ভারতনা দিজিতেল গভর্নান্সকী খোঙচৎতা খোঙজেল য়াংশিল্লকপগা লোয়ননা, প্রজাশিংগা মখোয়গী মশাগী লোলদা, খুদক্তা অমসুং ইফেক্তিব ওইনা পাউ ফাওনবগী খুদোংচাবা অসি হেন্না মরু ওইরক্লি। কন্তেন্ত শেমগৎপগী ত্রেদিস্নেল মেথদশিং অসি হৌজিক্তি মীয়ামদা কান্নবা ফংহন্নবগীদমক্তা মথৌ তাবা স্কেল, স্পীদ, অমসুং মখল কয়াগা লোয়ননা চৎমিন্নবগী পনখৈ লৈতে। ভারত সরকারনা ইনক্লুসিব, তেক্নোলোজী-দ্রিভন কম্ম্যুনিকেসনগী অচেৎপা ফিরেপ অদুগী মতুং ইন্না, লোলগী ওইবা খেন্নবা অদু কোকহন্নবা অমসুং লৈবাক শীনবা থুংনা লাস্ত মাইলদা পাউশিং ফংহন্নবা AIদা য়ুম্ফম ওইবা সোল্যুসনশিং এদোপ্ত তৌবদা চাউনা শাহৌ পীরি।

কালা সেতু: রিএল-তাইম লেঙ্গ্যুএজ তেক ফোর ভারত

ইনক্লুসিব কম্ম্যুনিকেসনগীদমক AIগী পাৱর শীজিন্ননবা স্ত্রেতেজিক ওইবা খোঙথাং অমা ওইনা, ইনফোর্মেসন অমসুং ব্রোদকাস্তিং মন্ত্রালয়না মসিগী ৱেবএক্স স্তার্তঅপ এক্সিলরেতর প্লেৎফোর্মগী খুত্থাংদা "কালা সেতু" রিএল-তাইম লেঙ্গ্যুএজ তেক ফোর ভারত চেলেঞ্জ হৌদোকখ্রে। লৈবাক শীনবা থুংনা পায়খৎলিবা খোঙথাং অসিনা ভারতকী মকোক থোংবা AI স্তার্ত-অপশিংবু ভারতকী লোন কয়াগী তেংবাংগা লোয়ননা তেক্স ইনপুৎতগী ওদিও, ভিদিও অমসুং গ্রাফিক কন্তেন্ত ওতোমেতেদ ওইনা পুথোক্নবা লমদমসিগী ওইবা, পাকথোক চাউথোকহনবা ঙম্বা সোলুসনশিং পুথোক্নবা কৌরি।

চেলেঞ্জ অসিনা AI দ্রিভন ওইবা কন্তেন্ত জেনরেসনগী মরুওইবা হীরম অহুমবু সপোর্ত তৌরিবা পাকথোক চাউথোকহনবা য়াবা সোলুসনশিংদা মীৎয়েং থম্লি। অহানবদা, তেক্স-তু-ভিদিও জেনরেসন, মসিনা তোঙান তোঙানবা কম্ম্যুনিকেসনগী মথৌ তাবশিংদা চান্নবা অকোয়রোন, তোন, অমসুং হীরমগী মওং মতৌগা লোয়ননা তেক্সতগী ভিদিও কন্তেন্ত ওতোমেতেদ ওইনা শেম্বা য়াহল্লি। অনিশুবদা, তেক্স-তু-গ্রাফিক্স জেনরেসন, মসিনা দেতা-দ্রিভন ইনফোগ্রাফিক্স অমসুং ইলুস্ত্রেতিব ভিজুএলশিং পুথোকপা ঙমহল্লি, মসিনা কমপ্লেক্স ওইবা ঈ-পাউবু হেন্না খংবা য়াবা অমসুং ভিজুএল ওইনা পুক্নিং চিংশিনবা ঙমহল্লি। অহুমশুবদা, তেক্সত-তু-ওদিও জেনেরেসন, মসিনা অৱাংবা থাক্কী ভোইস সিন্থেসিস শিজিন্নদুনা এক্যুরেৎ ওইবতা নত্তনা ইমোস্নেল ওইনা এক্সপ্রেসিব ওইবা অমসুং রিজনেল এক্সেন্তশিংদা সেন্সিতিব ওইবা স্পীচ পুথোকই, মসিনা মলতিলিঙ্গ্যুএল কন্তেক্সশিংদা রিলেতেবিলিতী অমসুং ইম্পেক্ত হেনগৎহল্লি।

সিতিজেন-সেন্ত্রিক এপ্লিকেসনশিং

কালা সেতুগী পান্দমদি দিজিতেল লোলগী খেন্নবা অদু লৈহনদনা পব্লিক কম্ম্যুনিকেসন বোদীশিংদা ওফিসিএল ইনফোর্মেসনবু ইনফোগ্রাফিক ভিজুএলশিং, কন্তেক্সচুএলাইজ তৌরবা ভিদিও এক্সপ্লেনরশিং, অমসুং ওদিও ন্যুজ কেপসুলশিংগুম্বা রিএল তাইম ওইনা রিজনেলগী ওইবা রেজোনেন্ত ফোর্মেৎশিংদা দাইনামিক ওইনা ওন্থোকপা ঙমহনবনি। লৌমী অমনা ৱেদর এলার্ত এক্সেস তৌবা, মহৈরোয় অমনা একজামিনেসনগী মতাংদা ইনফোর্মেসন লৌবা, নত্ত্রগা সেনিয়র সিতিজন অমনা হেল্থকেয়র স্কিমশিংগী মরমদা তম্বা ওইরবসু, ইনিসিএতিব অসিনা ইনফোর্মেসন অসি মখোয়না ঙাংলিবা লোলদা ফংহনবদা নত্তনা কান্নবা মওংদা ফংহন্নবা হোৎনরি।

