وزیراعظم کا دفتر
وزیر اعظم نے برازیل کے شہر ریو دی جنیرو میں برکس کےسربراہی اجلاس کے موقع پر کیوبا کے صدر سے ملاقات کی
Posted On:
07 JUL 2025 5:19AM by PIB Delhi
وزیر اعظم جناب نریندر مودی نےآج برازیل کے شہر ریو دی جنیرو میں 17 ویں برکس سربراہ اجلاس کے موقع پر کیوبا کے صدر جمہوریہ عزت مآب میگوئل ڈیاز-کینل برمودیز سے ملاقات کی ۔ وزیر اعظم نے اس سے قبل 2023 میں جوہانسبرگ میں منعقدہ برکس سربراہ اجلاس میں صدر ڈیاز کینل سے ملاقات کی تھی ، جب کیوبا کو سربراہی اجلاس میں خصوصی طور پر مدعو کیا گیا تھا ۔
دونوں رہنماؤں نے اقتصادی تعاون ، ترقیاتی شراکت داری ، فن ٹیک ، صلاحیت سازی ، سائنس و ٹیکنالوجی ، آفات کے نظم اور صحت کی نگہداشت کے شعبوں میں دو طرفہ تعلقات کا جائزہ لیا ۔ ڈیجیٹل شعبے میں ہندوستان کی مہارت کو تسلیم کرتے ہوئے صدر ڈیاز کینل نے ہندوستان کے ڈیجیٹل پبلک انفراسٹرکچر اور یو پی آئی میں دلچسپی کا اظہار کیا ۔ وزیر اعظم نے کیوبا کی جانب سے آیوروید کو تسلیم کیے جانے اور آیوروید کو کیوبا کے صحت عامہ کے نظام میں ضم کرنے کی حمایت کے لیے ان کی ستائش کی ۔ وزیر اعظم نے کیوبا کے ذریعہ ہندوستانی فارماکوپیا کو تسلیم کرنے کی تجویز پیش کی ، جس سے ہندوستانی جینرک ادویات تک رسائی حاصل ہوگی ۔
دونوں رہنماؤں نے صحت ، وبائی امراض اور موسمیاتی تبدیلی کے شعبوں سمیت عالمی جنوبی کرہ ارض کے لیے باعث تشویش مسائل پر ساتھ مل کر کام کرنے پر اتفاق کیا ۔ انہوں نے کثیرجہتی شعبوں میں دونوں ممالک کے درمیان باہمی تال میل کی ستائش کی ۔
*****
) ش ح – م ش ع- ش ب ن )
U.No. 2512
(Release ID: 2142811)
Read this release in:
English
,
Hindi
,
Marathi
,
Manipuri
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam