ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଭେଟିଲେ ଦକ୍ଷିଣ କୋରିଆର ବିଶେଷ ଦୂତଙ୍କ ପ୍ରତିନିଧିମଣ୍ଡଳୀ
प्रविष्टि तिथि:
17 JUL 2025 6:40PM by PIB Bhubaneshwar
ଭାରତ ଗସ୍ତରେ ଆସିଥିବା ଶ୍ରୀ କିମ୍ ବୁ କୁ୍ୟମଙ୍କ ନେତୃତ୍ୱରେ ଦକ୍ଷିଣ କୋରିଆ (ଆରଓକେ)ର ସ୍ୱତନ୍ତ୍ର ଦୂତଙ୍କ ଏକ ପ୍ରତିନିଧିମଣ୍ଡଳୀ ନୂଆଦିଲ୍ଲୀରେ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି ।
ପ୍ରଧାନମନ୍ତ୍ରୀ ଶ୍ରୀ ମୋଦୀ ନିକଟରେ ଦକ୍ଷିଣ କୋରିଆର ରାଷ୍ଟ୍ରପତି ଶ୍ରୀ ଜେମ୍ୟାଙ୍ଗ ଲି ଙ୍କ ସହ ହୋଇଥିବା ସକରାତ୍ମକ ବୈଠକକୁ ସ୍ମରଣ କରିଥିଲେ । ଦଶ ବର୍ଷ ଧରି ଜାରି ରହିଥିବା ଭାରତ-ଦକ୍ଷିଣ କୋରିଆ ବିଶେଷ ରଣନୀତିକ ସହଭାଗିତାକୁ ଅଧିକ ସୁଦୃଢ଼ କରିବା ପାଇଁ ଭାରତର ପ୍ରତିବଦ୍ଧତାକୁ ପ୍ରଧାନମନ୍ତ୍ରୀ ଦୋହରାଇଥିଲେ । ସେ ନବାଚାର, ରକ୍ଷା, ଜାହାଜ ନିର୍ମାଣ, ଦକ୍ଷତାର ଗତିଶୀଳତା ସହିତ ପ୍ରମୁଖ କ୍ଷେତ୍ରରେ ଭାଗିଦାରୀର ନିରନ୍ତର ବିକାଶ ଉପରେ ଆଲୋଚନା କରିଥିଲେ ।
ପ୍ରଧାନମନ୍ତ୍ରୀ ଏକ୍ସ ର ଏକ ପୋଷ୍ଟରେ ଲେଖିଛନ୍ତି:
“ଶ୍ରୀ କିମ୍ ବୁ୍ୟ କୁ୍ୟମଙ୍କ ନେତୃତ୍ୱରେ ଦକ୍ଷିଣ କୋରିଆରୁ ଆସିଥିବା ବିଶେଷ ପ୍ରତିନିଧିମଣ୍ଡଳୀଙ୍କୁ ସ୍ୱାଗତ କରି ବହୁତ ସନ୍ତୋଷ ପାଇଲି । ଗତମାସ ରାଷ୍ଟ୍ରପତି ଶ୍ରୀ ଜେମ୍ୟାଙ୍ଗ ଲି ଙ୍କ ସହ ହୋଇଥିବା ମୋର ସକରାତ୍ମକ ଭେଟକୁ ସ୍ମରଣ କରୁଛି । ୧୦ ବର୍ଷ ପୂରଣ କରୁଥିବା ଭାରତ-ଦକ୍ଷିଣ କୋରିଆ ବିଶେଷ ରଣନୀତିକ ଭାଗିଦାରୀ ନବାଚାର ଏବଂ ରକ୍ଷାରୁ ଆରମ୍ଭ କରି ଜାହାଜ ନିର୍ମାଣ ଏବଂ ଦକ୍ଷତା ଗତିଶୀଳତା ପର୍ଯ୍ୟନ୍ତ ନିରନ୍ତର ବିକଶିତ ହୋଇଚାଲୁଛି । ଦୁଇ ଲୋକତାନ୍ତ୍ରିକ ଦେଶ ମଧ୍ୟରେ ଘନିଷ୍ଠ ସହଯୋଗ ହିନ୍ଦ-ପ୍ରଶାନ୍ତ କ୍ଷେତ୍ରରେ ଶାନ୍ତି ସ୍ଥିରତା ଏବଂ ସମୃଦ୍ଧିରେ ଯୋଗଦାନ କରିଚାଲିଛି ।”
SR
(रिलीज़ आईडी: 2145724)
आगंतुक पटल : 5
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam