ভারতকী রাস্ত্রপতি, শ্রীমতি দ্রৌপদি মুরমুনা জুলাই ১৭, ২০২৭ দা নই দিল্লীগী বিজ্ঞান ভবন্দা হাউজিং অমসুং অর্বান এফ্যার্স মন্ত্রালয়না শিন্দুনা MoHUA গী কেন্দ্র মন্ত্রী শ্রী মনোহর লাল অমসুং রাজ্য মন্ত্রী শ্রী তোখন সাহুনা শরুক য়াগদবা লৈবাক্কী থাক্কী মনা লান্থোকপগী থৌরম অমদা লেমজনিংঙাই ওইরবা স্বছ্চ সর্ভেক্সন ২০২৪-২৫ মনাশিং লান্থোক্কনি।

স্বছ্চ সর্ভেক্সন ২০২৪-২৫ না মালেমগী খ্বায়দগী চাউবা লু-নানবগী সর্ভেগী ৯শুবা ইদিসন ওইগদৌরিবনি। মশক নাইবা থৌরম অসিদা ভারতকী অর্বান মফমশিংগী খ্বায়দগী লু-নানবা ময়োল্লমশিং লাউথোক্তুনা স্বছ্চ ভারত মিসন-অর্বান (SBM-U) বু মাঙদা পুখৎনবা ময়োল্লমশিংনা লৌরিবা চোকথবা নাইদ্রবা থৌরাংশিংবু শকখঙগনি। চহি অসিদা, লেমজনিংঙাই ওইরবা মনা অসি কাঙলুপ ৪ – ক) সুপর স্বছ্চ লীগ সিতিজ, খ) পোপুলেসন কেতগরী ৫ দা লৈবা খ্বায়দগী হেন্না লু-নানবা ময়োল্লম ৩, গ) অখন্নবা কাঙলুপ: গঙ্গা তাউন, কান্তোনমেন্ত বোর্দ, সফাইমিত্র সুরক্সা, মহাকুম্ভ, ঘ) স্তেত থাক্কী মনাশিং – প্রোমিজিং ক্লীন সিতী ওফ স্তেত/য়ু.তি.। চহি অসিদা পুন্না মনা ৭৮ লান্থোক্কনি।

স্বছ্চ সর্ভেক্সন (SS), হায়রিবা SBM-U মখাদা পায়খৎবা মশক নাইবা থৌশিল অসি অর্বান ইন্দিয়াগী লু-নানবগী মায়কৈদা চঙশিল্লিবা খোঙচৎকী মশক তাক্লিবা শাফু অমা ওইরক্তুনা – হৌখিবা চহি ৯ অসিদা পুক্নিং কয়া খুদুম চল্লি, ৱাখল্লোন কয়া শেমগৎলি, অমদি থবক কয়া তৌরক্নবা পুক্নিং থৌগৎলি। ২০১৬দা ULBs ৭৩ খক্তদগী হৌদোরক্তুনা খ্বায়দগী ইকোক কোনবা ইদিসন অসিদা ময়োল্লম ৪,৫০০+ কোনশিল্লি। চহি অসিগী মনা অসি মকোক থোংবা লু-নানবা ময়োল্লমশিংবু শকখঙবখক নত্তনা, তুংগী খোঙফম চেৎনা লৈবা অমদি খোঙজেল লৈবা অপীকপা ময়োল্লমশিংবুসু শকখঙদুনা পুক্নিং থৌগৎলি।

স্বছ্চ সর্ভেক্সনন ২০২৪-২৫ মনাশিং অসিনা রিদ্যুস, রিয়ুজ, রিসাইকল হায়রিবা থীমশিং অসিদা মীৎয়েঙ থম্লি। এসেসর ৩০০ হেনবনা নুমিৎ ৪৫ নি চুপ্না লৈবাকসিগী ৱার্দ খুদিংদা চেকশিন্না য়েংশিনখি। পুম্নমক কোনশিনবা অমদি অরোন অথুপ লৈতবা হায়বা খোঙফমদা চেৎনা লেপ্তুনা, থৌশিল অসিনা য়ুমথোং লাখ ১১ হেন্না কোনশিন্দুনা লৈবাক্কী থাক্তা ময়োল্লমশিংদা লৈরিবা মহিং অমদি সেনিতেসনগী মরমদা মমুৎ তানা খঙনবা মপুং ফানা চঙশিনবা থৌওং অমগী মমি চাউনা তারি।

ইং ২০২৪ দা পাঙথোকখিবা এসেসমেন্ত অসিনা মীয়ামগা লোয়ননা চৎমিন্নবগী মশক নাইরবা মীৎকুপ অমা ওইদুনা, হকথেংননা ৱারী শানদুনা, স্বছ্চতা এপ, মাইগোব, অমদি সোসিএল মিদিয়া প্লেতফোর্মশিংগী খুত্থাঙদা মীওই করোর ১৪না শরুক য়াদুনা মায় পাক্না পাঙথোকখি।

স্বছ্চ সর্ভেক্সন ২০২৪-২৫ না নীংথিনা মশক তাক্লবা পেরামিতর ১০ গা লোয়ননা ইন্দিকেতর ৫৪ শীজিন্নদুনা অর্বান ক্লীনলিনেস অমদি সর্ভিস দেলিবরী এসেস তৌননবা স্মার্ত ওইবা অমদি মওং মরিল নাইবা পাম্বৈ শীজিন্নদুনা, ময়োল্লমশিংদা লৈরিবা সেনিতেসন অমসুং ৱেস্ত মেনেজমেন্তকী মপুং ফাবা শক্তম অমা উৎলি।

স্বছ্চ সর্ভেক্সন ২০২৪-২৫ না সুপর স্বছ্চ লীগ (SSL) কৌবা লু-নানবগী লমবা থোইদোক হেন্দোক্না থবক পায়খৎলকপা ময়োল্লমশিংগী ওইবা তোঙানবা লীগ অমা ওইনা অখন্নবা সুপর লীগ অমা হৌদোক্লি। হৌদোক্লিবা SSL অসিনা পান্দম অনিদা কান্নবা পীরি: মসিনা মকোক থোংবা ময়োল্লমশিংবু হেন্না ৱাংবা পান্দম থম্নবা পুক্নিং থৌগৎলি, অদুগা অতোপ্পা ময়োল্লমশিংবুনা মখোয়গী পর্ফোর্মেন্স হেনগৎহন্নবা অমদি মকোক থংবা রেঙ্কিংগীদমক হিদান্ননবা পক্নিং থৌগৎলি। SSL অসিদা হৌখিবা চহি অহুমদা য়ামদ্রবদা অমুরক মকোক থোংবা রেঙ্ক ৩ ফাওবগী মনুংদা য়াওবা ঙম্বা অদুগা চৎলিবা চহিগী ওইনা মখোয়গী পোপুলেসন কেতগরী মনুংদা মকোক থোংবা ২০% গী মনুংদা লৈবা ময়োল্লমশিং য়াওগনি।

ইহান হানবা ওইনা, ময়োল্লমশিংবু পোপুলেসন-বেজ কেতগরী মঙা থোক্না খায়দোক্লি। মখোয়শিং অদুদি: (১) য়াম্না পীকপা ময়োল্লমশিং: মীশিং < ২০,০০০, (২) অপীকপা ময়োল্লমশিং: মীশিং ২০,০০০ – ৫০,০০০, (৩) ময়ায় ওইনা চাউবা ময়োল্লমশিং: মীশিং ৫০,০০০ – লাখ ৩, (৪) অচৌবা ময়োল্লমশিং: মীশিং লাখ ৩ – ১০, অমদি (৫) মিলিয়ন-প্লস ময়োল্লমশিং: মীশিং লাখ > ১০. কাঙলুপ খুদিংমক মখোয় মখোয়গী মীশিং য়াম্বা অমদি তোপ তোপ্না মথৌ তাবশিংগী মতুং ইন্না অকক্ননা লেপথোক্লবা পেরামিতরশিং শীজিন্নদুনা নৈনবনি। কাঙলুপ খুদিংদা খ্বায়দগী হেন্না লু-নানবা ময়োল্লমশিং মশক খঙদোক্তুনা মনা পীগদবনি। থৌওং অসিনা অপীকপা ময়োল্লমশিংসু মশেক লৈনা ঙালহন্দুনা মহৌশানা মাঙ থংবা ময়োল্লমশিংগা থোং মান্নবা থাক অমদা অথোই অহেন তান্নবা ঙমহল্লি।

****