লিয়ন 1.4গী চাউখৎ থৌরাংদসু চপ মান্নবা মীৎয়েং থমগদবনি। কোওপরেতিব সেক্তর খক্তনা লৈবাক অসিগী ইকোনোমী অসি নাগরিক বিল্লিয়ন 1.4না শরুক য়াদুনা ইনক্লুসিব ওইনা চাউখৎহনবগী মপাঙ্গল লৈ হায়না মহাক্না অকনবা ৱাফম থমখি। মহাক্না হায়খি কোওপরেতিব সেক্তরদা অচৌবা এন্তর্প্রাইসশিং শেমগৎনবা মীওই কয়াদগী অপীকপা কেপিতেল পুনশিন্নবগী তোপ তোপ্পা তৌবা ঙম্বগী মতিক লৈ।  কোওপরেসন পোলিসী অসি শেমগৎলকপা মতমদা, ভারতকী মীওই বিল্লিয়ন 1.4, মরু ওইনা খুঙ্গংশিং, লৌউ-শিংউ, খুঙ্গংগী নুপীশিং, দলিৎশিং অমসুং ত্রাইবেলশিংগী চাউখৎ-থৌরাংদা মরুওইনা মীৎয়েং থম্লি হায়না মহাক্না ফোংদোকখি। মহাক্না হায়খি অনৌবা কোওপরেসন পোলিসীগী ভিজন অসি 2047 ফাওবদা 'সহকার সে সমৃদ্ধি'গী খুত্থাংদা ভিক্সিৎ ভারত অমা শেমগৎপনি। মহাক্না হায়খি মদুদি পোলিসী অসিগী মিসন অসি প্রোফেস্নেল ওইবা, ত্রান্সপরেন্ত ওইবা, তেক্নোলোজী-ইনেবল ওইবা, একাউন্তেবল ওইবা, শেন্মিৎলোনদা মশা-মরোমদোম লেপচবা ঙম্বা অমসুং মায়পাকপা অপীকপা কোওপরেতিব য়ুনিৎশিং প্রমোৎ তৌবা অমসুং খুঙ্গং খুদিংদা য়ামদ্রবদা কোওপরেতিব য়ুনিৎ অমা লিংখৎপা হায়বসিনি।

শ্রী অমিত শাহনা মখা তারদুনা হায়খি মদুদি কোওপরেতিব সেক্তরগীদমক থম্লিবা পান্দমশিং ফংনবা য়ুম্বী তরুক মশক তাক্লে। মখোয়শিং অদুদি: ফাউন্দেসন মপাঙ্গল কনখৎহনবা, ভাইব্রেন্সী প্রমোৎ তৌবা, তুংলমচৎকী কোওপরেতিব সোসাইতীশিং শেমগৎপা, ইনক্লুসিবিতী হেনগৎহনবা অমসুং য়ৌগদবা মফম পাকথোক চাউথোকহনবা, অনৌবা সেক্তরশিংদা পাকথোক চাউথোকহনবা অমসুং কোওপরেতিব দিবেলপমেন্তকীদমক নহা ওইরিবা জেনরেসন শেমগৎপনি।

কেন্দ্রগী কোওপরেসন মন্ত্রীনা হায়খি মদুদি কোওপরেসন মন্ত্রালয়না তুরিজম, তেক্সি সর্ভিসেস, ইন্সুরেন্স অমসুং গ্রীন ইনর্জীগুম্বা সেক্তরশিংগীদমক অকুপ্পা ৱারোল য়াওবা থৌরাং অমা শেমখ্রে। তেক্সি অমসুং ইন্সুরেন্স সেক্তরদা অতেনবা মতমগী মনুংদা মশক থোকপা অহোংবা লাক্কনি হায়না মহাক্না অখন্ননা পনখি। মহাক্না শন্দোক্না হায়খি মদুদি হৌগৎলক্লিবা সেক্তরশিং অসিদা কোওপরেতিব য়ুনিৎশিংনা শরুক য়াবা অসিনা মায়পাক্লবা কোওপরেতিবশিংনা অনৌবা কোওপরেতিব এন্তিতীশিং শেম্নবা পুনশিনগনি, মসিনা অনৌবা লমশিং অসিদা ওপরেসনশিং হৌহল্লগনি। হায়রিবা য়ুনিৎশিং অসিদগী ফংলিবা শেন্দোংশিং অসি খুঙ্গংগী থাক্তা লৈবা প্রাইমরী এগ্রিকলচরেল ক্রেদিৎ সোসাইতী (PACS)গী মেম্বরশিংদা শোইদনা য়ৌহনগনি। মহাক্না অকনবা ৱাফম থমখি মদুদি পান্দমদি অচৌবা অমসুং মপাঙ্গল লৈবা কোওপরেতিব ইকোসিস্তেম অমা শেমগৎপনি। মসিগা লোয়ননা, তেংবাং পীনবা অসিনা লৈবাক অসিগী চাউখৎ-থৌরাংগীদমক তুংগী মীরোনগীদমক মরুওইবা খুৎলাই অমা ওইবা ঙম্বগী থাজবা অদু মপাঙ্গল কনখৎহনবনি।

