ঙরাং জুন ০৬, ২০২৫ দা জেনেভাদা পাংথোকখিবা কা হেন্না শাবা মায়োক্ননবগী মতাংদা পাংথোকখিবা অখন্নবা মীফম অমদা প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা মালেমগী অৱাবা অমা ওইরিবা কা হেন্না শাবা থেংনবগী দরকার ওইবা অদু তকশিনখ্রে। হিরম অসিগী মতাংদা য়ু.এন সেক্রেতরি জেনেরেলগী ৱাফম পল্লদুনা, দোক্তর পি.কে মিশ্রানা হায়খি মদুদি শাবা হেনগৎলকপা অসিনা মীয়ামগী হকশেল, শেন-থুমগী ফিবম অমসুং মহৌশাগী অকোয়বদা খুদোংথিবা থেংনরি। অখঙবা লৌশিং শরুক য়ামিন্নবা, লমজিংবা অমসুং পুন্না থবক তৌমিন্নবগী মতাংদা মফম অমা ওইনা কা হেন্না শাবা থেংন্নবা কম্মন ফ্রেমৱার্ক অমগীদমক য়ু.এন.দি.আর.আরগী থবকশিং ভারতনা তরাম্না ওকখ্রে।

দোক্তর পি.কে মিশ্রানা হায়খি মদুদি প্রধান মন্ত্রী শ্রী নরেন্দ্র মোদীগী লমজিং মখাদা কা হেন্না শাবা মায়োক্ননবা অফবা অমসুং মীৎয়েং শানবা খোঙথাং অমা ভারতনা পায়খৎলে। ভরতনা অপুনবা ওইনা শেম-শাবা অমসুং থেংন্নবা লাল্লোংশিং পায়খৎলে। ২০১৬ দগী হৌনা, নেসনেল দিজাস্তার মেনেজমেন্ত ওথোরিতিনা কা হেন্না শাবা থেংন্নবা অপুনবা জাতি থাক্কী চৎন-কাংলোনশিং পুথোক্লে, মসি ২০১৯ দা অমুক হন্না শেমদোক্লে অমসুং মসিনা দিসেন্ত্রেল্লাইজ হিত এক্সন প্লান্স (ঐচ এ পি)গী য়ুম্ফম থোল্লে। অহমেদবাদ হিত এক্সন প্লান্না কমদৌনা ঙল্লিঙৈদা চেকশিনৱা পীগনি, এজেন্সিশিংগী মরক্ত মতেং পাংনবা অমসুং থৱায় কয়া কন্নবা মীয়ামগী থবকশিংগী মতাংদা তাক্লে।

মহাক্না মখা তানা হায়খি মদুদি নেসনেল দিজাস্তার মেনেজমেন্ত ওথোরিতিনা চেকশিনৱা, তেক্নিকেল অমসুং থবকশিংগী মতেং পীদুনা কা হেন্না শাবা রাজ্য ২৩ হেনবগী সহর অমসুং জিলা ২৩০ হেনবগী হিত এক্সন প্লানশিং থবক ওইনা পায়খৎলে। য়েংশিনবগী থবক, হোস্পিতালশিং থৌরাং তৌবা অমসুং মীয়াম ৱাখল তাহনবগী থবকশিং ফগৎলকপদগী কা হেন্না শাবদগী শিবা শিংথাবা য়ানা হন্থরে।

দোক্তর পি.কে মিশ্রানা হায়খি হেল্থ, এগ্রিকলচর, অর্বান দিবলপমেন্ত, লেবর, পৱার, ৱাতর, ইজুকেসন অমসুং ইনফ্রাষ্টকচর মিনিস্ত্রিশিংগা থবক তৌমিন্নদুনা ভারতকী থবক অসি সরকার অমসুং খুন্নাইগী অপুনবা থবক অমনি। হিত এক্সন প্লানশিং ফগৎহন্দুনা লমদম অমগী লৈঙাক্ত মতেং পাংবদা সরকারগী হকশেলগী লোয়শঙশিং, রিছার্স গ্রুপশিং, সিবিল সোসাইতি ওর্গনাইজেসনশিং অমসুং য়ুনিভর্সিতিশিংনা মরুওইবা থৌদাং অমা লৌরি। কা হেন্না শাবনা মীয়ামদা চাউনা চৈথেং ফংহল্লি অমসুং মসি থেংন্নবা ভারতকী চৎনবী অমসুং লমদম অমগী লৌশিং কয়া লৈজরি। লমচৎকী অহোংবা পুরকপা অমসুং অইং-অশা থেংনবগী মতাংদা অঙাংশিংদা তম্বীবদা স্কুলশিংনা মরুওইবা থৌদাং লৌরি। অথু-অকায়গী থৌদোকশিং থেংন্নবা অমসুং য়াংনা থবক তৌনবা হোস্পিতালশিং অমসুং প্রাইমারি হেল্থ সেন্তরশিং মপাঙ্গল কনখৎহনগদবনি।

দোক্তর পি.কে মিশ্রানা হায়খি মতম শাংনা কা হেন্না শাবা থেংন্নবা ভারতনা শেম-শারিবা থবকশিংগী মনুংদা য়ুমথক ইংনা থম্নবা তেক্নোলোজিশিং, অইংবা মফমশিং থম্বা, সহরদা উ থাবা অমসুং থায়নদগী লৈরক্লবা ঈশিং লৈবা মফমশিং অমুক হেন্না শেমগৎপা য়াওরি। সহরগী থৌরাং তৌবদা ভারতনা অর্বান হিত আইলেন্দ (য়ু ঐচ আই) এসেসমেন্তশিং য়াওহল্লে। কা হেন্না শাবা থেংন্নবা হৌজিক নেসনেল অমসুং স্তেৎ দিজাস্তার মিতিগেসন ফন্দশিং শীজিন্নবা য়ারে, মাঙজৌননা ঙাকথোক্নবা অমসুং থেংন্নবা প্রোজেকশিংদা লোকেল গর্ভনমেন্তশিং, লনাই কাংবু, এন.জি.ওশিং অমসুং লনাই মীওইশিং পুন্না শেন থাদমিন্নবা য়ারে।

দোক্তর পি.কে মিশ্রানা হায়খি হৌজিক মরুওইবা খুদোংচাদবা কয়া লৈরি অমসুং ঙন্না চেকশিনৱা পীনবা থবকশিং ফগৎনবা, খুদক্ত ফংবা দেতাদা য়ুম্ফম ওইরগা মফম অমগী হিত-হুমিদিতি ইন্দেক্স অমা শেমগৎনবা মালেমগী ওইনা মীৎয়েং অমা চঙগদবনি, তেক্নোলোজিশিং অমসুং ইংহন্নবা থবকশিং মমল হোংহনগদবনি অমসুং মফম অমগী নাৎ অমসুং চৎনবীশিংগা চুনবা ওইগদবনি অমসুং কা হেন্না শাবা অসিনা নুপীশিং, লমহাংদা থবক শুরিবা শিন্মীশিং, অহলশিং অমসুং অঙাংশিংদা কা হেন্না শোকহনবা মরম্না খুদোংচাবশিং মীওই খুদিংমক্ত ফংহনগদবনি।

দোক্তর পি.কে মিশ্রানা হায়খি অকনবা মৈশাশিং মফম কয়াদা থেংনরি অমসুং খুদোংথিনিঙাই ওই, মরুওইনা মী কুংনা তাবা সহরশিংদা খুদোংচাদে। মৈশা মায়োক্ননবগী মতাংদা তেক্নোলোজিগী মতেং পাংনবা, দেতা শরুক য়ামিন্নবা অমসুং অপুনবা ওইনা থিজিনবগী থবকশিং মালেমগী লৈবাকশিংনা হেনগৎহনগদবনি। ইন্সতিতুৎশিং অমসুং শেন-থুমগী মতেং পীনবগী মথক্ত, লৌশিং, থিজিনবা অমসুং থবকশিং ফংহন্নবা কম্মন ফ্রেমৱার্ক অমা শেমগদবনি।

দোক্তর পি.কে মিশ্রানা হায়খি মদুদি লৈবাক অসিনা মসিগী লৌশিং, তেক্নিকেলগী লৌশিং অমসুং ইন্সিতিতুৎশিংগী লৌশিং মালেমগী লৈবাকশিংদা শরুক য়ানবা অমসুং কা হেন্না শাবা থেংন্নবা মালেমগী ওইনা পুন্না থবক তৌমিন্নবা থৌরাং তৌরে।

****