করম্না এপ্লাই তৌগনি

স্তার্তঅপশিংনা ৱেবএক্স পোর্তেলগী খুত্থাংদা “কালা সেতু” চেলেঞ্জ কেতেগোরীগী মখাদা https://wavex.wavesbazaar.comদা রেজিস্তার তৌবা অমসুং চেলেঞ্জ অসিগীদমক এপ্লাই তৌবা য়াগনি। স্তার্ত-অপশিংনা প্রোদক্তকী ভিদিও দেমো উৎপগা লোয়ননা 2025গী জুলাই 30 ফাওবগী মনুংদা ৱার্কিং মিনিমম ৱাইএবল কন্সেপ্ত (MVC) অমা সবমিৎ তৌগদবনি। অরোইবা ওইনা অথুবা মতমদা খনগৎলবা তীমশিংনা মখোয়গী সোলুসনশিং অদু নই দিল্লীদা লৈবা নেস্নেল জুরি অমগী মমাংদা পুথোক্কনি। মায় পাক্লবশিংনা মপুং ফানা চাউখৎনবা AIR, DD অমসুং PIBগা লোয়ননা পাইলোৎ সপোর্ত ফংনবা অমসুং ৱেবএক্স ইন্নোভেসন প্লেৎফোর্মগী মখাদা ইনক্যুবেসন ফংনবা ফুল-স্কেল দিবেলপমেন্তগীদমক MoU অমা পীনগনি। তেক্নিকেল ওইবা মথৌ তাবশিং অমসুং চেলেঞ্জশিংগী অতোপ্পা অকুপ্পা মরোলশিং অসি ৱেবএক্স পোর্তেলদগী ফংবা য়াগনি।

ভাশা সেতু চেলেঞ্জ

'ভাশা সেতু' রিএল-তাইম লেঙ্গ্যুএক ত্রান্সলেসন চেলেঞ্জ অসি 2025গী জুন 30দা ৱেবএক্সকী মখাদা হৌদোকখি। স্তার্ত-অপশিংনা 2025গী জুলাই 22 ফাওবা ৱেবএক্স পোর্তেলগী খুত্থাংদা 'ভাশা সেতু'গীদমক 'ভাশা সেতু চেলেঞ্জ' কাংলুপকী মখাদা এপ্লাই তৌবা য়াগনি।

মসিগী খোঙথাংশিং অসিনা ইনক্লুসিব অমসুং ইফেক্তিব গভর্নান্সকীদমক AI দ্রিভন সোলুসনশিং পুথোকপদা ভারত সরকারগী অচেৎপা ফিরেপ অদু উৎলি। মল্তি-লিঙ্গ্বেল কন্তেন্ত জেনরেসন অমসুং রিএল-তাইম লেঙ্গ্যুএজ ত্রান্সলেসনদা ইন্দিজিনস ইন্নোভেসন প্রমোৎ তৌদুনা, সরকার অসিনা কম্ম্যুনিকেসন গেপশিং কোকহন্নবা অমসুং ভারতকী লোল খুদিংদা লাস্ত মাইলদা পাউ ফংহন্নবা পান্দম থম্লি। কালা সেতু অমসুং ভাশা সেতু অসি লৈবাক অসিগী লোল অমসুং চৎনবীগী মখল-মখা কয়াগী মতুং ইন্না তুংলমচৎকীদমক শেম-শারবা দিজিতেল ইকোসিস্তেম অমা শেমগৎপদা মরুওইবা খোঙথাং অমনি।

ৱেবএক্সকী মরমদা

ৱেবএক্স অসি ইনফোর্মেসন অমসুং ব্রোদকাস্তিং মন্ত্রালয়গী ৱেবস ইনিসিয়েতিবকী মখাদা হৌদোকখিবা দেদিকেতেদ স্তার্তঅপ এক্সিলরেতর প্লেৎফোর্ম অমনি। মসিগী পান্দমদি মীদিয়া, এন্তরতেনমেন্ত অমসুং লেঙ্গ্যুএজ তেক্নোলোজী সেক্তরশিংদা ইন্নোভেসন পুক্নিং থৌগৎপনি। 2025গী মে থাদা মুম্বাইদা পাংথোকখিবা ৱেবস সম্মিৎতা, ৱেবএক্সনা সরকারগী এজেন্সীশিং, ইনভেস্তরশিং অমসুং ইন্দস্ত্রীগী লুচিংবশিংগা হকথেংননা ৱারী শানবগী খুদোংচাবা পীদুনা, থাজবা য়াবা স্তার্তঅপ 30 হেনবদা পিৎচিংগী খুদোংচাবা পীখি। ৱেবএক্সনা পান্দম থম্লবা হেকাথোনশিং, ইনক্যুবেসন, মেন্তরশিপ অমসুং নেস্নেল প্লেৎফোর্মশিংগা পুনশিন্নবগী খুত্থাংদা অওনবা পুরকপা ৱাখল্লোনশিংবু মখা তানা শৌগৎলি।

*****