অমিত শাহনা হায়খি মদুদি প্রধান মন্ত্রী শ্রী নরেন্দ্র মোদীগী সরকারনা সেক্তর খুদিংমক্তা কোওপরেতিব ইন্সতিত্যুসনশিংদা পুং 24গী ওইনা মতেং পাংনবা মপুং ফানা শেম-শারি। অদুম ওইনমক, মহাক্না য়ুনিৎশিং অসি মশাগী মনুংদগী মপাঙ্গল কনখৎহনগদবনি হায়না অকনবা ৱাফম থমখি। মসিগীদমক্তা, ইন্তরভেন্সন পোইন্ত 83 মশক খঙদোক্লে। মসিগী মনুংদা, পোইন্ত 58দা থবক লোইশিনখ্রে, অমসুং পোইন্ত 3দি মপুং ফানা ইমপ্লিমেন্ত তৌখ্রে। মখা তানা অমসুং লেপ্তনা ইমপ্লিমেন্ত তৌবা মথৌ তাবা পোইন্ত অনি লৈ। লেমহৌরিবা পোইন্তশিং অসি হৌজিক খন্নগনি। মহাক্না মখা তাখি মদুদি রাজ্য পুম্নমক্না মসিগী পোলিসী অসি নিংথিনা ইমপ্লিমেন্ত তৌরকপা মতমদা, মসিনা ইনক্লুসিব, মশা-মরোমদোম লেপচবা ঙম্বা অমসুং তুংলমচৎকীদমক শেম-শারবা মোদেল অমা শেমগৎলকপা ঙমগনি। মসিনা লৈবাক অসিগী কোওপরেতিব সিস্তেমদা অনৌবা মওং অমা পীগনি।

2034 ফাওবদা লৈবাক অসিগী GDPদা কোওপরেতিব সেক্তরগী কন্ত্রিব্যুসন শরুক অহুম ওইহন্নবা পান্দম থম্লে হায়না কেন্দ্রগী কোওপরেসন মন্ত্রীনা ফোংদোকখি। মহাক্না হায়খি মদুদি মসি য়াম্না মরু ওইবা পান্দম অমনি, অদুবু মসি ফংনবগীদমক মপুংফাবা শেম-শাবা কয়া অমা পায়খৎলে। মরুওইবা পান্দমদি কোওপরেতিব সেক্তরদা মেম্বর ওইদবা নৎত্রগা ইনেক্তিব ওইরবা নাগরিক করোর 50বু এক্তিব ওইবা শরুক য়াহনবনি। মসিগী মথক্তা, কোওপরেতিব সোসাইতীশিংগী মশিং চাদা 30 হেনগৎনবা পান্দম থম্লি। হৌজিক্কী ওইনা সোসাইতী লাখ 8.3 লৈরি অমসুং হায়রিবা মশিং অসি চাদা 30 হেনগৎলগনি।

পঞ্চায়ত খুদিংমক্তা য়ামদ্রবদা প্রাইমরী কোওপরেতিব য়ুনিৎ অমা লৈগনি। মসি প্রাইমরী এগ্রিকলচরেল ক্রেদিৎ সোসাইতী (PACS), প্রাইমরী দাইরী কোওপরেতিব, প্রাইমরী ফিসরিজ কোওপরেতিব, প্রাইমরী মলতিপর্পস PACS নত্ত্রগা অতোপ্পা প্রাইমরী য়ুনিৎ অমা ওইবা য়াই। হায়রিবা য়ুনিৎশিং অসিনা নহারোলশিংগীদমক থবক ফংহন্নবগী খুদোংচাবশিং হেন্না ফংহনবদা মতেং পাংগনি। ত্রান্সপরেন্সী, ফাইনান্সিএল স্তেবিলিতী অমসুং ইন্সতিত্যুস্নেল ত্রস্ত হেনগৎহন্নবা, য়ুনিৎ খুদিংমক শক্তি লৈহনগদবনি হায়না মহাক্না অকনবা ৱাফম থমখি। মসিগীদমক্তা, ক্লস্তর অমসুং মোনিতরিং সিস্তেম অমসু শেমগৎকনি।

. শ্রী অমিত শাহনা হায়খি মদুদি মোদেল কোওপরেতিব ভিলেজ ইনিসিএতিব অসি অহানবা ওইনা গান্ধীনগরদা হৌদোকখি অমসুং মসি NABARDকী ইনিসিএতিব অমনি। মহাক্না হায়খি মদুদি রাজ্যগী কোওপরেতিব বেঙ্কশিংগী খুত্থাংদা তেহসিল খুদিংদা মোদেল কোওপরেতিব ভিলেজ মঙা লিংখৎনবা হোৎনগনি। হ্বাইৎ রিভোলুসন 2.0গী খুত্থাংদা নুপীশিংগী শরুক য়াবা অসি ইনিসিএতিব অসিগা মরী লৈনগনি। শ্রী শাহনা হায়খি মদুদি স্কিমশিং অসি লমদম অসিদা থবক ওইনা পাংথোক্নবগী রোদমেপ অমা অখন্নবা কমিতী অনিগী খুত্থাংদা শেমখ্রে। প্রধান মন্ত্রী শ্রী নরেন্দ্র মোদীগী লুচিং মখাদা কোওপরেসন মন্ত্রালয়না মসিগী পোলিসী অসি তঙাইফদনা তুং কোইনা চৎনহন্নবা মপুং ফানা শেম-শারি। মহাক্না হায়খি মদুদি পোলিসী অসিদা খুঙ্গংগী সোসিও-ইকোনোমিক স্ত্রকচরদা মশক থোকপা অহোংবা পুরক্নবা পান্দম থম্লিবা মরুওইবা মচাকশিং য়াওরি অমসুং লাক্কদৌরিবা দিকেদ অনিগী মনুংদা খ্বাইদগী পীকপা কোওপরেতিব য়ুনিৎশিংদা ফাওবা তেক্নোলোজী য়ৌহন্নবা হোৎনরি। প্রোসেসশিং কম্প্যুতরাইজেসন তৌবনা ওপরেস্নেল মেথদশিংবু মপুং ফানা হোংদোক্লগনি, মসিনা ত্রান্সপরেন্সী অমসুং ইফিসিএন্সী হেনগৎহনগনি। কোওপরেতিব সেক্তরদা কম্পিতিসন, ফাইনান্সিএল স্তেবিলিতী, ত্রান্সপরেন্সী অমসুং শিংনবশিং থেংনবদা রেসিলিয়েন্সী হেনগৎহন্নবা, হায়রিবা অহোংবশিং অসি মোনিতরিং মেকানিজম অমগী খুত্থাংদা গ্রাসরুৎতা চৎনহনগনি। মসিগী মথক্তা, পোলিসী অসি মরী লৈনবা অমসুং ইফেক্তিব ওইহন্নবা চহি 10 খুদিংগী দরকার ওইবা আইনগী ওইবা শেমদোক-শাদোকশিং তৌনবগী পথাপ অমা শেমখ্রে।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি কোওপরেসন পোলিসী অসিগী খুত্থাংদা, আত্মনির্ভর ভারতকী মঙলান ফংনবগীদমক্তা খুঙ্গং অমসুং লৌউ-শিংউগী ইকোসিস্তেম, লৈবাক অসিগী লায়রবশিংগা লোয়ননা ভারতকী শেন্মিৎলোনগী থাজবা য়াবা অমসুং মরু ওইবা শরুক অমা ওইহন্নবা পান্দম থম্লি। মহাক্না হায়খি মদুদি রাজ্য খুদিংমক্কী বেলেন্স ওইবা কোওপরেতিব দিবেলপমেন্তকী রোদমেপ অমা শেমখ্রে। কোওপরেসন পোলিসী অসি ভিজনরী, প্রেক্তিকেল অমসুং রিজল্ত ওরিয়েন্তেদনি হায়না মহাক্না অকনবা ৱাফম থমখি। শ্রী শাহনা হায়খি মদুদি হায়রিবা পোলিসী অসি য়ুম্ফম ওইদুনা, ভারতকী কোওপরেতিব মুভমেন্ত অসি 2047 ফাওবা, ভারতকী নীংতম্বা চহি 100 শুবা চহিগী মায়কৈদা লেপ্পা লৈতনা খুমাং চাউশিল্লগনি। মহাক্না মখা তাখি মদুদি 'সহকার সে সমৃদ্ধি'গী পান্দমদি গ্রোস দোমেস্তিক প্রদক্ত (GDP) হেনগৎলকপা খক্তা নত্তনা থবক ফংহন্নবা অমসুং ইশাগী ইকাই খুম্নবা হেনগৎহন্নবা পান্দম থম্লি। মসিগী পোলিসী অসিগী য়ুম্ফম ওইনা মেম্বর-সেন্ত্রিক মোদেল অমা শেম্লে। মহাক্না অকনবা ৱাফম থমখি মদুদি মেম্বরগী য়াইফ-থৌরাং অসি কোওপরেসনগী মপুং ওইবা পান্দম ওইগদবনি, অমসুং মসিগী ৱাখল্লোন অসিনা পোলিসী অসি শেম্বা লমজিংলি। পোলিসী অসিনা নুপী, নহারোল, ত্রাইবেল অমসুং দলিৎশিংনা লৈবাক অসিগী শেন্মিৎলোন চাউখৎপদা শরুক য়াবা হেনগৎহন্নবা খুদোংচাবশিং শেমগৎপদা মীৎয়েং থম্লি।

অফবা থবক পাংথোক্লিবা ত্রেদ কোওপরেতিব বেঙ্কশিং অসি কম্মর্সিএল বেঙ্কশিংগা মান্নবা মওংদা লৌবা অমসুং মফম অমত্তদা মখোয়বু সেকেন্দ ক্লাসগী ত্রীৎমেন্ত পীদনবা হোৎনগনি হায়না শ্রী অমিত শাহনা ফোংদোকখি। মহাক্না হায়খি মদুদি মালেম শীনবা থুংনা য়ৌহন্নবা অমসুং মালেমগী কৈথেলশিংদা য়ৌহন্নবা নেস্নেল কোওপরেতিব এক্সপোর্তস লিমিতেদ লিংখৎলে। তেক্নোলোজীদা য়ুম্ফম ওইবা ত্রান্সপরেন্ত মেনেজমেন্ততা য়ুম্ফম ওইবা PACS (প্রাইমরী এগ্রিকলচরেল ক্রেদিৎ সোসাইতী) গী মোদেল অমা হান্ননা শেমখ্রে অমসুং লাক্কদৌরিবা তুংগী মতমশিংদা কোওপরেতিব মখল খুদিংমক্না তেক্নোলোজীদা য়ুম্ফম ওইবা ত্রান্সপরেন্ত মেনেজমেন্ত সিস্তেমশিং শিজিন্নরগনি হায়নসু মহাক্না ফোংদোকখি। মহাক্না মখা তানা হায়খি মদুদি এনভাইর্নমেন্তেল সস্তেনেবিলিতী অমসুং "কোওপরেতিবশিংগী মরক্তা কোওপরেসন"গী প্রিন্সিপলগী খুত্থাংদা খুমাং চাউশিলহল্লগনি।

