କେନ୍ଦ୍ର ସ୍ୱରାଷ୍ଟ୍ର ତଥା ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି ନୂଆଦିଲ୍ଲୀରେ 'ସମ୍ବିଧାନ ହାତ୍ୟା ଦିବସ' ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସମ୍ବୋଧିତ କରିଥିଲେ। କେନ୍ଦ୍ର ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା, ରେଳ ଏବଂ ସୂଚନା ଏବଂ ପ୍ରସାରଣ ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ, ଦିଲ୍ଲୀର ଉପରାଜ୍ୟପାଳ ଶ୍ରୀ ବିନୟ କୁମାର ସାକ୍ସେନା, ଦିଲ୍ଲୀର ମୁଖ୍ୟମନ୍ତ୍ରୀ ଶ୍ରୀମତୀ ରେଖା ଗୁପ୍ତା ଏବଂ ଅନ୍ୟ ଅନେକ ମାନ୍ୟଗଣ୍ୟ ବ୍ୟକ୍ତି ଏହି ଅବସରରେ ଉପସ୍ଥିତ ଥିଲେ।

ଏହି କାର୍ଯ୍ୟକ୍ରମକୁ ସମ୍ବୋଧିତ କରି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଶ୍ରୀ ଅମିତ ଶାହ କହିଥିଲେ ଯେ ଜୀବନରେ ସାଧାରଣତଃ ଖରାପ ଘଟଣାଗୁଡ଼ିକୁ ଭୁଲି ଯିବା ଉଚିତ। ଏବଂ ଏହା ଠିକ୍, କିନ୍ତୁ ଯେତେବେଳେ ଏହା ସାମାଜିକ ଜୀବନ ଏବଂ ଜାତୀୟ ଜୀବନ ସହିତ ଜଡ଼ିତ, ସେତେବେଳେ ଖରାପ ଘଟଣାଗୁଡ଼ିକୁ ସବୁଦିନ ପାଇଁ ମନେ ରଖିବା ଉଚିତ, ଯାହା ଦ୍ୱାରା ଦେଶର ଯୁବକ ଏବଂ କିଶୋରମାନେ ସଂସ୍କାରୀ, ସଂଗଠିତ, ମୁକାବିଲା ପାଇଁ ପ୍ରସ୍ତୁତ ରହିବେ ଏବଂ ନିଶ୍ଚିତ କରିବେ ଯେ ଏଭଳି ଖରାପ ଘଟଣା ଆଉ କେବେ ପୁନରାବୃତ୍ତି ହେବ ନାହିଁ। ସେ କହିଥିଲେ ଯେ ଏହି ଚିନ୍ତାଧାରାକୁ ଧ୍ୟାନରେ ରଖି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପ୍ରତିବର୍ଷ ଜୁନ ୨୫ ତାରିଖକୁ 'ସମ୍ବିଧାନ ହାତ୍ୟା ଦିବସ "ଭାବେ ପାଳନ କରିବା ଲାଗି ନିଷ୍ପତ୍ତି ନେଇଥିଲେ ଏବଂ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ଏ ସଂକ୍ରାନ୍ତରେ ଏକ ବିଜ୍ଞପ୍ତି ଜାରି କରିଥିଲା। ଜରୁରୀକାଳୀନ ପରିସ୍ଥିତି ସମୟରେ ଯେଉଁଭଳି ଭାବେ ଦେଶ କାରାଗାରରେ ପରିଣତ ହୋଇଥିଲା, ଦେଶର ଆତ୍ମାକୁ ମୂକ କରିଦିଆଯାଇଥିଲା, ଅଦାଲତକୁ ବଧିର କରିଦିଆଯାଇଥିଲା, ଲେଖକମାନଙ୍କ କଲମକୁ ନୀରବ କରିଦିଆଯାଇଥିଲା, ସେଗୁଡ଼ିକୁ ଧ୍ୟାନରେ ରଖି, ଚିନ୍ତା କରିବା ପରେ, ଆଜି 'ସମ୍ବିଧାନ ହାତ୍ୟା ଦିବସ "ଭାବେ ପାଳନ କରିବା ଲାଗି ନିଷ୍ପତ୍ତି ନିଆଯାଇଥିଲା। ଏହା ଜରୁରୀକାଳୀନ ପରିସ୍ଥିତି ସମୟରେ ଘଟିଥିବା ଘଟଣା ବିଷୟରେ ଯୁବପିଢ଼ିଙ୍କ ମଧ୍ୟରେ ସଚେତନତା ଆଣିବ। ସେ କହିଥିଲେ ଯେ ଜରୁରୀକାଳୀନ ପରିସ୍ଥିତିକୁ ମନେ ରଖିବା ଅର୍ଥ କେବଳ ଇତିହାସ ଜାଣିବା ନୁହେଁ, ବରଂ ଏହା ଏକ ଚେତାବନୀ।

କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ କହିଥିଲେ ଯେ ୧୯୭୫ ମସିହା ଜୁନ୍ ୨୪ ତାରିଖ ରାତିରେ ଜରୁରୀକାଳୀନ ପରିସ୍ଥିତି ଲାଗୁ କରାଯାଇଥିଲା ଏବଂ ଏକଛତ୍ରବାଦୀ ମାନସିକତାକୁ କାର୍ଯ୍ୟକାରୀ କରିବା ପାଇଁ ଏକ ଅଧ୍ୟାଦେଶ ଜାରି କରାଯାଇଥିଲା। ଡକ୍ଟର ବାବାସାହେବ ଆମ୍ବେଦକର ଏବଂ ଅନ୍ୟ ନିର୍ମାତାଙ୍କ ଦ୍ୱାରା ବିଚାରବିମର୍ଶ ଏବଂ ଆଲୋଚନା ପରେ ପ୍ରସ୍ତୁତ ହୋଇଥିବା ସମ୍ବିଧାନକୁ ଫଳପ୍ରଦ ଭାବରେ ରଦ୍ଦ କରାଯାଇଥିଲା ଏବଂ ତତ୍କାଳୀନ ପ୍ରଧାନମନ୍ତ୍ରୀ କେବଳ ଏହା କହି ସମଗ୍ର ସମ୍ବିଧାନର ଆତ୍ମାକୁ ନଷ୍ଟ କରିଦେଇଥିଲେ-ରାଷ୍ଟ୍ରପତି ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି। କେବଳ ଗୋଟିଏ ବାକ୍ୟରେ ସମ୍ବିଧାନର ସାରକୁ ନଷ୍ଟ କରିଦିଆଯାଇଥିଲା। ସେ କହିଥିଲେ ଯେ ଜୁନ୍ ୧୨,୧୯୭୫ ରେ ଦୁଇଟି ଗୁରୁତ୍ୱପୂର୍ଣ୍ଣ ଘଟଣା ଘଟିଥିଲା : ଆହ୍ଲାବାଦ ହାଇକୋର୍ଟ ପ୍ରଧାନମନ୍ତ୍ରୀଙ୍କ ନିର୍ବାଚନକୁ ଅବୈଧ ଘୋଷଣା କରିଥିଲେ ଏବଂ ତାଙ୍କୁ ଛଅ ବର୍ଷ ପାଇଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ବାରଣ କରିଥିଲେ। ସାରା ଦେଶରେ ଏକ ଶୋକର ସ୍ଥିତି ବ୍ୟାପିଗଲା, ଯଦିଓ ସୁପ୍ରିମକୋର୍ଟ ପରେ ଏହି ଆଦେଶ ଉପରେ ସ୍ଥଗିତାଦେଶ ପ୍ରଦାନ କରିଥିଲେ। ଏଥି ସହିତ, ଜୁନ୍ ୧୨ ରେ, ଜନତା ମୋର୍ଚ୍ଚା ପରୀକ୍ଷଣ ଗୁଜରାଟରେ ସଫଳ ହୋଇଥିଲା, ଯାହା ବିରୋଧୀ ଦଳର ଶାସନକୁ ସମାପ୍ତ କରିଥିଲା ଏବଂ ଜନତା ପାର୍ଟି ସରକାର ପ୍ରତିଷ୍ଠା କରିଥିଲା। ଏହି ଘଟଣାଗୁଡ଼ିକ ଦ୍ୱାରା ସତର୍କ ହୋଇ ଜୁନ୍ ୨୫ ତାରିଖରେ ଜରୁରୀକାଳୀନ ପରିସ୍ଥିତି ଲାଗୁ କରାଯାଇଥିଲା। ଶ୍ରୀ ଶାହ କହିଥିଲେ ଯେ ଜାତୀୟ ସୁରକ୍ଷା ବିପଦରେ ପଡ଼ିବାର କାରଣ ଦିଆଯାଇଥିବା ବେଳେ ସମଗ୍ର ବିଶ୍ୱ ଏବେ ଜାଣିଛି ଯେ ପ୍ରଧାନମନ୍ତ୍ରୀଙ୍କ କ୍ଷମତାର ସ୍ଥିତି ହିଁ ପ୍ରକୃତରେ ବିପଦରେ ଥିଲା।

ଶ୍ରୀ ଅମିତ ଶାହ କହିଥିଲେ ଯେ ଜୟପ୍ରକାଶ ନାରାୟଣଙ୍କ "ସମ୍ପୂର୍ଣ୍ଣ କ୍ରାନ୍ତି" ସ୍ଲୋଗାନ ସମଗ୍ର ଦେଶରେ ବୈପ୍ଳବିକ ପରିବର୍ତ୍ତନ ଆଣିଥିଲା। ଗୁଜରାଟରୁ ଆରମ୍ଭ ହୋଇଥିବା ଏହି ଆନ୍ଦୋଳନ ବିହାରରେ ପହଞ୍ଚିଥିଲା। ଗୁଜରାଟରେ ସରକାର ପତନ ହେଲା, ନିର୍ବାଚନ ଅନୁଷ୍ଠିତ ହେଲା, ଏବଂ ତତ୍କାଳୀନ ଶାସକ ଦଳ କ୍ଷମତାରୁ ବଞ୍ଚିତ ହେଲା। ପରବର୍ତ୍ତୀ ସମୟରେ, ସମସ୍ତ ବିରୋଧୀ ଦଳ ଏକାଠି ହୋଇ ଜନତା ପାର୍ଟି ସରକାର ଗଠନ କରିଥିଲେ, ଯାହା ତତ୍କାଳୀନ ପ୍ରଧାନମନ୍ତ୍ରୀଙ୍କ ପାଇଁ ଏକ ବଡ଼ ଚେତାବନୀ ଥିଲା।

କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ କହିଥିଲେ ଯେ ଜରୁରୀକାଳୀନ ପରିସ୍ଥିତି ଲାଗୁ କରି ଯେଉଁ ଅଦାଲତମାନେ ସ୍ଥଗିତାଦେଶ ଦେଇଥିଲେ ସେମାନଙ୍କୁ ନିରବ କରିଦିଆଯାଇଥିଲା, ଖବରକାଗଜଗୁଡ଼ିକୁ ନିରବ କରିଦିଆଯାଇଥିଲା ଏବଂ ଏପରିକି ଆକାଶବାଣୀକୁ ମଧ୍ୟ ନିରବ କରିଦିଆଯାଇଥିଲା। ପ୍ରାୟ ୧,୧୦,୦୦୦ ସାମାଜିକ ଏବଂ ରାଜନୈତିକ କାର୍ଯ୍ୟକର୍ତ୍ତାଙ୍କୁ କାରାଗାର କୋଠରୀରେ ଫିଙ୍ଗି ଦିଆଯାଇଥିଲା। ସକାଳ ୪ଟାରେ ବିନା କୌଣସି ଏଜେଣ୍ଡାରେ କ୍ୟାବିନେଟ୍ ବୈଠକ ଡକାଯାଇଥିଲା ଏବଂ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଥିଲା। ଜରୁରୀକାଳୀନ ପରିସ୍ଥିତି ସମୟରେ ଘଟିଥିବା ଘଟଣାଗୁଡ଼ିକର ପୁଙ୍ଖାନୁପୁଙ୍ଖ ଅନୁସନ୍ଧାନ କରିବା ପରେ ଶାହା କମିଶନ କହିଥିଲେ ଯେ ଅଟକ, ବାଧ୍ୟତାମୂଳକ ବନ୍ଧ୍ୟାକରଣ ଏବଂ ଭଙ୍ଗାରୁଜା କାର୍ଯ୍ୟ ସାରା ଦେଶରେ ଏକ ଭୟର ବାତାବରଣ ସୃଷ୍ଟି କରିଛି ଯାହାର ଅନ୍ୟ କୌଣସି ସ୍ଥାନ ସହିତ ତୁଳନା ନାହିଁ। ଖବରକାଗଜ କାର୍ଯ୍ୟାଳୟ ବନ୍ଦ କରାଯାଇଥିଲା, ୨୫୩ ଜଣ ସାମ୍ବାଦିକଙ୍କୁ ଗିରଫ କରାଯାଇଥିଲା, ୨୯ ଜଣ ବିଦେଶୀ ସାମ୍ବାଦିକଙ୍କୁ ଦେଶରୁ ବହିଷ୍କାର କରାଯାଇଥିଲା ଏବଂ ଅନେକ ଖବରକାଗଜ ସେମାନଙ୍କ ସମ୍ପାଦକୀୟ ସ୍ତମ୍ଭକୁ ଖାଲି ରଖି ଜରୁରୀକାଳୀନ ପରିସ୍ଥିତିକୁ ବିରୋଧ କରିଥିଲେ-ବିଶେଷ କରି ଇଣ୍ଡିଆନ୍ ଏକ୍ସପ୍ରେସ୍ ଏବଂ ଜନସତ୍ତା। ସେମାନଙ୍କର ବିଦ୍ୟୁତ୍ ଯୋଗାଣ ବନ୍ଦ କରାଯାଇଥିଲା, ସଂସଦୀୟ ବିବରଣୀକୁ ସେନ୍ସର କରାଯାଇଥିଲା, ନ୍ୟାୟପାଳିକାକୁ ପ୍ରଭାବଶାଳୀ ଭାବରେ ନିୟନ୍ତ୍ରଣକୁ ଅଣାଯାଇଥିଲା ଏବଂ ସାରା ଦେଶରେ ଗଣତାନ୍ତ୍ରିକ ଅଧିକାରକୁ ସମ୍ପୂର୍ଣ୍ଣ ଦମନ କରାଯାଇଥିଲା।

ଶ୍ରୀ ଅମିତ ଶାହ କହିଥିଲେ ଯେ ନ୍ୟାୟପାଳିକାର ଯେଉଁ ବିଚାରପତିମାନେ ସରକାରଙ୍କ ବିରୋଧରେ ରାୟ ଦିଅନ୍ତି, ସେମାନଙ୍କୁ ସର୍ବୋଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ହେବାକୁ ଦିଆଯାଉନଥିଲା। ଗାୟକ କିଶୋର କୁମାର ଏବଂ ଅଭିନେତା ମନୋଜ କୁମାରଙ୍କ ଚଳଚ୍ଚିତ୍ର ଉପରେ ପ୍ରତିବନ୍ଧକ ଲଗାଯାଇଥିଲା। ଅଭିନେତା ଦେବ ଆନନ୍ଦଙ୍କୁ ଦୂରଦର୍ଶନରେ ଅଭିନୟ କରିବାକୁ ବାରଣ କରାଯାଇଥିଲା ଏବଂ ଆନ୍ଧି ଏବଂ କିସା କୁର୍ସି କା ଚଳଚ୍ଚିତ୍ର ଉପରେ ମଧ୍ୟ ପ୍ରତିବନ୍ଧକ ଲଗାଯାଇଥିଲା।

କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ କହିଥିଲେ ଯେ ଜରୁରୀକାଳୀନ ପରିସ୍ଥିତି ପରେ ହୋଇଥିବା ନିର୍ବାଚନରେ ଦେଶରେ ପ୍ରଥମ ଥର ପାଇଁ ପୂର୍ଣ୍ଣ ସଂଖ୍ୟାଗରିଷ୍ଠତା ସହ ଏକ ଅଣ-କଂଗ୍ରେସ ସରକାର ଗଠନ କରାଯାଇଥିଲା। ସେହି ଦିନକୁ ମନେ ରଖିବା ଗୁରୁତ୍ୱପୂର୍ଣ୍ଣ, ଯାହାଦ୍ୱାରା ଭବିଷ୍ୟତରେ କେହି ଏହି ଦେଶର ସମ୍ବିଧାନ ଉପରେ ଏକଛତ୍ରବାଦୀ ମାନସିକତା ଲଦି ପାରିବେ ନାହିଁ। ସେ କହିଥିଲେ ଯେ ଜରୁରୀକାଳୀନ ପରିସ୍ଥିତି ସମୟରେ ଏକ ମାନସିକତା ବିକଶିତ ହୋଇଥିଲା ଯେ ଦଳ ଦେଶଠାରୁ ବଡ଼, ପରିବାର ଦଳଠାରୁ ବଡ଼, ବ୍ୟକ୍ତି ପରିବାର ଠାରୁ ବଡ଼ ଏବଂ ଜାତୀୟ ସ୍ୱାର୍ଥ ଅପେକ୍ଷା କ୍ଷମତା ଅଧିକ ଗୁରୁତ୍ୱପୂର୍ଣ୍ଣ। ଅପରପକ୍ଷରେ, ଆଜି ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ 'ରାଷ୍ଟ୍ର ପ୍ରଥମ "ର ବିଚାର ଲୋକମାନଙ୍କ ହୃଦୟରେ ଗଭୀର ଭାବେ ପ୍ରତିଧ୍ୱନିତ ହେଉଛି। ୧୯ ମାସ ଜେଲରେ ବିତାଇଥିବା ଗଣତନ୍ତ୍ରର ହଜାର ହଜାର ଯୋଦ୍ଧାଙ୍କ ସଂଘର୍ଷ ଯୋଗୁଁ ଏହି ପରିବର୍ତ୍ତନ ସମ୍ଭବ ହୋଇଛି। ଆଜି, ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ, ୨୦୪୭ ମସିହା ସୁଦ୍ଧା ବିଶ୍ୱର ପ୍ରତ୍ୟେକ କ୍ଷେତ୍ରରେ ଭାରତକୁ ଏକ ନମ୍ବର ସ୍ଥାନରେ ପହଞ୍ଚାଇବା ପାଇଁ ୧.୪ କୋଟି ଭାରତୀୟ ପ୍ରତିବଦ୍ଧତାର ସହ ପ୍ରୟାସ କରୁଛନ୍ତି ଏବଂ ସେହି ଲକ୍ଷ୍ୟ ଦିଗରେ ଦୃଢ଼ ସଂକଳ୍ପ ସହିତ ଆଗକୁ ବଢ଼ୁଛନ୍ତି।

HS