প্রধান মন্ত্রীগী প্রিন্সিপাল সেক্রেতরী, দা. পি. কে. মিশ্রানা জুন 4, 2025দা জেনেভাদা দিজাস্তর রিস্ক রিদক্সন (DRR) ফাইনান্সিংগী মিনিস্ত্রীএল রাউন্দতেবলদা ৱা ঙাংখি। মহাক্না UNDRR অমসুং মসিগী পার্তনরশিংবু অসিগুম্বা মরুওইবা খন্ন-নৈনবগী থৌরম অসি পাংথোকপগীদমক থাগৎপা ফোংদোকখি। ভারতনা G20গী প্রসিদেন্সীগী খুত্থাংদা মালেমগী ওইবা দাইলোগতা ব্রাজিল অমসুং সাউথ আফ্রিকাগী কন্ত্রিব্যুসনশিংসু শকখঙখি।

দোক্তর. মিশ্রানা DRR ফাইনান্সিং অসি পেরিফরেল ইসু অমা নত্তে অদুবু নেস্নেল দিজাস্তর মেনেজমেন্ত সিস্তেমশিংগী ইফেক্তিব ওইনা মথৌ তৌহনবদা অমসুং ক্লাইমেৎ অমসুং দিজাস্তরগী রিস্ক হেনগৎলকপদা চাউখৎ-থৌরাংগী কান্নবশিং ঙাক-শেনবদা মরুওইবা অমনি হায়না ফোংদোকখি। DRRগী ফাইনান্সিং আর্কিতেকচর অসি মপাঙ্গল কনখৎপা অমসুং রেস্পোন্সিব ওইবনা রেসিলিয়েন্সকী য়ুম্ফম অমনি হায়না মহাক্না ভারতকী থাজবা অদু অমুক হন্না ফোংদোকখি।

DRR ফাইনান্সিংদা ভারতনা পায়খৎলিবা খোঙথাংশিং অদু পল্লদুনা মহাক্না হায়খি মদুদি অহানবা ফাইনান্স কম্মিসনশিংনা লুপা মিলিয়ন 60 (চাউরাক্না দোল্লর মিলিয়ন 0.7) পীখি। ঙসিদি, 15শুবা ফাইনান্স কম্মিসনগী মখাদা অপুনবা আউৎলে অসি লুপা ত্রিলিয়ন 2.32 (চাউরাক্না USD বিল্লিয়ন 28) হেনখ্রে।

দোক্তর. মিশ্রানা 2005গী দিজাস্তর মেনেজমেন্ত এক্তনা মতেং পাংদুনা, নেস্নেলদগী স্তেত অমসুং দিস্ত্রিক্তকী থাক্তা হান্নদগী লেপখ্রবা, রুলদা য়ুম্ফম ওইবা এলোকেসনগী মরুওইবা অদু ফোংদোকখি। মহাক্না হায়খি মদুদি ত্রান্সফোর্মেশন অসিনা দিজাস্তর ফাইনান্সিং অসি রেএক্তিব ওইবগী মহুত্তা স্ত্রকচর তৌরবা অমসুং প্রেদিক্তেবল ওইহন্নবা হোৎনখি।

মরুওইবা প্রিন্সিপল মরিদা য়ুম্ফম ওইবা ভারতকী DRR ফাইনান্সিং এপ্রোচ অদু পল্লদুনা, শ্রী মিশ্রানা হায়খি অহানবদা, শেম-শাবা, মিতিগেসন, রিলিফ অমসুং রিকোভরীগীদমক দেদিকেতেদ ফাইনান্সিং ৱিন্দোশিং। অনিশুবদা, শোকহল্লবা মীওইশিং অমসুং খুদোংচাদবা ফীভমদা লৈবা কম্ম্যুনিতীশিংগী মথৌ তাবশিংবু মরুওইনা লৌবা। অহুমশুবদা, সেন্ত্রেল, স্তেৎ অমসুং লোকেলগী লৈঙাক্কী থাক পুম্নমক্তা শেন-থুমগী রিসোর্সশিং ফংহনবা। মরিশুবা প্রিন্সিপলদি একাউন্তেবিলিতী, ত্রান্সপরেন্সী, অমসুং কান্নবা ফলশিংনা চাদিং পুম্নমক লমজিংবনি।

দোক্তর. মিশ্রানা হায়খি মদুদি দিজাস্তর রিস্ক ফাইনান্সিং অসি ইন্তর্নেস্নেল কোওপরেসন্না মতেং পাংশিনবগা লোয়ননা লৈবাক অমনা মপু ওইগদবনি অমসুং লমজিংগদবনি। লৈবাক খুদিংমক্না মাগী সিস্তেম অসি মাগী গভর্নান্স ফ্রেমৱার্ক, ফিস্কেল কন্তেক্স, অমসুং রিস্ক প্রোফাইলদা চান্নহনগদবনি, গ্লোবেল বেঞ্চমার্কশিং অমসুং গাইদলাইনশিং অসি মরু ওইনা লৌগদবনি।

পব্লিক ফাইনান্সকী মথক্তা তোঙান-তোঙানবা ফাইনান্সিএল ইন্সত্রুমেন্তশিংগী তঙাই ফদবা অদু খঙলদুনা মহাক্না হায়খি মদুদি রিস্ক পুলিং, ইন্সুরেন্স অমসুং ইন্নোভেতিব ফাইনান্সিএল ইন্সত্রুমেন্তশিং অসি লোকেল এফোর্দেবিলিতী অমসুং ফিস্কেল সস্তেনেবিলিতীগা চান্ননা শেমগৎকদবনি।

মালেমগী থাক্তা, দোক্তর মিশ্রানা মরুওইবা অশোয়বা অমা খঙদোকখি: DRR ফাইনান্সিং সিস্তেমশিং লিংখৎপা অমসুং মপাঙ্গল কনখৎহনবদা মতেং পাংনবা অখন্নবা ইন্তর্নেস্নেল ফাইনান্সিং মেকানিজম লৈতবা। মহাক্না য়ুনাইতেদ নেসন্স সিস্তেম অমসুং মল্তিলেতরেল ফাইনান্সিএল ইন্সতিত্যুসনশিংনা শৌগৎলিবা গ্লোবেল ফেসিলিতী অমা শেম্নবা হায়খি, মসিনা কেতালাইতিক ফন্দিং, তেক্নিকেল এসিস্তেন্স অমসুং লৌশিং এক্সচেঞ্জ তৌনবগী প্লেৎফোর্ম অমা পীরগনি।

ভারতনা মিনিস্ত্রীএল রাউন্দ তেবলদা অপাম্বা ফোঙদোকপগী মথক্তা মপাঙ্গল কনবা, অকক্নবা মতমদা ফলশিং পীবা ঙম্বা ওইহন্নবা হায়খি। দোক্তর. মিশ্রানা ভারতনা লুচিংবা অমসুং লৈবাক শীনবা থুংনা পায়খৎপা অমসুং মালেমগী থাক্তা মতেং পাংলিবা DRR ফাইনান্সিং ফ্রেমৱার্ক অমা শেমগৎপদা মতেং পাংনবা ভারতকী অচেৎপা ফিরেপ অদু অমুক হন্না ফোংদোকখি।

🇮🇳 Principal Secretary to PM delivered India's statement at #GPDRR2025 Geneva, showcasing the world's largest nationally anchored #DRR financing system.

Called for concrete, time-bound outcomes, and creation of a global facility for catalytic funding, technical assistance &… pic.twitter.com/Q3SZ2pVn7L

— India at UN, Geneva (@IndiaUNGeneva) June 4, 2025

🇮🇳🇰🇪 Principal Secretary to PM meets Cabinet Secretary @kipmurkomen of Kenya on the sidelines of #GPDRR2025 Geneva.

Productive discussions on strengthening India-Kenya cooperation in various areas, including disaster risk reduction, sharing best practices in DRR, and building… pic.twitter.com/52CWaJPm0n

— India at UN, Geneva (@IndiaUNGeneva) June 4, 2025

***