কেন্দ্রগী কোওপরেসন মন্ত্রীনা হায়খি মদুদি মোদী সরকারনা লৈবাক অসিদা কোওপরেতিব সেক্তর অমা শেমগৎনবা পান্দম থম্লি। মসিদা নহাশিংনা খ্বাইদগী ফবা এজুকেসন ফংলবা মতুংদা কোওপরেতিবশিং অসি কেরিয়র অমা ওইনা খনগনি। অনৌবা কোওপরেসন পোলিসী অসিনা কোওপরেতিব সেক্তরগী ইসু পুম্নমক কোকহন্নবা, লাক্কদৌরিবা চহি 25 অসিদা মসিগী চাউখৎপা অসি শোয়দনা ফংহন্নবা অমসুং লৈবাক অসিগী শেন্মিৎলোনদা শরুক য়ারিবা অতোপ্পা সেক্তরশিংগা মান্ননা লৈহন্নবা পোতেন্সিএল লৈ হায়না মহাক্না হায়খি। শ্রী শাহনা হায়খি মদুদি রাজ্য খুদিংমক্না পোলিতিকেলগী ওইবা খেন্নবা অমত্তা থমদনা মোদেল বাইলোশিং অসি শিজিন্নখ্রে। মহাক্না মখা তাখি মদুদি অনৌবা প্রাইমরী এগ্রিকলচরেল ক্রেদিৎ সোসাইতী(PACS) 45,000 লিংখৎপগী থবক লোইশিল্লক্লে, PACSকী কম্প্যুতরাইজেসনসু লোইশিনখ্রে, অমসুং PACSদা পীরকপা অনৌবা থবক থৌরম 25গী মনুংদা অমমমদা খুমাং চাউশিল্লে। মহাক্না মখা তারদুনা হায়খি মদুদি হৌজিক ফাওবদা পি.এম. জন ঔশধী কেন্দ্র হাংদোক্নবগীদমক PACS 4,108 অয়াবা পীখ্রে, পেত্রোল অমসুং দিজেলগী রিতেল আউৎলেৎশিং হাংদোক্নবগীদমক PACS 393না এপ্লাই তৌখ্রে, PACS 100 হেনবনা LPG দিস্ত্রিব্যুসনগীদমক এপ্লাই তৌখ্রে অমসুং PACSনা “হর ঘর নল সে জল” স্কিম অমসুং পি.এম. সুর্য়া ঘর য়োজনাগী থবকসু য়েংশিল্লি।

শ্রী শাহনা হায়খি মদুদি থবকশিং অসিগীদমক ত্রেন তৌরবা মেনপাৱর পীনবগীদমক্তা ত্রিভুবন সহকারি য়ুনিভর্সিতীগী উরেপ উয়ুং হান্না তমখ্রে। মহাক্না হায়খি মদুদি চহি অসিগী লোইশিল্লকপদা সরকারনা 'সহকার তেক্সি' ইনিসিএতিবসু হৌদোক্লগনি। মসিগী মখাদা শেন্দোং পুম্নমক দ্রাইভরদা হকথেংননা ফংহনগনি। মহাক্না মখা তাখি মদুদি ইন্তর্নেস্নেল ইয়র ওফ কোওপরেতিবকীদমক, ভারতনা মশাগী পান্দমশিং থম্লি অমসুং মখোয়শিং অদু গ্রাসরুৎ লেভেলদা ইমপ্লিমেন্ত তৌনবা থবক পায়খৎলি।

শ্রী অমিৎ শাহনা হায়খি সরকারনা কোওপরেসনগী মোদেল অদু তপ্না তপ্না মপাঙ্গল কনখৎহল্লি। মহাক্না হায়খি মদুদি এক্সপোর্ত, সিদ প্রদক্সন, অমসুং ওর্গানিক প্রদক্তশিংগী ব্রান্দিং অমসুং মার্কেতিংগীদমক্তা মল্তি-স্তেৎ কোওপরেতিব সোসাইতী অহুম লিংখৎখ্রে। মহাক্না অকনবা ৱাফম থমখি মদুদি হ্বাইত রিভোলুসন 2.0 অসি লাক্কদৌরিবা নুমিৎশিংদা নুপীশিংগী শরুক য়াবা হেনগৎহনবগা লোয়ননা রুরেল দিবেলপমেন্তকী মরুওইবা য়ুম্বী অমা ওইগনি।

কেন্দ্রগী কোওপরেসন মন্ত্রীনা হায়খি মদুদি প্রধান মন্ত্রী মোদীনা খুন্নাইগী শরুক খুদিংমকপু শক্তি লৈহন্নবা অমসুং চাউখৎপা অসি ইনক্লুসিব অমসুং য়াম্না চাউনা য়ৌহন্নবগী পান্দমদা কোওপরেসন মন্ত্রালয় অসি য়াম্না চাউনা মীৎয়েং অমগা লোয়ননা লিংখৎখি। কোওপরেসন পোলিসী অসিনা কোওপরেতিব সেক্তরবু মথংগী চহি 25দা মরু ওইবা ওইহন্দুনা মসি কন্ত্রিব্যুতিং অমসুং তুংলমচৎকীদমক শেম-শারবা সেক্তর অমা ওইহল্লগনি হায়না মহাক্না ফোংদোকখি।

***