প্রধানমন্ত্রীগী লোইশঙ
ব্রাজিলগী রিও দে জেনিরোদা ১৭ শুবা ব্রিক্স মীফম নাকলদা প্রধান মন্ত্রীনা ক্যুবাগী রাষ্ট্রপতি উনখ্রে
Posted On:
07 JUL 2025 5:19AM by PIB Imphal
ব্রাজিলগী রিও দে জেনিরোদা ১৭ শুবা ব্রিক্স মীফম নাকলদা ঙসি প্রধান মন্ত্রী শ্রী নরেন্দ্র মোদীনা ক্যুবাগী রাষ্ট্রপতি মিগুএল দাইজ কানেল বরমুদেজ উনখ্রে। ২০১৩ দা জোহেন্সবার্গতা পাংথোকখিবা ব্রিক্স মীফমদা ক্যুবা অখন্নবা লৈবাক অমা ওইনা শরুক য়াবদগী মীফম অদুদা প্রধান মন্ত্রীনা রাষ্ট্রপতি মিগুএল দাইজ কানেল বরমুদেজ উনখ্রে।
লুচিংবা অনিনা শেন-থুমগী মতেং পাংনবা, চাউখৎ-থৌরাং, ফিনতেক, কেপাসিতি বিল্দিং, সাইন্স অমসুং তেক্নোলোজি, দিজাস্তর মেনেজমেন্ত অমসুং হকশেল য়াওনা হিরম কয়াদা লৈবাক অনিগী মরক্ত লৈনরিবা মরীশিং লুচিংবশিংনা হন্না য়েংশিনখ্রে। ভারতকী দিজিতেল পব্লিক ইনফ্রাষ্ট্রকচর অমসুং য়ু.পি.আইদা পামজবা রাষ্ট্রপতি মিগুএল দাইজ কানেল বরমুদেজনা ফোঙদোকখি। ক্যুবানা অয়ুর্বেদা মশক খঙবা অমসুং ক্যুবাগী অনা-লায়েংগী থবকশিংদা অয়ুর্বেদা য়াওহনবদা প্রধান মন্ত্রীনা থাগৎপা ফোঙদোকখি। ভারতকী হিদাক-লাংথকশিং ক্যুবানা মশক খঙনবা ৱাফম প্রধান মন্ত্রীনা পুখৎখি অমসুং মসিনা ভারতকী জেনেরিক হিদাকশিং ফংহনবা ঙমগনি।
হকশেল, লাইচৎ অমসুং ক্লাইমেত চেঞ্জ য়াওনা গ্লোবেল সাউথকী মরুওইবা ৱাফমশিংদা থবক তৌমিন্নবা হায়না মখোয়না য়ানখ্রে। মালেমগী লুপশিংদা লৈবাক অনি মতেং পাংনবদা মখোয়না থাগৎপা ফোঙদোকখি।
***
(Release ID: 2142804)
Read this release in:
English
,
Urdu
,
Hindi
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam