প্রধানমন্ত্রীগী লোইশঙ
প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা অহমেদবাদকী প্লেন কাইফমদা চৎথরিবা মতেং পাংবা অমসুং মী কনবগী থবক হন্না য়েংশিনখ্রে
দোক্তর পি.কে মিশ্রানা খুদোংথিবা নংলবশিং অমসুং ইমুং-মনুংশিংগা সিবিল হোস্পিতালদা উনখ্রে
লৈখিদ্রবশিং মশক খঙদোকপগী থবক য়াংশিন্নবা দোক্তর পি.কে মিশ্রানা ওফিসিএলশিংদা খঙহনখ্রে
Posted On:
15 JUN 2025 8:09PM by PIB Imphal
প্লেন কাইবগী থৌদোক মতুংদা ওইরক্লিবা ফিবম য়েংশিন্নবা ঙসি প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রা অহমেদবাদতা চৎখ্রে। মপুংফানা থিগৎতুনা য়াংনা মতেং পাংবগী থবক পায়খৎনবা অমসুং অৱাবা নংলবশিং অমসুং মখোয়গী ইমুং-মনুংশিং মতেং পাংনবা প্রধান মন্ত্রী শ্রী নরেন্দ্র মোদীগী পাউতাক অদু মহাক্কী খোঙচৎ অসিনা অমুক হন্না মপাঙ্গল হাপ্লে।
প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা মেঘানি নাগরদা লৈবা বি.জে মেদিকেল কলেজ ময়াদা প্লেন কাইফম হন্না য়েংশিনখি অমসুং মফম অদুদা রাজ্য সরকার, এয়রক্রাফ এক্সিদেন্ত ইনভেস্তিকেসন ব্যুরো অমসুং এয়রপোর্তস ওথোরিতি ওফ ইন্দিয়াগী সেনিয়ার ওফিসিএলশিংনা থৌদোক অদুগী মতাংদা অমসুং খুদক্ত পায়খৎলিবা থবকশিংগী মতাংদা পাউদমখি।
মহাক্কী অহমেদবাদকী সিবিল হোস্পিতালগী খোঙচৎ অদুদা, প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা অৱাবা নংলবা ইমুংশিংগা উনখি, দি.এন.এ সেম্পল মেতচিংগী থবকশিং য়েংখি অমসুং মপুংফানা মতেং পাংনবা থবকশিং পায়খৎনবা ওথোরিতিশিংদা পাউতাক পীখি। মহাক্না অশোকপশিংগশু ৱারি শানখি, মখোয় লায়য়েংবগী থবক মরুওইনা লৌনবা মহাক্না হোস্পিতালগী ওফিসিএলশিংদা পাউতাক পীখি।
গান্ধীনগরদা লৈবা ফোরেন্সিক সাইন্স লেবোরেতোরিদা দোক্তর মিশ্রানা দি.এন.এ সেম্পল লৌবগী থবক হন্না য়েংশিনখি অমসুং সাইন্তিফিক ওইনা চপ চানা পাংথোকপগা লোয়ননা য়াংনা মশক খঙদোকপগী থবক পায়খৎপগী তঙাইফদবা অদু তকশিনখি।
অহমেদবাদকী সর্কুইত হাওসদা মহাক্না লুচিংদুনা পাংথোকখিবা হন্না য়েংশিনবগী অৱাংবা থাক্কী মীফম অমদা, কেন্দ্র অমসুং রাজ্য সরকার, এয়রক্রাফ এক্সিদেন্ত ইনভেস্তিকেসন ব্যুরো অমসুং এয়রপোর্তস ওথোরিতি ওফ ইন্দিয়াগী সেনিয়ার ওফিসিএলশিংগা লোয়ননা হৌজিক চৎথরিবা মতেং পাংবা, মী কনবা অমসুং থিজিনবগী থবকশিং খন্নখি। এয়রক্রাফ এক্সিদেন্ত ইনভেস্তিকেসন ব্যুরোনা কুপ্না থিজিনবগী থবক হৌরে অমসুং এয়রক্রাফ অসি অমেরিকানা শাবা মরম্না মালেমগী চৎন-কাংলোনশিংগী মখাদা য়ু.এস নেসনেল ত্রান্সপোর্তেসন সেফতি বোর্দনা চপ মান্নবা থিজিনবগী থবক অমা পায়খৎলে। ফ্লাইত দেতা রেকোর্দর অমসুং কোকপিত ভোইস রের্কোদর ফংলে হায়না ওফিসিএলশিংনা লাউথোকখি।
দোক্তর মিশ্রানা হায়খি মদুদি অৱাবা তারবা ইমুংশিংদা পীবা য়াবা মতেং পীনবা প্রধান মন্ত্রীনা থাজবা পীখ্রে অমসুং এজেন্সি খুদিংমক শরুক য়াদুনা থবক মপুংফানা পায়খৎলি। প্রিন্সিপাল সেক্রেতরিগী খোঙচৎ অদুদা পি.এম.ওগী ওফিসিএলশিং প্রধান মন্ত্রীগী এদভাইজর শ্রী তারুন কাপুর অমসুং পি.এম.ওগী দিপুতি সেক্রেতরি শ্রী মঙ্গেস ঘিলদিয়াল শরুক য়াখি।
***
(Release ID: 2136542)
Read this release in:
Malayalam
,
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Kannada