नवी दिल्ली, 17 जुलै 2025

रिपब्लिक ऑफ कोरियाच्या  किम बू क्यूम यांच्या नेतृत्वाखालील विशेष दूतांच्या शिष्टमंडळाने आज नवी दिल्ली येथे पंतप्रधान नरेंद्र मोदी यांची भेट घेतली.

रिपब्लिक ऑफ कोरियाचे (आरओके) राष्ट्राध्यक्ष जेम्युंग ली यांच्याशी नुकत्याच झालेल्या सकारात्मक भेटीचे स्मरण करून, पंतप्रधान मोदी यांनी दहा वर्षांपासून जारी असलेली भारत- आरओके विशेष धोरणात्मक भागीदारी पुढे नेण्याप्रति असलेल्या भारताच्या वचनबद्धतेचा पुनरुच्चार केला. ही भागीदारी नवोन्मेश, संरक्षण, जहाजबांधणी आणि कुशल मनुष्यबळाची गतिशीलता यासह इतर महत्त्वाच्या क्षेत्रांमध्ये सातत्याने वृद्धिंगत होत असल्याचे त्यांनी अधोरेखित केले.

X वरील एका पोस्टमध्ये त्यांनी म्हटले आहे:

“किम बू क्यूम यांच्या नेतृत्वाखालील आरओकेच्या विशेष दूतांच्या शिष्टमंडळाचे स्वागत करताना आनंद होत आहे. गेल्या महिन्यात राष्ट्राध्यक्ष @Jaemyung_Lee यांच्याशी झालेल्या सकारात्मक भेटीचे स्मरण करत  आहे. भारत-आरओके विशेष सामरिक भागीदारी, ज्याला 10 वर्षे पूर्ण होत आहेत, नवोन्मेश आणि संरक्षणापासून, ते जहाज बांधणी आणि कुशल मनुष्यबळाच्या गतिशीलतेपर्यंत वृद्धिंगत होत आहे. दोन्ही  लोकशाही देशांमधील घनिष्ठ सहकार्य हिंद-प्रशांत महासागर क्षेत्रातील शांतता, स्थैर्य आणि समृद्धीसाठी योगदान देत आहे.”  

Delighted to receive the delegation of Special Envoys from the Republic of Korea led by Mr. Kim Boo Kyum. Recalled my positive meeting with President @Jaemyung_Lee last month. India–ROK Special Strategic Partnership, which completes 10 years, continues to grow from innovation and… pic.twitter.com/3N1V0WSFe1

— Narendra Modi (@narendramodi) July 17, 2025

निलीमा चितळे/राजश्री आगाशे/‍प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai